المحرر موضوع: ياگلب .. كافينـَه  (زيارة 135 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 719
    • مشاهدة الملف الشخصي
    • البريد الالكتروني
ياگلب .. كافينـَه
« في: 17:06 26/04/2021 »
ياگلب .. كافينـَه
ميسون نعيم الرومي
شبعونـَه بچي ..
والروح تبقه حنينه
وك غمك يا گلب ..
ليوين عنده رهينه !
***
دومك رچيچ اوتحن ..
ياگلب كافينه
لاتيأس اولا تهده ابد..
بالضيم ساگينه
***
غربه اوبعيد الدرب ..
والشوگ چاوينه
العين تربي اوما تمل ..
 والوكت ناسينه
***
تعبنه هذا الوكت..
 بلوات بالينه
هانت نگول اوننتظر..
والفرج چا وينه ؟
***
مشتاگه روحي تـِـرِف ..
للنخله والتينه
الدجله وعذيبي يهب ..
الدهلته اوطينه
***
للناي واللحن الشجي ..
عاشگ أنه اونينه
الگعداتنه اوطيبة هلي ..
 يا حلم ودينه
***
ياما گعدنه سوه ..
والحان غنينه
الغيبه طالت تره ..
وانصاف ملگينه
***
بطل رفيف او بس بعد ..
 ياگلب تاذينه
راحن اسنين العمر..
 يا روحي ما بينه!!
***
ضعنه ابمتاهات الزمن ..
الزين والعينه
اتطشر عقدنه انفرط ..
يا دنيه لمـّـيـنـَه..
-( بـَغـداد) .. لمـّـيـنـَه
----------------------------------------
22 / نيسان /2021
ســـــــــــــــــتوكهولم