الى كل الاصدقاء في الموقع حبيت ان اهديكم كتاباتي في سطور من معانات الشعب المسيحي
والعراقي بل الغربه
حيرني الوكت وشكثر صغرت ساعاته
مادري شدة زمن لو متقدم عليه التوقيت لحضاته
حيرني الضمير مايصحه وينشد ابد ناسه
الوطن محتاج ناسه مامحتاج خطه للقانون وساسه
**** ***** *****
عاتبني النخل من زرت بصره وشفت سعفاته
تتناثر بيد اليكرهوه ومكطع تمر منثور على الارض وياهو اليمشي داسه
ضليت اصفك ايد باايد وصحت الله من شفت فلاح ناكل الحطب وحاطه على راسه
كلت اشبينه ياربي مايطور هل البلد وترتاح ناسه
**** ***** *****
مريت بكركوك وشافت اهل الجبن بل الكاع بساطه
مريت بسوك الشعب واشفت كل الناس مسلحه وصايره للبلد حراسه
شي متعذب بغربته وشي متبهذل بعيشته
وشي مهجر وصاير يوميه بلد حسبالك طير لو فراشه
وديني ارجوك خلص صبري الحملته وشاب قلبي من وسواسه
وين تريد وديني بعيد خليني بس اشوف الوطن واحضر عرس بيه وناسه
**** ***** ****
اخذ همي وشوف شكثر بيه اهموم ويه الموج سباقه
خلص عمر البي فرح ماشفت افراحه
بعت كل شي وصرت رحال ويه الطيور داير بل الساحه
كلي الغريب اسمحلي خل اورث كتله ورث من كلبي تشتعل بيه النار ماتحتاج قداحه
خذني يازمن تره البيه مو شويه ولا شافه غير من البشر بصراحه
****** ***** *****
الكاتب والملحن وسام بجوكا
احب اهدي كل الابيات الى كل المغتربين والمهجرين والمهاجرين من شعبنا في المنفى
مع خلص تحياتي
