عفوا00000000
طالب وعايف دروسي00 وأقراء أشعار وجرايد
وعاشك بنيه بقسمنه 00 والكلب بس الها رايد
هي حلوه هواية حلوه 00 وأني عمي شلون واحد
بالفرن ناسيني أهلي 00 وحتى لون أعيوني جارد
حاولت ألفت نظرها 00 بكل وسيلة وماكو فايد
غيرت لبسي ومشيتي 00 وفكري بالمودات شارد
وجللت شعري وصبغته 00 ولبست حتى كلايد
كعدتني على الحديدة 00 لابعت حتى الحدايد
لاتكلي ولا أكلك 00 بهذلتني ألله شاهد
وهي تدري بس خبيثه 00 مثول والدلال بارد
وأنه نار بنص دليلي 00 خاف أصارحها وتعاند
مره أكول أحجي معاها 00 ومره أكولن خليني راجد
وين جانتلي ياربي 00 جنت متونس وكاعد
قررت لازم أبوح 00 بحبي ألها وما أحايد
بوري مابوري أسولف 00 قابل مصارح مجاهد
جيت وتقربت يمها 00 جسمي يرجف حيلي بايد
والضغط يمي تخربط 00 مره نازل مره صاعد
كمت اتمتم كمت اعتعت 00 كمت أحس بلساني جامد
جني سيارة عتيكه 00 وأنكسر من عدها كايد
ردت أفلت ماعاد ينفع 00 كالت أتفضل شرايد
كلت عفو ا من رخصتج 00 بلكي عندج قلم زايد
هذه القصيدة المضحكه منقوله فرحتني وضحكتني كلت اكتبه لاحبائي شويه
ياخذون نفس من القرايه والكتابه قبل مايجي وكت الامتحان عسى أن تعجبكم
منير قطا