(( صرخة الغيرة العراقية ))

[مهند الكانون]

(( صرخة الغيرة العراقية ))


سبانة الوضــع بجروحــه وحلكَنه ملصـــوم
صرنا بأديــن الحيالــه مثل الخـرخـاشـــة

تعذيب تهجـير بالحالتين الموت محتــــوم
لأن صعـب بين الوحوش تعيش الفراشـــة

بس لابد نلملم الحيل ونرجّع وطنا الملجــوم
ميصير نتفرج والوطــن بأيدين الحشاشـــة

لو ظلت على الصبر ترى ما تخلص الهمــوم
لأن كل الحجــي ميفيــد والساسة كلها علاشة

كَوموا حزموا الحزام الضميــر يكـفـيه نـــوم
ألما يذود عن الوطن خسيس ما تنفعا حاشــة

أبن الأنبار وبغداد والمالحة جوابهم معلــوم
بس ألف ويل و ويل على الخونة الغشاشــــة

مشايـة أحنا للموت بأسم عراقـنا المظلـــوم
ولابد نجيب النصر للي جان فوكَـ الدول باشا

بعكَـال الـراس اليوم كل خاين للوطن معــدوم
مو أحنا الزلم التتغطة جوة العبايا والدشداشـة

جنسيتنا العراقيــة حضارة وتـاريـخ وعـلــوم
ولازم نكون كَدها وعلى طريق الحق غباشــة

ما عاش الـ يسلبنا وطـنـا لا كَبــل ولا اليــوم
أحنا شعب القلم الـ بأيده يسوة مليون رشاشة

_________________

ليحميكم الرب
بقلم مهند الكانون
30/8/2007

اطمئنــي لــن يطــــول البـعــــــاد
يــا حبيبيتـــــــــي
ب
غ
د
ا
د

[fadi.konda]

عشت أخي على الكلمات أل أكثر من رائعة بحب العراق...الى مزيد من الرقي في الكتابة...ضياء  يوسف

[راهب الحب]

اخي مهند ::
اشكرك على حسك الوطني الشجي وعلى هذه الدعوة لاستيقاظ الضمير النائم ..
اشاطرك الدعوة ومناشدة كل شريف على الارض لديه ذرة غيرة على بلدهِ المنهوب والمجروح ..
تحياتي واحترامي لك ولقلمك الشفاف ودمت بألف الف خيـــر .... †



                          اخوكــم / وسـام بهنــام داؤد الخابـــوري

[simar]

بعكَـال الـراس اليوم كل خاين للوطن معــدوم
مو أحنا الزلم التتغطة جوة العبايا والدشداشـة
.......................................................

الاخ مهند الكانون
ادامك الله
صدقت مو احنا الزلم اللي تتغطى بعبايه ودشداشه
زلمنا كلها شهامة ونشامه
ونبل
ترى تهزم الاشباح حتى بخيال الطفل وحتى الخرافه
اتدري يا مهند من اجمل ما قرأت لك هذه اللوحة
باللهجة المحليه
عاشت الايادي النديه
تحيتي
سيمار

[wesam Bajoka]

عاشو اخويه

 علىالكلام   الجميل   والمعبر  تسلم ايدك 



 اخوك   الكاتب والملحن   وسام   بجوكا

[غاده البندك]

ما عاش الـ يسلبنا وطـنـا لا كَبــل ولا اليــوم
أحنا شعب القلم الـ بأيده يسوة مليون رشاشة

صدقت و أبدعت أيها النشمي الرفيع المقام..كلماتك أصدق و اقوى من ضرب السهام..

محبتي و تقديري لابداعك ..

غاده

[Night Lover]

أخي الغالي على قلبي // مهند الكانون

وطنك الجريح بقلمك وأقلام الغيرة سيشفى من وجعه
أطمئن لابد أن تعود شمس الحق وترحل هذه الغيوم السوداء

أخوك المشتاق لك جداً

عــ ا شــ ق ا لــ لــ يــ ل

[naseeralrasam]

مشايـة أحنا للموت بأسم عراقـنا المظلـــوم
ولابد نجيب النصر للي جان فوكَـ الدول باشا


تسلم ايدك اخ مهند على على هاي الكلمات[size=1

[Enhaa Yousuf]

  "عاشت ايدك"

   مبدع دائما

   تحيتي
    انهاء

[مهند البشي]

كلامك يااخي ---- ضماد للجرح المنزوف --- والعراقي  بطبعه غيور
تقبل مني يااخي العزيز هذا المرور ويوفقك الله دائما .
-----------------------------------
العراقي على المحن يظل صابر
ويتحمل اذى وجروح
بس لابد يجي يوم وتنزاح كل الهموم !!
 العراقي ابن الملحة
وراسه دوم مرفوع
ورغم الدمار والتهجير
ورغم وجود الخاينين
يبقى العراقي وفي للوطن
ودمه منذور لاجله كل حين
ويبقى العراق بس للطيبين
--------------------------------
اخوك مهند عمانوئيل بشي

[مســـك]

جنسيتنا العراقيــة حضارة وتـاريـخ وعـلــوم
ولازم نكون كَدها وعلى طريق الحق غباشــة

ما عاش الـ يسلبنا وطـنـا لا كَبــل ولا اليــوم
أحنا شعب القلم الـ بأيده يسوة مليون رشاشة


هنيا لكم العراق وهنيا للعراق أنتم ايها الأوفياء

لن يموت العراق مادامت صقورها تحلق لتفتك ب الذئاب

[MISS IRAQ]

          دام نبض قلبك ومشاعرك يمتعنا بكل ما هو جميل وفقك الله ودوما بكل جمال الكلمة والمعنى
           

[أبو مهند]

أخي الغالي مهند

لولم يكن للعراق الحبيب من مخلصين الاَّ أمثالك من الأدباء الشرفاء...

الذين نذروا أنفسهم ومشاعرهم وخلاصة جهدهم

بالأدب عامة والشعر خاصة للعراق الغالي ...

لكفى العراق احباباً ومخلصين عن العالمين ..

دمت ودام ابداعك

وللعراق الحبيب ولك كل المحبة ...

أحيييييييييييييك

أبو مهند

[مهند الكانون]

إخوتي الأعـــــــــــزاء

ضياء يوسف / راهب الحب / سيمار / وسام   بجوكا / غادة / عاشق الليل / نصير الرسام / انهاء /
مهند عمانوئيل /  مسك / سيدة العراق / أبو مهند  

لقد كنت الفضاء وكنتم الكواكب
شكراً تقولها روحي لكم لأنكم طرزتم فضائي بكواكبكم الغالية على قلبي
معكم تصبح لوحاتي أجمل

 
تحية ومحبة وأحترام

أخوكم / مهند الكانون
ليحميكم الرب