المحرر موضوع: اوجوه الكالحه  (زيارة 145 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 722
    • مشاهدة الملف الشخصي
    • البريد الالكتروني
اوجوه الكالحه
« في: 17:53 09/05/2021 »
اوجوه الكالحه
ميسون نعيم الرومي
الطهران شغله خزمچي – للشعب يوعد بس حچي
لاشفنه منـَّـه فد عمل – عَ الكرسي لازگ مرتچي
ايشكل لجان اوفرحان – مابيه خير اليرتجي
ينقل رسائل واخبار – للجاره صاير بوستچي
(يتقاسم اوربعه) الوطن – امكيف اوگاعد منتچي
تتكرر اوجوه الكالحه – سافل عميل اكلاوچي
صايع اوضايع بالدول – يحلم ابشغلة سفرچي
التموا علينه أشكال – قصتنه قصه تنحچي!
دجلتنه باعوه اوفرات – نشكيهم المن نرتجي؟
أهوار تصرخ تحتضر – وين الينقذچ يجي؟
ابكل عام ينعاد اوسنه – للحنطه حرگ الينبچي
نصه اله اونصه اله – احسن البيهم سختچي
لا علم عدهم لا فهم – يصلح الواحد (چشمچي)-
تهريب تزوير اونهب – اشتغلوا شغل ما ينحچي
ملايه دلاله قسم – صارن (هوانم) حچي
جوعان عريان الشعب – شابع لطم شابع بچي
--------------------------------------------------
ســـــــــــــــــتوكهولم
8 / آيار / 2021