المنوعات > ابداعات اعضاء استراحة المنتديات

ليش تظلُم گلب حَبّك

(1/4) > >>

بيدارو:

ليش تظلُم گلب حَبّك ...... وما هوت روحَه غيرك
مرّه أرحَم خاف ربّك .. ليمتى آظل عَبدك وأسّيرك

الدّنيا دولاب ويدور ............. وللظلمَة تالي نور
وتطّلَع شَمّس باچِر .......... والنَدّم باچِر مَصّيرك

ليش تظلُم گلب حَبّك ..

مِن الزُغُر هِمت بَهوّاك ....... عايش اتنفّس هَوّاك
عُمري الك وأيّاما كُلها ........ كُلها تتمَنى رِضّاك

شجّاك عَنّي تغيّرت .............. بيمن، بيش اتأثرّت
تِصِّد عنّي وتِبتعِد ........... دُگّلي يالغالي شچّاك

الدّنيا دولاب ويدور ..

يا مَلاكي يا وديعي.......... يل چِنّت موسِم ربيعي
ماملك مهجتي غيرك ....... ربي يشهدلي وسميعي

صِرّت عالوجهين تِلعَب ......عشرِتّي وياّك تصعَب
منين جايب هل الغرور ......... أبد أنتَ مو طَبّيعي

الدّنيا دولاب ويدور ..

أرجوك كافي تَعبِت ........... اشما أشرّگ غَرّبِت
خِلص صَبري وانتهى ......... حترگ گلبي أتعذبت

مابيا أتحَمّل بَعَد .................. لابد لظلمك حَد
هَذا تالي حُبنا يصّير ........... لا والله لا ماحَسَّبِت

الدّنيا دولاب ويدور ..

حكمت البيداري

izab25:
يسلموو ياوردة عالموضوع

MUNIR_QUTTA54:

           بيدارو يكتب 00 كي يسعد 00 وماعلينا غير نشكر ومنك انريد تكثر 00 حلوه 0

بيدارو:

--- مقتبس من: izab25 في 00:30 10/01/2010 ---يسلموو ياوردة عالموضوع


--- نهاية الإقتباس ---

وانت السالم ياورد

رعاك الرب

gazala:
شعر جميل


يسلمووووووووو  :) :) :) :)

تصفح

[0] فهرس الرسائل

[#] الصفحة التالية

الذهاب الى النسخة الكاملة