غربه وسفر وترحال __________ وأحساس معدوم
هم وقهر ونوح ____________ وقلب ملجوم
صياح ونوح ولطم ____________ وحسرات كل يوم
بالغربه احنه فشل _______ وشوكت ننجح ونتوب
بالغربه مالك اهل ____________والاهل عنك بصوب
ومن تبجي محد يسمعك _________ وياهو بالغربه صوته مسموع
الليل هم ونكد ___________ والنهار عليك يطول
لا ولف ولا حبيب الك _______________ جنك بصحراء مدفون
شما صحت وشما نحت _________ ما رحم علينه بس الصوت
لا تظن بالغربه اكو امل ____________ ولك شو وحدك جنك مشلول
ابجي حيل ابجي بعد _____________ وطلع شكو عبره بصدرك حيل
وان بجيت منهو اليمسح دمعتك __________اذكر امك وجثر بالنوح
تغربنه وصرنه بعاد حيل _________ وينج يا امي ووين الدليللول
بالغربه انته عدم _________ وأشبهك بالمعدوم
وين صحبانك ووين ديرتك ________ شو صرت بلا هويه جنك هارب ومسجون
وين الحبيبه اسالك بالله ___________ هم تنسه ذكره لو مر عليك يوم
تغربنه وصرنه حيل بعاد _________ ومنو الي يرجعنه لذاك اليوم
غربه وسفر وترحال ______________ واحساس معدوم
