المنوعات > نادي اسرة الترحيب والتعارف

سولفولنا عن سوالفكم

(1/6) > >>

ابو خالد:
مرحبا اخواني ومرحبا اخواتي اعضاء هذا المنتدى الراقي

اليوم كتبت موضوع واريد كل الاعضاء يشاركون بيه

لاتكون مفلس كالذي يجتاز السوق مسرعا دون ان يلتفت على المحلات...فنعرفه مفلس من سرعته

يعني اذا اجتزت الموضوع بدون ان تعلق بقصه فأنت مفلس بقصصك

الموضوع هو كل واحد من عدنا اكيد مر بحياته سواء بطفولته بمراهقته ببلوغه عندما كبر..بفد قصه حلوه

وطريفه وبقت هاي القصه بباله وماينساها نريدكم كل واحد منكم يسولفلنا عن ذكرى معينه حلوه وانا راح

اسولف قصتي بالبدايه
كان يامكان في قديم الزمان ههههههه

فد يوم اتعرفت على بنت وهاي البنت اول تجربه بحياتي يعني مامسولف ابد مع بنيه وهيه كانت قريبه على

 بيتنا ..ومادري شلون بسرعه صار الموعد وكالت اريد اشوفك بره البيت  بالدربونه الثانيه حتى نسولف طبعا

 حددت المكان ولساعه وكاتبتهم بورقه وذبتلي الورقه  الله شلون الحب كان بريء وحلو على ايامنا...انا رحت

بسرعه على ولد صديق عنده علساس خبره بهاي السوالف كتله شلون حبوبي انقذني عندي موعد مع

بنيه شنو اكللها وشنو اسولف وياها..صديقي كال هاي بسيطه ليش خايف  انت من تشوفها كول ا لها اني

انا متمني الفرصه هاي من زمان ولحمدلله حصلت هاي الفرصه وكول الها اغمضي عينك عندي هديه الك

ومن تغمض حاول تقبلها على خدها الايمن ومادري ليش ركز على الايمن لحد الان ماعرف التفسير

والله اتشكرت منه ورحت للبيت خليت عطر يمكن خلصت الشيشه مالت امي خطيه وبعدين شسورت كذلتي يعني بكلتي الله

يذكرها بكلتي بالخير كانت نازله على عيوني بس مايضل شي على حاله...ورحت وانا عبالك حافظ محفوظه

وخايف انسا كلمه من كلام صاحبي والله كولو ؟؟وصلت وصار اللقاء وانا قلبي يركع ووجهي كام ينطي الوان

 اول ماشفتها والله حتى ماسلمت عليها بسرعه بديت بالكلام اللي قدمه لي صديقي حتى لا انساه وقلت

 الها  انا متمني هاي الفرصه من زمان ولحمدلله حصلت وغمضي عيونج عندي هديه الج بس انتم تخيلو؟؟ 

الكلام بسرعه بسرعه

والله البنيه خطيه غمضت عينها وانا قبلتها على خدها اليمين وخطيه تفاجئت مني وانا خفت وتخربطت وبسرعه شردت اركض

لان خلص الكلام اللي عندي وصوج صديقي ماعلمني شنو اسولف بعد البوسه ..وهاي قصه مرت بحياتي

وانشالله تعجبكم..اخوكم ابوخالد((قلب المنتدى))

روزماري:
أشكرك أبو خالد يا قلب المنتدى
موضوع جدا لطيف وخفيف ضل  سوف أحكي لك رواية جدا قصيرة
كان ياماكان في سالف العصر والأوان لما كان  أحببت زميلي الذي كان معي في الصف الأول الأبتدائي ولكن أحنا أطفال ومنعرف نعبر  شلون بهذا الشعور  الطفولي ليس ألأ  ضليت وياه من شعبة الى شعبة الأ أن جا فرد يوم وقررت أن أبوح بحبي  أضحك هسة  وشوف أفكاري الطفولية وشسويت
بيوم توزيع النتائج أخر السنة  كنت محتفضة ببوستر عزيز عليه حاص بأخوية الجبير

كان البوستر لدايسكي كريندايزر  ورحت وهديتة أياه  وهذا كان أول حب ألي  ومن بعدها مشفتة وصرنا بألأعدادية وكل واحد راح لأعداديتا لكن أول يحب يضل بالبال  وخصوصا الطفولي
وخلصت السالوفة وعاشو عيشة سعيدة
تقبل مروري  يا قلب المنتدى

روزماري  جوهرة المنتدى

ابو خالد:
تسلمين اختي العزيزه روزماري على القصه الحلوه اللي كلها براءه وتدرين انا لحد الان احب كريندايزر واكول الى اطفالي ماكو افلام كارتون ابد يدخل مزاجي غير كريندايزر..واشكر مرورك وتعليقك

الجوهره:
اشكرك صديقنا ابوخالد على هذا الموضوع الذي يجعلنا نفكر بسوالف وايد مرت علينا بحياتنا وماننساه ونضل نضحك من نتذكرها وانا عندي هذا الموقف الطريف اللي حصل وياي؟؟؟

فد يوم من الايام كانت عندنا رحله بطياره من مكان الى مكان وكانت امي امرأه كبيره وتخاف حيل من شغلة الطياره لانها ماراكبه بحياتها طياره فعندما جلست على كرسي الطياره بجانبي وانا احاول ان اطمئنها قبل الاقلاع ..ارجوك ياامي لاتخافي لاتقلقلي لاداعي للقلق لانها شغله بسيطه من تقلع الطياره ماراح تحسين بشي بس امي تسمع كلامي بهاي الاذن وتطلعها من الاذن الثانيه ...وربطت الحزام وشافت المضيفه تأشر بيدها عن طرق الوقايه اذا لاسامح الله صار فد شي بالطياره وخطيه امي باكت طن هوى زياده؟؟واول ماتحركت الطياره ومشت بسرعه امي مغمضه عيونها خطيه كأنها راكبه دولاب الهوى واول مااقلعت الطياره صاحت امي بصوت عالي يبـــــــــــــــــــــــــــــــــــــووووووي الناس كلها ضلت تباوع علينا وانا انحرجت حيل وكان بودي اني افهم الناس اني ماعرفها من كد ماستحيت ههههههههههههههههه وهاي القصه الطريفه الي مريت بيها وماكدر انساها ..وتقبل مروري


    الجوهره (زهرة العطاء )

ابو خالد:
اشكر مرورك صديقتنا الجوهره((زهرة العطاء)) والله هذا الموقف مالتج الله لايخلي واحد بيه هههههههه

يعني لو انا بمكانج كان اخذ برشوت من المضيفه واشمر نفسي لو افتح الجامه واشمر امي لان مبينه امج مشهوره هههههههه والله يساعد نسيبها اللي متزوج بتها عليها...

تصفح

[0] فهرس الرسائل

[#] الصفحة التالية

الذهاب الى النسخة الكاملة