ملآحظة / لقرائى الكرام
لقد حصل سهو لعدم ذكرى لمعلمنا المرحوم لوقا عند ما ذكرت المدرسة اللآبتدائية , لهذا انى اذ ارجو المعذرة , سأبدأ بذكره رحمه الله مع جميع معلمينا الراقدين على رجاء القيامة .
جورج أوغنــا
ܪܲܒܵܢܝ݂ ܠܘܿܩܵܐ ܡܘܿܠܦܘ݂ܵܠܲܢ ܩܪܲܝܵܐ ܘ݂ܟܬ݂ܵܒ݂ܵܐ
ܬܲܕ ܠܵܐ ܣܲܢܩܘ݂ܟ ܒܓܘܿ ܪܲܒܘ݂ܬ݂ܲܢ ܥܠ ܚܲܕ ܫܒ݂ܵܒ݂ܵܐ
ܟܲܫܝ݂ܪܵܐ ܗܘܸܝ݂ܗ݉ܘ݂ܵܐ ܐܲܕ ܡܲܠܦܵܢܵܐ ܘ݂ܫܲܡܵܫܵܐ ܛܵܒ݂ܵܐ
ܡܵܪܲܢ ܡܚܵܣܝ݂ ܟܘܿܠ ܐܲܢ ܩܒ݂ܝ݂ܪܸܐ ܒܓܘܿ ܥܲܢܟܵܒ݂ܵܐ
ربانى لوقا مولبوالآن قرايا وكثاوا
تد لا سانقوخ بكو ربوثان الخا شواوا
كشيرا هويوا أد ملبانا وشماشا طاوا
ماران محاسي كول أن قويره بكو عنكاوا
ܟܘ݂ܕ ܟܬܲܟ݂ܪܢܲܗ ܕܡܲܟ݂ܬܲܢ ܠܓܵܪܸܐ ܒܠܝ݂ܠܵܘܵܬ݂ܵܐ
ܥܸܝ݂ܢܲܢ ܦܬ݂ܝ݂ܟ݂ܸܐ ܘ݂ܒܡܢܵܝ݂ܵܐ ܟܲܘ݂ܟ݂ܒ݂ܸܐ ܕܫܡܲܝ݂ܵܬ݂ܵܐ
ܠܲܐ ܪܲܥܫܘ݂ܟ݂ܘ݂ܵܐ ܠܹܢܐܲܣܬܵܐ ܕܒܵܩܵܐ ܒܓܘܿ ܫܘܝ݂ܵܬ݂ܵܐ
ܡܹܢ ܦܘܿܚܵܐ ܨܦܝ݂ܵܐ ܕܟܦܵܬ݂ܟ݂ܘ݂ܵܐ ܠܒܵܘ݂ܵܬ݂ܵܐ
كود كتاخرنه دماختان لكاره بليلاواثا
عينان بثيخه وبمنايا كاوخوه دشمياثا
لا رأشوخوا لنأسته دباقا بكو شوياثا
من بوخا صبيا دكباثخوا لباواثا
ܐܝ݂ܙܲܠܬܵܢ ܠܩܲܠܥ݉ܵܐ ܗܘ݂ܵܗ݉ܘ݂ܵܐ ܛܵܠܲܢ ܟܘܿܠ ܦܹܨܟ݂ܘ݂ܬ݂ܵܐ
ܕܠܲܬ݂ܗ݉ܘ݂ܵܐ ܐܲܝ݂ܟ݂ܘ݂ܵܬ݂ܲܗ ܛܵܠܲܢ ܙܥܘܿܪܸܐ ܒܣܵܢܵܝ݂ܘ݂ܬ݂ܵܐ
ܡܒܸܝ݂ܕ ܡܥܲܓ̮ܒܘ݂ܟ݂ܘ݂ܵܐ ܒܓܘܿ ܫܘ݂ܩܵܢܸܐ ܘ݂ܒܒܲܪܢܵܫܘ݂ܬ݂ܵܐ
ܘ݂ܒܓܘܿ ܓ̮ܲܕܵܬ݂ܵܐ ܘܒܕܟܵܢܵܢܸܐ ܒܦܪܝ݂ܫܘ݂ܬ݂ܵܐ
ايزالتان لقلعّا هواوا طالان كول بصخوثا
دلاثوا اخواثه طالان زوره بسانايوثا
مبيد معجبوخوا بكو شوقانه وببرناشوثا
وبكو جاداثه وبدكانانه ببريشوثا
ܩܸܝ݂ܛܵܐ ܟܘ݂ܠܸܗ ܩܵܕܘ݂ܟ݂ܘ݂ܵܠܸܗ ܒܒܝ݂ܣܬܵܢܵܢܸܐ
ܦܝ݂ܫܸܐ ܠܚܿܘܿܕܲܢ ܘܐܲܚܿܢܝ݂ ܙܥܘܿܪܸܐ ܒܩܘ݂ܦܪܵܢܵܢܸܐ
ܕܠܵܐ ܐܙܕܘܿܥܬ݂ܵܐ ܒܐܵܘ݂ܵܐ ܙܲܒ݂ܢܵܐ ܡܢ݉ܡܘ݂ܫܠܡܵܢܸܐ
ܝ݂ܵܢ ܡܸܢ ܕܲܥܒܸܐ ܘܡܸܢ ܚܿܘ݂ܵܘ݂ܸܐ ܒܐܲܢ ܕܘ݂ܟܵܢܸܐ
قيطا كوله قادوخواله ببيستانانه
بيشه لخودان وأخنى زوره بقوبرانانه
دلا ازدوثا باوا زونا من موشلمانه
يان من داعبه ومن خواوه بأن دوكانه
ܐܝ݂ܟ݂ܲܠܬܲܢ ܗܘ݂ܵܗ݉ܘ݂ܵܐ ܐܲܢ ܒܲܛܝ݂ܟ݂ܸܐ ܘܐܲܢ ܬܲܪܥܘ݂ܙܸܐ
ܕܩܲܛܘ݂ܟ݂ܘ݂ܵܠܲܝ݂ ܒܐܲܝ݂ ܥܕܵܢܵܐ ܘ݂ܐܵܢܝ݂ ܬܵܙܸܐ
ܡܢܵܩܘ݂ܟ݂ܘ݂ܵܠܲܝ݂ ܝ݂ܘܿܡܵܐ ܒܝ݂ܘܿܡܵܐ ܡܢ ܟܘ݂ܠܲܝ݂ ܬܲܪܙܸܐ
ܥܹܡܕ ܠܘ݂ܚܿܡܵܐ ܕܗܘܸܝ݂ܗ݉ܘ݂ܵܐ ܨܘ݂ܝ݂ܵܐ ܘ݂ܦܝ݂ܫܵܐ ܦܹܪܙܸܐ
ايخالتان هواوا أن بطيخه وأن ترعوزه
دقطوخوالاى بايه عدانه وآنى تاره
مناقوخوالاى يوما بيوما من كول ترزه
امد لوخما دهويوا صويا وبيشا برزه
ܟܘ݂ܕ ܟܬܲܟ݂ܪܹܢܸܗ ܫܸܝ݂ܪܵܐ ܕܨܠܝ݂ܒ݂ܵܐ ܒܥܲܡܟܘܿ ܡܵܬ݂ܵܐ
ܐ݉ܢܵܫܸܐ ܒܠܝ݂ܫܸܐ ܒܡܲܠܗܘܿܝܸܐ ܕܢܘ݂ܪܵܐ ܠܓܵܪܵܘ݂ܵܬ݂ܵܐ
ܚܲܕܟܡܵܐ ܟܙܲܡܪܝ݂ ܘ݂ܚܲܕܟܡܵܐ ܟܐܵܡܪܝ݂ ܕܘ݂ܪܟܝ݂ܵܬ݂ܵܐ
ܘ݂ܐܵܢܝ݂ ܦܨܝ݂ܟ݂ܸܐ ܘ݂ܫܟܝ݂ܪܸܐ ܠܡܲܪܝ݂ܵܐ ܠܟܠ ܛܵܒ݂ܵܬ݂ܵܐ
كود كتاخرنه شيرا دصليوا بعمكو ماثا
ناشه بليشه بملهويه دنورا لكاراواثه
خاكما كزامرى وخاكما كأمرى دوركياثا
وآنى بصيخه وشكيره لماريا لكول طاواثا
ܟܘ݂ܕ ܟܬܲܟ݂ܪܹܢܸܗ ܥܸܐܕܵܐ ܒܪܝ݂ܟ݂ܵܐ ܕܝܲܠܕܵܐ ܡܹܠܬ݂ܵܐ
ܒܙܲܒ݂ܢܵܐ ܕܣܹܬܘ݂ܵܐ ܘ݂ܐܝ݂ܬ݂ܸܝ݂ܬ݂ܵܐ ܕܡܹܛܪܵܐ ܘ݂ܒܲܪܕܵܐ ܘ݂ܩܲܪܬ݂ܵܐ
ܪܵܒܸܐ ܘܙܥܘܿܪܸܐ ܠܒ݂ܝ݂ܫܸܐ ܘ݂ܡܣܘ݂ܩܠܸܐ ܒܓܘܿ ܟܠ ܕܘ݂ܟܬ݂ܵܐ
ܒܝ݂ܙܵܠܵܐ ܠܥܸܕܬܵܐ ܬܵܐ ܡܫܲܪܘܿܟܸܐ ܒܐܲܕ ܒܘܪܟܬ݂ܵܐ
كود كتاخرنه عيدا بريخا ديلدا ملثا
بزاونا دستوا وايثيثا دمطرا وبردا وقرثا
رابه وزوره لويشه ومسوقله بكو كول دوكثا
بيزالا لعيتا تا مشاروكه بأد بوركثا
ܨܘܿܡܵܐ ܕܚܵܡܫܝ݂ ܨܸܝ݂ܡܘ݂ܟ݂ܘ݂ܵܠܸܗ ܨܘܿܡܵܐ ܝ݂ܒ݂ܝ݂ܫܵܐ
ܠܕܘ݂ܡܝ݂ܵܐ ܕܨܲܘ݂ܡܵܐ ܕܡܵܪܲܢ ܝܑ݂ܫܘܿܥ ܐܘܿ ܩܲܕܝ݂ܫܵܐ
ܠܲܬ݂ܗ݉ܘ݂ܵܐ ܐܢܵܫܵܐ ܕܡܚܵܫܘ݂ ܒܓܝܵܢܸܗ ܕܝ݂ܠܸܗ ܦܪܝ݂ܫܵܐ
ܐܹܠܵܐ ܟܪܝ݂ܗܸܐ ܕܫܵܒ݂ܩܗ݉ܘ݂ܵܐ ܛܵܠܲܝ݂ ܐܘܿ ܩܲܫܝ݂ܫܵܐ
صوما دخامشى صيموخواله صوما ايويشا
لدوميا دصوما دماران ايشوع او قديشا
لاثوا ناشا دمخاشو بكيانه ديله بريشا
الا كريه دشاوقوا طالاى او قشيشا
ܩܝ݂ܵܡܬܵܐ ܕܡܵܪܲܢ ܦܨܟ݂ܘ݂ܬ݂ܵܐ ܗܘ݂ܵܗ݉ܘ݂ܵܐ ܠܙܥܘܿܪܵܐ ܘ݂ܪܵܒܵܐ
ܡܒܵܬ݂ܲܪ ܥܪܘܿܬܵܐ ܕܚܲܫܵܐ ܕܡܵܪܲܢ ܒܐܘܿ ܥܘ݂ܕܵܒܵܐ
ܩܹܡܠܸܗ ܡܵܪܲܢ ̱ ܫܘ݂ܒ݂ܚܵܐ ܠܫܘ݂ܡܸܗ ܗܘ݂ܸܝ݂ܗ݉ܘ݂ܵܐ ܓ̮ܘܵܒܵܐ
ܕܟܠ ܒܢܲܝ݂ ܡܵܬ݂ܵܐ ܪܵܒܸܐ ܘ݂ܙܥܘܿܪܸܐ ܘ݂ܕܝ݂ܡܵܐ ܘ݂ܒܵܒܵܐ
قيامتا دماران بصخوثا هواوا لزورا ورابا
مباثر اروتا دحشا دماران بأو عودابا
قمله ماران /شوحا لشومه هويوا جوابا
دكول بنى ماثا رابه وزوره وديما وبابا
ܓܲܡܲܢ ܗܘܸܝ݂ܗ݉ܘ݂ܵܐ ܟܘ݂ܕ ܦܲܠܛܘ݂ܟ݂ܘ݂ܵܐ ܡܢܹܕ ܥܸܕܬܵܐ
ܠܦܪܵܫܵܐ ܕܒܝܥܸܐ ܡܢܘ݂ܩܫܸܐ ܘ݂ܣܠܝܹܩܸܐ ܒܓܵܘܕ ܒܸܝܹܬ݂ܵܐ
ܠܵܐ ܐܲܢ ܣܡܘܿܩܸܐ ؟ ܘ݂ܠܵܐ ܝܲܪܘ݂ܩܸܐ ؟ ܒܲܣ ܩܵܝ݂ܡ ܒܝ݂ܥܬܵܐ
ܬܲܕ ܬܘܿܪܘ݂ܟ݂ ܒܓܵܘܲܗ ܒܝ݂ܐܸܐ ܕܚܿܘ݂ܪܸܐ ܒܐܲܕ ܬܲܥܵܠܬܵܐ
غامان هويوا كود بلطوخوا مند عيتا
لبراشا دبيئه منوقشه وسليقه بكاود بيثا
لأ أن سموقه ؟ ولأ يروقه ؟ بس قايم بيئته
تد توروخ بكاواه بيئه دخنه بأد متعلتا
( البقية تأتى )