المحرر موضوع: الى كل عضو من اعضاء المنتدى ... (زيارة 23582 مرات)

Ritta · « **في:** 11:49 18/06/2005 »

للتعرف على بعض اكثر واكثر نطلب منكم المشاركه بهذا الموضوع

الي هو / كل عضو طبعا بس للي يحب يذكر تاريخ ميلاده مو اجباري ذكر المواليد علمود نحتفل بعيد ميلاده سويه ..

وابدأ بنفسي اني من مواليد برج الجدي في تاريخ 25.12.84

ونتممى المشاركه

mimirita · « **رد #1 في:** 00:32 19/06/2005 »

هاي ريتي...

واني من مواليد برج الجوزاء 1979.5.25

هاي مرتين اني اشارك اول وحده خوش صدفه مو ريتي.

evylen toma hanna · « **رد #2 في:** 10:36 19/06/2005 »

هاي بنات اني هم احب اشارك ....

اني من مواليد برج الحوت 27.2.

Sermed · « **رد #3 في:** 11:07 19/06/2005 »

اني ما احب اشارك ....بس حتى ريتا لا تزعل اجيت ... هههههه لا لا يمعودين اصلا احنا بنور اختي ريتا منورين ...

اني مثل برجي وهو الحمل الوديع
وتاريخ ميلادي الاكشر 27/03/71لو70 ما اذكر بل الضبط لان كانت السنه كبيسه ههههه

Ritta · « **رد #4 في:** 11:39 19/06/2005 »

شكرا المشاركتكم الحلوه ... وسرمد انت النور كله انت الي تنور المنتدى كله ...
واانشاء الله العمر كله للجميع...

سرمد اذا تسمحلي بس اسألك وين عايش انت؟؟؟

Sermed · « **رد #5 في:** 11:53 19/06/2005 »

بل المصري : لازم تحركونا يعني .....هههههه
حاليا في النروج ..قرب القطب الشمالي ...يعني خطوتين ...واوكع من الكره الارضيه

Ritta · « **رد #6 في:** 12:07 19/06/2005 »

اها يعني جيران مو؟؟...

Sermed · « **رد #7 في:** 12:13 19/06/2005 »

لا مومو ...اختي ريتا انت وين واني وين؟؟؟؟انت مو بالمانيا ....
بس كولي اختي ام مريم ..تعتبر جيران ...مو انت !!!!!!!! احنه اعداء لان انتوا احتليتونا بل الحرب العلميه الثانيه

Ritta · « **رد #8 في:** 12:15 19/06/2005 »

يا ساتر هاي شبيك همه اعداء احنه شعلينه؟ دخلينه سمنه على عسل .. تره اغيير رأيي وارجع ام نونه الك ها يادوب كمت شويه اغار منها وغيرت رأيي واريد ازوجك غير وحده ..

Sermed · « **رد #9 في:** 12:49 19/06/2005 »

هم عسل ....هاي شلون شغله ..ههههههه مو ام نونه هم تشبه النحله ......
مو اني كلش وطني ...يعني وين ما اسكن ..يصير ذاك بلدي هههههههه

بس لا من صدك عندي سؤال ....هاي من يا موقع تجيبون الصليب الملون الصغير او المتحرك ؟

Ritta · « **رد #10 في:** 14:01 19/06/2005 »

هذوله الي اني منزلتهم خامطتهم من فد منتدى ههههههههههههه هي تكون توقيعاتهم بس اكو فد موقع مره صديقه الي انطته الي بيها هوايه هيج شغلات حلوه بس بصراحه نسيت وسديت صفحتها الي كنا نكتب بيه سويه بالمسنجر بس اوعدك بس اشوفها راح انزللك الموقع ...

يتدلل خوني و هاي اول مره تسألني سؤال جدي وتخليني اجاوب عليك برد جدي وبدون مزح هههههههههههه

peacegirl · « **رد #11 في:** 15:24 19/06/2005 »

هالو للجميع شلونكم؟؟؟؟؟؟
الفكرة كلش حلوة يا ريتا ومبروك على الادارة ولو جتي متاخرة بس عذريني.
اني من برج الحوت ومن مواليد 23.02.1988.

Ritta · « **رد #12 في:** 15:56 19/06/2005 »

شكرا الج اختي peacegirl كلج ذوق ...

Malkaa · « **رد #13 في:** 21:22 19/06/2005 »

هــــاااااااي انا من برج العذراء 14/9/1977

Kompis · « **رد #14 في:** 01:33 20/06/2005 »

يابه هم هالو ريتا .. أنا من مواليد برج العقرب بس انا اليف صدكَي ما الدغ .. 27/10/1971 ... وشريكة قلبي وحياتي 30/1/1977 بس لاتسأليني يابرج لأنه تكَولي ياه الف مرة وما أحفظه للأسف .. وشكراً الج .

اوليفر .

Ritta · « **رد #15 في:** 12:14 20/06/2005 »

اهلا بيكم فروسي و اخت peacegirl و ملكا واوليفر ولولو واتمنالكم العمر الطويل يا رب وشكرا المشاركتكم ,,

اختكم ريتا

boqta · « **رد #16 في:** 13:11 20/06/2005 »

شكرا حبيبتي ريتا على هاي الفكرة الحلوة ولو انتي افكارج كلها حلوة مثلج
اني من مواليد برج الاسد 19 ـ 8 ـ 1983

Firass · « **رد #17 في:** 01:57 21/06/2005 »

هااااااااااي يالعزيزة ريتا ............. شخبارج ؟ .... موضوعج كلش حلو ورح اشارك بس اكو شغلة صغيرة
وهية انو بآخر رد الج بالموضوع ذكرتي اسمي وآني بعد ممشارك .......... شكرا جزيلا هذا دليل معزتي يمج يا اختي العزيزة ........... ولعيونج رح اشارك
آني برج الدلو ........... وتاريخ الميلاد 27.01.1985 ........ كان يوم الأحد .... شوفو منو منكم يعرف بيا يوم اجة من ايام الأسبوع ؟

شكرا للكل

Ritta · « **رد #18 في:** 11:52 21/06/2005 »

الضاهر صدك من كالولي جماعه انتي متغيره بهاي اليومين طلع صدك سورري خوني بس شويه مشوشه بهلايام اعذرني بس اكيد مثل ما انت ذكرت يمكن لانك عالبال واحب ان اشوف ردودك الحلوه بكل موضوع..

اختــــــــــــك ريــــــــتا[/b]

myriam · « **رد #19 في:** 17:18 28/06/2005 »

هااااااااااي

شكرا اختي ريتا على هذا الموضوع الجميل.

اما تاريخ ميلادي فهو 07/09/1984، فاذا برجي هو العذراء. اخ فراس اليوم الي ولدت فيه هو يوم جمعة.

برعاية الله وامنا العذراء مريم[/b][/color]

Assyrian Lily · « **رد #20 في:** 07:45 03/07/2005 »

واووو هاي اول مرة ادخل بهالزاوية و اتفاجاءت من دخلت.. اني اكبر من mimirita ب 13 يوم بالتمام و الكمال و برجي هو برج الثور

mimirita · « **رد #21 في:** 00:20 09/07/2005 »

خوش صدفه

malektaa · « **رد #22 في:** 11:34 24/09/2005 »

اني من برج اسد،،4/8/1984
و شكرا

alann · « **رد #23 في:** 23:45 29/09/2005 »

هي شلونكم شلونج اخت ريتا وصراحة فكرة كلش حلوة وشكرا على هاي فكرة أني من برج الجوزاء من موليد
7\6\1980

Ritta · « **رد #24 في:** 00:19 30/09/2005 »

اشكركم جميعا عالمشاركه اللطيفه.......[/color]

david · « **رد #25 في:** 01:58 30/09/2005 »

هاي اخوتي ريتا
اني مواليد برج الجوزاء 6-6-1983
و اني عندي خبرة عالية بالابراج و اذا اراد احد معرفتي جيدا فيعرفني من برجي
و اكولج من البرج مالتج انت عنيدة و مشاغبة و ناقدة على كولشي من تكونين ضايجة لول
بس عندج الرومانسية والبراءة و دراخة مال الكتب (سجاجة مال القراية) شاطرة بالحفظ
لا تعرفين التصنع و برجج ترابي

Ritta · « **رد #26 في:** 15:08 30/09/2005 »

شكرا ديفد عالمشاركه الحلوه وبالنسبه لبرجي اذا عن عنيده فهي حقيقه بعض الشي بس مو بكل الاوقات اما عن المشاغبه بالعكس اصلا ماكو هيج عاقله ههههههههه ناقده ااي بس مو ويه اي شخص.!!!! بس ويه الي يهمني انقده والباقي هم صحيح اشكرك خون ..

ninos1979 · « **رد #27 في:** 22:14 01/10/2005 »

برج االقوس 10/12/1979

emelia · « **رد #28 في:** 14:26 02/10/2005 »

شكرا على هالموضوع الحلو وانا برج الاسد 13/8/1979

RoOoVi · « **رد #29 في:** 14:39 02/10/2005 »

هاي ...

شكرا على الموضوع الحلو ريتا ...
اني برج العقرب 83/11/1

يعني ما باقي شي على عيد ميلادي
لوووووول

a7la 3yon · « **رد #30 في:** 07:41 03/10/2005 »

هاي.....

طبعا مرات انساه ادخول اهنا من وراء مواضيعكم الحلوه في استراحة المنتديات
شكرا ريتا خوش موضوع تسلامين.......

والعمر كله يارب للجميع
[/size][/color]

يلا روفي ما بقى هواية على عيد ميلادك اشوف وين راح تعزمنا لا اتسويها مثل ملكا حتى كيك ما جابنا لوووووووول

emelia انتي اكبر من اختي بيوم لان هي 14-08-1979

واني 17-09-1981 يعني اكو 3 ايام بيني وبين ملكا لووووول

Alqushnetha Girl · « **رد #31 في:** 09:42 03/10/2005 »

هااااي للكل..
حبيبتي ريتا! موضوعجح حلو وهواية عجبني..

اني من مواليد 1989/9/5و من برج العذراء..

اني فات عيد ميلادي والاخ العزيز RoOoVi سوالية.

يمكن اني اصغر وحدة بل منتدى.. ديرو بالكم عليى شويه لووول!!

شكرا على موظوعج الحلو ..

مع تحياتي اختكم Alqushnetha Girl

RoOoVi · « **رد #32 في:** 06:50 04/10/2005 »

اي اكيد يا احلى عيون راح اعزمج ان شاء الله

هههههه القوشنيثا تدللين انتي يابا

Alqushnetha Girl · « **رد #33 في:** 11:44 04/10/2005 »

شكرا رورو متقصر

Ritta · « **رد #34 في:** 20:31 04/10/2005 »

اشكركم نينوس اسمك يذكرني بأبن جيرانا جان حارك المنطقه كلها لانه وكيح جان بس هسه كبر وعاقل ههههههههه

و خاثي emelia و خوني روفي و صاحبه احلى عيون مع اني مشايفتها بس اتمنى اشوفها ههههههه ....اشكركم عالمشاركه الحلوه

كلكم ذوق وبالنسبه للاخت القوشنيتا على هيج انتي لعد دلوعه منتدانا لانه انتي اصغر وحده ( جوكا ) تعرفين يعني شنو بالسورث مو؟ يعني عصفورتنا الصغيره...

Alqushnetha Girl · « **رد #35 في:** 09:20 05/10/2005 »

لوول ريتا حلو بعد شاريد:)

هاي )جوكا( بيا لغة حبيبي لوول!!

اني كولة سورث احجي بل بيت!!

بس هاي جوكا ما سامعتهة ابدا..

تحياتي لكم´

Alqushnetha Girl

Ritta · « **رد #36 في:** 14:18 05/10/2005 »

هههههههههههههه والله ما اعرف اني هم اعرف اثوري كلش زين وجيراننا جان عنده هوايه جهال واصغرهم جان يسميها (جوكت بابا) يعني يمكن كتكوتت بابا مو يمكن بالاحرى حقيقه بس يمكن هذا المصطلح بس هو يستعملها ما اعرف ههههههههههههههه

Malkaa · « **رد #37 في:** 15:35 05/10/2005 »

ههههههههه ريتا يا جوكت لوول يمكن تكون جونكيت بابا مو لو مو مو

Ritta · « **رد #38 في:** 21:11 05/10/2005 »

بصراحه سألت جماعه كالولي نفس كلامك بس اني 100 بال 100 سمعتها من هذا الرجال جوكا جواكا جوكت بابا هههههههههه وما عندي مانع هسه اخابره هو بأميركا واسأله للتاكيد ههههههههه

Alqushnetha Girl · « **رد #39 في:** 09:26 06/10/2005 »

هههههة

لاء ريتا ماكو داعي تخابرين تصرفين كارت لووول
ولايهميج جوكا جوكا مومشكلة اني هسة صرت
جوكت عنكاوا لووول

albabely · « **رد #40 في:** 18:33 06/10/2005 »

هلو ريتا انا ديفد من فرنسا مواليد 1964-2-9 اعتقد انا اكبر واحد بيكم .كلش حلو سؤالج . لان بعض الاصدقاء يخجلون من ان يقولون مواليدهم واعمارهم.

Ritta · « **رد #41 في:** 20:34 06/10/2005 »

اي خاثي القوشنيتا (خلص نسميج جوكتنا)

والاخ ديفد سعيده بمشاركتك يعني القوشنيتا اصغرنا وانت اكبرنا بس ما اعتقد خون انت اكبر واحد اكو اكبر منك او بعمرك .. وانشاء الله العمر كله

وشكرا عالمشاركه الحلوه...

rehan 8oda · « **رد #42 في:** 10:53 07/10/2005 »

اي ريتا والله خوش موضوع علمود نتعرف عالكل هنا ونطلع خياساتهم ههههه

انـي بـرجــي الجــوزاء مــن مواليــد 30 \ 5 \1987

ريتا اللله يستر من مفاجأتكِ هههه

Ritta · « **رد #43 في:** 14:05 07/10/2005 »

ههههههههههههههههههه هاي شنو ريهاااااااااااان اشو طلعت كلش انت هم جوكااااا هههههههههه

اشو اسسمك واسلوبك خلاني احس انت جبير بالعمر يعني اقل شي قدرتك بال 30 او 28 سنه يلا مو مشكله المهم انك واعي وفاهم ولطيف مع الجميع

وشكرا على مشاركتك الحلو

مالك · « **رد #44 في:** 14:40 07/10/2005 »

طبعا الموضع كلش حلو وجميل اكيد على صاحبته
نشكر الصديقة ريتا على الموضوع وهذا تاريخ ميلادي 28-11-1982
ومن برج القوس
اتمنى المشاركة من قبل جميع الاعضاء واشكر الصديقة ريتا على طرح هذا الموضوع

malkkink@yahoo.com
ashraf19825@yahoo.com

وشكرا

rehan 8oda · « **رد #45 في:** 15:41 07/10/2005 »

ههههههههه صح ريتا جديات ياهو يحجي ويايا يكول انت اسلوبك وبدون مجاملة اكبر من عمرك شسوي يجوز اللله منطيني عقل فوق من طاقتي ريتا هاي مو بيدي بيد الله هههههه.

daloo3a · « **رد #46 في:** 18:42 07/10/2005 »

heloooooooo .. nice topic RITTA

my birthday is 15th/nov/88

nassirazo · « **رد #47 في:** 19:27 16/10/2005 »

آني الشماس نصير عزو عشت ببغداد من جيت عالدنيا إلى سنة 1991
وبسوريا خمس سنين مابين 1991-1996 وهاي صارلي تقريبا عشر سنين
عايش بكندا وعندي جنسبة كندية وطبعا محتفظ بالجنسية العراقية
وعيد ميلادي يوم 2 كانون الأول يعني من مواليد برج القوس

هاي ريتا خاثي شلونج .. تتذكرين شكلتلج قبل 3 أسابيع
شفتي شلون طلعنا كلتنا نعرفج من كبل عشرين سنة..
يعني من جان عمرج تسعة اشهر وتسعة ايام وتسع
ساعات وتسع دقايق وتسع ثواني وتسع لحظات...

ياجماعة .. آني جنت قبل ما أدخل بمنتدى استراحة المنتديات
ولا بمنتدى التعارف والترحيب بالأعضاء الجدد.. لكن قبل حوالي شهر
جنت شـوية ضايج وعجبني أقرأ بعض المواضـيع الطريفة والنكات
ودخلت بهذاك اليوم وجلبت يعني مثل مايكولون "جيرة بحصيرة"

إذا و احد مايعرف شنو معناة "جيرة بحصيرة" أفسرلكم إياها..
القير يلزق بكل السطوح ولايمكن التخلص منه إلا بحرقه بالنار..
ولكن المشكلة أنو الحصيرة مصنوعة من القش يعني تحترق بسرعة
إذا ردنا نشيل الكير منها.. يعني خلصت ماكو طريقة حتى نعزلهم..
وآني همين جلبت وهاي هية...

ميمي · « **رد #48 في:** 23:10 16/10/2005 »

مرحبـــــــا..

أنا من مواليد30/5/1991 برج الجوزاء

rehan 8oda · « **رد #49 في:** 14:42 18/10/2005 »

هالو شلونكم شباب وصبايا
اليوم دخلت هنا على (التعارف والترحيب) من زمان ما داخل وقريت اخر مشاركة لميمي طلعت هيا من نفس يوم ميلادي 30 \ 5 \ هاي شلون صدفة ههههه طبعا هاي اثنين شفتهم نفس يوم ميلادي اكو بنيا هم اعرفها هم من نفس يوم ميلادي حلو هيجي شي.

اخوكم ريهان

a5la9 · « **رد #50 في:** 14:54 18/10/2005 »

سلام عليكم شباب شلونج حياتي ريتا طبعا اني من مواليد الجوزاء 30_5_1980 وتحياتي للجميع

Ritta · « **رد #51 في:** 17:39 20/10/2005 »

اشكركم جميعا عالمشاركات اللطيفة وكلكم ذوق فليحميكم الرب

mazra3 dtkaremlash · « **رد #52 في:** 08:53 22/10/2005 »

هلو جميعا
انا سام من كرملش وانا من مواليد برج الثور وتاريخ ميلادي هو 21/4/1986
وشكرا يا ريتا على هذا الموضوع

مع تحياتي
مزرع دكرملش

[/b][/color]

moon1982 · « **رد #53 في:** 13:31 22/10/2005 »

مرحبا اخت ريتا
شكرا على موضوعك

اني نور من بغداد ومواليدي 21/6/82
مرات اصير برج الجوزاء ومرات السرطان حسب الظروف

اختكم نور

Loleeee · « **رد #54 في:** 14:42 22/10/2005 »

هاي اني اشكد قديمة اخر وحدة اشارك بالموضوع لووووول
اني مواليد 14 / 5 / 1981 برج الثور

sinan32 · « **رد #55 في:** 19:41 22/10/2005 »

هاي ريتا انا من مواليد برج الدلو1987\2\12

sinan_baballos · « **رد #56 في:** 10:15 24/10/2005 »

هاي

شكرا ريتا على هذا الموضوع واني شكد صارلي هنا بالمنتدى ماعرفت اكو هيجي زاوية الا قبل ايام.

وانا من مواليد برج الثور 12/5/1983

واني ولولي بيناتنا يومين.

Loleeee · « **رد #57 في:** 16:52 24/10/2005 »

هاي سنان لازم تحترمني لان اني اكبر منك يومين لوووووول داتشاقة اهلا بيك

sinan_baballos · « **رد #58 في:** 10:26 26/10/2005 »

اكيد عيني لولي انا احترمج واحترم كل اعضاء المنتدى اصغر مني واكبر مني ليش اني شعندي غيركم.

سنان[/color][/size]

Ritta · « **رد #59 في:** 17:47 26/10/2005 »

اشكر الجميع عالمشاركه الحلوه واتمنالكم امتع الاوقات بزاوية التعارف والترحيب

sermed-1 · « **رد #60 في:** 21:52 16/11/2005 »

شلونك خاثي ريتا
اني سرمد القديم .....طبعا اولا سلامي لكل الاخوه والاخوات جميعا ....
مرت الفتره طويله على اختفائي والسبب كان عطل الكمبيوتر ...والبارحه يله جبت واحد جديد ...
طبعا هاي المده كنت استعمل ال PDA المحمول ولكن حاولت افتح صفحه عين كاوه بس اللغه ما مبرمجه
عموما حتى بريدي الي مسجل بيه ابعين كاوه راح وماعندي الباس ورد (يعني الرقم السري مو الملابس الداخليه)......كلشي راح مثل زلزال اندنوسيا حتى بريدي بياهوا وحاولت لكن .....

يله فتحت بريد جديد واسم جديد وتحياتي لكم جميعا .....

mimirita · « **رد #61 في:** 23:39 16/11/2005 »

يا اهلا وسهلا اب سرمودي والله سعيده جدا برجوعك واكيد كل الاعظاء راح يفرحون ابرجوعك نورتنا والك وحشا ومكانك كلش كانت امبينه ......

Oliver Albazi · « **رد #62 في:** 01:59 17/11/2005 »

أهلاً وسهلاً بيك سرمد حبيبنا الغالي والورد .. صدقني أنت رغم بعدك بس كنت قريب من قلبنا اللي دوماً يسألنا عليك ياغايب .. والحمد هاي الأسباب اللي خلتك تغيب عنا ولا القفص الأبدي .. حمد لله على السلامة وتأكد كلشي منور بوجودك ... تحياتنا وحبنا الك ..

evylen toma hanna · « **رد #63 في:** 10:37 17/11/2005 »

اهلا وسهلا بيك اخ سرمد مرة ثانية بالمنتدى نورتنا ترى محد مناسيك انت اخ عزيز ومتنسي بس غيبتك جانت هواية بس هم يلا نسامحك لسويها بعد .

نور المنتدى بوجودك يا ورد .

ابن العراق · « **رد #64 في:** 16:05 17/11/2005 »

هااااى شكرا ريتا على الموضوع الحلو ولو الشكر اجى متاخر

اني من برج العذراء 20/9 /1986

Sermed · « **رد #65 في:** 19:14 17/11/2005 »

شكرا لكم على الترحيب اعزائي
evylen toma hanna
Oliver Albazi
mimirita

الزعيم مالك · « **رد #66 في:** 23:01 17/11/2005 »

الموضوع جدا حلو

انا من مواليد 1982 ومن برج القوس اليوم 28-11-1982

وشكرا

الزعيم مالك
malk_kink

Ritta · « **رد #67 في:** 23:18 17/11/2005 »

نورت اخ سرمد بحق وحقيقه وبدون اي مجامله كلش فرحنه برجوعك الناااااااا وصدك جنه راح نعلن الحرب كلنه منو مضوج سرمد هههههههه على كلا يلا بعد لتعيدها ودير بالك عالكومبيوتر مالتك تره هوايه اعضاء اصابو بمرض الكأبه من وره غيابك

Sermed · « **رد #68 في:** 00:38 19/11/2005 »

منور بوجودك خاثي ريتا ونور كل الاعضاء الورود ...حقيقه محد ضوجني وانشاله ماكوا حروب بس
تفجيرات لووووول
والله يبعد عنكم الكئابه ويلم شمل العصابه ضدنا نحن الغلابه .......

love_r · « **رد #69 في:** 22:53 23/11/2005 »

هااااااااااااااااااي
اني من مواليد برج الحمل 21 / 3 / 1985

وشكرا ريتا على هذا الموضوع الجميل كلك ذوق

حبيب الحبيب · « **رد #70 في:** 11:19 10/12/2005 »

حبيت اشارك وهاي اول مشارك لي انا من مواليد برج القوس تاريخ ميلادي 16 _12_1981 وانااتفائل بهذا الشهر كثير

Faris Jallo · « **رد #71 في:** 13:39 31/12/2005 »

هاي ريتا...
فكرتكي كلش حلوة ..
انا من مواليد برج الأسد 18/8/1974.
واتمنالكي الموفقية دائما...
فارس

nuhra · « **رد #72 في:** 15:27 03/01/2006 »

شكرا اختي ريتا على الفكرة الحلوة واني هم احب اشارك
25 \3 \ 1984 برج الحمل

Ritta · « **رد #73 في:** 19:44 03/01/2006 »

اشكرركم جميعا عالمشاركه الحلوه و طبعا الفكره تحلى بردودكم ومشاركتكم الرائعه

jemmes · « **رد #74 في:** 18:08 20/03/2006 »

هلوات يا ريتا ... يا احله ريتا انا من مواليد برج الجوزاء يوم 20.06.1970 الساعه 4 الا ربع الفجر ههههههههههه بالمناسبه ريتا احنا جيران

jemmes · « **رد #75 في:** 18:17 20/03/2006 »

هلوات يا احله ريتا انا مواليد برج الجوزاء يوم 20.06.197 الساعه اربعه الا ربع الفجر ... ما اعرف امي هيج كالتلي واريد اشارك وياكم ... بالمناسبه احنا جيران ريتا ................. تحياتي

brave heart87 · « **رد #76 في:** 21:58 21/03/2006 »

فكرة حلوة أخت ريتا احب اشارك اني من مواليد برج الحوت 23-2-1987
وشكرا

Ritta · « **رد #77 في:** 16:47 22/03/2006 »

شكرا على المشاركة

بحماية الرب

David2005 · « **رد #78 في:** 21:12 23/03/2006 »

مرحبا الى الجميع

اشكرك يا ريتا على هذه الفقره الجميله.............. وانا من مواليد 13/6/1976 اي برج الجوزاء الهوائي

شكرا
ام ديفيد/ كوبنهاكن/ الدنمارك

MISS IRAQ · « **رد #79 في:** 11:21 06/04/2006 »

اشكرك يا ريتا على هذه الفقره الجميله... وانا من مواليد 1982.12.24

Ritta · « **رد #80 في:** 18:42 06/04/2006 »

ششكرا للاخت ام ديفد عاالمشاركة اللطيفة واتمنالك طولت العمر يا رب

MISS IRAQ تعرفين يعنني انتي عيد ميلادج قبلي بيوم باللة كوليلي شلونج ويه الهدايا؟؟ هم يختصروها وينطولج بس هديه وحده مال عيد ميلاد المسيح ويملادج لو هم تحصلين على هدييتين هههههههه :-)))

MISS IRAQ · « **رد #81 في:** 15:37 08/04/2006 »

احصـل على هدييتين هههههههه :-)))

طارق · « **رد #82 في:** 22:43 10/04/2006 »

+

السلام لكم ..

الاخت العزيزه ريتا

تحيه وسلام من رب السلام تكون معكى ومع كل الاعضاء جميعهم امين

فكرتك جميله جداً ... واسمحى لى ان اشارك معكم فى هذا اللقاء الاخوى الرائع

اسمى طارق ..... من مصر ... مواليد برج الحمل .. 25/03/1978

وكل سنه وانتى طيبه بمناسبة اقتراب عيد القيامه المجيد ... وكل العالم بسلام ..... ومحبه

Ritta · « **رد #83 في:** 11:37 13/04/2006 »

مقتبس من: MISS IRAQ في 15:37 08/04/2006

احصـل على هدييتين هههههههه :-)))

[هههههه اي حلو بعد شتردييين هههه

اهلا وسهلا بك اخ طارق وايامك سعيدة وعيد قيامة مباركة عليكم جميعا

salonicky · « **رد #84 في:** 15:44 16/02/2008 »

شكرا اختي على الموضوع الحلو

سالونيكي. 0404. 1972 . من برج الحمل

اندي نبيل · « **رد #85 في:** 03:14 17/02/2008 »

هاي

اندي نبيل

28/1/1991

bassman · « **رد #86 في:** 13:57 24/02/2008 »

هاي اختي العزيزة ريتا اشكرك جدا على الموضوع الحلو أتمنى لك الموفقية في حياتك صراحة مواضيعج كلش حلوه انا من مواليد ١٤/٠٧/١٩٨٢ ساعة ١٠ صباحا من برج السلطان اعتقد مخيف جدآ البرج ؟؟ تحياتي لكم جميعا

بسمان
عينكاوة

bassman · « **رد #87 في:** 14:00 24/02/2008 »

هاي اختي العزيزة ريتا اشكرك جدا على الموضوع الحلو أتمنى لك الموفقية في حياتك صراحة مواضيعج كلش حلوه انا من مواليد ١٤/٠٧/١٩٨٢ ساعة ١٠ صباحا من برج السرطان اعتقد مخيف جدآ البرج ؟؟ تحياتي لكم جميعا

بسمان
عينكاوة

فنار · « **رد #88 في:** 14:18 24/02/2008 »

هاي جميعا اني مواليدي 21_5 _ 1984 برجي بهولندا اقرا الجوزاء وبالعراق كنت اقرا الثور ياهو الصح ما اعرف مكان الولاده بغداد مستشفى العلوية للولاده بعد شتريدين ريتا تريدين صورتين شخصية ويا المعاملة هههههههه تحياتي لاحلى ادارية ريتا وتحياتي للجميع الحزين هولندا

Ritta · « **رد #89 في:** 14:47 24/02/2008 »

شكرا للجميع عالمشاركة الحلوه وشكرا على رأيكم الحلو بالموضوع سعييدة جدا بوجودكم بالمنتدى ،فنار شكرا ماقصرت بس تعرف ذكرتني بمستشفى العلوية جنت اموت خوف منها لانه كل ما اتمرض من جنت صغيرة يودوني هناك وكبل يضربوني ابرة هههههههههه

فنار · « **رد #90 في:** 16:42 25/02/2008 »

ههههههههههه ريتا انت قصدج مستشفى العلوية للاطفال الي بشارع الصناعة تحياتي الج وسلامتج من الابره ههههههه تحياتي للجميع

Ritta · « **رد #91 في:** 23:14 25/02/2008 »

اي اي حسب ما دا اتذكر بكراج الامانه .. الله صح جنت اخاف من الابره بس جانو يقشمروني بدوندرما من ا لسائحة بس من اطيب ههههههههههه

ليزانا_2008 · « **رد #92 في:** 08:58 12/03/2008 »

هاي ريتا وانا تاريخ ميلادي 4/4/1988

karam_alqoshy2007 · « **رد #93 في:** 15:08 12/03/2008 »

موضوع حلو ريتا ولو اني عضو قديم بس اخر المشاركين بس ميخالف

كرم من العراق
مواليد 26/6/1989 بغداد / الدورة / حي الجزيرة تريديون المحلة والزقاق لو لا ههههههههههههه

تحياتي
كرررم الالقوشي

انطون مترى · « **رد #94 في:** 23:26 12/03/2008 »

انا انطون زكى مترى
من مواليد شهر اغسطس وبالتحديد 8 اغسطس

moez4000 · « **رد #95 في:** 05:50 13/03/2008 »

hallo le amie je suis un neveou avec vous j apell moez je nie 8-3-79 je te saluu tous et bon courage

Ritta · « **رد #96 في:** 22:57 15/03/2008 »

اهلا وسهلا بالجميع و شكرا عالمشاركه الحلوة ...

liza_lolo · « **رد #97 في:** 06:25 16/03/2008 »

اني برج جدي مواليد 1988-12-29

ثامر يلدا التلاني · « **رد #98 في:** 10:41 16/03/2008 »

بسم الاب والابن والروح القدس الاله الواحد امين

سلام الرب والمسيح الكيم جميعا .....

أني ثامر يلدا يونان هرمز التلاني
مواليد _ 9_1_1970
برجي برج الجدي
أعزب
خريج معهد التكلونوجية قسم الكهرباء
فرع التقنيات الكهربائية

أعتقد هذا كافي مو ريتا تحياتي للجميع

ثامر يلدا التلاني_ بغداد
thamer_yelda@yahoo.com

Ritta · « **رد #99 في:** 11:29 16/03/2008 »

طبعا يكفي شنو قابل ظابطه شرطه شفتني؟ هههههههههههههههههههه

اهلا وسهلا بالجميع نورتو المنتدى

عبير الحب · « **رد #100 في:** 12:21 16/03/2008 »

شكرررررررررررررررررررررا يااحلى ريتا على هذا الموضوع يخبل مثل صاحبته

اني من مواليد برج الحمل4/4/1982

Ritta · « **رد #101 في:** 12:33 16/03/2008 »

شكرا الك عبير الحب على ردك الجميل و مشاركتك الحلوه

الأخبار:

المحرر موضوع: الى كل عضو من اعضاء المنتدى ... (زيارة 23582 مرات)

Malkaa

Malkaa

albabely