المحرر موضوع: طايـح حايـطـْـنـَه اومـَــربـود  (زيارة 331 مرات)

0 الأعضاء و 1 ضيف يشاهدون هذا الموضوع.

غير متصل ميسون نعيم الرومي

  • عضو فعال جدا
  • ***
  • مشاركة: 740
    • مشاهدة الملف الشخصي
    • البريد الالكتروني
طايـح حايـطـْـنـَه اومـَــربـود
ميسون نعيم الرومي
لا بـي نَـفـْع ... لا بـي فـود ـ طايـح حايـطـْـنـَه اومـَــربـود
نـوّاب اوتـكـرف واتـمـَـلـْيـِـن ـ امْــكـَـرّش واحـدهـم مَـلغـود
إهـدَمـْـتـوا (البـنـيـَـه الـتـحتـيـّـه) ـ ماظل عالم .. ما .. موجود
جوعان الشعب اوساكت ـ امخـَيـطـينـَه الحَلگـَه اومَسـدود
ريسنه :- اتهـَـدّه اشويه ـ لا تـنـْـسـَـه اوتعبر لحدود
اشـمـالك (تتصور) مهووس؟ ـ اتفتش ع المجد المَوعـود؟
لا توعد ! ع الناس اتچذب ـ لعلام الغشك ما محمود
ابچذباتك وامصدگ فرحان – امقشمر روحك يا مگرود
علگلك خرزه اوسبع اعيون ـ خافَـنـَّه ايـحـسـدَك حـاسـود
ريشك نافخ چن طاووس – مسؤول ابجرم المشهود
لحزاب اتقودك وامكيف - لازگ ع الكرسي المنكود
حسبالك تفلت شعليك ؟؟ – الأول انت ! اوللدوله اتقود
احسبهه اوفك عينك..إصحه – وصلوك الدرب المسدود
تاريـخ اقـراه اتمعن – ماتـلحگ تعـبـر الحـدود
تتركب كلهه ابـراسـك – واتصير انت المصيود
لا بـي نَـفـْع اولا بـي فـود ـ طايـح حايـطـْـنـَه اومـَــربـود
------------------------------------------------------------
ســــــــــــــــــــــتوكهولم
2/تموز/2021