باجر معزومين يم بيت ((؟؟؟؟))

[ابو خالد]

مرحبا اخواني واخواتي
اليوم حبيت انزل موضوع حتى نسوي شوية تغير وهذا الموضوع اسمه المعزومين



خلي اوضحلكم طبيعة الموضوع يعني بالبدايه انا راح اختار عضو معين وآخذ وياي عضوين  انا اختارهم مو اكثر
ونعزم نفسنا يم عضو من الاعضاء على العشا او الغدا  او ريوك المهم ابو البيت هو الي يختار سواء عشا او غدا وابو البيت الي راح نروح يمه راح يسوي الوجبه ويصورها النا وينزلها بالموضوع ويكتب قصاصه بأسماء الاعضاء المعزومين يم الوجبه حتى لايقشمرنا ويجيب اكله من النت ويكول سويتها الكم  ومن بعد ماناكل عند العضو الي نختاره بالبدايه من نطلع من عنده هو يختار العضو الي راح يزوره وياكل عنده وهكذا ...ومايصير ياخذ وياه اكثر من عضوين لان عيب من الناس اذا صارت على فنار مو مشكله لان الرجال عنده مطعم هههههه
هذا الموضوع راح يخلي بينا زاد وملح وبنفس الوقت اهل البيت راح ياكلون ويندعولنا لان احنا راح ناكل بس بالصوره بس هما راح ياكلون صوره وصوت

وانا هسا اختار العضوه الي راح نزورها وناكل عدها هيه اختنا الغاليه

          (( مارتيــــــــــــــــــــــــــــنا))

وراح آخذ وياي الضيوف العراقي الغيور والجوهره

اختي  مارتينا مانريدج تكلفين نفسج ترى احنا مو خطار ;Dوحاظر العرب على كولتهم واهم شي اذا اجينا يمج مو تكلبين خلقتج لوووول لان اهم شي الملكُا...يعني المثل يكول لاكُيني ولاتعشيني... والج حق تجيبين من المطعم أكل سفري
وانشالله يعجبكم الموضوع

ملاحظه

تم تعديل الموضوع ..اي شخص منكم يحب ان يشارك ويعزم جميع الاعضاء على الغدا ..اهلا وسهلا بيه ..ويالله عزمو اخوانكم واخواتكم على الغدا لاتصيرون بخلاء

[★M a r t i n a★]

واو موضوع حلو وعاشت ايدك على الافكار الحلوة والمميزة في منتدى والذي تجمعنا في كل موضوع مع بعض
ابو خالد اهلا وسهلا انت وكل الاعضاء وشماتريدون ريوك لو  غدا لو عشا تدللون انت وعراقي والجوهرة

يعني لازم اسحب صورة الى اكل الي نسويه احنا بلبيت لو اخلي فد شي من كوكل هههههه

زين الصورة الاولى هاي مالتكم لو انت ساحبها من نيت


واتمنى نقضي وقت حلو ويا بعض

تحياتي للجميع

[ابو خالد]

اهلا بيك ام العزايم اختي الغاليه مارتينا

اولاً هذه الصوره الي انا مخليها مو صورتنا من النيت
ثانياً انتي لازم تسوين أكله من بيتكم يعني مو تسحبينها من الكوكل وانا طلبت تكتبين ورقه وبيها اسمائنا يم الصحونه مالت الاكل حتى بهذه الحاله راح نعرف انك ماساحبه الصوره من الكوكل وتقشمرينا واحنا راح ننتظرك انشالله ترى راح نجيكم جوعانين 

[★M a r t i n a★]

حيل يعني هم اسماءكم اكتبها هسة يكولون اهلي شعندج عبالهم من صدك راح تجون هههههههههههههههه
تدلل ابو خالد شتريدون تتغدون

[ابو خالد]

ههههههههه لا ؟؟ بالنسبه الى اهلج ماراح يكولون شي لان هما الي راح ياكلونه بعدين بس انا اكولج انتي راح تنخبصين لان عندج خطار    مارتينا اي شي سوي احنا مانتشرط انا كتلج بالبدايه احنا بالنسبه النا انا والعراقي والجوهره عدنا اهم شي الوجوه الطيبه اهم من الاكل

[★M a r t i n a★]

اوكي تدللون بس عبالي اكو فد اكلى معينة بس مو الا شرط باجر غير يوم ميصير

[ابو خالد]

مو مشكله مارتينا بس لاتتأخرين علينا هواااي

[زهرة القرنفل]

موضوع حلو عاشت الايادي

[★M a r t i n a★]

البداية احب اشكر ابو خالدمرة ثانية على الموضوع الي راح يجمعنا بحبايبنا  واشكره على استضافتي لابد بفتح الموضوع



وارحب بلورود الي زاروني للغدا (العراقي الغيور  *  ابو خالد  * الجوهرة ) والغدا كان رز ومرق مال سبيناخ واتمنى ان تكون عجبتكم الاكلة ورا الاكل فواكه بعد شتريدون  

والف عافية وصحة وهنا على قلوبكم







ونشالله قضيتو وقت حلو واعذروني على التقصير لان بصراحة جنت مريضة ومحد كلي الحمدلله على السلامة بس همزين موكعت على الجديرة جانت اتروح العزومة هههه  

تحياتي للجميع ونشالله الكل معزوم مرة ثانية

[الجوهره]

الله حبيبتي مارتينا تسلمين على العزومه والغدا اكيد طيب لان احب مركة السبيناخ وانتم اطيب بكرمكم وملكاكم الحلو وانشالله حبيبتي ماتشوفين شر وماعندك الا العافيه والصحه يارب

[ابو خالد]

الله الله تسلمين مارتينا على الغدوى الحلوه ولو ان العراقي الغيور مانطانا مجال ناكل مايكول عيب من الناس واحنا خطار كام ياكل بأيديه الاثنين على ابو الاكل طيب  وانتي يامارتينا مايصير احنا ناكل وانتي تباوعين علينا هم زين ماغصيت بعدين شمدريج احنا نحب السبيناخ  والله عاشت ايدج على هاي الطبخه احنا نسميها بالبصره مرك شبزي بس تصدكين يامارتينا والله والله من خلال هاي الصوره كأني كعدت في بيتكم واكلت من زادكم والله يعمر البيت واهله انشالله واحنا هسا لازم نطلع من يمكم ولو ان كعدتكم ماتنمل وودنا هم نتعشا   يمكم لكن عدنا شغل ونكولج مع الف سلامه وسلمينا على اهلج باااااااي

[★M a r t i n a★]

اهلا وسهلا ياورود الجوهرة الف عافية لبي اهم شي اتونستي وعجبتج الاكلة

ابو خالد الله يعافيك واكيد احنا اهل واصحاب واني هم تعجبني اكلة السبيناخ لان كلش طيبة وبيها فيتامينات
واني هم اكلت وياكم مو دا اتشوف كومة مواعيين ههههههه
بس شنو نسيت احطلكم البيبسي حطيتها بثلاجة يبرد ونسيته مع الاسف اعذروني على الجايات

الف عافية على قلب عراقي ياكل وللصبح هم يخلص اسوي اكل الخ وهم عيوني احطها

 حرامات فات الوقت بلعجل وهسة وين راح تروحون يم منو

[رهام القوشيه]

والله مارتينا طباخه ماهره
مارتينا اريدج اتعلمين الطبخ

وبالعافيه على كلوب الحلوين 

[★M a r t i n a★]

مشكورة للرد رهام تدللين يا اكلة تريدين واني حاضرة

[ابو خالد]

مارتينا هسا انتي تختارين عند منو تتغدين وتختارين اثنين من الاعضاء وتاخذيهم وياك

[★M a r t i n a★]

اوكي هسة نروح يم ابو خالد وام خالد نتغدى

والي راح يرافقوني (( احم اني +  عراقي الغيور + ديراني))

ها شكلت ابو خالد

[ابو خالد]

هلا بيكم وانشالله تنورونا وباجر انتظركم بس حاولو لاتجون كلش جواعه هههههه والله ربك العراقي الغيور اليوم كنت معزوم على الغدا وباجر هم معزوم صدك لو كال المثل الي امه بالبيت ياكل دهن زيت 

[★M a r t i n a★]

هههههه وين منروح ناخذه ويانا

الله يخليك ونشوف شنو راح تطبخلنة لازم من طبخك مو دكول لام خالد سوي غدا انت تسويه من ايدك

ولا تعب نفسك هواية لان مراح نجي جوعانيين من هسة  كلتها  ترى اهم شي شوفتكم

[رهام القوشيه]

تسلمين حبيبي مارتينا

الله شنو هل المره للبصره بيت ابو خالد
شنو رح يطبخ ابو خالد النه  

[ابو خالد]

تدللين رهام والله يمكن راح اشويلهم سمج صبور وهما اكيد مايعرفون للصبور وبيه شوك هوااي وراح يغصون بيه 

طبعا ام خالد رادتها من الله كالت والله عيب منهم وخطار لو نروح نجيب من مطعم قاسم ابو الكص

[★M a r t i n a★]

لا منريد من مطعم خوب كل واحد يروح ياكل بلمطعم احسن احنا جايين يمكم ناكل من  ايديكم
اذا اكلنا من المطعم يعني ماكو خبر وملح بينا

[ابو خالد]

اي عفيه مارتينا مانريد مطاعم...و باجر نكرب ام خالد

[★M a r t i n a★]

اي ابو خالد شوكت نجي

[ابو خالد]

اهلا بيكم ونورتونا وزارتنا البركه هلا بمارتينا الورده وهلا بالعراقي وهلا بديراني وهم زين اجيتو لو متأخرين 10 دقايق كان اكلنا الاكل عنكم  وسوينالكم مطبك دجاج وهاي العنبه هم موجوده وهذا التمر بالراشي ولبن وحياكم الله وسامحونا على التقصير وسامحونا الكعده ارضيه مو على طاوله وعلى الهوسه لان مامستقرين بكعدتنا حتى تاكلون وتشربون شاي وكهوه وتروحون الى اهلكم وباجر معزومين انا وروزماري وساندي عند رهام القوشيه انشالله وحاولي  رهام ترتبين النا غدا لان عيب وياي اداريات

[hannah montana]

عاشت الايادي على الموضوع الحلو

[ابو خالد]

نشكر مرورك اختي هانا مونتانا وانشالله نجي نتغدا يمج لو تجين تتغدين يمنا

[روزماري]

مبروك ابو خالد موضوع شيق ومنوع سلمت يمناك  وشكرا على العزومة ولاقوني ولااطعموني وانشالله يصير زاد وملح

اشكركم على العزومة

[sandy 88]

فكرة حلوة عاشت ايدك ابو خالد فعلا لم الاحبة كلهم وشكد حلو
يكون بينا زيارات واكل بالرغم من كل المسافات نشكر محبتكم والله
لا يحرمنا منكم الكل منور بوجودها

[ابو خالد]

اشكركم على المرور في صفحتي اخواتي العزيزات
روزه وساندي وانشالله ننجمع على الخير والمحبه يارب

[★M a r t i n a★]

الله الله ابو خالد على الطبق الحلو واحلى شي كعدة بل ارض من زمان مكاعدة ماكلة بل ارض وهسة صدك اشتهيت الاكلة وياكم  والله يبارك البيت والاكل كلش طيب جان  منو سواه انت لو ام خالد

ومرة ثانية اشكرك على الترتيب والاشياء الحلوة

تحياتي

[ابو خالد]

بالعافيه مارتينا وهذا طبخ ام خالد انا ماعرف اسوي شي بس البيض شاطر بيه  والمشويات هم شاطر بيها

بس تصدكين يامارتينا اليوم انا وام خالد صدك اندمجنا مع الدور ومن كانت ام خالد تاكل انا كلت الها اكلي مارتينا لاتستحين البيت بيتج هههههه وبعدين انا من كمت اريد اغسل ايدي كالت ام خالد اكعد العراقي الغيور ماأكلت شي وخربنا من الضحك وانشالله ننجمع بالحقيقه يارب

[★M a r t i n a★]

اوه واااااااااااو بصراحة شي حلو اني اكلت من شفت واحد كاعد مقابيلي اشتهيت  وما استحيت

بس الاكل كلش طيب عاشت ايدها والرب يبارك البيت واصحاب البيت واحلى شي شنينة احبها لش

[ابو خالد]

سامحينا رهام لان ماراح نجيك على الغدا لان الاداريه روزماري عزمت جميع الاعضاء على الغدا بعد بكره وراح نروح كولتنا هجوم على بيت روزماري حظرو نفسكم يااعضاء 

[ديراني]

الله الله ابو خالد على العزومة

كفيت ووفيت ومكصرت

وخصوصا الكهوة العربية

عاشت ايد ام خالد على الاكل الطيب

[★M a r t i n a★]

الف عافية ديراني لو مو اني انت مجنت جاي ويانا وشارب الكهوة لوووووووووووووول

[ابو خالد]

بالعافيه اخوي ديراني وحظر نفسك ترى معزومين في بيت اختنا روزماري لاتاكل مدة يومين اريد تجووووع نفسك حتى هناك ناكل عدل

[روزماري]

شكرآ أخي العزيز أبو خالد على أتاحة الفرصة بموضوعك الرقيق لمشاركة جميع أخوتنا العضوات والأعضاء لنكون على مائدة واحدة حتى لوكانت المشاركة من خلال الصور فحتما سيكون هناك زادآ وملحآ

واليوم العزومة في بيتنا المتواضع أتمنى أن تسعدوا بتواجدكم ويطيب لكم الطعام وسعيدة بوجودكم في هذا الوقت من السنة  بسبب عيد الشكر وعيد الأضحى وكل عام وأنتم بألف خير يارب

وألف عافية لاتخجلوا من الطعام أبدا أخذوا راحتكم وصحة وعافية أترككم تاخذوا راحتكم بالتلذذ بالطعام

 

والعزومة القادمة بمنزل الكرم والطيبة همسة حب أستعدي همسة

وبعد تناول الطعام هناك بانتضاركم الشاي  بطعم الهيل  والقهوة التركية

Very happy with your presence in my house rosemary

[★M a r t i n a★]

واو اكل طيب عاشت ايدج روز ماقصرتي كفيتي وفيتي لبي

والله يزيد ويبارك البيت واهله

تحياتي الج

[روزماري]

صحة وعافية مارتينا نورتينا كرري الزيارة

[★M a r t i n a★]

نشالله اجي مرة ثانية تدللين وانتي هم رورينا 

[ابو خالد]

تسلمين اختي روزه على المائده الطيبه وعلى السلطات الحلوووه وعاشت ايدج والله ...بس اكيد هذا الطبخ من ايدج الحلوه اذا من ايدج والله عفيه عليج ام بيت وانا كلش شبعت والله يعمر البيت واهله انشالله
واحنا عاذرينك لان ماخليتي اسمائنا على السفره لان انتي عازمه الجميع ...ولكن المفروض من نخلص من بيتك انتي تحولين العزيمه على بيت شخص من الاعضاء انتي تختارينه واشكرج

[الجوهره]

الله حبيبتي روزماري على الاكل الطيب والسفره الي تفتح النفس والله كفيتي ووفيتي تسلم الايادي على الطبخ حبيبتي وكعدتج ماينمل منها لانكم اهل كرم وجود وتونسنا ويكم

[روزماري]

ألف صحة وعافية أبو خالد واني مقصرة وياكم بس بصراحة محضرت حالي يعني عالسريع كانت الصفرة سامحوني أنشالله الأيام القادمة أسويلكم صفرة فايف ستار 

وأضفت صورة ثانية أبو خالد أنشالله تكون مبينة الكتابة  ودعوت الأخت العزيزة همسة حب لتقوم بضيافتنا يعني الدور عليها


وأشكرك

[sandy 88]

عاشت ايدج لباتي روز والله يديم العافية والبركة الج وللاهل
وتحياتي الخاصة الهم

[ابو خالد]

اوكي تمام المهم الورقه موجوده والدجاج موجود  وانتي والله ابد ماقصرتي واحنا كلنالج ياروز لاتكلفين نفسج بس ماكو فايده كريمه واحنا نستاهل  وانشالله نروح لبيت همسة حب

[روزماري]

نورتي حبيبة قلبي الجوهرة وأنتو أصل الطيبة والكرم وسامحوني كنت مستعجلة يعني انشالله المرة القادمة أسوي أكثر من طبق ولو أني زعلانة منج لأانو ماأكلتي زين ههههههه بس دجاجة وحدة

حياتي المرة الجاية راح يكون طبق حلو يعجبج

[روزماري]

صحة وعافية أبو خالد وجيتكم ومقامكم  يرادلها خروف محشي مو دجاج ألأيام الجاية أنشالله

تحياتي

[روزماري]

غاليتي العزيزة ساندي وأنشالله يكون الأكل عجبج وأشكرج ويديم الصحة والعافية لأهلك الكرام سويتي كلك ذوق أختي الغالية دائما

[وردة حب]

عاشت الايادي موضوع رائع

[ابو خالد]

تسلمين اختنا روزه وماقصرتي واحنا مانريد الخروف لان بصراحه اذا خروف راح نجبرك انك تسوين الباجه النا خو مانذب راس الخروف وانتي في غنى عن هاي السوالف لذلك دعينا من الخروف زطلايب الخرفان وملكاج النا كلش كافي وماقصرتي ياحبيبتنا روزه

اشكر مرورك اختنا الغاليه وردة حب وماطول الموضوع عجبك حضري نفسج بالايام الجايه راح نجي نتغدى يمج

[ابو خالد]

انا في رأيي لو نعمل تعديل بالموضوع وناخذ على ماعملته اختنا روزه ...يعني الشخص الي راح تكون في بيته الاعزومه يعزم جميع الاعضاء وماكو داعي فقط نفرين لان الخير هواااي والحمدلله وليش ناس تاكل وناس تباوع  وهشكل افضل والشخص ابو العزيمه يكتب ورقه يم الاكل اهلا باعضاء نادي اسرة الترحيب وارجوكم ماريد احد يكلف نفسه بالطبخ وماريد احد يكول ماعندي مكان اعزم جميع الاعضاء حتى لو يفرشنا بالشارع يم بيتهم ونكعد ناكل ماكو مشكله

[روزماري]

أشكرك أبوخالد حقا أنت من الاجاويد وصاحب كرم اي صح لقمة هنية تكفي مية والبساطة ماكو أحلى منها أني برأي المرة القادمة تكون العزومة في الهواء الطلق أو على البحر يعني أفضل مشاوي ههههههههههه

[ابو خالد]

والله بيني وبينج ياروزه انا احب المشاوي وانا متعتي الشوي وكان عزمتكم على الهواء الطلق ولكن مع الاسف هذه الايام بارده واخاف عليكم تتمرضون بس خلي اشوف يوم يكون الجو لطيف واعزمكم بره بس جيبو وياكم طوبه كره  نلعب قبل لاناكل حتى تجوعون عدل

[الجوهره]

الله حبيبتي روزماري شكد طيب الشاي الي مسويته وكعدتكم ابد ماتنمل دجاجه ومااكلت شي بعد شترديني اكال على مود اصير بطه هههههههههههه

تسلمين حبيبتي روزيتا على الضيافه

[ابو خالد]

تعالو يااعضاءنا الحلوين اليوم عازمكم على الريوك ..كيمر وكاهي ودبس وصمون ومن نخلص حتى نروح نتغدا يم بيت اخونا (( ديـــــــــــراني))

جهز نفسك اخوي ديراني ولاتكلف نفسك حاظر العرب

[روزماري]

صحة وعافية جوهرتنا وغالية واهلا وسهلا بيكم بكل وقت ..........

الله الله عاشت أيدك أبو خالد ذكرتني بكاهي زيونة بس على هل ريوك معناها ماكو غدى لانو ريوك ماشالله دسم  وفات100%100 شتكولين جوهرة

[★M a r t i n a★]

واو ريوك حلو  كاهي وكيمر والله يزيد ويبارك ابو خالد  شكد حلو ما راح اطبخ بعد اني كله اقضيها يمكم هههههه

[ابو خالد]

ههههههه تعالي يمنا مارتينا هلا بيج ..لان انتظرنا اختنا همسه تسويلنا أكل وماكو ...متنا من الجوع كلت خلي اجيب كيمر وكاهي احسن ....بس اتوقع ديراني ماراح يقصر ويانا بالعزيمه هههههه

[★M a r t i n a★]

الله يخليك ابو خالد نشالله محد يقصر نشالله

[الجوهره]

اهلا بأصدقائي الاعضاء الحلوين اليوم كلت خلي اعزمكم على سمج مسكوف لان كلت ماتفوت اللكمه وانتم مو وياي تعالو قبل لايبرد الاكل وهلا بيكم

[زهرة القرنفل]

اووووووووووووووووف تسلمين وعاشت ايدج واني اول وحدة راح اكعد اكل

[★M a r t i n a★]

الله الله ياجوهرتنا على الاكلة الطيبة واني اموت على السمك المزكوف

الله يبارك بيج ويزيد ويخليكم يارب كلش طيبة السمك عاشت ايدج

تعبناكم ويانا

[روزماري]

عاشت أيدك جوهرتنا الطيبة حقا عاشت ايدج وتسلمين على نفسج الحلوة والطيبة وأحلى شي اللقمة متطلع طيبة الا باللمة الطيبة

ودامت مائدتكم بكل خير وعامرة دائما 

تحياتي ومودتي

[الجوهره]

ياهلا وكل الهلا بيكم زهره ومارتينا ورزماري والف عافيه حبيباتي اكيد حبيبتي روزماري اللمه ماكو احلى منها ربي يخليكم ويحفظكم

[ابو خالد]

اصدقائي الاعضاء اي واحد منكم يحب يعزم اصدقائه الاعضاء خلي يشارك ويالله ننتظر مشاركتكم ولاتصيرون بخلاء وتخافون على الاكل ههههه

[★M a r t i n a★]

اشكرج الجوهرة لبي
ونشالله ابو خالد  الي يكدر يعزم الاعضاء علمود نجمع بيت واحد علمود اكل جعت اني

[ابو خالد]

ههههه والله حتى انا جعت يامارتينا وانا بصراحه خايف هذا الموضوع ينقل الى المطبخ لان بيه هواي طبخات والله يستر