المحرر موضوع: ((((((((((مــلــيـــنــــه الــــجــــذب)))))))))) شعر رائع  (زيارة 2032 مرات)

0 الأعضاء و 1 ضيف يشاهدون هذا الموضوع.

غير متصل Moon Telkif

  • عضو فعال جدا
  • ***
  • مشاركة: 662
  • الجنس: ذكر
  • مادام هنالك حياة هنالك أمل
    • ياهو مسنجر - moon87iraq
    • مشاهدة الملف الشخصي
    • البريد الالكتروني
((ملينه الجذب))
مل مني القلم ومن القلم مليت...........................عمت عينه قلمنه الما نفع شِعره
تعب حته الشِعر ويه العراقيين.........................وصار بحال اهلنه وبالعراق ادره
رسمت حروف العراق برسم فنان.......................وجمعت اربيل والانبار والبصره
وگلت لازم حروفي توحد الخوّان ..........................ما معقوله هيچ تصير فد مره
ورديت ولگيت دموع عالوجنات.....................حروف الي رسمتهه اليوم متطشره
كردستان تحچي بزودهه وتگول .........................احنه العاصمه وبغــداد متأخره
والانبار شالت سيف عالخوان.........................؟؟؟..لو ليه الحكم لوفلّش الاسره
والبصره تگول احنه نريد اقليم.........................ومن نفط العراق الكُم فقط عُشره
وشفت للفتنه والله العراقيين.............................دون حروف جر يا ناس منجرّه
مذبوحه المحبه وناس تكره ناس........................سويه الي يحب والقابض الجمره
حته الورد ما يرضه بعد بالماي...........................من دمنه تريد الورده والشجره
رقم جبنه قياسي بالقتل والموت.....................وصرنه اول شعب نص اهله متهجره
نهر دجله يـا ناس من الجثث غرگان...................خلي نمد ادينه لدجـــــــــله وانجرّه
على جثثنه ادور هالفضـــــــــــائيات..................ياهو الي يصــــور ياخذ الاجــــــره
معصوبه العـــــيون مچتفه الايدين....................وانواع الرصاص يچوب بـــــصدره
لا اهله اجوي وچــــــــفّنوا بچـــفان..................مجــــهوله الـــهويه ومن درة بأمره
اذا امّه الــــحنونه الصايمه برمضان..................ما اكــــلت اكلهه وبقت تـــــــنتضره
تنــــــتضره يرد وتريد تحــجي وياه..................اثاري العيـــــــــد لازم ينگطع مهره
لان باعت ذهبهه بشارع الصياغ.........................حته تزوج ابنهه الما فرح عمره
ما نامت بقت سهرانه كل اليل...............................ايا ليل العراق الما بزغ فجره
وما جاهه صبر طلعت تدور عليه...........................مثل طلعة حمامه بعينهه العبره
وما شافت ابنهه وجاهه ملك الموت..................تعرف شنهي يعني تموت بالحسره ؟؟
معناها الفرح صاير مثل رجال............................شايل ورده بيده وخنجر بضهره
معناها عراقك كاتل ومكتول..................................سوده گلوبهم وعقول مفتره
وكل هذا ويگلي احنه العراقيين......................سنه وشيعه عشنه الحلوه والمره !!
لا والله چذب احنه العراقيين.............................سنه وشيعه مثل الضره عالضره
ملينه الچذب وليمته وليا دوب................................واقع حال لازم نخضع لامره
ملينه الچذب وليمته وليا دوب................................قصايدنه اجت للناس متأخره
نعم خوان احنـــــــــــــــــــــه نعم خوّان......وياك آني بهاي بس مو من بعد تفجير سامرّه
بعد تفجير سامرّه العراقيين...............................مثل فلم الرعب ودمايته الحمره
مو فتنه صحيح الصايره ابّغداد...............................سونامي الفتن بغداد منتشره
قتل مو عالهويه هواي متوهمين.......................صارت عالاسم گص راسه ويشمره
واليگلي تبالغ انته حيل بهاي...............................جبت حجه ودليل وياي هالمرّه
اتحده بكر واتحده ابو الخطاب...............................افن واحد البيهُم يوصل الثوره
واتحده على واتحده هم حسين.............................اذا فلوجه طبهه ومنكسر ضهره
صـــــــــفر كل النتايج للعراقيين.......................بس بالفتنه جابوا عشره من عشره
هذا يگول سني ناصبي اغتالو...........................هوهذا يگول شيعي رافضي نكفره
ضلّوا بهالسوالف يا خزي ويا عار......................واسرائيل علگت نارهه الــــــكبره
يول وين الــــــــشرف گدامكم بغداد.....................شــــــگّوا ثوبهه واخذوهه متأسره
غتصبوهه الكُفر..ما تسمعوهه تصيح................آنه ام الــــــــــــشرف واليوم مو عذره
بعد والله ما يــــــــــــــنفعنه قيل وقال................لات كـــلشي انتهه وانكــــسرت الجرّه
مرحوم الـــــــعراق استشهد من سنين...................يا وسفه صفـــت أشلائه مـــــتنثره
متنـــثره بمزابل يمـــهه كوم چلاب......................اكلت من لــــــحومه وما درت سرّه
صــــير وياي بس هالمره اترجاك......................عيب من الــــــــــــعراق اليوم نتبرّه
صعبه بمزبله جثة الــــــــعراق تصير.................خلي نشــــــــــيله منهه وندفنه بگبره

مو اني الي كتب هذه الكلمات
بس شفتها وتاثرت بيها كلش
والي كاتبها صدك عراقي شريف
ويا ريت لو هذه كلماتي
وردي عليك يا شاعرنا

عاش القلم الي انت مليت منه
وهوة مل منكلك والله عاشت ايدك
ولو القلم من يمل هيج يكتب
جان مليت قلمي من زمان
و قلمي ما يطلع الا خراب
وما اشوف منه الا العذاب
لك اكتب ياقلم مثل هذا الكلام
وارفع راسي مثل ما سوت الاقلام
رفعت راس اصحابها اعله من الاعلام
لك اكتب وكول انا عراقي
والعراقي دوم ما شاف الاحلام
ليش العالم كلها تحلم زين
واني اكول عراقي
يكولولي يمعود دروح نام
لك يا زمن يقبلهاالعراق يصير هيج
الكل سوتلنه فيزابس جهنم ماكو تريد اغنام
عزرائيل ملك الموت شايف شغله زين
باليوم يفتر ساعه برة العراق
والبقيه يفتر يمنه جاي خطار
ومن طبيعه العرب يصبر تلث تيام
ويكول للضيف انت شتريد طولتها يا ابن الحلال
ليش احنه مو عرب لو احنه امريكان
احنه عرب ونكلك اطلع كافي تاخذ اغنام
ما يبقي بلد مياخذله بيه فرة
واحنه بالبجي عيونه مفترة
يابه عراقي وعرف نفسي كلش زين
من يحجزوني بالامن السياسي
ومن يحبسوك ويكلولك انت ارهابي
لك اعرف كلش زين ان انت عـــــــــراقي

منقول
 هذه كلمات من شاعر عراقي لم يسجل اسمه على الشعر مع انها كلمات غاية  الروعة
تقبلوا تحياتي
D
Al-Telkife



غير متصل FAITHFUL

  • عضو مميز متقدم
  • *******
  • مشاركة: 5940
  • الجنس: ذكر
  • أجمل لحظات ألحياة ألحب وأتعس لحظات ألحب ألفراق
    • مشاهدة الملف الشخصي
رائع بما نقلته اناملك الذهبية من كلمات رائقة حبيبي مون  تقبل مروري ياغالي تحياتي






اجمل الريمكسات الشعرية المكتوبة بقلمي تجدونها على الرابط التالي
http://www.ankawa.com/forum/index.php/topic,195436.0.htm

غير متصل njmat_alba7r

  • اداري منتديات
  • عضو مميز متقدم
  • *
  • مشاركة: 39378
  • الجنس: أنثى
  • مااجمل ان تبتسم وانت في قمة الانهيار 。◕‿◕。
    • ياهو مسنجر - yahoo.com@◕‿◕
    • مشاهدة الملف الشخصي
عاشت الايادي الي نقلت هل الكلمات الحلوة
: عًــــنًـدمـًا يتـًشـاـبًه آلكـًـــل أتمـًـيز أنـًـــــــــا :