المنوعات > زاوية الحوار المفتوح لمناقشة مشاكل الشباب

كل مغترب يدخل ويكتب همومه بالغربة( ارجو التثبيت)

(1/12) > >>

yonan__usa usa:
الى كل مغترب ان  يكتب همومه في الغربة ...واين يعيش حاليا"


ابدا بنفسي
انا       شيقان يونان مغترب همي هو الحزن على بلادي العزيزة واهلي واصحابي
واقول الحمد لله على كل شئ

tootoo:
مراح ادوخكم هواية بهمومي
بس راح اكول انو عايشة بدولة او الاصح مدفونه بدولة دا تاخذ مني اجمل ايام عمري الي المفروض بيها اكو سعيدة وفرحانه
بس اني دا اخسر عمري بدون ما اتقدم للامام هاي السنه الثالة الي دا تروح مني بدون ما اكمل دراستي ومتاكدة انو بعد سنسن هم راح اخسر بدون ما اسوي شي
مشتاقة لاهلي ولاصدقائي وصديقاتي
مشتاقة لحبيبي الي صارلية اكثر من سنه ما شايفه
متحصرة حتى على ذكرياتي وعلى الصور الي جنت عندي

جتي فترة بحياتي اتخبلت بيها كمت احجي ويا روحي لدرجة جنت ابجي واضحك بنفس الوقت
وما اخب عليكم وصلت لمرحة اني ردت انتحر بيها بس الله كتبلي عمري جديد


ما ادوخكم بعد لان يمكن تكولون هاي عايشة بدولة اوربيا وهيجي تكول علمود تسد كل الطرق بوجهنا
هههههههههههههه بس للاسف هاي الحقية الي دا اعيشها


موضوع حلو
تحياتي تالين رافي
هولندا

nuhra:
شكراا يونان على الموضوع الحلو
وراح اثبتة حتى يجي اخوانا وخواتنا المغتربين يكتبون هموهم ومشاعرهم
والف شكر لله اني بعدني ابغداد وماريد اضطر بيوم اسافر مثل غيري

dyra 3laya:
 
 صح الغربة مولمة وحزينة وكل واحد يشعر بانه غريب بهذة البلاد بس صدكوني بهاي الدول اتعلمنا معنى حقوق الانسان يعني الانسان له قيمة مميزة لدى كل البشر مو مثل العراق لا قيمة له بس مع ذلك كله العراق يبقى عراق وما ننساه ابدا وهو بدمنا وروحنا ونشتاق الى مكان ولادتنا والى ايام الجامعه وكل شي به حلو وجميل وانشاء الله يصير زين والكل يرجع مثل قبل .


                            ايفان توما

                             هولندا

BlueEyes:
شكرا على الموضوع الحلو واحنا عايشين بالعراق بس عبالك عايشين بغربة لأن الانسان من يكون بوطنه لازم يحس بقيمته واحنا هنا محاسين بقيمتنا كبشر وكل اهلنا واحبابنا سافروا فهي هاي الغربة الحقيقية وهاي همومنا!!!

تصفح

[0] فهرس الرسائل

[#] الصفحة التالية

الذهاب الى النسخة الكاملة