يوميات معيدي بالسويد -2-
شبعاد جبار
shabad_5@hotmail.com
2006 / 2 / 20
الباب اللي تيجيك منه الريح سده واستريح مثل يؤمن الكثيرون انا ليس منه
فالريح في قوتها تهزك تصحيك من غفوتك تجعلك تفعل شيئا للمستقبل كي لاتتحطم لانه احيانا كثيرة لاينفع معها سد الباب فلا تستريح هي الى ان تحطمك ولاانت مستريح
اوانطلاقا من هذا المبدأ قررت الا اغلق بريدي رغم ان من ضمن مايجلب في طياته وجعا يثير في نفسي اوجاعها فتتفاعل جميعها لتطلق احيانا صرخة وحينااخر تجعل من راسي فريسة سهلة لها فتهاجمني الشقيقة الحبوبة لثلاثة ايام لاغير .لااريد ان احملكم همومي ولديكم الاكثر دعوني احمل همومكم واحلق بها في الريح علنا نجد حلا هناك فبريد السيد الجعفري مغلق في وجهي هذه الايام ربما يؤمن بالمثل السابق.ا
هكذا استلمت اليوم رسالة اثارت شجوني ومزيج من الفرح والحزن سارفقها لكم تقرؤوها معي بصوت عالي وتصرخون معي ولماذا ليس نحن العراقيين
majed mohmmed
Skickat: den 18 februari 2006 08:55:46
Till: shabad_5@hotmail.com
ؤmne: اعاده تصنيع المخلفات
| | | Inkorgen
سعاده الدكتوره شبعاد جبار
تحيه طيبه
قرات موضوعك عن اعاده تصنيع المخلفات
واني اود في اعاده تصنعيع المخلفات الموجوده في بلادي
حيث الهدف الاول هو الحفاظ على النظافه واستثمال بشكل رئيسي
فل يوحد عنك بعض عنواين شركات اعاده تصنيع المخلفات كالبلاستيك والزجاج والورق والمعادن بكافه انواعها
ارجو ا من سيادتكم التعون معي في هذا المجال
وتقبو خالص تحياتي لكم
امجد من اليمن
احب ان اخبر السيد امجد من اليمن بانني ليست دكتورة نعم قاب قوسين وادنى ولكن حتى السيد كوفي عنان تدخل وابى الا تكتمل الرسالة بصراحة يمكن الرجل "خايف علي"لااكثر ولااقل"قال تروح تعجن تخبز احسن الها شهادة الدكتوراة شتسوي بيها"فرح زوجي العزيز بمبادرة كوفي عنان وقال له ينصر دينك "هذوله النسوان خالين روسهم بروسنا" ومن حق كوفي عنان وحقكم سادتي"وسادتي للادب وليس للتخضع كما تتهمنا علينا احداهن فانا احرص ان اكون مؤدبة في حضرة الجميع,ولاادري كلمة سيادتكم التي كتبها الاخ المهذب امجد في رسالته لي تنطوي في اي باب حسب تعريف الاخت الثائرة على بنات جنسها"اعود لاقول من حق السيد كوفي عنان ان يعرف كيف والا اصدر بحقي مذكرة تفاهم "وليس مركة تفاهم الشهيرة"..
نعم كانت الاوضاع مزرية نركض هنا وهناك في سبيل اجراء تحليل كيماوي ما.. وداعيتكم مااختارت الا موضوع بي اليورانيوم انا طبعا قبل اختيار الموضوع سالت وتمحصت "وهناك من دك صدر على ان التحاليل ستتم حسب المراد وخلصت كلشي والتحاليل موجودة وصلت لليورانيوم واذا من"دك"لي صدره لاحول له ولاقوة ممنوع اي قياس لعنصر اليورانيوم الاجهزة وضعت عليها كامرات وتشميع المواد الكيماوية حتى لو كان ملح اذا يدخل بقياس اليورانيوم ممنوع ممنوع الاجهزة قديمة وقبلنا حتى بطرق متخلفة "ولكم خلوني اقيس اليورانيوم"مستحيل اسلحة دمار شامل والله مالي علاقة انا اقيس مستواه بالاسمدة الفوسفاتية لان تعرفون هذي تروح للزراعة والغذاء وبعدين تنتقل الى جسم الانسان وكوفي عنان يحطم وفلش بالاجهزة ويدفن تحت القاع ولكم اجهزة حديثة اعطوها للجامعات تستفاد منها لا ابدا كانت الاجهزة الحديثة تدمر باصابع السيد نوبل بسهولة بحجة اجهزة دمار شامل .
لذا عزيزي الاخ امجد لاتناديني دكتورة ليست حاملة للقب وسعادة "هم"والله راح تخبل اختنا الثائرة فهي حاقدة عليكم.ا
ولكن على العموم انا فخورة بك وبكل من يحاول ان يعمل يقرا، يستثمر، فكرة من اجل بناء الوطن وساساعدك بكل مااستطيع فتوكل على الله.ا
سادتي اي نعم سادتي " لاادري لم يتحسسون منها" ماآلمني فعلا ان موضوع البحث الذي بعنوان"مشروع ادارة النفايات الصلبة لاحدى المدن العراقية "تستطيعون الاطلاع عليه لمن يرغب.. نشرته, وعملته وتعبت عليه وعنونته لاحدى المدن العراقية وليست اليمنية..من كم الرسائل التي تاتيني من العراقيين لم تاتني واحدة
من عراقي مهتم بالموضوع بالرغم من انني مافكرت بهذا المشروع الا بعد ان تعالت صيحات وشكاوي المواطنين من الزبالة التي ملات الاحياء ودخلت البيوت وكتب بلغة علمية سلسة ولكن ماذا اقول هذا الذي حصل.ا
اما رسائل العراقيين فقد كان القاسم المشترك لها هو اسئلتهم بخصوص موضوع الارنب بعضهم لم يصدق لهم الحق حتى بعض العراقين هنا لايصدقون لعدم احتكاكهم بالناس واطلاعهم على القوانين وصعوبة اللغة بالمناسبة احدى الرسائل تشجعني على استعمال المفردات السويدية صديقتي جهينة عملت لها قاموسا وتجمعها استعدادا للمرحلة القادمة من يدري ربما تنفع ويقال ان الخمسين سنة الاولى دائما تكون صعبة في السويد علكم اختصار الوقت
ورسائل اخرى تستفسر فيما اذا كان بالامكان اعادة توطينهم ايضا اسوة بالارنب شين واعتبار قضيتهم استثنائيةوملحة ريثما تتحلحل الحكومة المؤقتة وتعتبر نفسها ببيتها وتعمل لصالح العراقيين.حتى ان بعضهم طلب عنوان سيد شيل في الحقيقة لم استطع قبل اخذ موافقته شخصيا تعرفون هنا "هم اكو خطوط حمر مو بس بالعراق" وتعرفون اختكم احاول اكون متنورة"ولو مرات يطلعوني من طوري"واعترف ان هذه المرات بدات تكثر منذ ولجت باب قسم البناء والبيئة.لكن الغريب بالامر بعضهم اتصل هاتفيا واخذوا يزجون زوجي بالامر اماللتوسط او لاجراء عمليات جراحية لتحويلهم الى ارانب..
انا صدمت من هذا العدد الهائل وقلت له اصبحنا"ريكا"اغنياء سجلي جهينة كلمة جديدة,حتى ان بعضهم اخذ يعد امواله المنقولة وغير المنقولة ويسال فيما اذا كانت كافية لاجراء العملية..المهم ان تتم العملية قبل الصيف ليستمتع هنا بالماء والخضراء والوجه الحسن وينهزم من الحر..
احد الاطباء السويديين يعني اعجبته الفكرة"بيني وبينكم انا نشطة هنا واحاول دائما اربط لحية بلحية في سبيل توصيل معاناة العراقيين الى حتى من لايهمهم الامر محاولة للتنفيس ليس الا" .وفي احد الايام وهي كلها باردة "بس الله يشهد بس برة حكومتنا الرشيدة مامخليةيتنا محتاجين نحن في الداخل مصيفين"جلبت البريد اليومي من البريف لودا وهاي ماراح اترجمها اعتبروه كوز لمن يريد تعلم اللغة السويدية..
واذا الجرايد مليانه اعلان اصفه لكم اولا هناك في اليمين فتاة تبدو على محياها التعاسة والالم ومكتوب بخط عريض اسفلها"تيديجرة"سابقا وال جانبها صورة ارنب يشع سعادة وبيده جزرةومكتوب اسفلها"نو"حالياانا كا انتباهي مصبوب على نوع الجزرة من يا ماركة صديقة للبيئةلو لا تعرفون بعد طبيت لقسم البيئة وبديت امصخها..لا والله طلعت من ماركة انجل حيث لايستعملون في زراعتها الا الاسمدة العضوية المصنعة من فضلات الطعام وهذي مثل ما تعرفون مابيها مواد كيماوية وعناصر ثقيلة اكيد تعرفون هاي الماركة الوحيدة في العراق مع ان هنا اكو تنافس هواية ماركات يلا المستقبل يبشر بخير.. فاطمانيت ان صحته ستكون بخير بعدها تابعت قراءة الاعلان واذا به موجه الى العراقيين وانه تم تصنيع عقاربامكانه ان يؤدي الى تحويل الانسان الى ارنب بدون آلام ..
نظرت الى زوجي بجزع وعلامات استفهام كثيرة من ولماذا وكيف ثم هل ان هذا العقار من وجهة نظرالبيئة سليم ..تصنيعه روعي فيه المواصفات المطلوبة الجرعة انا كناشطة بيئية شككت في هذ العقار نعم من حقي ان اشك في اي مادة كيمياوية ممكن ان تسبب الاذى للانسان او الحيوان او المحيط الموجودين بية هذا مكتوب بالقانون انا وراي قانون يحميني ما اخاف و..وما مصيبتنا الا الاستعمال الجائر الكثيف للمواد الكيماوية .واستعملوا ايضا علينا اسلحة جائرة تخرب البيئة لسنين حقهم يتحولون لارانب ويجون هنا اذا ما كو اي بوادر تنبئ بان هناك بداية ..خطوة لتحسين البيئة...
الحقيقة انا دققت وتاكدت ان الرجل واسمه دكتور توشتن "في الحقيقة هنا محد يسمي دكتور كله روح توشتن تعال استيفان حتى الملك يكلوله انت "ارتايت ان انقل لكم الحقيقة حتى "اللي يريد يغير راية من هسة ليتورط ويتحول".اكد لي توشتن انه لايمكن ان يكون هناك اي خطر على الانسان السوويدي من جراء ملامسته للارانب العراقي المعاملة بهذا العقار ولكنه لايضمن عملية المعاملة في العراق لما يشاع عن اهمالها لشروط الرعاية والعناية البيئة "ات خوتا مليو "عيني جهينة موتكعديلي عالوحدة ونص هاي لفظها صعب عزيزتي والله العظيم هناك حروف بالسويدية تظطر المعلمة لوضع قلم اعلى الشفة حتى ننطقها بصورة صحيحة لعد ليش هم كالو الخمسين سنة الاولى صعبة لان الاجانب اللي هم احنة شايلين اقلامهم بايديهم ومن يجي حرف الواي يخلوها على شفايفهم لان همة ينطقوه صحيح مو مثل الانكليز" ورة خمسين سنة نذب الاقلام.تصوروا طالعة علينا اشاعة انه احنا مانهتم بالبيئة انه طبعا ادافع اكول لا احتا حبابين وفاهمين بس يد وحدة ماتصفق كالو انتم ابدوا وشوفوا منو مايساعدكم .
ننتظر شوكت نبدي.تره مو كلشي زين هنا هم اكو جشع يعني اكتشفته بعدة حالات منها قضية تورط برشوة في برنامج النفط مقابل الغذاء وهنا قضية توشتن هم وفي كلا الحالتين هم ماضروا شعبهم شلون !في معرض نقاشي مع توشتن طبعا هو صديق زوجي الروح بالروح وزوجي ميفتهم الا عليه لا اروح احسدهم.. قال"خو هم ما راح يستعملوه هنا حتى يلوثون المكان والمبلل ما يخاف من المطر هية بقت على عناصر سامة هم عدهم يورانيوم..
انا اطمانيت وخليت بطني بطيخة صيفي وصحت يدفنون نفاياتهم بصدورنا وندفع لهم ثمن ذلك وهاي مو ابوذية نشرت على صفحات المواقع ارجعولها وتشوفون هاي مقالة تبين شلون العالم حريص على ارضه وهواءه وترابه..تعهد الرجل الا يباع او ينقل على الطرق الداخلية او يخزن او يستعمل في السويد" تحولوا هناك وتعالوا"..اي احسن الناس يتعبون وعدهم اجندة الفين وعشرين كلش مهمة تعرفوها لا يمكن بالمقال القادم احكيلكم عليها وعلى المشاكل الاخرى التي من الممكن ان تحدث.. ا
يوميات معيدي بالسويد -3-
شبعاد جبار
shabad_5@hotmail.com
2006 / 2 / 21
قبل ان اتحدث عن اجندة واحد وعشرين وعدتكم ان انقل لكم اخبار الارنب ولكن نظرا لحلول عطلة نهاية الاسبوع اضطررت ان اتصل هاتفيا بالسيد شيل وعرفت انه بدا يعتبر البيت بيته و"انبسا سي ميكا سنابت"تأقلم سريعا تحسرت انا على انبسا سي حيث نحن لحد الان لم يحصل وتاقلمنا .كما انني ارسلت جواب الى الاخ البطل امجد من اليمن احييه على تفانيه في خدمة بلده shabad jabbarreplay التاريخ: Sun, 19 Feb 2006 14:15:05 +0000 المرسل: shabad jabbar إلى: amosh79@hotmail.com تغير إتجاه النص عزيزي السيد امجد المحترم تحية طيبة اتمنى لك التوفيق من كل قلبي .في الحقيقة رسالتك مقتضبة وفيها الكثير من الاخطاء الاملائية ولكني عرفت انك قرات مشروع البحث الخاص بالنفايات الصلبة عزيزي هل انت طالب ماجستير تريد ان تاخذ شهادة, هناك طبعا امكانية في هذا المشروع ام انك مستثمر وتبحث عن شركات مصنعة لموادتعاد استعمالها من السويد في الحقيقة ان كنت الاخير ستكون العملية غيراقتصادية يجب ان تبحث في منطقتك عن معامل تصنع البلاستك والعلب والورق ترفدها بالمواد اولية مفروزة من القمامة وتساعدك هي في توفير عربات القمامة او دفع رواتب العاملين او عددهم وهي بذلك توفر شراء مواد اولية للتصنيع. ان لديك اي استفسار بهذا الخصوص ارجوك لاتردد فلقد اثلجت قلبي ان بين شبابنا من فيهم هذه الهمة وفقك الله في مسعاك. ةشبعاد جبار ارفقت هذ الجواب حتى يتحفز طلابنا من دراسات العليا فقد يكون موضوعا شيقا ولم يطرق من قبل بل هو كذلك فهل من منافس لامجد اما الاجندة الي تعقد الاجتماعات والمشاورات من اجلها فلها اهداف محددة وهي ما ء نظيف..هواء نظيف خالي من الملوثات خصوصا ثاني اوكسيد الكربون..لاحامضية في البحيرات لانهم يعانون هنا من الامطار الحامضية اضافة الى ان صخورهم حامضة عندما يسقط المطر تذوب الصخور وتنقل الحموضة الى الانها والبحيرا واكتشفوا انعدام وجود الاسماك وال"ريككور"الروبيان في هذه البحيرات وهم يعشقون الريككور لذا اقسموا انتعود الحياة الى هذه البحيرات ..وفي الحقيقة حدث وان زرت ثلاث من هذه البحيرات ميدانيا من اجل الاطمئنان على سير الامور ..الواقع الناس عدهم مشاكل بيئية يعني لان كان عندهم صناعات ثقيلة استعملوا مواد كيماوية كثيرة سببت لهم مشاكل ايضا لكنهم عازمين على تنظيف اخر سم من ارضهم مع اطلالة الفين وعشرين .. عدت الى توشتن لمناقشة الامر معه لانه اخبرني بوجود مشكلتين لم نحسب لهما حساب وهو احتما ل ان يتضايق الاعداد الكبيرة الهاجرة من الارانب من وجود السويدين معهم ومزاحمتهم في الوارد الطبيعية وخصوصا انهم سيدفعون"سكات"ضرائب فخطرت في بالي فكرة خبيثة وداعيتكم حقيقي من اهل الناصرية حتى ان بعضهم اطلق علي دعاية انها تستعمل ذكائها بخبث فلاستعمله اذن جاء وقته فاجبته على الفور بسيطة نرسل كل السويدين للعراق ونعيد توطينهم هناك وهم ماشاءالله عليهم ودودين وانبسا ..سي بسرعة وبدأت اعدد له موارد العراق وكيف انه الاول في انتا ج الكبريت ,الثاني بالنفط هناك الفوسفات في عكاشات الحديد في السليمانية واتذكر اكو طالب بالماجستير في قسم الجيولوجي لقى الذهب في احد نماذجة اي نعم مو اقتصادي ومحد صدك بيه لكن انتم تسوون التراب ذهب ثم احنا الدولة الاولى بالزبالة ونتو تدورون على هيك اشياء حتى تعيدون تصنيعها ماشاءالله حتى مواطنيكم تدزولهم نشرات شلون يسوون كمبوست سماد عضوي لايؤثر على المحاصيل اصلا تسوون العراق سويد انتو شعدكم هنا اشو عايشين وتعيشونه وياكم على الحديدات بالشمال والضرايب هناك موارد هواية حتى السول الشمس تكدرون اصلا تضمون النفط وتستعملون الطاقة الشمسية اجابني موخاف الشعب ميقبل يقولون عدكم اوران ويقصد يورانيوم هواية ..قلتله شوف انتو اصدقاء الامريكان وهي راح تساعدكم وبعدين تكدرون تستخلصوه من التربة وتعيدون استعماله وتصنعون منه حتى قنبلة محد راح يقلكم اسلحة دمار شامل خو انتو مو عرب ممنوع عليكم ولو انه افضل ان تغضون النظر عن فكرة القنبلة النووية لانه تعرفون الاخطار البيئية التي تسببها ودفن الفضلات لازم يكون على اعماق بعيدة تعرف حتى لايصلها يد العابثين وانه اعرفكم حريصين مو مثل كوفي عنان دمر الاسلحة واخذ فلوس التدمير منا اضعاف مضاعفة ودفنها على عمق ضحل اجو الناس حفروا بالكرك طلعوها عبالهم كنوز صدام ضامها ببراميل يفرغون البراميل ويذبون بلشط وبالقع لم لوثو..وهنا استدركت بلعت باقي كلامي لان يجب ان اسوي دعاية حسنة وجاءتني فكرة اغراءه بالدين وقلت له ثم احنا عدنا العتبات المقدسة تذب ملايين يجون كم من كل بقاع العالم الاسلامي اشو شفته ضاج لا ما اتصور هاي العراقيين يشيلوها وياهم لكن اكو بيت النبي ابراهيم هذا كلتور لاتعتبروه معلم ديني خو حتى البابا راد يزوره ومنعه صدام الاحمق وحرم العراقيين من اوسع سياحة دينية عالمية هذه المرة لان ابراهيم ابو الانبياء..كل ما يعترض عليه اقله لا انا ماقصدت هذا اعزيها الى" المس فشتور" عدم فهم لاني ليست ضليعة السويدية وياما علقنا على الانسة فشتور قصدي المسفشتور اخطاء ياما ضربنا قانون وقلنا مسفشتور ياما ضربنا تعليمات وقلنا العفو فشتور لكن القانون لايحمي المسفشترين..طلعلي هالمرة بالثلج انه هم متعودين عليه وشلون يست نو هسة فرحانين بدورة الالعاب الشتوية قلت انته متعرف شي روح شوف الشمال مغطى بالثلج كانه كيرونا يمكن بالغت شوية وبعدين اللي عنده هيج موارد ميكدر يسوي جبال جليد شوف الامارات بواردات النفط وبقيادة حكيمة صنعت مدن من الخيال شكد منكم انتو الاطباء يتمنون يشتغلون هناك مو انتو خو عددت لك شكد عندكم موارد لو هم مس فشتور لايبدو ان الرجل فهمني وادخلت الفكرة عنوة اسرعت انا لحزم امتعتي مع القادمين الجدد واقسمت ان دخلتك ياعراق الامرغن الجبين بترابك ولو ترابه بيه يورانيوم .
عزيزي المحرر الحكاية لها رباط صحيح مؤلمة ولكن هذا هو الواقع انا اريد ان اصل الى مغزى مفاده هو الانساان من يصنع الوطن وليس الوطن من يصنع انسانا بالاضافة الى سوق وتمرير بعض المعلومات البيئة من خلال نقد ساخر والا لايقرا الناس واكون تعبت نفسي وانفسكم عالفاضي اما العراقيين فانا فقط احفزهم لانهم فقدوا الامل في الوطن وطبعا لايمكن ان افكر لحظة واحدة في الاساءة لهم بما فيهم سياسيينا ببساطة لاني عراقية وفخورة فخورة فخورة بعراقيتي وهذا يرفعني ولايضعني والنقد هو فقط اللتذكيروجذب الاهتمام الى نقطة هم يروها على غير مانراها نحن اعتذر لكل عراقي وعراقي فهمني خطئا وانا اعمل من اجلهم شبعاد جبار .
يوميات معيدي بالسويد_4_
شبعاد جبار
shabad_5@hotmail.com
2006 / 2 / 22
اليوم كانت هناك حركة غير عادية بالقسم..تاجلت اجتماعات وعقدت اخرى على غاية الاهمية رؤساء الاقسام غرفهم ظلمة "وهذ لايعود الى انقطاع في التيار" وانما الى تقنين بالتيار صحيح عندهم كهرباء بس هم بقتصدون والطريقة هي وضع جهاز صغير في كل غرفة يكون حساس لاي حركة بمجرد ان يشعر الجهاز.. ماكو احد ماكو حركة ينطفئ الضوء تلقائيا وهذا اكتشفته بنفسي العام الماضي كنت اطبق لديهم وكثيرا ما انهزم منهم واجلس "مخلوسة"وحدي بالغرفة اي نعم كنت اقرة لكن حتى الضوء شعر بكابتي واعتبرني غير موجودة وفجاة ينطفئ قمت افتح الضوة قبل ما اوصل انفتح فظللت احرك يدي او الكتاب "اللي كنت غافية علية يرجع" ليشتعل انا ولا فخر اعزيتها الى الحركة ولم اسال لانه شفت ان اسال على كلشئ يعتبروني ماشايفة ولو اني معيدية صدك ما شايفة بس هم واحد لازم ميطلع على روحة دعاية .يعني الناس كلها تقتصد بالهرباء مو مشكلة احنه الحكومة تقتصد النه وما تنطيها حتى لو اتحركنا بطريقة عنيفة تصل الى حد المظاهرات. رؤساء الاقسام ما متواجدين منذ الجمعة الماضي بسبب انفلونزا الطيور حيث ماتت اربع وزات في المانيا..قسمنا معني بالامر لانه "خو موبس خوتا الحيوان لا همين يهتم بالانسان " وضعت على مكتب كل شخص تعليمات عن نتائج الاجتماعات وماتوصلت اليه مجموعة الازمة..
انا في الحقيقة قرات هذه المعلومات لم اجد فيها غير نصائح يجب وشددوا يجب ان ترسل الى الفولك بشتى الطرق والفولك الشعب حول يمنع منعا باتا لمس او رفع اي طير تجده ميتا في حديقتك او في الطريق وانما رنج اتصل بالارقام التالية فورا لانه هذه مهمة بيطيرية وهم يستطيعون البيطرة الاعتناء بالطيور بطريقة مثلى وعلاوة على ذلك هم مجهزين بملابس وقفازات وغيرها من اساليب ..
تريد معلومات اكثر افتح المواقع التالية..تريد نصيحة رنج هذه الارقام ..في الحقيقة هذه احدى طرقهم في تعليم وتوعية الناس اضافة الى المعلومات طبعا بالجرائد الانترنت القنوات التلفزيونية وحتى الاف ام يكطعون اغنية كد باي ماي فريند وينقلون معلومة تريد ان تصل الى الشعب باي وسيلة "كولو ليش" لانهم يعرفون جيدا اي مشروع ممكن يفشل بسهولة اذا ماكو مساعدة من الشعب خذ مثلا عملية فرز القمامة تعقد لها ندوات ونشرات ترسل الى لبيوت احدى المرات والله استلما منشور من البريف لودا يقول انتو ياهل هاي العمارة نكستوا عقلنا ما معناه يابة ليش لانه هذا الشهر عملية الفرز مالتكم كانت سيئة تعبتوهم هناك في محطة تجميع النفايات انا لااستطيع ان اقول لكم اشلون عرفوا بالتحديد عمارتنا وكم عمارة اخرى هم ا"المجرمين" اكيد هناك نظام وهو فعلا لتسجيل السيارات الداخلة للمحطة ومن اي جهة ..
لا هو فلا هذا لاني تذكرت مرة طلعت مع هيلينا ويانز الاخير رجل كانت البنية تدقق على عملية النقل والتسجيل والمن اعطيتو زبلكم حتى خاف واحد ذاب فد شي يلقفوه ناس واصلين.
هذا ماكان من الناس الكبار ام الموظفين فاعلمكم ان الجميلتين كيكي ويوسيفينا غادرتنا في مهمة تفتيشية انا في الحقيقة شفتهم مخبوصين وانضمت لهم وحدة ثالثة واسمعهم يكون"هيست=حصان"وحتى على الغنم لكن ما ركزت ففوجئت بكيكي تقول في سيس بو توداج ها قلت في نفسي يعني هية مابين رايحة للبيت ماخذة اجازة حتى تقول الى اللقاء في يوم الخميس كانت تلبس وزميلاتهت ملابس العمل الخاصة بالكومون البلدية وشايليين بساطي بايدهم اجابتني راح نبقى هناك هذه الفترة انقهرت ليش ماتنصتت حتى اعرف شنو "يجوز رايحين يقولون لفد هيست والدة الحمدلله على السلامة ويقعدون يمها يعلموها شلون تعتني بالوليد "يسووها"ا
اليوم سيغلق ملف الارنب ..لماذا؟ لان السيد شيل حصل على بسلوت=قرار من المحافظة بالموافقة على ضم برنس الى مجموعة شيل الحيوانية والموافقة حصلت بعد ان تم معاينة مكان رنس والتاكد انه نظيف وانه سيتلقى العناية واغلب الظن ان شيل كان ينتظر القرار حتى يكون بعيد عن المسائلة القانونية فيما لو حدث وطالبت المالكة الاصلية بتعويضها عن فقدا الارنب وخطفه وحتى المحافظة اعلنت بالجرايد ودزت رسالة للمالك الاصلي حتى لاتتحمل مسؤولية والا ارنب لقوه امنا بالله ماراح تهدوه لانكم تعتنون بالحيوان انطوه لشيل بدون لف ودورانلكن هاي البسلوتات لويش اكي د حتى كل يكون في السيف سايد .
كان بودي ان اكمل لكن انا ايضا لدي مسؤوليات وخاف الرجال يطلّع بسلوت مو بصالحي .
يوميات معيدي في السويد_5-
شبعاد جبار
shabad_5@hotmail.com
2006 / 2 / 23
اليوم اجلت كل مواضيعي وحتى شغل البيت لان هناك قضية مهمة يجب التنبيه لها وحتى نسيت كيكي ويوفسينا ولو هم مارح يجون ,اصلا انا اختصاصي موحيوان
وانما تربة لذا حمدت الله انني سامارس اختصاصي ب"رو"هدوء بس ترة ها انا ما اسالهم الا باوقات الاستراحة او عندما ماكو شغل اي القوانين قوانين مو عبالكم انه غريبة يللوني مثل ما عدنا بالعراق لا هاي بس بالعراق.توجهت الى يونس وهو المشرف الرئيس لي, هو الولد من الجنوب "سكوني"وانه هم من الجنوب معيدي واحيانا شروكي, بس والله العظيم ما افهم عليه ولهجته كلش صعبة احيانا يجاملوني ويقولون نحن هم نجدها صعبة يعني مثل واحد من الهور وواحد من الموصل ابو الهور شمفهمه العجايا شنو..
ولكن رحتلة اساله هالمرة على شئ يخصني ذهبت له وانا احمل الموبايل كولوا ليش حتى اسجل كلامة كلمة بكلمة وظل اعيد واصقل بيها الى ان افهما انتو هم لازم تفهموه لان تهمكم وبعدين هناك سبب اخر حتى يسموني حامل موبايل لان هنا الصحفين مايسجلون بالقلم وانما يسجلون فكرهم واراءهم وكتاباتهم بالموبيل انا قلت لكم منو يسموه حامل قلم ,قبل, احنا اللي منكدر ننطق بعض الكلمات بصورة صحيحة الشهادة لله الشباب اللي يجون زغار يرمون القلم مبكرا واصلا لايحملونه انا شخصيا حامل قلم واليوم راح احمل موبيل حملت الموبايل ورحت"هادة"على يوناس انه مصرة اسمية يونس وقلتلهم مثل ما علمناكم يلا اعلمكم يونس وانا اصرخ "والله واحد وزني قلي اصرخي شبعاد انه قلتله عد عيناك بس وحدي مااكدر خلي اروح على يونس المشرف مالتي ومن الباب يونس بلهجة جنوبية سكونية:ة تقبلها بالله احنا هنا دك اجتماعات على مايكروغرامات من العناصر الثقيلة غصاص "بدلوا كل راء بغين وطلعوها من اسفل البلعوم هاي سكونية"رصاص لو كغوم لو نيكل واحنه هناك شكد يورانيوم ماندري !
نقلهم يابه قيسوا كبل ماتسون اي مشروع وخصوصا مجمعات سكنية ماكو! يبنون مجمعات في مواقع مشكوك بامرها الى حد اليقين ..
ماقصر الولد ظل يصرخ اصلا تخبل من الصراخ وظليت اهديّه يابا ترة احنا بعدنه جدد نريد نعوض الشعب كال ابدا ماكو شئ يعوض عن الصحة ثم تعالي شلون يطلع ترخيص بناء دون ان تدرس المنطقة ونتاكد انها صالحة لتكون مجمعات سكنية كتله ما ادري روح اسال الحكومة يمكن اكو كم موظف تمر عليهم المعاملة يوقعوها وابوك الله يرحمها هي هاي اجازة البناء عدنة, موبس يصيح خليته يلطم وصار وجهة احمر هو اصلا احمر بحيث انتقلت لي العدوى وهم ظليت الطم وانه شلون صوت عندي متعلمة من الفواتح لازم من نطب عزة نصرخ من الباب اساتذة جامعة بريستيج.. ماكو..
كتله صرختنا هاي متكفي خلي نروح لاريكا "هاي بنية موقنفة "هي مو البارحة كانت ويانة باجتماع المؤسسة اللي تريد تغير نشاطها من صناعي الى سكن"والله العظيم حقيقة" واريكا سوت كل الدراسات والتحاليل وحضرت ويانه بالاجتماع كمستشارة ونرجع الها وكالت اكو بعض الملوثات التي يجب ان تزال مادام تحول النشاط الى سكن لان ما يجوز للمناطق الصناعية تتحول الىسكني بدون ازالة ملوثات وهي اكيد اكو باعتبار التواجد طول الوقت ووجود اطفال بس الولد ميجاوب لان ملتهي يصرخ تيصورنا احنا منتهكين قوانين بس اشر لي كلي يلا"هم شاطرين بيها يلا يلا" ناخذ اريكا ويانة الصراحة البنية ماقصرت ظلت تصرخ وراحت تملخ بشعرها الاشقر"حرام عليكم تسوون هيجي بيها بس هيه مصختها شوية لان تصورت هيه هم راح تجري الدراسة يعني بكيها عالهريسة لكن اشهد بالله هي وشركتها امينة كل التقارير اللي قريتها كان تقول رايها بصراحة وماتخاف هنا اكو رصاص هنا اكو بنزين هنا كروم "انا بصراحة ماكدر اقلل من اهمية كل ملوث وعنصر بس اليوانيوم ياجماعةشوية اكثر" حتى اذا حصل وانكب احد النماذج تقول البنت اي.. مو تروح تترس ماي من الحنفية! ..
كول اخذناها ويانه تصرخ مرينا على دانيال وكرستين جيسكا ما اخذناها اليوم جايبة "موة" وياها اسم بتهاوالشيف الصغير والشيف الكبير ورحنا نصرخ ونسوي مظاهرة نطالب بيها التاكد من اي موقع يعد كارض لبناء مجمعات سكنية واجراء تحاليل يمعودين ارض العراق واسعة مالكيتو الا المنطقة القريبة من الطاقة الذرية ..خو هذولة غربة وصيحوا انتو شبيكم و...
[/b][/size][/font]
