هذا حوار بين عراقي ولفة فلافل ...

[رضوان ღ عذراء]

هذا حوار بين عراقي ولفة فلافل ...

اشتره مواطن عراقي لفة فلافل وفتح حلكه يريد ياكلها

لفة الفلافل (داتصيح): أنتظر، الله يخليك لا تاكلني مو احنه اخوة

المواطن (مستغرب): شنو عيني شنو ؟ شلون عيني أخوة ؟

لفة الفلافل: طبعاً ، شوفنا اثنينا ، اني أتكله يوميه بالنار والحر، وأنت همين تكضي يومك متكلي بالشغل والحر وبالشمس الحاره وفوكاها الكهرباء طافيه.

المواطن: كافي عيني... أنا جوعان واليوم الا آكلج فلا تعبين نفسج تقنعيني بشغلات فارغة.

لفة الفلافل: أنت أخويه وأني مصممه على هذا الشي ، ملاحظت أنه سعرنا احنا الاثنين رخيص في بلدنا، ونصير أكبر قيمة في بلاد الأجنبي.

المواطن: يجوز عندج حق بس هذا مو سبب كافي تقنعيني بيه بانه احنا اخوة . خوش حبابه..

لفة الفلافل: زين شوف جسمنا ثنينه ضعاف وطوال ولونه أصفر، وماكو بداخلنا غير جم فلفلايه وشوية زلاطة وعنبه ..

المواطن: والله هسه يله اقتنعت ، صدك عندج حق يا اختي بس فاتج شيء مهم كلش ..

لفة الفلافل: وشنو هذا الشيء المهم كلش ؟؟

المواطن: يعني ما تدرين يا عزيزتي أنه احنا العرب يأكل واحد باللاخ يعني الاخ ياكل اخوه .. فما بيها شي اذا اني آكلج ..

لفة الفلافل (خايفه): لا..الله يخليك لالالالالاااااااا..


وبلكمتين مبقى اي أثر للفة الفلافل ..... خطية

[m*r*e*n*a]

                يسلموو على موضوع جميل  خطيه والله  لفه راحت  بها ههههههههه

[shakar]

هههههههههه حلوة يسلمووو

[Brated_alqosh]

ههههههههههههه حلوة منج لبي

[رضوان ღ عذراء]

thx bnat 3l mror mwaaaaaaaaaaaaaaaaaaaaa

[FAITHFUL]

هههههههههههههههههه كلش حلوة عزيزتي تحياتي

[كوكي]

عاشت الايادي يسلموووو

[alkoshnetha]

والله كلش حلوة خطية لفة الفلافل  هذا مصيرها يوميا ههههههه ههههههههه

[shomana_4_u]

هههههههههههه عاشت الايادي على الموضوع