المحرر موضوع: طاح .. الصنـَم ..  (زيارة 790 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 766
    • مشاهدة الملف الشخصي
    • البريد الالكتروني
طاح .. الصنـَم ..
« في: 21:38 09/04/2021 »
طاح .. الصنـَم ..
ميسون نعيم الرومي
 
ماكو ظلم .. طاح الصنم - اتحقق املنه والحلم
اعلگنه شـموع النذر– طشينه مسـقول او لـُقم
افرحنه فرحه امن العمر – ديمقراطي صار الحكم
والگـلب غـَـنـَّه وابتـِشـَـر– ماكو حرب جانه سلم
هـَـلهلنه وافرحنه فرح! – عالي رفعناه العلم
وابلحظه .. كلشي انگلب – ثاري الرسم موش الرسم
طلقوا اللحيه والشنب – لفـَّـت عمايمهه زلم
نسوان شفنه اتگبعت ! – ماندري شنهي الفلم !!
ثاريهه عدَّه للشغل – واعراقنه كلـَّه انهجم
ألف مليار اتفرهدت – مبروك حصتنه لطم !!
بلوه ابتلينه ياوطن – بغداد يحكمهه عجم
طاح الصنم طاح الصنم
----------------------------------------------
اهديها الى من تروق له
بمناسبة مرور 18 عام
على سقوط النظام السابق
-----------------------------------------------
ســـــــــــــــــــــتوكهولم
9 / نيسان / 2021