مرحبا اخوان / ما اعرف منين ابدي و وين انتهي

[haider111]

السلام عليكم
اخوان اني كنت ضابط بالجيش ونتيجة لحصولي على عقوبة من الامر بوقتها  تم تحويلي الى الفدائيين وما كدرت ارفض  لانه عدي  يعلسني اذا ما اقبل
وهسه وضعي  لا اكدر ارجع للجيش ولا الي حقوق تقاعدية ولا الي منح علما انه اني حاصل على الماجستير بالعسكرية وتعبت كلش والله
وهسه حتى اذا اقدم على  برنامج الاس اي في  او الاي او ام  يمكن هم ميقبلوني  لانه  شغلتي داجة ويعتبروني ارهابي اكيد
زين وين انطي وجهي؟ اشو الكل محاربني وما اعرف وين اروح
سؤالي هو  اكو دولة تنطي لجوء الى الي مثل حالتي؟ ويا دولة؟ وشلون اقدملهم؟  بس اني ما اكدر اسافر واروح لغير دولة اقدم  اريد اني وبالعراق اقدم  لان ما بيه حيل مصاريف  سفر
وسؤالي الاخر
انه اني وره السقوط اشتغلت خمس سنوات ويه شركة متعاونة مع الامريكان وخضنه مشاريع هوايه بالتعاون مع الامريكان  لان كنا نستلم منهم عقود
وعندي الريكومنديشن والاج ار لتر
اخاف اقدم على الاس اي في واتعب  وبعدين  راح يعرفون اني وين جنت اداوم
شنو رايكم؟ اكولهم بالايميل من هسه  تره اني هيجي وهيجي سالفتي  واذا قبلوا اقدم؟  لو اقدم والله كريم؟
اريد مساعدتكم ويايه  لانه دا احس  بنفسي  ضايع وغركان بنص  بحر ومدا اندل  دربي
شكرا الكم واتمنالكم كلكم السفر والموفقية
تحياتي للجميع وبالاخص الادارة
اخوكم حيدر

[بغدادي76]

إذا انت مامبلغ الشركة اللي اشتغلت بيها بأنك كنت بالفدائيين فأعتقد انو الأفضل ماتبلغهم , لأن همه ماعدهم اي مصادر أو مراجع للبحث عن تاريخك قبل السقوط , أما إذا بعد السقود مبلغ الشركة او اي جهة امريكية فأحتمال جبير جدا جدا انو مسجلين هذه الشي لأن كل واحد مشتغل وياهم جامعين معلومات عنه , وهذي هجرة لبلدهم يعني اكيد حيجمعون الملعومات
بس على كلٍ أعتقد انو مادام سجلك نضيف بالشركة اللي اشتغلت بيهه فعلى الأغلب مالها تأثير كبير هذي السالفة.

[سيزر]

اخي قدم وأللــــــــــه كريم ... التجربه والفشل احسن من انهو ما تجرب نهائياً وبعدين تعلس روحك علس من الندم وتظل ها لووو وها لوو ....
وخلي شعارك منا ورايح ( الله ___ الوطن ____ أللجؤ ) .


انشالله خير ابن عمي بس جرب حظك وتره حتى ما خادم عسكريه اصلاً هم يخاف لا ينرفض وكلنه بالهوى سوى .... حيالله جماعة النمل الاسود ههههههههه


سيزر[/b]

[ammar4_u]

اخي حيدر السلام عليكم ورحمة الله وبركاته

فترة مره بيه العراق وانتهت ومنريد ندخل بغير مواضيع لان هيه تاريخ وعمر راح من عدنه.

 بس كرأي شخصي وعن نفسي احجي اني افضل الصراحه بكل مفاصل الحياة بس مرات الكذبة البيضة تنراد ...اخ حيدر قدم ولتجيب سالفة كونك بالفدائين بس السؤال هنا لازم تجيك ويه جماعتك الي جانو بالفدائين مارين بهيج موقف لو لا ؟؟؟ زين اذا انته مذكرت كونك كنت بالفدائئين هل تذكر الهم انه جنت ظابط بس بغير صنف "تكول انته ظابط بس تكول مشاة او اي صنف عادي" واتمنه من الاخوان الي كانو بالجيش العراقي يحجون عن تجاربهم

اخ حيدر شرف المحاولة احسن من ان تجر بالحسرات وتعيش انته واهلك في دوامة محد يعرف تاليه

اسال الله يسر امرك ..وان شاء الله نلتقي بامريكا

تقبل مروري

عمار

[suzie83]

اخوية العزيز  ..  انت  من تقدم  الاس اي في  لازم تكون صريح وياهم  .. ما ا عتقد اكو مشكلة  لانه انت اشتغلت وياهم  وعدك رسالة  من اج ار   وتوصيات  معناها   انت  مراح تكون  خطيرر كلش عليهم .. واكو بالاستمارة دي 157  حقل خاص بالخدمة  العسكرية  تكدر تمليه لانه وراك اكو تجيك امني واذا وصلت مرحلة متقدمة ورفضوك  لانه يكتشفون  انه انت جنت شنو  وما كتلهم اكيد راح تواجه تعقيدات هواية  .. انت ما خسران  شي  احجي الصدك وياهم تسلم   واكو  موضوع  SIV بالمواضيع المهمة  اطرح موضوعك هناك واكيد الاخوان ما  يقصرون   واتمنى اكون ساعدتك  بشي قليل  يا رب

[vincenzo]

ها خوية قدمت لو بعدك؟؟؟