المنوعات > زاوية الحوار المفتوح لمناقشة مشاكل الشباب

كل مغترب يدخل ويكتب همومه بالغربة( ارجو التثبيت)

<< < (12/12)

دلوعة الكراده:

[مشتاق الك ياوطن... شكد مانتغرب الك نشتاق... وظنوني بالسفر خطن... نموت وبالقلب اسمك ياعراق

الغربه مو بس غربة وطن...
الغربه اصعبها هي غربة الروح
من يكون الانسان بين كل الي يعرفهم وبين ملايين الناس لكن ف اعماقه يشعر بأحساس فضيع
هو الاحساس بالغربه
اما شعور غربة الوطن مو اسهل من غربة الروح بس اهون لان بغربة الوطن نشوف الي يشاركنه هذا الشعور اما غربة الروح ميكدر يشاركنا بيه انسان

الارقه من هذا كله ...شنو رأيكم الي يعيش بالحالتين (غربة الوطن والروح)


rotana:
مرحبا احب اشارك بهذا الموضوع المدمي للقلب لكل مغترب اخص بالذكر نحن العراقيين اعتقد انو الظلم واسباب

اغترابنا معروفة ما ضروري ندخل بتفاصيل اشياء كثيرة وذكريات حلوة ومرة تسبح في مخيلتي سواء في البيت

او المدرسة او مع الاقرباء والجيران والسفرات والحفلات كل هلاشياء اللي حدثت بحياتنا بالوطن الجريح

ما نقدر ننساها اصبحت مثل اسامينا ملصوقة في ذاكرتنا صحيح ان الغربة مرة وصعبة بس هاي الغربة غيرت

حياة الالوف من البشر من ينكر ذلك صحيح ان الوطن غالي ولكن البلدان اللي دنعيش بيها حاليا بلدان متقدمة

بالطب والعلم والنظافة والحرية الشخصية والاهم من كل ذلك احترام انسانية الانسان واعطاؤه الحقوق

والامان والنظام واحترام الوقت كلها اشياء غيرتنا للاحسن مما كنا عليه هذه وجهة نظري الشخصية

واشياء كثيرة وكثيرة ايجابية طبعا ابسط مثال هل يستطيعون بالوطن العراق الحبيب مجموعة من الصديقات

بلبس تراكسودات رياضية والمشي صباحا كمجموعة في الشارع او الركض وامثلة عديدة لا استطيع الاطالة

العالم في تقدم مستمر وعلينا النظر للامام لا للخلف وسيبقى الوطن الجريح في قلوبنا وعقولنا ما دمنا

احياء طبعا وانا شخصيا ما يحز في نفسي الان هو عدم استطاعتي زيارة مثوى والدي امي وابي الله يرحمهما

في الوطن ولكني عاهدتو نفسي انه عندما احصل على جنسية البلد المقيمة فيه انا وعائلتي حاليا

اول شيء ساقوم بزيارته هو زيارة مثوي امي وابي  احبكما كثيرا ومشتاقة لكما كثيرا يا اغلى الناس

وشكرا                                                         روتانا

اياد الساهر:
هيه الغربة صعبه بس من تكون مع اهلك تهون الغربة عليك واذا اصدقائك واحبائك هم وياك متحس بشي بالعكس تكون سعيد جدا
بس المشكلة انك بدلك وبعيد عن ناسك واصدقائك واهلك واحبائك هاي اصعب من الغربة
وحتى البشر هسه بالعراق تغيرت نفوسهم مع الاسف صارت كلها مصالح
لكن شنو مصيرنه بعد الاحتلال شنو مصير اولادنا بعدنا اذا كل شخص صار بديرة وتشتت الاسر والعوائل
الله كريم الحمد الله بعدنا عايشين

yonan__usa usa:
وينك ياعراق وين رحت ووين أيامك
تغربنه والغربه صعبه مو جنه عايشين بجاهك
ليش الزمن هيج سوه بينه ووين همه ناسك
احنه عايشين بسجن وأنت يا أعظم بلد صرت جوه رحمة سجانك
سجنه بالغربه اصعب سجن والجدران ما هي جدرانك
مثل الطفل اخذو امه منه غصب وحرمونا من احضانك
ياأسد لما وكعت متدري منين تجيك طعناتك
آه ياوطن شــــــــــكد شـــــــــكد مشتاك لترابك
حسره عليه شوفتك واني عند جارك
هيبه انت بين الدول شلون دنسو ترابك
شكول غيره لو حسد بس أكيد طمع بس ميكون الطمع من ابن دارك
نارك تشتعل واني بعيد عنك وياريت اكون يمك اطفي بنارك
دموعي تسألني وين الوطن وين راحت ايامك
وينك ياموطني جبار جنت بخيالك
ليش الدول نست انت البطل ونست وكفاتك
اصبر ياوطن اصبر وأملنا بأبطالك

kawkhwa:
بسم الاب والابن والروح القدس

1 ـ في الغربة عدنا رواتب شهرية لنا ولاطفالنا عند عدم حصولنا على عمل مناسب .

2ـ الكهرباء والماء اصلا مان نفكر اكو اوماكو مستمران .وحتى عند القطع نبلغ مسبقا عن الموعد.

3ـ اطغالنا يتعلمون في مدارس الدولة احسن تعليم وما محتاجين نتكشخ بالمدارس الاهلية تصور بالابتدائى نشاطات مثل السباحة والمسرح

وحتى  دروس عملية في تعلم ركوب الدراجات الهوائية وبنهاية الاسبوع ماكو واجب بيتي عطلة للعب    والخ.


الصعوبات الحقيقة مجازفاتنا في الوصول وتعلم اللغة والحصول على الاوراق .الخيرات تاتي بعد ذلك.

نحن لا نفكر بانالحياة مليئة بالصعاب اينما كانت وان الانسان يجب ان يضحي بشيء مقابل، سواء بالوطن او خارجه

احنا كاعدين ونريد كل شيء هذا تفكيرنا .

تصفح

[0] فهرس الرسائل

[*] الصفحة السابقة

الذهاب الى النسخة الكاملة