المحرر موضوع: قصه عراقك  (زيارة 4420 مرات)

0 الأعضاء و 1 ضيف يشاهدون هذا الموضوع.

غير متصل جار القمر

  • عضو
  • *
  • مشاركة: 5
    • مشاهدة الملف الشخصي
    • البريد الالكتروني
قصه عراقك
« في: 10:07 26/11/2007 »
قصة العراق
________________

هاي قصة عراقك من أول ماربك بدة التكوين

خلق الكون كلة باأربعة وخصصلة الوحدة يومين

رسم بيه جبال وسهول و حط بي حتى ذهب خط بنصة نهرين

وخلة الكل بلد ميزة وميزة عراقك من الاول كلش حزين

ونزل بيه أدم وحواء ومن بعدهم ثلثين من المرسلين

ورست بي سفينة نوح الي بيها من كل ماخلق ربك ثنين

ومشت بيه الايام لحد ماصرت كربلاء وصار طف حسين

ومن ذاك الوكت والناس الوكعتة اتخطط صارت عليه عين

دولة خروف أبيض واسود وفرس واتراك كل ذولة بيه طمعانين

وضلو علية مثل الذياب ايحمون لحد ماوكعو وضل عدهم اسير سنين

وتلوهم الانكليز طلعوهم وصرنة باأسر ثاني متقيدين

نشرو دمار وفساد لحد ماكبو اهل الجنوب وصارت ثورة العشرين

وجرت الايام ضيم بضيم لان كل الي حكمونة خوانين

لحد ماجنة عبد الكريم وحكمنة وضلينة جم سنة وياه مرتاحين

وهناك وطلعنة البكر وبضهرة صدام ابن احسين

خططو ونفذو وبليلة ويوم صارو للحكم مغتصبين

حكمنة البكر وصدام وياهم مجموعة من النائبين

وهناك راح البكر وحكمنة صدام بسنة التسعة والسبعين

وكف ايناشد اشعب ويصح بعد ماكو حرب وكلنة بيك راضين

وبأقل من السنة سوالة بلبلة ودخلنة بطلابة وية الايرانين

ياعمي شلون طلابة ضلينة انقدم ضحاية المدة اثمن اسنين

خلصنة وارتاحينة من الحرب سنتين طبينة طلابة لخ بالتسعين

كال ارد اسويهن (19) محافظة وجرب لن احنة اتلاثة خسرانين

وفوكاه فرضو علينة الحصاروضلينة نتلوة سنين جوعانين

ماتت عدنة كومة اطفال ومن كثرة الموت صرنة دفانين

وماكفة كل هاذة اتحارش وية الي بالعلم حيل مطورين

لو احنة لو انتو وكل يوم احنة بحرب مبطوحين

لحد ماحمت حيل الحديدة ودخلنة بحرب اكبر من عدنة مجبورين

وبليلة ويوم لن احنة باأرخص من الرخص للعدو مبيوعين

حاولنة ندافع ونتخلص من العدو بس صرنة من كل صوب مطوقين

وفوك القهر والضيم حتى الجار علينة تحضرو وحدو السجين

وعلينة غارو من كل كتر وكل صوب الارهابين

وزرعو بيناتنة الطائفة وللاسف بسهولة صرنة متفرقين

بس ضلت بينة نخوة عرب والدليل عثمان طلع علي وتالي ركد بالطين

واسلاك وكونكريت وسيطرات هواي صارت هواي جيش وناس متسلحين

وكل شوية اطك مفخخة ومتشوف الة الزلم بالكاع مطشرين

كل سنة نسمع جندي انكتل ودك الموت واكع بالعراقين

ترة كلش تعبنة من هاذة الوضع ورحمتك ربي منتظرين

مشو من يمك انتو عمر واحنة من يمنة راح انمشي حسين

بالجن ينعدل الحال وينصل ونعيش الي بقة من العمر مرتاحين
 



غير متصل سخاء خضر

  • عضو مميز جدا
  • *****
  • مشاركة: 2590
  • استطيع كل شي في المسيح الذي يقويني
    • مشاهدة الملف الشخصي
رد: قصه عراقك
« رد #1 في: 18:58 29/11/2007 »
عاشت الايادي على هذه القصة الحلوةةةةةة
<a href=http://www.123glitter.com/comments-graphics/Religiousfile/ target="_blank" title="BB Forum Image Comments">
 


غير متصل اسير الروح1

  • عضو مميز متقدم
  • *******
  • مشاركة: 9262
  • الجنس: ذكر
  • ياريت الزمن ينعاااد و اشم تراب بغداااد
    • MSN مسنجر - ramiazizrt@hotmail.com
    • AOL مسنجر - اسيرووووووووووو
    • ياهو مسنجر - شا+سولف+انا+شرد+اح
    • مشاهدة الملف الشخصي
رد: قصه عراقك
« رد #2 في: 17:16 30/11/2007 »
يسلمو على القصة
شسولف انا شرد احجي           مو شفت الويل بغيابه

اسير الروح



غير متصل همسة حب

  • عضو مميز متقدم
  • *******
  • مشاركة: 10845
    • مشاهدة الملف الشخصي
    • البريد الالكتروني
رد: قصه عراقك
« رد #3 في: 13:27 19/11/2009 »
عاشت الايادي على الموضوع الرائع يا وردة