المحرر موضوع: الي عنده اولاد في اميركا يريدون يدخلون جامعة كيف ذلك ونسمع ان الجامعة بحاجة الى بلاوي من الدولارات  (زيارة 7875 مرات)

0 الأعضاء و 1 ضيف يشاهدون هذا الموضوع.

غير متصل عاشق الوزة

  • عضو فعال جدا
  • ***
  • مشاركة: 132
    • مشاهدة الملف الشخصي
الاخوان الي عايشين باميركا تحياتي لكم
سؤالي
1- كيف يتم الدخول للجامعة للاجيء في اميركا بعد اكمال الدراسة الاعدادية او الثانوية من حيث المعدل ونوع الكلية المطلوبة وهل هي حسب رغبة الطالب ام حسب المعدل
2- كلاجيء كيف يكون مصير اولادي الدراسي اذا لااملك مصاريف الجامعة او الكلية
تحياتي لكل الردود البناءة مسبقا 


غير متصل BaghdadGhost

  • عضو مميز جدا
  • *****
  • مشاركة: 2521
  • الجنس: ذكر
    • مشاهدة الملف الشخصي
اخي عاشق الوزة ,,,,

الاعضاء يعرفوني ,,, اخوك سفردحي ,,,,, بس اكو عائله عراقيه يمنه اجوي قبلي من مصر ,,,, ابنهم الجبير المفروض يدخل للكليه ,,,,, بس الكفيل نصحهم بان يدرس هاي سكول اخر مرحله ,,,, حته هم يقوي الانكليزي مالته و حته يجيب درجات عاليه و يكدر يلكاله قبول بكليه زينه ,,,,,, شون ,,, شنو التفاصيل ,,,, بعد ما اعرف ,,,, بس حبيت اذكرلك الي صار وياهم عسى ان تستفيد منه ,,,,

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
اخي العزيز
النظام في امريكا هو بعد التخرج من الاعدادية والتقديم على الدراسة الجامعية وفي حالة عدم تمكن الطالب من دفع اجور الدراسة تقوم الجامعة بمنح قرض للطالب وهذا هو نظام الدراسة الجامعية في الولايات المتحدة

بعد تخرج الطالب وايجاده عمل ثابت يقوم بارجاع هذا القرض الى الجامعة مع الفائدة

يعني ايظل طول حياتة يشتغل ويدفع ديون

هاي عيشة الامريكان هنانا

اخي العزيز هيج السستم هنانا

تحياتي

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
اخي الغالي
الحكومه الامريكيه ((هنا  بتكساس))
تدفع الان مبالغ نقديه لغرض الدراسه للاجئين والمهاجرين ويسموهه على ما اعتقد سكوولنك ايد
وبدون اي فوائد بس الدراسه اتكون في الجامعات الحكوميه فقط
وهم خلفلله عليهم
ديقصطون الدفعات مالتهه بين 3 الى 5 سنوات بعد التخرج
وهذا تشريع جديد واحد الاخوان الي يمي دا يمشي بالموضوع انشاءالله اجيبلك التفاصيل بس اشوفه
تقبل تحياتي

اخوك
ابو عبد الله التكساسي

angie-dawood

  • زائر
Чаще только онлайн голосования требуют наличие нового(уникального) ip для каждого посетителя, который хочет оставить особенный голос. Ради меня это не проблема. Использую ip адреса реальных людей, а не прокси сервера, которые легко вычислить. Также ip будут взяты именно нужной Вам страны, воеже не получилось, что в голосовании, которое проходит в России были шум из Китая и прочих стран.
 
Чтобы каждого сайта пишу отдельную программу по накрутке и с помощью её постоянно делаю.
 
Стандартные возможности программы это многопоточность т.е. возможность зараз голосовать с разных ip. Это нужно для того, для увеличить прыть накрутки опроса, ежели такая надобность есть. Коли же надобности в быстрой накрутке голосований нет, то дозволено постоянно делать в нераздельно поток.
 
Также учитываю все требования, для непосредственно действие накрутки был естественным. Это вероятно что гость не просто нажмет на кнопку голосования, но также побудет на странице, прокрутит вверх-вниз страницу. Буде нуждаться перейдет на другую случайную страницу для данном сайте.
http://a-smm.ru/
 
 
Чтобы опять больше обезопасить Вас, позволительно пользоваться несколько источников переходов на страницу голосований. Обычно враз прямо переходят на страницу накрутки онлайн голосования и это вызывает недоверие у судей. Я же могу предложить разные источники, кроме прямого захода можно использовать любую ссылку для стороннем сайте на данное голосование. Также можно заходить на страницу после поисковые системы. Подбор не ограничен. Тем самым Вы намного больше защищены в книга, который Вас уличат в накрутке и снимут с участия в голосовании.
Буде для каждого онлайн проголосовавшего нужен новый емейл адрес, то это не проблема. Могу пользоваться свою базу емейлов(порядка 50 тыс), либо могу чтобы каждого пользователя регистрировать принадлежащий ящик. Это постоянно можно обсудить и не составляет проблемы.
 
На счет количества голосов в день, то оно может добиваться десятки тысяч проголосовавших в сутки.
 
Ежели у Вас поглощать какие то другие пожелания сообразно накрутке, то безвыездно обсудим и расскажу можно ли это сделать.
 
Обычные накрутчики голосований шиш подобного не предлагают.
 
Объясню схему работы.
 
1 — Вы показываете мне сайт, для котором идет голосование или находится рейтинг
 
2* — оплачиваете нужное наличность голосов
 
3 — я произвожу накрутку
 
* Когда Вы нечаянно сомневаетесь в моей честности, то дозволено обещать 100 голосов чтобы проверки. Также я имею персональный(т.е. подтвержденный документами) свидетельство вебмани и чтобы отдельно не верующих могу открыть отрезок персональных данный.
накрутка интернет голосований
накрутка голосования vk
купить накрутки голосования
wordpress накрутка голосования
бесплатная накрутка онлайн голосований

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
مشكور الاخت انجي على الاجابة بس من رخصتج حاب شوية اوضح بعض النقاط اللي ذكرتيهة لان الاخ راح ايدوخ شوية لان  اكو مزج بالموضوع

اخي العزيز مثل ما اتفضلت الاخت انجي اكو مساعدة مالية اسمهة FAFSA بس هاي مو للطلبة اللي ايدرسون بالجامعة ام الاربع سنوات  راح اتكلي شنو هاي

اكو سستم بامريكا وهو مثلة بالعراق بس هنانا الاسامي تختلف

اكو هنانا معهد دراسة سنتين
واكو جامعة دراسة 4 سنوات

المعهد بامريكا ايسموة Community college
وهذا ينطبق على الشروط اللي ذكرتهة الاخت من ناحية المساعدة المالية ال FAFSA وهذا ايروحولة الطلاب اللي ميطلعون معدل زين حتة ايطبون جامعة University بعد التخرج من المعهد اللي ايسمو Community college  لذالك بعد التخرج من المعهد يكدر الطالب ان يقدم على الجامعة (اربع سنوات)

بالجامعة الاربع سنوات هناك اكو قرض من نوع خاص وهذا الاف الدولارات اللي ميكدر الطالب يدفعهة يعني مينطوك مساعدة مالية بس ينطوك قرض لازم اترجعة بعدين لان الفرق بين ال FAFSA مال معهد والقرض مال جامعة هذا مترجعة بس قرض الجامعة اترجعة

وعلى ما اعتقد حتة بال  Community college اكو قرض يكدر الطالب ايقدم علية
بس احنا العراقيين تدري منحب ناخذ فلوس ونرجع انحب ناخذ منرجع لذالك اهنانا اتشوف الناس ورة سنة تكتل روحهة اتروح لل  Community college حتة تاخذ راتب ايظل بجيوبهم وطبعا مو كلهم بس الاغلبية

ومثل متفضلت الاخت اذا الطالب شاطر وحصل على معدل عالي فراح ينطوة مزايا اكثر واعتقد مثل مكالت الاخت مجاني وهذا اعتقد ايسمو الزمالة الدراسية للطلبة ال HONOR بس مو كل الجامعات تقدم هذا الشي مثل جامعة هارفرد وكلية الطب اللي بيهة حتة لو المعدل فوك المية فلازم تدفع اجور الدراسة

المهم اخي العزيز لا ادوخ اهنانا من تسمع Community college احنة جنة انسميهة Institution

Community college 2 years degree
  University 4 years degree


موقع ال FAFSA
http://www.fafsa.ed.gov/

تحياتي


angie-dawood

  • زائر
بارك اللة بك اخي الغالي ابو اندروي مو لو غلط ذكرت الاسم  ;D

غير متصل Abo Andrew

  • مبدع قسم الهجرة
  • عضو فعال جدا
  • *
  • مشاركة: 880
  • الجنس: ذكر
    • مشاهدة الملف الشخصي
ألعفو اختي العزيزة انجي
مشكور سعيج وجهدج وية الاخوة

ابو اندرو


غير متصل Wingo

  • مبدع قسم الهجرة
  • عضو مميز جدا
  • *
  • مشاركة: 2853
  • الجنس: ذكر
  • UNHCR 2008 .........................عمّان IOM 2009
    • مشاهدة الملف الشخصي
سؤال ممتاز
بس النتيجة شوية مخيبة للآمال
و خاصة هاي سالفة القروض الربوية
و مشكورين أختنا الغالية أنجي و أخونا العزيز أبو اندرو على ردودهم الوافية و الكافية

الميزة التي تتمتع بها كندا عن أمريكا هو أن الدراسة الجامعية فيها أرخص من أمريكا حتى في الجامعات الممتازة مثل جامعة تورونتو ، والميزة المهمة أيضاً هو أن الكنديين أو المهاجرين يدرسون بأسعار تعادل نصف أسعار دراسة غيرهم من الأجانب في كندا
بس تظل فرص الحصول على دراسة جامعية في أمريكا أكثر بسبب العدد الهائل من الجامعات

الله يوفق الطلاب لإكمال دراستهم على أحسن وجه

تحياتي
Wingo
"اللّهم رحمتك أرجو فلا تكلني إلى نفسي و لا إلى أحد من خلقك طرفة عين و أصلح لي شأني كله لا إله إلا أنت"


غير متصل عاشق الوزة

  • عضو فعال جدا
  • ***
  • مشاركة: 132
    • مشاهدة الملف الشخصي
الاخوة والاخوات ابو اندرو وانجي والتكساسي ابو عبدالله ماقصرتم
وتاتي على قدر الكرام المكارم


غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
اخي الغالي
اليوم جيتك بالمختصر المفيد
الكوميونيتي كولج الي يمنه بتكساس هي (( كليه وليست معهد)) واسمهه HCC بيهه مكتب مساعدات فيدرالي ينطي للطالب الي ما عنده اي فلوس مبلغ من المال ايكفي على عدد السمسترات - الفصول الدراسيه- ولاي دراسه ولاي جامعه وبدون شرط وبدون فوائد ويستمر مدى الحياة اذا اتريد والقسط الاول هو 2400 دولار فقط ويستمر مع استمرار الطالب بالدراسه الجامعيه
الجامعات المتضمنه بالمساعدات مفتوحه -لان راح ينطوك فلوس وانت تروح اتقدم -
الاوراق المطلوبه
هويتين ام الصوره والجواز يكون احداها
ان ما يكون عندك فلوس او دخل مادي كبير
ان لا يكون للاقارب الدرجه الاولى املاك او دخل كبير - يعني اب او ام او اخ او اخت زناكين-
اذا اقل من 21 سنه لازم يكون عند الطالب ورقه من الام تذكر انه هيه ما محتاجه رعايه من الشخص المعني من اي نوع
وابوك الله يرحمه
ها المنحه اسمهه ستيودنتس فانينشيال ايد
واحد الاخوان الي ديمشي بهذا الموضوع حاليا في هيوستن فصليا بهاي الدقهه


انشاءالله اكون وفيت بوعدى الك اغاتي وعمي العزيز
تحيات
وليدك ابو عبدالله التكساسي

غير متصل عاشق الوزة

  • عضو فعال جدا
  • ***
  • مشاركة: 132
    • مشاهدة الملف الشخصي
الاخ ابو عبدالله التكساسي معلوماتك بالصميم عاجز عن شكرك

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
الف هله بالغالي
تدلل عيوني
وازيدك من الشعر بيت
اني قدمت لام عبد الله اهنا لان شهادتهه احسن من مالتي بامريكا
اني ترجمه وهييه محاسبه قانونيه  :P

غير متصل Aram2003

  • نجم منتدى الهجرة و اللاجئين
  • عضو فعال جدا
  • *
  • مشاركة: 198
    • مشاهدة الملف الشخصي
الاخ الله التكساسي
هاي الجامعات الي ذكرتها بموضوعك نكدراحنا نعادل شهادتنا بيها
شكرا لمساعدتك ولكل من شارك بالموضوع

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
ارام
ولو سؤالك كلش مفيد واتمنى نحصل جوابه
بس
هذا منو "الله التكساسي"  ;D ;D ;D
والله اكو اغلاط مطبعية عنيفة مرة نزل غسان الاشقر (الله يذكره بالخير- لان صارله فتره مختفي) موضوع عنيف عنهه وكلله بسامير والموضوع بوكتهه ترحل مدري وين

مشكورين عالموضوع والسؤال والجواب

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
الاخ ارام اي واحديكدر
والاجئين والمهاجرين من اول المقبولين لعدم امكانياتهم الماديه بيهه يعني كلش بسيطه بالنسبه النا

ابو الفناجيز
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

غير متصل the_Striker

  • عضو فعال
  • **
  • مشاركة: 69
    • مشاهدة الملف الشخصي
حبيبي عاشق الوزة
بالنسبة لسؤالك عن الجامعات و مصاريفها العالية راح اشرحلك انت شتكدر تسوي و هاي يلي اخوية مر بيه.

بالنسبة للجامعات كل واحد يكدر يدخل جامعة ما دام عندا فلوس سواء اذا هو مطالع معدل لو لا لان مادام انت دا تنطي فلوس هما مستعدين يشرحولك من المواد مال متوسطة و انت طالع..بس طبعا هاي الشغلة تاخرك و تخليك تنطي العندك و يلي ما عندك عليها لان الجامعات اجورها عالية مثل  ما اتفضلت.

طبعا اول ما الواحد يدخل جامعة راح يدرس خلال اول سنتين دراسة متنوعة و يلي هية General Education مثل الفيزيا و الكيماء و فن و هواية امور.

اما السنتين الثانيات راح تكون دراسة تخصصية و راح تدرس بيها الشي يلي انت تطمحلا. فمعضم الناس هنا يلي ما عدهم فلوس هواية يروحون لل كوميونتي كولج و يلي هية تتضمن دراسة سنتين و يلي الواحد يكدر يدرس بيها ال genaral education و يوفر عليه الفلوس مال جامعة لان المواد هية هية ما تختلف و بعدين ورا ما تخلص سنتين تكدر تحول للجامعة مع العلم انت لمن تتحول للجامعة ما راح يخلوك ترجع تدرس مرة ثانية الاربع سنين ...بس راح يحسبون السنتين يلي داومتها بلكميونتي كولج هية سنتين عدهم و راح تكمل سنة
 ثالثة بالجامعة و تكدر ورا ما توصل جامعة تاخذ قرض من البنك لمدة سنتين الى ان تخلص دراستك.

اما بالنسبة للمساعدة المالية ..انت من تروح للكوميونتي كولج و تروح على مكتب الفاينانشل ايد و تشرحلهم انو انت لاجى و ما عندك فلوس راح يسجلولك على اعلى منحة يقدرون يقدوملك ياها و طبعا هي ما راح تغطي كلشي بس راح تغطي الثلثين منها و الباقي انت تكملا من عندك او تقدم على سكولر شب من غير مكان حتى يكتمل.. و هاي طبعا حسب الدروس يلي راح تاخذها...هاي المعلومات عن ولاية ماريلاند و واشنطن دي سي اما باقي الولايات ما اعرف نضام اكوميونتي كولج مالها لان كل وحدة عدها قوانين شكل بس هذا الشي العام و الله الموفق
تحياتي

The pain that doesn't kill you....Make you stronger

غير متصل الحطاب الروسي

  • مبدع قسم الهجرة
  • عضو فعال جدا
  • *
  • مشاركة: 236
    • مشاهدة الملف الشخصي
    • البريد الالكتروني
زين اخواني من فضلكم الشخص الي سنه فوق 21 سنه
ومتخرج اعداديه من العراق يكدر يكمل كليه او معهد على
حساب الدوله او حسابه الخاص وهل يحتاجون شهادة التخرج
من العراق او لا

الحطاب الروسي

غير متصل the_Striker

  • عضو فعال
  • **
  • مشاركة: 69
    • مشاهدة الملف الشخصي
لا حبيبي الحطاب اذا ما تكدر تجيبها ما تحتاج لانو اول شي انت فوق ال 21 و ثاني شي شهاداتنا العراقية مال الثانوية ما معترف بيها فراح يخلوك تسوي فحص و هما يقررون على نتيجة جوابك
The pain that doesn't kill you....Make you stronger

غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
    • مشاهدة الملف الشخصي
بس حبيت اتدخل لان هذا الموضوع كولش مهم
راح احجيلكم عن تجربتي ابجامعه دنفر كولورادو - المعروفه بالدي يو
اني اريد اعادل الماستر مالتي..بعد ما اخذوت الاوراق مالتي والشهادات (علما اني امسويهه نوتري من السفارة الامريكية ابغداد) وهمزين سويت هيجي . طلبو مني التوفل وهم جبته الهم لان اني ممتحن بالسفارة ابغداد هم ماتين كون احدى متطلبات التعيين من كنت هناك الله ايرجع هذيك الايام الحلوة (شباب للحد يسالني اشلون لان هاي الاشياء خاصه فقط بموظفين السفارة الامريكية كجزء من متطلبات اليو اس دبارتمنت اوف ستيت وصعب اشرحهه هنا - اني جايب 577 بالتوفل وقبلو ابهاي الدرجه لان اقل شي عدهم يردون 540 سكور)....
المهم
انطوني وعد لتحديد سشن وية البروفسورية اجتماع لمعرفه مدى تطابق الدروس ورة حوالي اسبوعين من هالاجتماع تبين انو لازم اخذ سمستر واحد بيه 5 دروس اضافية .. المشكله انو ماكو هنا ايد ولا ينطون فلوس
اشو سالت كلولي ماكو تدفع انت كلفه المواد كولهه...
واللي حوالي 6 الالاف دولار حته ينطوني سرتفكيت الماستر الامريكي .. و6 الالاف كولش هواية بالنسبة اللي بس كالو من المحتمل ان يوفرولي عمل بالجامعه بس مو اكيد

المهم اكو سالفه اخرى اللي هية الستيت دسكاونت اللي هية خصم من الكلفه لان انت مقيم الولاية وهاي متصير الة بعد سنه .. وما اعرف انتظر او لا ... وهاذ الايد موجود بكل الولايات الامريكية ...

المهم اني اليوم كان عندي امتحان تمهيدي والف الحمد لله اشتازيته واخذت اليبل اللي ايمهدني بدخول السمستر ... هسة بقت بس الايد اذا اعرف اشلون احصله اني داخل للسمتر والله كريم .. الحد هسة ما اعرف شنو الاجراءات وشنو اللي راح اسوية لان هنا مثل متعرفون كلشي بفلوس

فيا اخوية العزيز هنانة الدراسة بفلوس والكلج او الستدي ايد مو ابسهوله الواحد ايحصله او يرادله وقت حته تعرف ينطوك او لا

وتحياتي الكم جميعا
واللي عنده اي اقتراح اللي ايساعدني بيه اكون ممنون لان اني ضايع ابهاي المساله وما اعرف اشوفهه من جانب حلوة وسهله ومن جانب اخر صعبة ماديا وخصوصا تعرفون شغل ماكو
بس اكول الله كريم ويا اخوان استفادو من هالفرصه اذا صدك الواحد يكدر ايسويهه

وسلامي واحترامي من اخوكم علاوي

غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
    • مشاهدة الملف الشخصي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
هلو ابو شهاب
هاي انت وين واني ماكو

علاوي
ولو انت يمكن مزاعلني باصبعك الزغير  ;D ;D ;D بس راح انطيك مقترح من بلا صحاب
اني جنت ما اريد اروح لامريكا او ما مستعجل رغم كوني مستحق اس اي في
لسبب بسيط جدا
وهو انه اني دا اشتغل ارقى شغله بالمجتمع فشوية مستنكف من ان اروح حتى لو لامريكا وابدي اشتغل entry-level job يعني بالعمالة
فخليت هدفي ان اروح حتى اكمل الدكتوراه مو اعادل الماجستير
والك معلومة اني هسه تاكدت منهه مليون بالمية
وهي انه ماكو طالب دكتوراه بامريكا يدفع فلوس (لان هو لو مو ذكي كلش جان ما قبلوه بالدكتوراه ولذلك يحصل فيلوشيب ويوفرولة عمل محاضر وهمه الممنونين)
وبقيت اسوي اتصالاتي واني هنا ومعطل الاس اي في مالتي الى ان البارحة يلله اتفقت وية بروفيسور بجامعة ميريلاند ان يكون قبولي واستلامي العمل حال وصولي
هاي بعد ان دزيتله قبل فترة اخر امتحان توفل سويته (وجان 641) والجي ار اي العالي ايضا
وبعدين هيه تصير دكتوراه وامريكية
فالرباط هو انه اكمال الدراسة ميتطلب معادلة القبلهه
وعندك عضو مخضرم بالمنتدى ما اعتقد تعرفه لانه قليل التواجد والرد بالمنتدى بس ما انقطع
وهو دكتور بالهندسة وشهايدة من جامعات عراقية وهو هسه بفلوريدا عالاي او ام
وعادل كل شهايدة بدون ان يطلبون منه اي كورسات
فمتكلي شنو هاي شهادتك النص ردن اللي هلكد طلبوا منك كورسات عليهه ؟؟ لو شنو هالجامعة الطكوك اللي هيجي يتعيقلون وياك ؟؟
الشي الثاني اللي شبه متاكد منه هو انه جماعة الهندسة من جامعة بغداد وبعض الجامعات العراقية الحقيقية (مو الكلاوات) معادلة شهايدهم ميطلبون بيهه اي كورسات عموما وتركض ركض
ما اتذكر بس اكو موضوع عالج مسالة المنح والمساعدات الدراسية للقادمين الجدد بالتفصيل بس انت ما جنت موجود فحاول تدوره بالارشيف واستخدم خاصية البحث

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
الف رحمة على والديك اخوية فنزو


زين يرحم اهلك ما عندك معلومات عن خريجين اللغات ....يعني الي مخلص لغات من المستنصرية لو بغداد اذا اريد اتعين بشهادتي يعني ميحتاج اعادلها ؟؟؟؟

و الشغلة الثانية اذا شخص عمره اكبر من 50 سنة هل ينطو مساعدات و ميحتاج يشتغل؟

و ممنون منك فنزو يا انسان يا عظيم

غير متصل Alawi

  • عضو فعال جدا
  • ***
  • مشاركة: 269
  • الجنس: ذكر
  • المحبة هدية الرب وهي شيء ثمين
    • مشاهدة الملف الشخصي
اخي فنزو اني ممزاعلك واحنه نبقه اصدقاء ..

بالنسبة الى كلامك هذ اني اول مرة اسمعه وكنت هم متوقع هيجي بس هذا اللي صار حببي هنا ... خصوصا اني مصارلي مدة طويله بس هذا ما اعطتنياه الادمن اوفس هنانة بالديو يو ... ومع هذا اني راح اروح واسال واشوف شنو السالفه بلكي اطلع ابنتيجه...
 وحبيبي ترى ماكو طالب هنا ميدفع فلوس لا اتكلي دكتوراه ومدري شنو تجي انت هنا انشاء الله واتشوف ابعينك.....

ويا جماعه الخير ارجوكم من تعطون المعلومه رجاء رجاء اعطوهه باليقين لان تعرفون شغله وروحه وجية هنا تعب مو  شي بسيط الروحه والجية والتنقل بين الكليات لان متتصورون مو مثلنه مجمع مدينه اكبر من الكرخ او الرصافه ودوخه راس وتالي تطلع مو اكيده فزحمة هواية على الشخص اليركض بالمعامله مالته وعلى الشخص المقابل هم ماتين.......

وارجع وااكد ماكو شي ابلاش حبايب ...

وتحياتي الك

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
هذا جوابي على الرسالة الخاصة اللي دزيتلياهه يا طيف واللي هسه اكتشفت انه هي نفس ردك بهذا الموضوع:
كل الهله باخوية طيوفي ماليزيا (عذرا ابن عمتي اسمه طيف واصيحله طيوفي)

اني ترة اسمي فنجنزو (الجيم مثل الجيم ب "جا وين اهلنه" لو "جاملغ")

هاي اولا

وثانيا
اعتقد رسالتك هاي جنت تريد تكتبهه بواحد من المواضيع ودزيتهه كرسالة خاصة بالخطأ

لان الرحمة موصولة لوالديك هم بس غير افتهم على شنو !!!هههههههه

بالنسبة لاي شهادة لازم تتعادل حتى اللغات
اذا انكليزي فامورك داجة لان شتشتغل مثلا...مدرس انكليزي!!! هههههههههه ومتعب نفسك ورايحلهم من العراق حتى تقويهم بالانكليزي

المهم اني دا اتشاقة تره مو تزعل بس احنه كلنا جنه مترجمين وعدنه توفل قوي وبنفس الوقت عدنه شهايد بغير مجال فاعتقد فرصنا افضل

اللي اكبر من خمسين بس ازغر من 65 لازم يشتغل
لان التقاعد فوك ال 65
اللا اذا مريض او حيل معوق

"و ممنون منك فنزو يا انسان يا عظيم ممتعض ممتعض ممتعض"
هههههههههههههههههههههه
صدق الله العظيم
ههههههههههه يمعود متكلي شنو هالنفخ
تره اروح اطير وبعد شينزلني

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل vincenzo

  • عضو مميز جدا
  • *****
  • مشاركة: 3515
  • عضو متقدم حييييل في حشاشين دوت كوم
    • مشاهدة الملف الشخصي
علاوي اخوية قصدي بالبلاش مو المعنى الحرفي للكلمه بس فلوس عن فلوس تفرق واني قصدت انه تفوقك يكدر يخليهه اخو البلاش
اني ما مجبور اكعد اكتبلك هالكد لو ما متاكد من كلامي (بس هذا الحجي على الايست كوست مو الولايات الغربية البعيده اللي اقل تحضرا ويمكن ما سامعين بالعراق) والفكرة اللي سولفتلكياهه تحدد مستقبلي يعني السفر لالاف الاميال مو صعود باص حتى اروح لفد مكان
بس اعتقد اللي يريد يدرس يعامل غير اللي يريد يكتفي بشهادته العراقية بس يعادلهه
بس العضو اللي كتلك عليه موجود بفلوريدا وتلكه رده على معادلته لشهادته باخر مواضيع زاك13
واني عندي هواي غير امثلة بس من خارج المنتدى وصعبه اشاركك بيهه
بس انت راسله عالخاص يجوز يفيدك

بنية اسمهه شهد من المنصور حلفت انها شاهدت وزير الكهرباء في منامها وقال لها من سابع المستحيلات تتحسن الكهرباء ارسلها ال17 شخص وستربح جوزة مال مولدة خلال اربع ايام واذا مرسلتها راح ينكطع واير المولدة خلال فتره 17 ي

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر
    • مشاهدة الملف الشخصي
اريد ان ادلي بدلوي هنا (لانه اني من برج الدلو)، لاخوية علاوي وفينچنزو

قانون الدراسة في امريكا هو بكل بساطة ماكو قانون.
التنوع والتقسيم العريض الموجود هنا لا تستطيع ان تحده في قاعدة او قانون (باستثاءات)، ما تستطيع هو ان تنطي خطوط عريضة وقواعد عامة للامور هنا.

تكلمت من قبل عن الدراسة العليا ، فعلى سبيل المثال اني طلبت ان يلغولي امتحان التوفل لمن قدمت على الماستر هنا لانه والسبب انو دراستي بالعراق كانت كلها باللغة الانكليزية اولاً بكلية الهندسة واني مشتغل بامريكا لفترة ثانياً واقتنعو باني ما احتاج توقل وانطوني قبول بدونه. هل هذا العمل ممكن ان يمشي مع جميع الكليات بامريكا ..مو شرط، مع اي شخص او حالة ..ايضاً مو شرط.

العمل داخل الجامعات بالاختصاص موجود لطلبة الدكتواره والي يكتوب بحوث بشكل اكبر (لاحظت هذا)
لكن القاعدة العامة هو ان الناس تطلب قرض (تم شرحها في عدة مواضع بالمنتدى).

النقطة الاخيرة الي اشارك بيه هل ممكن لمهاجر عراقي لهجتة الامريكية ضعيفة ان يكون مدرس انكليزي في المدراس الاعدادية او الكليات ....الجواب نعم بكل تأكيد واكو منهم هواية ولا تضحك.

تحياتي

غير متصل lionofiraq

  • عضو مميز
  • ****
  • مشاركة: 1007
  • الجنس: ذكر
  • العين بالعين و السن بالسن على الباغي تدور الدوائر
    • مشاهدة الملف الشخصي
    • http://www.facebook.com/photo.php?fbid=1244509868769&set=t.1110053636&theater#!/photo.php?fbid=1374754484803&set=t.1110053636&theater&pid=31131483&id=1110053636
    • البريد الالكتروني
شكرا جزيلا الى vincenzo و Mark_usa و ممنون على المعلومات المفيدة و لكن اني خريج ترجمة فرع اللغة الأنكليزية

اني بصراحة اسمع من كم واحد يكولولن انه الي عنده شهادة لغات متفيد او ما عنده فرص زينة و من هذا القبيل فما اعرف اذا احد الأخوان عنده فد تعليق يفيدنه بيه و مشكورين جميعا