ܢܘܟܪܝܘܬܐ ܘܗܝܵܝܘܼܬܐ

[مريم نزارحنا]

ܢܘܟܪܝܘܬܐ ܘܗܝܵܝܘܼܬܐ

ܡܪܝܡ ܢܙܐܪ ܚܢܐ ܕܝܪܝܐ
ܒܓܲܘ̣ ܐܘ̣ܪܚܝ ܗܘܵܢܝ ܗܘܐ̣ ܪܚܵܫܵܐ ܐܠܐ  ܠܵܐ ܝܲܕܥܵܢ ܠܐܝܼܟܵܐ، ܝܬܒܼ̣ܠܝ ܥܠ ܟܘܼܪܣܝܵܐ ܒܓܢܬܵܐ،  ܦܨܝܼܚܬܐ ܘܬܡܝܼܗܬܐ ܒܫܘܦܪܐ ܕܒܪܝ̣ܬܵܐ ؛ ܘܒܗܝ ܥܕܢܐ ܬܦܸܩܠܝ̣ ܒܚܕ ܢܘܼܟܼܪܵܝܵܐ، ܘܟܕ ܩܪܒܼܠܸܗ ܕܒܵܩܹܪ ܠܝ̣ ܠܗܝ̣ܵܝ̣ܘܼܬܝ̣ ܘ ܝ̣ܨܝܼܦܘ̣ܬܝܼ ܒܝܵܗܿ ܒܲܕܡܘܬ ܢܛܪܬܝܼ ܠܕܝܼܠܝܘܼܬܝܼ ܐܦ ܓܘ̣  ܢܘܼܟܼܪܵܝܘܼܬܼܵܐ؟
ܠܐ ܝ̣ܕܥܠܝ̣ ܡܵܐ ܐܡܪܸܢܝ ܠܹܗ .. ܫܬܩܠܝܼ ܘܐܢܐ ܨܠܡܘܼܢܗܿ ܒܗܵܘܢܝ̣ ؛ ܘܚܫܐ ܨܦܵܚܐ ܠܒܝܼ ؛
ܟܕ ܝ̣ܠܵܗ ܚܝ̣ܘ̣ܬܵܐ ܕܒܢܝ̣ ܥܡܢ ܓܵܘ̣ ܢܘܼܟܼܪܵܝܘܼܬܼܵܐ ܠܐ ܐܲܝܟ̣ ܝܼܗܘܵܘ ܐܒ̣ܵܗܢ ܚܵܝܐ ܒܐܬܪܐ ܘܐܵܢܝܼ̈ ܓܡܝܪ̈ܐ ܒܚܘܒܐ ܘܝ̣ܘ̣ܠܦܵܢܵܐ ، ܛܥܝܼܢ̈ܐ ܠܸܡܫܝ̣ܚܵܝܘ̣ܬܵܢ ܘ ܬܲܫܥܝ̣ܬܵܢ ܓܒܵܪܬܵܐ، ܗܵܕܐܝܟ̣ ܘܵܠܐ ܕܚܝܵܟ .
ܫܘܪܐܠܗܘܢ ܨܦܪ̈ܐ ܕܗܘܼܢܝܼ ܫܪܕܐ ،ܘܐܢܝ̈ ܚܙܵܝܐ ܟܡܵܐ ܚܝ̣ܘ̣ܬܵܢ ܨܵܘܒܐ ܕܚܫܟܵܐ ܒܐܙܵܠܵܐ ܝ̣ܠܗܿ، ܘܠܗܝܼܵܝܼܘ̣ܬܵܢ ܒܸܢܫܵܝ̣ܵܐ ܝ̣ܠܗ!!
ܠܵܐ ܫܝܼܢܵܐ ܘܠܵܐ ܒܲܫܠܵܡܵܐ ܐܝܬ ܒܲܝܼܢܬܼ ܥܲܡܵܢ ؛ ܐܠܐ ܐܝܬ ܟܘܬܫܐ ؛ ܟܘ݂ܬܵܫܐ ܕܡܠܵܐܟܐ ܘ ܣܛܵܢܐ ؛ ܡܲܪܥܹ̈ܐ ܘ ܟܘ݂ܪܗܵܢܹ̈ܐ؛ ،،،
ܠܵܐ ܗܘܚ ܩܪܵܝܼܵܐ ܠܬܲܫܥܝܼܬܵܐ ܕ ܐܘܡܬܵܢ ؛ ܗܝܼ ܕܝܗܒܼܠܵܗ ܐ̤ܣܵܐ ، ܠܝ݂ܘܡܵܢ ܘܠܡܲܪܕܘܼܬܐ ܘܲܠܚܘܼܕܵܬܼܹ̈ܐ ܘ،،،
ܥܠܝ݂ܡ̈ܢ ! ܡܘܬܘܸܗܠܗܘܢ ܟܬܝ݂ܼܒܼ݂ܵܬܲܢ ܘܙܕܩܹ̈ܢ ؛ ܘܫܒܼܪܹ̈ܢ ܕܠܐ ܕܥܬܝܕ ܦܝܵܫܐ ؛ ܠܐ ܦܝܼܫ ܚܘ݂ܒܵܐ ܠܡܪܕܘܼܬܵܐ ؛ ܘܠܐ ܦܝ̣ܫ ܚܘ݂ܒܵܐ ܠܬܫܥܝܼܬܐ ܘܐܦ ܠܐ ܠܫܵܢܵܢ ܣܘܼܪܝܼܵܝܼܵܐ - ܠܸܫܵܢܵܐ ܕܝܼܡܵܐ ؛ ܥܕܡܐ ܕܥܲܠܝܼܡܵܢ ܠܵܐ ܝܵܕܥܝܼ ܕܟܬܵܒܼܝܼ ܫܡܝ̣ܗܹܘܢ ؛ ܘܐܢܝܼ̈ ܓܒܵܝܐ ܠܐܘܪܚܵܐ ܠܵܐ ܬܪܝܸܨܬܐ ܘܒܵܣܝܼܡܬܵܐ؛ ܠܡܸܢܕ̈ܝܵܢܹ̈ܐ ܠܵܐ ܡܘ̣ܬܪܵܢܹ̈ܐ ܘ ܫܲܪܝܼܪܹ̈ܐ ܝܠܵܦܐ ܡܢ ܢܘܿܟ̣ܪܵܝ̈ܐ ؛ ܘܒܬܪܝܗܘܢ ܪܚܵܫܵܐ ؛ ܒܥܪܵܩܵܐ ܝ̣ܠܗܘܢ ܘܠܵܐ ܚܵܙܵܝ̣ܵܐ ܠܦܫܝ̣ܛܘ̣ܬܵܐ ؛ ܘܡܢܕܝ̣ܵܢܹ̈ܐ ܛܵܒܹ̈ܐ ܐܝ̣ܟ ܕܐܝܬܗܘܘ ܠܘܵܬ ܐܒܼܐܝܝ̈ܗܘܢ ؛ ܠܡܵܢ ܝ̣ܠܗ ܠܵܘ̣ܡܵܐ ؛ ܠܥܝ̣ܕܬܐ ܝܲܢ ܠܙܒܼܢܵܐ ؟ ܠܝܸܡܵܐ ܘ ܒܵܒܵܐ ܝ̣ܵܢ ܠܥܠܝ̣ܡ̈ܢ؟ ܠܡܢ ،،، ܠܡܢ ؟؟؟
ܘܟܕ ܡܘܪܡܠܝܼ ܪܝ̣ܫܝ̣ ܕܚܵܙܝܵܢ ܠܗܵܘ̣ ܢܘ̣ܟ̣ܪܵܝ̣ܵܐ ؛ ܐܸܠܐ ܠܐ ܚܙܵܐܠܝܼ ܫܒܼܘܩ ܡܢ ܠܒܝ̣ ܘܗܘ̣ܢܝ̣ ܒܟ̣ܵܝ̣ܵܐ؟ ܘܗܘ̣ ܫܠܝܼܚܵܐ ܕ ܐܓܪܬܵܐ ܕܫܵܐܸܠ ܫܘ̣ܐܵܠܵܐ ܝ̣ܬܝ̣ܪ ܡܲܘ̣ܬܪܵܢܵܐ :
 ܕܐܝ̣ܟ ܙܪܥܘ̣ܟ̣ ܗܝ̣ܵܝ̣ܘ̣ܬܵܐ ܫܵܪܝ̣ܪܬܵܐ ܘ ܚܘ̣ܒܵܐ ܒܝ̣ܢܲܬ ܥܲܠܝܡ̈ܐ ܘ ܫܲܒ̣ܪܹ̈ܐ؟
ܘܕܐܝܟ ܝܲܗܘܵܚ ܣܒܼܪܐ ܠܥܝ̣ܕܬܵܐ ܘܐܦ ܠܡܘ̣ܪܕܢ̈ܢ ܘܫܘܬܐܣ̈ܢ ؛ ܘܝ̣ܡܵܢ ܘܒܵܒܵܢ ܕܫܩܠܝ̈ ܓܪܐ ܠܸܢܛܪܬܐ ܕܐܓܪܬܵܐ ܒܐܘܪܚܐ ܕܫܲܬܐܸܣܝܼ̣̈ ܚܝ̣ܘ̣ܬܵܐ ܝܲܬܝܼܪ ܛܒ̣ܬܵܐ ܠܵܥܠܝ̣ܡ̈ܐ ܘ ܫܒ̣ܪܹ̈ܐ ܓܘ  ܢܘܼܟܼܪܵܝܘܼܬܼܵܐ.