المنتدى الثقافي > زاوية الشعر الشعبي

يالثـوبـَـك احـمـَـر

(1/1)

ميسون نعيم الرومي:

يالثـوبـَـك احـمـَـر

ميسون نعيم الرومي

يالثوبك احمر وامشجر– يالتمشي اوتتغنج يمعدل
اعيونك سوده امكحله – يحليو امذبـَّـل يمهيل
ابسدك شمس اولاذت – لنجوم ابجيدك تتختل
قـداح اوعنبرعطرك - والغمزه البالخد تكتل
***
تتمرجح ترچيه اعله الخد – واتبوس الشفـَّـه اوتتغزل
بشفافك ورد الجوري – والناس ابحسنك تتأمل
والصدر الچنه المرمر – اشمحلاه الشـَـعـْر امهـَدَّل
ياللابس أخضر وامقلم – يالحچيك موزون امكمل
***
يالمايع چنك رطبه – طبعك هاليوم اتبدل
اشرايد يالتمشي ابدربي؟ – ابعد لاتگرب يمدلل
تجفي اوتغدر تتعذر – اعذار اهوايه امشكل
يالثوبك ماوي امقفل – يالتمشي اوتتماوع  يمصنصل
--------------------------------------------------
12/آب/2021
ســــــــــــــتوكهولم
 

تصفح

[0] فهرس الرسائل

الذهاب الى النسخة الكاملة