عناوين المكاتب لتحويل الاموال من العراق لامريكا ...يا ريت باسرع وقت ممكن

[سلاما للعراق]

مساء عافية الاخلام

الرجاء من الاحبه اخباري بعناوين مكاتب تحويل الاموال من بغداد لامريكا...خاصة التي تكون سريعه في تحويل النقود

اتمنى الاجابه العاجله لاني في امس الحاجه لهذه المعلومات

سلمتم لاخيكم سلاما

وووووووسلاما للعراق

[angie-dawood]

Aram2003 في فبراير 18, 2010, 10:05:25 am
--------------------------------------------------------------------------------

عزيزي المستفسر
كل التحويلات سواء كانت عن طريق المكاتب اوعن طر يق مصارف اهلية مثل الوركاء او مصرف بغداد الاهلي يكون عن طريق الويسترن يونين
والمكاتب تاخذعمولة اكثر من المصارف
انا كان عندي حساب من مصرف الوركاء وتصل المبالغ لحسابي مباشرة من امريكا عليه حاول ان تتصل ولو بالنترنيت
http://www.warka-bank.com/
اسال عن كيفية تحويل المبلغ ويمكن متابعة الحوالة حتى عن طريق الانترنيت
المصارف اامن من المكاتب لان هناك قصص حدث مع المكاتب ....الخ

[ابو الحسن]

عمي السلام عليكم اغاتي
اتشرف انه ممكن اكدر ارد واكتب في ساحة العزيز سلاما للعراق
عمي الارخص من ويسترن هو
moneygram
وعنده فروع بالكرادة والمنصور وزيونة
والله يسهل امر الجميع
ابو الحسن
60 ساعة للسفر

[angie-dawood]

بغدادي76:
أخوان الي يريد عنوان الويستر يونين في بغداد فهو شركة الطيف , كرادة داخل , اول ماتجي تدخل كرادة داخل من الأربعة وأربعين حرامي - مو اول فرع على اليمنه ثاني فرع تدخل 50 متر تلكي شركة الطيف على اليمين, تدخل جوه تسلم الموبايل وتكله جاي على الويستر يونين.
تاخذ وياك جواز السفر مالتك , او استنساخ + رقمين مال تلفون + عنوانك (العنوان بدون تفاصيل - بس اسم المنطقة).
الويستر يونين مريح وسريع _ التحويل يتم بنفس اللحظة , وحتى مبلغ التحويل قليل, من 100 إلى 500 = 10 دولارات ومن 500 إلى 1500 = 20 دولار  حسب ما أتذكر , لكن يا أخوان المشكلة مو بعمولة التحويل, آني اكتشفت انو يكسرون الواحد بسعر الصرف , خاصة انو المبلغ الي حيستلموه حيكون بعملة البلد الي حيتم بيه الإستلام , وسعر الصرف مالتهم مامريح.

alwismy:
الرجاء التوضيح من الاخوان

يعني شنو الاحسن والاسلم يبعث الواحد على الويسترن يونيون ولا على حسابه بالبنك عن طريق swift code للاستلام في امريكا ؟

لان عندي احد الاصدقاء حاب يبعثلي مبلغ اشتريله غرض من امريكا ومحتار شلون يبعثلي المبلغ

وهل اذا يبعث المبلغ لحسابك البنكي مباشرة او عن طريق الويسترن بونيون يؤثر عليك ؟
 
ياريت اللي عنده معلومة واضحة يفيد بيها الجميع


اخوكم
alwismy

a7med86:
السلام عليكم

والله يا اخوية اني اكول خلي يبعث الفلوس عل ويسترن يونين واني جربتة لان قبل اسبوع اخوية دزلي مبلغ 900 دولار وكانت العمولة 20 دولار دفعها من امريكا ومن دا استلمها اخذو منني عشر الاف دينار عراقي

اما بنسبة للتحويل من العراق الى امريكا فهذا ممنوع لان اني قريت تعليمات من رحت للمصرف ان ممنوع التحويل من العراق الى امريكا وفلسطين وافغانستان

تحياتي

stswan:
مرحبا


رمضان مبارك وكل عام وكل العراقيين بخير

اخوان اني ردت احول عن طريق الموني كرام على اساس انو ارخص ومكاتب الاستلام موجودة بكل فروع الوول مارت بس ورة ما سالت لكيت انو الموني كرام من بغداد الى اميركا اغلى من الويسترن يونيون(يعني عكس العالم)  لذلك حولت عن طريق الويسترن يونيون من المنصور شارع 14 رمضان اكو مكتب مال شركة العربية لتحويل الاموال بس مو نفس مقر الشركة لكن مكتب صغير قرب مصرف بغداد خاص بتحويل الويسترن يونيون العمولة عن كل الف دولار ياخذون 67 دولار واذا 2000 دولار ياخذون 100 دولار وكل ما يزيد المبلغ تقل العمولة واكثر شي تكدر تحول مبلغ ...7$ والتسليم خلال ساعتين عن طريق مكاتب باميركا تكدر تطلع اقرب مكتب الك عن طريق ادخال اسم الولاية وال ZIP CODE  على موقع الشركة بس ابو المكتب ببغداد ورة ما نطاني كود الاستلام كلي اذا سالوا المستلم خل يكول تم تحويل المبلغ من عمان واحيانا ينطوك TEXT QUESTIONويطلبون الجواب من المستلم وكل اللي تحتاجة هو نسخة من جواز المرسل اليه مع العنوان ونسخة من جوازك وعملية الاستلام كانت سهلة جدا وبدون اي تاخير اما اللي يريد يحول من الكرادة الشرقية فاكو مكتب قرب الجسر المعلق يحول الويسترن يونيون وبعمولة 65 $ لكل 1000 $

شمس

[سلاما للعراق]

شكرا لاختي المجيبه على  سرعة ردك

واشكرك ايضا على اطلاعي على خبرات الاخوه الاعزاء

وووووسلاما للعراق

[سلاما للعراق]

الغالي ابو الحسن

يشرفني ان تضيء كلماتك في اي مكان اتواجد فيه

سلمت يا غالي

ياريت اذا تعرف عنوان الشركه بالمنصور اكون ممتنا لك

سلمت لي

وووووسلاما للعراق

[angie-dawood]

موقع نادي الصيد

وانت جاي للمنصور من جهة معرض بغداد الدولي شارع المنصور الرئيسي بعد متعبر الريسز اكو مصرف الرافدين فرع المنصور مقابله اكو شارع الاميرات!!! رح تفوت بي وتوصل للنادي وبوابة الدخول كلهم عندي غراض شحن رح يفوتوك وتبقى شلون توصل المكتب من داخل النادي هاي تبقى تمشي وتسال الى ان تلكي ودوامهم من ساعة 9 الى ساعة 3


07901108794

mansuor.sales@dhl.com
شمس

[ابو الحسن]

اغاتي عمي العزيز
هاي فروع بغداد للموني جرام
KARADA
BAGHDAD,

7901904864
Mon-Thu 09:00-16:00
Fri 00:00-00:00
Sat-Sun 09:00-16:00
View Map

 
ASHUR INTERNATIONAL BANK
Available Services :
-    Send money
-    Receive Money
KARADA M
BAGHDAD, 0

9647901110081
Mon-Thu 08:00-15:00
Fri-Sat Closed
Sun 08:00-15:00
View Map

 
ICE ALGDAQ -AL MUNA
Available Services :
-    Send money
-    Receive Money
ALNASER CIRCLE
BAGHDAD,

7901904864
Mon-Thu 09:00-14:00
Fri 00:00-00:00
Sat-Sun 09:00-14:00
View Map

 
AL GHAZAL RIYADH OFFICE
Available Services :
-    Send money
-    Receive Money
KARADA MAKIYA BUILDING
BAGHDAD, 0

96417197287
Mon-Thu 09:00-20:00
Fri Closed
Sat-Sun 09:00-20:00
View Map

 
AL GHAZAL
Available Services :
-    Send money
-    Receive Money
33
BAGHDAD, 0

07703947010
Mon-Thu 09:00-20:00
Fri 00:00-00:00
Sat-Sun 09:00-20:00
View Map

 
ALBARAKA - BAGHDAD
Available Services :
-    Send money
-    Receive Money
ALSADON STREET
BAGHDAD,

7901920647
Mon-Thu 09:00-14:30
Fri 00:00-00:00
Sat-Sun 09:00-14:30
View Map

 
ALROWAD EXCHANGE
Available Services :
-    Send money
-    Receive Money
ARASSAT ALHUNDIA
BAGHDAD, 11118

96417762914
Mon-Thu 08:00-18:00
Fri Closed
Sat-Sun 08:00-18:00
View Map

 
ALSHOOL BANKING SERVICES
Available Services :
-    Send money
-    Receive Money
VICTORY BASE CAMP
BAGHDAD, 0

9647701591111
Mon-Sun 08:00-18:00
View Map

 
ALSHOOL BANKING SERVICES
Available Services :
-    Send money
-    Receive Money
MINI SHOP VBC
BAGHDAD, 0

9647901112910
Mon-Sun 11:00-23:00
View Map

 
AL GHAZAL SAFUN EXCHANGE
Available Services :
-    Send money
-    Receive Money
ZAYOUNA BESIDE BLUE SKY
BAGHDAD, 0

9647901470329
Mon-Thu 09:00-20:00
Fri Closed
Sat-Sun 09:00-20:00

[سلاما للعراق]

شكرا جزيلا

وووسلاما للعراق

[سلاما للعراق]

اغاتي ابو الحسن مثلما يقول استاذنا الجليل ابو دجله

كفيت ووفيت...دايم وانتظر تلفونك من توصل باذنه تعالى

ووووووووووسلاما للعراق

[أبــو دجـــلة]

السلام عليكم

أغاتي الجليل .. ســــلاماً للعراق

تحياتي .. مرحى بــ اللبيب ومرحباً بـــ الأديب .. أنرت الدوامس دوماً
وها اليوم تطلب بعض الوهج .. ونحن لكم بـــ الخدمة
عن تجربة مستمرة .. أكتب عناوين بعض المكاتب لـــ تحويل المال

الطيف للتحويل المالي
بغداد - الكرادة - ساحة كهرمانة - كرادة داخل - الفرع الثاني على اليمين - بناية الطيف هـ 07704447250 - 07901140809

الطيف للتحويل المالي
بغداد - الكرادة - ارخيته - قرب مرطبات كشمشة هـ 07704447270 - 07904338131

الطيف للتحويل المالي
بغداد - الكاظمية - بداية شارع المراد - مجاور حسينية الصدر هـ 07704447254 - 07801882863

الطيف للتحويل المالي
بغداد - جميلة الصناعية - شارع المعامل - قرب معمل فرندو هـ 07704447253 - 07906503268

الطيف للتحويل المالي
بغداد - بغداد الجديدة - قرب تقاطع البريد - بناية الجواري هـ 07704447251 - 07810367040

الطيف للتحويل المالي
بغداد - الشورجة - سوق الشورجة - دربونه المعارض هـ 07704447280 - 07902402206

الطيف للتحويل المالي
بغداد - المشن - مجمع المشن التجاري - مجمع عبد كافل حسين هـ 077704447252 - 07709600611

الطيف للتحويل المالي
بغداد - شارع النهر - مجمع نوري عبد الرزاق - خلف البنك المركزي هـ 07704447255 - 07707897003

مع العلم أتعامل مع بعض هذه المكاتب منذ سنة ونصف
تمتاز بسرعة وصول الحوالة ( حوالي ساعتين )
ولكن الأهم .. كتابة رمز الولاية ضروري جداً
الشكر الجزيل لــ شخصكم النبيل لــ ذكر أبـــو دجــــلة
مع تقديري

أخوكم .. أبـــو دجــــلة

**

[سلاما للعراق]

اغاتي كبير القلب والروح ابو دجله

اعظم سيرج قدمته لي ...انا لست ممنونا فحسب ...بل اقبل وجنتيك النديه بالخير

ووووووووسلاما للعراق

[heart_0f_baghdad]

اذا تريد شي رسمي فمثل ماكالو الاخوان من ويسترن يونيون
بشارع 14 رمضان بالتقاطع اسمه مكتب الهودج مجربه ودائما ادز بي
ياخذون عل 1000$ 60$
صحيح هو غالي بس مضمون مايريدون منك شي مجرد بطاقه تعريفيه ورقم تلفونك حتى يدزولك الكود

اما اذا مكتب اهلي فعندك بتقاطع الرواد اكو مكاتب صيرفه كلها تحول لامريكا وبنسبه عموله اقل

[heart_0f_baghdad]

ونسيت اكول مصرف الوركاء وقف عمليات التحويل على الويسترن يونيون

[فداء الروح]

سمعت وسترنيونين متوقف الي بلسيمانية اكو هيج شي ؟

[طوطي]

زين اريد اعرف اذا احد حوللنا فلوس من العراق مبلغ مثلا 5000 دولار عن طريق الويستر يونيون هل هذا ياثر  على المساعدات الحكومية مثلا على الفود ستامب او غيرهة بحجة انو اكو احد يدزلنة فلوس لو مراح ياثر

[ibnbaghdadinsyria]

السلام عليكم ورحمة الله وبركاته

لي صديق سافر وهو مديون الى اقاربه اخذ مبلغ من المال معه لكي يحتفظ به هناك على سبيل حساب اسوء الامور وهو الان بخير واموره تمام هل يستطيع استخدام نفس المكاتب لكي يعيد المال الذي استلفه ولم يستخدمه الى صديقه دون ان يؤثر عليه وعلى مساعداته ؟؟

اخوكم ابن بغداد في سورية

[Fruedd]

مساء الخير
الى الاخت انجي وبقية الزملاء المحترمين

انا من المتابعين للمنتدى منذ عام 2009. هناك بعض الفائدة للعراقيين المغتربين

ارجو وكما تعود الكثير ان يراه منك من محبة وعطف ورعاية الى اخوانكم واخواتكم في امريكا ارجو ان تساعدوني في هذ المسالة
يود اهلي ارسال مبلغ مالي الي واريد ان اعرف ماهي الاجراءات السليمة لتحويل المبلغ من العراق الى امريكا. وهل علي ابلاغ دائرة الضريبة. وكم هو مبلغ الضريبة. وماهي الوثائق الواجب تسليمها ولمن من اجل اثبات اصل المبلغ المالي.
علما ان ها الموضوع قد تمت مناقشته في المنتدى. ولكن لم اجد اجوبة محددة لسؤالاتي
احتراماتي
المخلص
Fruedd