منتدى الهجرة واللجوء > قسم اهم مواضيع منتدى الهجرة واللاجئين

عراقي في الجامعه الامريكيه!!!

(1/34) > >>

zack13:
اخواتي اخواني........ســــلام.
أما بعد,

هسه قبل نص ساعه رجعت من الامتحان التأهيلي للجامعه
 الساعه هسه يمي بالعشره وشويه بالليل...
اليوم بيضت وجوه العراقيين...اليوم رفعت العلم....وسجلت كوول.
اتخيلو بديت الامتحان بالوحده الظهر وخلصت بال9 ونص بالليل...كلما احل سؤال يطلعلي سؤال!!!!!
والله العظيم الاسئله الى مالا نهايه....(فاتت المشرفه على الامتحان جان اسئلها رأسن....اكلج اشو الاسئله مده اتخلص؟ ???؟جان اتكلي..معناها دتجاوب زين!!!! يعني شنو قصدج؟
قصدي انه نظام الامتحان هيجي كلما اتجاوب سؤال السؤال الي وراه يعتمد على اجابتك الي قبلها....فأذا جاوبت اجابه صحيحه راح ينحط السؤال الثاني على اساسه..وكلما اتجاوب "صح" كلما ينضاف سؤال اخر.
(بس اذا جاوبت 4 او 5 اسئله غلط..فالامتحان راح يخلص)...
والله وبدون مبالغه..3 وجبات جوي امتحنو وراحو ....واني بعدني كاعد على الحاسبه وامتحن لا ريوك..لا غده
والحماس مالتي صاعد للقمه..لان مجرد استمراري بالامتحان معناها اجوبتي صحيحه!!!!!

بعد مرور خمسه ساعات....تحديدا بالـ7 بالليل اتبدل "الشفت" الصباحي مال المراقبين واجه"الشفت الليلي" واني بعدني بالامتحان....المهم ماطولها عليكم بال9 ونص كملت الامتحان وره ما صرت احول من الشاشه وصرت قالب واحد ويه الكرسي....
مجرد ماصارت الشاشه بيضه...عرفت انه خلص الامتحان(الي يتضمن..الكتابه والقراءه والرياضيات."طبعا بالانكليزي") انطبعت النتيجه اوتوماتيكيا بالغرفه الثانيه مال المشرفين...
دكيت الباب وفتت..هااا ؟!؟!!؟بشرو طلعت النتيجه؟؟ :o؟
_أستاذ(المشرف كلي استاذ!!!!) ممكن اتكلي انت وين متعلم الرياضيات؟
-بالعراق!!!
-درجه كامله!!! محد جايبها قبل زائدا القراءه والكتابه (طبعا الكتابه هو ان تكتب مقالتين بالانكليزي على موضوع هم ايحددوه يعني بين قوسين مثل الانشاء)
والقراءه(10 قطع كل قطعه اكثر من صفحه وعليها اسئله اختيارات) بس شنو كل قطعه طولت بيها ربع ساعه وحسبوا
...الف الحمد اله والشكر...المشرف والبنيتين الي وياه نظرولي نظرة اعجاب وفخر كلش كبيره...
بس اني جنت افكر بشي واحد وما ريد احلف بس والله جنت اكول بيني وبين نفسي الله على العراق وعلى دراسة العراق ماكو احسن منها..وماكو اقوه منها.... ولوما هي جان كلشي مجاوبت,
وفوك هذا الاحلى من كلشي حسيت بنجاحي هذا ...بمثابة تمثيل للعراق وشباب العراق.

بالمحصله...هسه راح ابلش بالدوام يوم 3-3-2009 وبأي قسم اريد
يعني من الصيدله والبزنس والكومبيوتر ....وجر ايدك,
رجائي الاخوي...والصريح للجميع وخاصة للطموحين...مجرد وصولكم لمريكا هو نجاح بحد ذاته فما اتصور الدراسه الجامعيه صعبه عليكم...كل واحد من عدكم وصل او انشالله راح يوصل..خلي يستغل هذه الفرصه
الحكومه الامريكيه راح تدفعلك كل تكاليف الدراسه....لانك لاجيء..فلا تتصور كونك لاجيء(معناها لازم تستسلم وتشتغل اي شي!!!يعني شماجان...طبعا لغير المضطر....لأن اكيد كلمن ظروفه واكو عدهم مسؤلية العائله وغيرها...بس اني كلامي للشباب خاصه)

والف شكراااا لقراءة الموضوع

اديان:
الف مليييييييييييون مبروك اخويه تستاهل كل خير والله صدك رفعت راسنه خلي نراويهم شنو يعني عراقي
ربي يسهل امرك ويبعد عنك كل مكروة تستاهل كل خير

اختك اديان

ورد:
الله يوفقك يارب ويسهل امرك وانشاءالله دوما مرفوع الراس وانشاءالله المستقبل الزاهر,,,وانشاءالله تصيرون عراقيون في الجامعات الامريكية(مثل صعيدي في الجامعة الامريكية)تحياتي

zack13:
أديان...
مبروك والف مبروك اولاً على الخبر الجميل والحلو...البشاره الي وصلتلج من اخوج...احلى خبر
انشالله مثل ماكال خلال اسبوع وتروحين..وحتى لو صار تأخير لا اتقلقين ولا اتفكرين زايد...تره طبيعي وخاصة الحجوزات والظروف الجويه احتمال تتغير بأي لحظه
بس عالعموم...شكرااً على تعليقج الصادق...ويوم الالج...(لان بصراحه شفت كم ابنيه عراقيه بالكليه...وبعض اخواننا العرب...فرحت وحسيت بالفخر....الشديدين
وصدكيني ...اختي اديان ميحتاجلهم تعريف العراقيين تره معروفين بأمكانياتهم (بس خلي تنتاحلهم فرصه....وعيشه امنه سالمه شوفيهم شيسوون..اذا ميصير الرئيس الامريكي القادم من اصل عراقي..بس هايه يرادلها فد 40 سنه من هسه اكللكم..بس املنا كبير)

angie-2:
الف مبروك شايف كل الخبر بالتوفيق في كل خطواتك

تصفح

[0] فهرس الرسائل

[#] الصفحة التالية

الذهاب الى النسخة الكاملة