مـتـغــربــــــــــــــــــــة00

[جواهر بغداد]

مـتـغــربــــــــــــــــــــة
                     
ياناس متغربـة . .
ياناس متغـرب . .
وعـنـي بعـيـــــــدة الديـــــــــــــار  . . .

شحجيلكم . .
 وشوصفلكم حالي
وآنـا نـاري أبـد مـا تشـبــه نـــار  . . .

من يوم العفتكم ياهلي
صرت بس جسم يمشي
ومن راسي شـردت كل الأفـكــار  . . .

من يوم العفتكم ياهلي
صـــــرت مـثــــــل أرض
ولاجنها بعمـرهــا شـافت أمطــار  . . .

موبيدي . .
من رحلت عنكم
ولا بـيــدي جـــان الإخـتـيــــــــار  . . .

ومـن عكب فراككم
ماعـاد للزمن عـندي أي إعـتبــار  . . .

وصرت ماأدري
بالليل من يروح
ولا أدري بيك من تجي يا نهــــار  . . .

صـار حـالي
مثـل حـال ميـت
ينتظر يدكون بنعشه آخر بسمــار  . . .

كل يوم أحلم بنفسي
راكب محطات السفر
ألوح بإيدي وأودعكم
وموبيـــدي جــان الإخـتـيـــــــــار  . . .

شكد صعب منظركم
ياهـلي من ودعتـكــم
متت أكثر من ألف مرة
مـن وصلت لمحطــــة القـطــــــار  . . .

ومن تحركت
بي سيارة السفر
تمنيت الزمن يوكف
والســــائــق يغـلـط بالمــســــــار  . . .

بعـده حضـن وداع أبــوي
الحنـون هو إللي يقـويني . .

وبعـده حضـن وداع أمـي
لليوم ببرد الغربـة يدفيني . .

ومن أشتاك لشوفتهم
أغمـض عيـوني وأصلي . .
ودمـوعـي تغـسـل مخدتـي
وأشوف وجوههم على الكمـر
لو وجوههم عندي كل الأقمــــــار  . . .

بعده بطعم حلكي
جـايــكـــم الحـــار
ومـن ودعـتــكــــم
جانـو عـدنــا يتعللـون الخطـــــار  . . .

أتذكـر كل وجــوهــكـم . .
وأتذكـر كل هــدومكـم . .
وأتذكـر كل سـوالفكـم . .
وكل ركـن من أركـانـــــك يــا دار  . . .

أتذكر بيك
كل قطعة أثاث
وكل حايط  وصورة
ودفـتـــر ذكريـاتي والأشـعـــــــار  . . .

وشارعنــا
ودربونـــــة وبـيـت المختـــــــار 
وأتذكرك ياشارعنا
واتذكركـــم ياخـــلاني جـار جــار  . . .

أم علي وأم عمر
وأم يوسف وأم دلشـاد أم سـتــار . . .

ودرابيننا ومحلتنــا
وذكرياتـنـــا وكل الأشـــجـــــــار  . . .

ولعبنـا
وركضنا
وضـحكنـا
وبجـيـنـــــا
ياريت ماكبرنا
ويـاريـت لوبقينــــا صــغـــــــــار  . . .

وأتذكر . .
العصفور اللي جان
عشه فوك نخلتنـــا
ما أدري بعده هناك
لــو مثـلــي هـاجــــــر وطــــــــار  . . .

لو جانت غربتي
عنكـــم قـدر ألعـن هيـج اقـــــدار  . . .

النار اللي بي
كل يوم تكبر ومن من آخذ الثـــار  . . .

لاناري تحركني وأخلص
ولادمعي يكـدر يطفيــج يا نــــار  . . .

شكد مرة إنت ياغربة
حتى شــهـدج أمــر من المــــرار  . . .

شكد صعب
فراككم ياهلي وياخلاني . .   
أكو ساعات
أحلم أشوف وجوهـكـم . .

مـثـل عـشـك أعـمى
وبحسـرة يريـد يـشـوف النهـــار  . . .

وأتمنى طيفكم
مرة بالحـلم يجيـنـي . .
أعــز ما بالدنيــــا
وأعــز ما بالكـون من خـطــــــار   . . .


((جــواهر بغــداد))

[مهند البشي]

كلمات اكثر من روعـــــــــــــــة ........... كلمات معبرة تبعث في النفس الحنين والشوق الى الاهل البعيدين .......... وخصوصا اكثرنا اصبح من المغتربين ............ دام قلمك المبدع اختي العزيزة  الذي سطر اروع الكلمات .

[جواهر بغداد]

شكرا اخي مهند لمرورك وترك بصمه ردك الرائعه في موضوعي البسيط

[amer_al7oob]

يسلموووووو عززتي جواهر على الوضوع الرائع والكلمات الحلوه

امـــــــــــ الحب ـــــــــــير

[((Tamara))]

هذه هي الغربة وحالها ... كلمات معبرة عاشت الايادي عزيزتي جواهر الوردة.

[ღ♥ღ LoVely__87ღ♥ღ]

يسلموووو ايدج ورده  علي هل كلمات الحلوه   وانتي دومج موميزه


شكد صعب
فراككم ياهلي وياخلاني . .   
أكو ساعات
أحلم أشوف وجوهـكـم


تقبلي مروري


الــــــمـــــــــــــحـــــــــــــــــب

[shakar]

عاشت الايادي ياوردة جوجو

[lena_wrda]

كلمات اكثر من راااااائعة ومعبرة عن الغربة المؤلمة ولكن لابد من ان تبقى روح الامل فينا

يسلموووووووووووو لبي

[MaLeKaT_aL8LoB]

متغربه

كم هيه قاسية هذه الكلمه بكل معناها

كلمات ذو طابع خاص عن معنى الحياة في الغربه كلمات جياشه تعبر عن قسوة الايام وظلم الزمان

تحيااتى لك جواهر بغداد

[sama salim]

كلمات قاسيه الله يعينا ويعين كل من اتغرب عن بلده

عاشت ايدج ورده على الموضوع الرائع

[stevany_scream]

عن جد كلمات الي يقراها اكيد راح ادمع اعيونه
لان فعلا كلمات مؤثرة ومعبرة جدا
مع احلى تحياتي
وبأنتظار المزيد

تحياتي الحلوة لك
ستيفاني

[عراقي انا]

      يسلمو لبي جواهر على الموضوع الحلو

[Moon Telkif]

تسلمين اخت جواهر على الموضوع الاكثر من رائعه

موبيدي . .
من رحلت عنكم
ولا بـيــدي جـــان الإخـتـيــــــــار  . . .

ومـن عكب فراككم
ماعـاد للزمن عـندي أي إعـتبــار  . . .


تحياتي لكي

D
Al-Telkife

[جواهر بغداد]

شكرااااااااااا
يا أحلى وأغلى أعضاء على مروركم ومشاركتكم الرائعه بتتويج صفحتي المتواضعه بأسطر حروفكم المميزة

[julirobin81]

وأتذكر . .
العصفور اللي جان
عشه فوك نخلتنـــا
ما أدري بعده هناك
لــو مثـلــي هـاجــــــر وطــــــــار  . . .

رائعة رهيبة كلمات صدك من قلب الاحساس

مع تحياتي

جوليان يوسف

[teya]

موضوع حلو يسلمووو الايادي ياوردة

[جواهر بغداد]

أخ جوليان وأخت تيـا على مروركم وردودكم الرائعه

[Moon Telkif]

تسلمين يا احلى جواهر من كلمات جواهر


تحياتي لكي

D
Al-Telkife

[shuban_geliana]

موضوع حلو يسلمووو الايادي ياوردة

[جواهر بغداد]

شكرااااااااا
ياورود على مروركم وردودكم الحلوة

[hewy]

  الله يساعد قلوبكم يا المتغربين ويسلمووووووو لبي على الاختيار

[janeet-60]

من يوم العفتكم ياهلي
صرت بس جسم يمشي
ومن راسي شـردت كل الأفـكــار 
  نحن جميعا متغربيين من نفسنا ومن حياتنا متغربيين ولهذا كلماتك يا اخت جواهر في صميم قلوبنا وعقولنا وعشت على هذا تقبلي مني كل المحبة والاحترام لكلامك العذب والحنون***

[جواهر بغداد]

شكراااااااا
يا احلى هيوي على مرورج وردج العسل يا ورده
واحلى صديقه كلادس على مشاركتج الرائعه يا ورده

[زينا عراق]

لقد دستي عبى جرحي يا عزيزتي جرح الغربة والفراق لاعزالناس والاماكن لم يبقى لدينا سوى ال>كريات المولمة والقاسية لكل شي بس الحمد لله على كل شي وشكرااااااااااااااا على شعورك الجميل وكلامات ارقيقة وامولمة
زينا

[جواهر بغداد]

شكرااااا
أخت ريتا لمرورج وردج الحلو