[color=maroon]الى كل الاحبه والاصدقاء
في زاويت الخاطره اهديكم كول كتاباتي في سطور يتكلم عنا القلب الحائر الحزين[/color]
**********************
شعر شعبي
الكاتب والملحن وسام بجوكا
شفتك ابعيني حلم والنوم
ما وجّه اعله بابي
اوبيدي خطيتك حـــــــــــــــــــــرف...
وانختم وي حرفك كتابي يمته تصير انت حياتي
بيك هيّست العطش.....
والدنيا نار...
وابخيالك صدّكت صورة سرابي
بيك حسيت النده ابخد الورد..
ينسه البرد..
وايسيل دافي
اوبيك حسيت النهر
من ينخبط....
يلكه الجرف وايعود صافي
بيك حسيت الدمع
مثل الشمع
من دون خيط ايموت طافي
او بيك
حسيت الجدم
فوك الجمر ينسه الالم ويتعنه ويتالم
وايفوت حافي****
بيك هيست الحضن جنة طفل
لو بيه يكضي الليل غافي.....
بيك حليت السؤال الحيراني وحليت رمز الحياة
من لكيتك تستحل ساحة حياتي .فكرت بكل الردود ولكيتك انته جوابي
او تيهت كلمة عتابي بيك ياصافي
واشتهيتك وي شرابي""تكون انت تروي عطش اشفافي
او دوريتك مسحه بطراف الجفافي يم التلاقي
او ضحكه من اتغيم اعله اسنين عمري
تمطر اعياد ابمصابي وارجوك اتمنه تشوف حالي
شفتك ابعيني حلم والنوم تيهته بغرامي
والنوم ماوجّه اعله بابي
تحياتي شكرا الكاتب والملحن وسام بجوكا
