المحرر موضوع: أتمنى أن لاتكون حقيقه... وقبل السفر يوم الاثنين 15 /03  (زيارة 1816 مرات)

0 الأعضاء و 1 ضيف يشاهدون هذا الموضوع.

غير متصل نائل من سوريا

  • عضو
  • *
  • مشاركة: 6
    • مشاهدة الملف الشخصي
    • البريد الالكتروني
أعزائي
أرجو مساعدتكم أو أي مقترح ممكن وبالسرعة الممكنة...ملخص الموضوع أنه نحن عائلة و من 4 أطفال ماشاء الله خير وبركة... كنا في سوريا لمدة( 2 ) سنتيين ولم يحالفنا الحظ مع  الـ يو أن...ألا بمقابله وحيده فريده بكفر سوسه...وبعد اليأس رجعت  الى بغداد وعن طريق الـ أي أو أم بغداد أكملنا الاجراءات المطلوبة وتم تحديد السفر الى ميشغان ... لانسنغ ...في يوم 15/3/2010 أي مابقى شي وأن شاء الله للجميع بالموفقية و بتحقيق الاماني .
الموضوع أتصلت المنظمة بأخي اللي موجود هناك واللي عنده  ألاس أي في   قبل يومين وأبلغوه أن تم تخصيص 820 $  فقط     (( توتل )) للعائلة أيجار700 $ مع ما تبقي 120 $ فود ستامب للكل( 6) نفرات يعني... وأرادوا أن يقنعوه أن يوقع على 200 $... أخي يدفعها لاكمال...المبلغ ليكون ملزم بدفعها أمامهم  وبالنتيجة يعني من جيبي...  لكي يصبح 1020 $ لاغير... أعتقد للكهرباء وماء... ما أعرف !!! ... على العموم قال يعني وبناءا على قول المنظمة  من أطلع رجلك من الطيارة لازم تشتغل عدل وكبل ....
فكان جوابي هو أكو شي بليه لايسنس...يعني مثل واحد يذب زرك من الجسر الحديدي ...
مع ذلك طلبت  أن لا يوقع على أي شي ويعطيني الفرصه للسؤال وأن أطلب أيضاحات من بغداد أي أو أم لتغيير الولاية ... أو أتصل بألاصدقاء وأنتم خير الصديق ....ولا أخفيكم سرا أني أنصدمت من هاي الحاله............وأفترض ((  أحلم )) مقدما, أن سوشيل وركر مافهمه على كل شي ....
والصدمة الثانية هو أذا صحت هذا الحجي... كيف راح أرجع ... اللي أكدر أن أرجعه من الغراض اللي بعتها... والاشترينها منو مشكله ...
بنتي الصغيرة كالت يعني مراح أنروح لامريكا... يعني أكدر أن اطلع بطانيتي الجديد وأتغطى بيها !!!! كتلها : طبعا تكدريين هيه ألج... مو لامريكا
وأرجو أن لا أكون طولتها عليكم...
سؤالي هو ومن خلال كرمكم تفضلكم بوقتكم 
شنو موضوع المساعدات ب 2010  لميشيغان...وهل  أنخفضت الى هاي الدرجة يعني !! اللي عنده معلومات مفصله ومؤكدة. ???
وشلون أن اغير الى ولايه أخرى ومن بغداد وقبل من أطلع ولوهو أعتقد غير وارد حسب ملاحظة في أيميلهم اذا ماكو سبيل للتغيير فما كو حل غير ان أبقى  بغداد الى أن يحلها ربكم ...؟!... عندي أصدقاء في نيوورك...ألباني  من كلتلهم بالقضيه ... كالوا تعال يمنا يمعود...  أفضل بكثير وخصوصا للاطفال... ميشغان تعبانه كلش
وأذا أي أفكار منيرة ممكنه للاستفاده منها... لان الموضوع أعتقد بي فد خطأ أو هي مجرد أمنية ...
 فكلي ألكم وبين أيديكم

وســلامتكم   
 نائـل  من بغداد... صرت هل الأيام[/size]



غير متصل عكعك التطوى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7202
    • مشاهدة الملف الشخصي
    • البريد الالكتروني
اخي المفروض هسه المساعدات تضاعفت وليس قلت ولكن اعتقد كل ولايه لها منهج  معين
اذا شفت الموضوع ميخدمك حاول تغير ولايتك عند وصولك الى اول مطار بالاتفاق مع موظف
المنظمه لان يوجد من قام بهذه العمليه من قبل ولكن هذا يستوجب موافقه المنظمه التي
سوف تستقبلك ويستوجب وجود كفيل في نفس الولايه او عند وصلك لميشغن قم بنقل ملفك
الى الولايه التي تريد كما فعل بعض الاخوه ولكن السفر سيكون على حسابك الخاص وانشاء الله
باقي الاخوه يفيدوك بشي

تمنياتي لك بالتوفيق


غير متصل ريم عبد

  • نجم منتدى الهجرة و اللاجئين
  • عضو مميز متقدم
  • *
  • مشاركة: 8393
  • الجنس: أنثى
  • لا تقيسوا محبتكم بحجم حروفي ..
    • مشاهدة الملف الشخصي
اخي نائل انت ليش حاير من هسه
انت سفرك قريب  ومتكدر هسه اتغير الولايه
وان شاء الله اتسافر بالسلامه ومن توصل تاخذ المساعدات الي مخصصه الك
والي قبلك رايحين محجوا هذا الشي
 كالوا بالعكس صاير لكل واحد بحدود ال900 او الف دولار
واذا شفت الامور مو مثل متريد اركب طياره وروح للولايه الي كلولك احسن
وياربي ايسهل امرك وايوفقك

غير متصل cricket

  • عضو فعال جدا
  • ***
  • مشاركة: 296
    • مشاهدة الملف الشخصي
    • البريد الالكتروني
الاخ الكريم نائل
مثل ما تفضل اخونا عكعك واختنا ريم اي شي تريد تسويه فسويه من الولايات المتحدة افضلك حتى لا يؤثر على موعد سفرك القريب وحرامات تروح عليك الفرصة ... ومع هذا ولو شرحك التفصيلي مو كلش واضح بس اتصور اخوك مفتهم غلط من المنظمة .. والله بسهل امرك انشالله

كريكيت

لاس فيغاس
حكمة اليوم ...
ياحافر البير لاتغمج مسا حيها ............. خاف الفلك يندار وانت تكع بيها

غير متصل ابو خالد

  • مبدع قسم الهجرة
  • عضو مميز جدا
  • *
  • مشاركة: 4463
  • الجنس: ذكر
    • مشاهدة الملف الشخصي
اخي العزيز انا اتوقع ان اخوك مفتهم الموضوع غلط لان مستحيل ...واذا فعلا اكو هيج شي بولايتك بأمكانك ان توصل الى امريكا وبعدين تغير ولايتك كما ذكرو لك الاخوه  وبالتوفيق انشالله


ما فائدة القلم اذا لم يفتح فكرا
.. أو يضمد جرحا ..
أو يرقأ دمعة ..
أو يطهرقلبا
.. أو يكشف زيفا ..
أو يبني صرحا يسعد الإنسان في ضلاله..

غير متصل Safaa Alkhrkhy

  • مبدع قسم الهجرة
  • عضو مميز جدا
  • *
  • مشاركة: 3585
  • مدينة البوكركي .. نيو مكسيكو!!
    • مشاهدة الملف الشخصي
    • البريد الالكتروني
اخي ماكو هيجي بطة تلعب شناو
اني هسة اتصلت هاتفيا باكثر من شخص بامريكا وكالولي هذولة حرامية المنظمة فخلي اخوك ايدير بالة منهم فخابر اخوك حتهة يفتهم شنو الفلم

غير متصل hamada2

  • نجم منتدى الهجرة و اللاجئين
  • عضو مميز جدا
  • *
  • مشاركة: 2238
  • الجنس: ذكر
  • طلبت من الادارة حذف الاكونت الخاص بي ؟ وليس حظري ؟
    • مشاهدة الملف الشخصي
اخي الكريم مثل ماتفضل الاخ عكعك التطوى

واضافتا الى ذلك اذا عندك كفيل في غير ولاية ممكن قبل السفر بكم يوم يروح يكلهم عندي هذه العائلة وياخذ موافقة منهم وعند نزولك اول مطار في امريكا ترفض الذهاب الى تلك الولاية الي محدديهة الك

او عند وصولك الى اول مطار في امريكا وعند استقبالك من قبل المنظمة يجب اخبارهم بعدم ذهابك الى تلك الولاية واعطائهم رقم تلفون اصحابك الي ولايتهم زينة وتكون حضرتك مبلغ اصدقائك ويكونون محضرين نفسهم عندما يتصلون بهم الموظفين الذين يستقبلوك

اترك الامور تمشي كما هية وانه اخوك يروح يوقع  علمود موعد سفرك لايتغير

وبعدها مثل ما قلت لك عند وصولك اول مطار ارفض الذهاب الى تلك الولاية واعطيهم تلفون وعناوين اصحابك الذين تعرفهم سوف يقومون الموظفين باجراءات ضمك الى الولاية الجديدة ( في فترة بقائك بانتضار الطيارة التي تنقلك الى ولاية اخوك ) هم في هذه الفترة سوف يقومون بتمام جميع الاجراءات


تمنياتي لك بالموفقية والسفر العاجل باذن الله


اخوك
hamada2

غير متصل نائل من سوريا

  • عضو
  • *
  • مشاركة: 6
    • مشاهدة الملف الشخصي
    • البريد الالكتروني
أعزائي
ممنون لأصحاب الردود لردودهم السريع وطامعا أكثر بآرائهم وبآراء جميع أعضاء المنتدى... خابرت أخي قبل قليل حول تفاصيل اتصالاته مع المنظمة والمعلومات التي حصلها... فقال أنه حقك ( كعائلة ) هو 820 $ هذا للسكن و(( 400 $ فود ستامب ( 6 ) نفرات)) وأن التفاصيل اللي حصل عليها في البداية كانت مشوشة لأنه كان مشغول بعمله .... على العموم هذه هي كل الفقرات ومبالغها... فما كان جوابي لأخي ...أن مبلغ الفود ستامب جدا قليل لعائلة مع ( 4 ) أطفال بحسبة عرب (70 $) للفرد...  فكان جواب  أخي... أن تدبرها عن طريق منظمات أخرى أو كنائس .. أو تعمل مباشرا... لا توجد أي فقرات أخرى ممكن أن تساعدك بي المنظمة لأنه ما من الممكن أن تتعارك معهم نقطة رأس السطر.
ياجماعة ما أعرف هل أني شخص متطلب أو خائف من التجربة وهو اللي ماأعتقده لان أخوكم تقريبا 4 سنين مترجم بعدة شركات مختلفة والحمد لله أصبح لديه خبرة بطرق التعامل بس أحجي لكم الصدق أن الموضوع  شكل صدمة لنا وللخطط اللي خليناها أني وزوجتي ...(وهي راحت نامت هسه من الصدمة على شلون ندبرها) ...منوا يشتغل يدرس ونتناوب بالأدوار من يبقى يم ألاطفال ومرتبيين حالنا على هذا الترتيب ... ووفق  المعلومات المتحصلة من العوائل التي وصلت أمريكا ...اللي تعرفنا عليها في سوريا ولو أنهم ليسوا في ميشغان.... ومن خلال المنتدى جازى الله أعضائه اللذين أخذوا من وقتهم لانارة الطريق لمن بعدهم حول المعونات وتفاصيلها ...أن تكون فترة معقولة تمكنني بترتيب حياة العائلة والاوراق ومن ثم أيجاد عمل والتحضير للدراسة ونخلي شهادة بالجيب مثل ما كال الوالد ويمكن أن تتفقون معي حول الشهادة.
وكان ببالنا أكو فروقات  بين ولاية وأخرى يعني الواحد مراح يحصل على حار وطيب ومكسب بس مو هيج الحجي.
طولت السالفة عليكم ...أدعوا الجميع للإبداء وطرح معلوماتهم حول الموضوع ... ونقاشي معكم...هل أذا قبلوا بنقل الملف لغير ولاية أنتظر في ميشيغان حتى تأتي الموافقه لو شلون  والمصاريف أشكد و شلون ممكن أن نقللها لأنه وقت السفر قريب ولتعميم الفائدة للجميع ..ممكن أني شويه نكناكي حول معرفة كل شي بس أعذروني أن الاحساس بمسوؤلية عائلة يسبب الشيب ويضخم التوتر النفسي والفكري ... للعزاب  لا تفتهموا بالغلط  أنه نادم على الزواج... بسبب طبعا بأنها مرحلة مو سهلة وخصوصا للي عنده عائلة... بس أحب أن أخطط لكل شي ومن الله التسهيل.

وسلامتكم
نائـل

غير متصل evontoma

  • عضو فعال جدا
  • ***
  • مشاركة: 177
    • مشاهدة الملف الشخصي
القانون هو واحد في ميشكن ويطبق على الكل عائلة مكونه من 6 نفرات حقوقها من الحكومة وليس من المنظمة مو اقل من 750 دولار فوت ستامب و 700  دولار كاش موني كل شهر لحد ما تلكي شغل وتشتغل محد ما يحجي وياك وما عليك بحجي المنظمة.


ام سرمد

غير متصل abo abo

  • عضو فعال جدا
  • ***
  • مشاركة: 464
    • مشاهدة الملف الشخصي
    • البريد الالكتروني
اخويه العزيز الله يسهل امرك وامرنه وامر الجميع

اخويه العزيز كلام ام سرمد صحيح اني رايح انشالله المشكن واخت زوجتي هي كفيلتنه وكالت العائله 6 نفرات لان احنه ست نفرات فود استام 800 وكاش لكل نفر 450 دولار وهسه اكو حجايه كلش قويه انو الكاش زاد الى 900 روح اخويه وتوكل على الله وكل الولايات نفس الرنج يعني مشكن احسن من غير ولايات بل نسبه للعلراقيين لان بيها نسبه عراقيين هوايه يعني واحد يكون عون لثاني ومتحس بنفسك غريب وانت من توصل وين متريد تروح روح وعلى حسابك والنقل بين الولايات اسعاره رخيصه بس اخويه اخذ كل مساعداتك بولايتك وتعلم قوانين البلد بولايتك وبعدين اذا تريد حول والله يسهل سفرك اخوه وكول يالله ولتنكنك لان اليتوكل على الله مينسى
اخوك ابو علي عمان

غير متصل Alrwad

  • عضو فعال جدا
  • ***
  • مشاركة: 165
    • مشاهدة الملف الشخصي
اني اكول لو تتوكل على الله وهناك هية تصفة وداعتك ما تضيف اللة رب العالمين سبحانه وتعالى يفرجها .

ابو لينة.

غير متصل نائل من سوريا

  • عضو
  • *
  • مشاركة: 6
    • مشاهدة الملف الشخصي
    • البريد الالكتروني
أعزائــي
           شـكرا جزيلا لجميع أصحاب الردود وللإيضاحات التي قدموها أي هسه ياله  ابتسمت   :-X :-X :-X  ... أن شاء الله من باجر راح نحضر باقي الجنط ... وأن شاء يا ربي تحقيق الأماني للجميع ورحمه الله والديكم ... أن شاء الله من  راح نوصل بالسلامة  وأنتم أيضا وبأسرع وقت ... راح أكتب لكم عن التفاصيل وأكون حاضر لأي مساعدة

وســلامتكم

نائـل