يلي خدودك حمر ولا ورده
بالله عليك سويلي مسكول ورده
اسم الله عليك حافظ اغنيه وردّه
جا ليش ويه الناس تاته وتغلس عليه
ضاع الوفا والناس ماعرفت دارك
و غيرنا بالوطن محد عزك و داراك
يتشمت الشمّات وأكثر..وما دارِك
بغيرك يالحبيب الكون كله بليه
كلك جمال وغير طيب منك ما وردنه
بطريق المحبه والعشق رحنــــا وردنه
حطيناك بوسط الكَلب وسميناك وريدنه
وتاليها شفناك بالحلم كاعد بنص المزهريه
شكيت وشكيت وبعد إلمن أشكي
ضاع الوفا وخلص صبري مافايده من شكي
راحوا أحبابي وماأظن يعرفون شكلي
ولو كَابلتهم؟؟أعرف ينكرون الجميل بيه
بغيابك يالحبيب دمعي همر
يوم بعد يوم يسألني القلب ها مر
من بعيد شفتك كـــاعــــــد همر
آنه الغشيم مادريت تغدر بيـــــــه
