زنجيل ابوذية .. بعنوان .. خاني بألفين وعشرة .. بقلمي

[اصبحتو ذكرى للحب]

مرحبآ جميعآ طبعآ هليوم
كتبت زنجيل ابوذية وبصراحة
هذه اول عمل الي ان اكتب زنجل يارب يعجبكم
.......
....
...
.

سجل يازمن بألفين وعشرة
خاني الضويته شمع عشرة
نكر وماصان وياي العشرة
ظنيته دوم يحبني وأحباني
وحضرته مايوم أبد حباني
بذر حبه ماشتل وحباني
كَبر والعرج ثبت بيه
راح وماعرف شكَوبيه
لاحوله ولاقوه البقت بيه
 وك هذه انت الجنت افتخر بيك
وكعت ومحد سمه بيك
تنزف واكولاً حيل بيك
وانا دموعي مانشفن بوصل
 غدرك كَطع الكلب وصل
والموت يمي جاني وصل
ماداير بالك  ولافكرت مره
منك حياتي الصارت مره
الكَلب من جوه تمر مره
وكل هاي تريد ابقة الك صابر
تتقصد تجرح الروح وصابر
ياهو الكالك انا ايوب الصابر
 وانت التكبر بيك  مادام
هتلر بعضمتة سقط مادام
وكل ظالم بلأخر هم مادائم
يجيله اليوم ويجازي العالي
دومي جنت احسبك مثلي العالي
صرت انا الوفي وانت العال لي
وجهين وجنت دوم وياك جدي
تعلمت الصدكً من ابوي وجدي
من احب.احب برائت المجدي
وانا ما انكر بيوم هل حب
عذب مثل كَطرات الحب
صح طش الزمن حب
بس طلع شيطاني وثمر شوك
وانا ايامي الك جانت شوك
صرت الجسمي وغنيتلك بحرالشوك
وجنت روحي ومثل حبك ملاكَي
صرت القبك  للعلم ملاكي
فديتك بكل دنياي وملاكي
ورسمك البيدي رباني مودك
تفتح بابك للكَلب من دك
وتكَول ماعرفك عين بعين
ياما لجلك بجت هل عين
وتشهد ايدي الروتك من العين
 كل هاي وجاي  تريد تعود
بعد مانشفت وصرت عود
افكر وانطيك الرد عود
بس صعب ارجعلك كلش بعيده
اني الشخص الجرحته بعيده
هم ترجع دموعي وتعيده
وتخليني اتندم من جديد هم
كافي حياتي صارت عذاب وهم
وانت عمرك كَضيته بلا هم
روح ماريدك وشوف العذاب وحس
وكلبي مايوم غيرك ابد حس
ياما نصحتك دوم ولك حس
ونويت تخون واجه اليوم وخنت بيه


بقلمي الشاعرفادي
الـكلـدانــي

[/size]

[عيسى الجريح]

تحيه طيبه ياغالي


لعد حبي ابد ماتصل عشره
يمن وياك انه كضيت عشره
مو شمعه شعلت اشموع عشره
الك صدك علكت جفوف اديه



ابو العيس الجريــــ؟؟؟؟ــــح
شاعر الحزن وبالحزن شاعر

[نادر البغـــدادي]

       *** أصبحتو ذكرى للحب ***
             عاشت الأيادي !!!
               كل عيد قيامة ,, وأنتم بألـــــف خيــــــر ,
                   الرب يرعاكم بمحبتـــــــه ...

[شقلاويه]

  كلمات في غاية الروعة .. !!
    تدخــــــل الى القلوب بغير آســـــتئذان

[اصبحتو ذكرى للحب]

اشكر مروركم الطيب جميعآ
ودوم يارب ماانحرم من مروركم الرائع
تحياتي الكم اخوكم الشاعر فادي

[/size]