ليش اتفكرين بالغلط ______وليش مرتبكه بامورج
ليش صايره متوتره ________شبيج حايره بضنونج
لا اباليه انتِ صايره _________ومتفننه بآهاتج
جنج سفينه تايه ___________ودورين مرساتج
وشبيهن اشرعتج متكطعه ______وليش امبعثره اوراقج
هايمه وحايره بنفس الوقت ________متعرفين شلون تاخذين قرارج
عيدي حساباتج يفلانه __________وبسج اتأفأفين بأنفاسج
كل شي يهون وحك ربج __________بس انتِ قرري وعيدي اموراتج
مرات تبجين بلهفه __________ومرات من البجي تغرك خدوداتج
ذبلن حيل عيونج ______________رحمي شويه دمعاتج
الدنيه مو بس صفنه وهم وقهر ___________الدنيه تحلى بوجودج
كومي نفظي عنج هذا الثوب ________ وغيري كل شي بحياتج
صدكيني الهم يروح ويتعدى __________وترجعين حلوه بضحكاتج
لتفكرين بعد بالغلط _____________ربج ارحم من هموج