خمن وفكر ثم اختار اي من القصتين حقيقية ؟؟ يلا حلوين شوفونا شطارتكم

[sandy 88]

مرحبا اخواتي واخواني الاعزاء في منتداي الغالي  


اليوم حبيت اطرح موضوع جديد


وفكرة جتي في بالي لنضيف المرح في نادينا

الموضوع مو بس بيه نوع من المرح بيه نوع من التفكير وفكرة الموضوع هي يجي عضو يحكي النا قصتين واحدة منهم تكون حقيقة حدثت في حياته والاخرى من نسج خياله اي من تأليفه وبعدين يشارك الاعضاء وعليهم ان يحزرون اي من القصتين هي الحقيقة وعلى العضو  اللي حكالنا القصتين ان يختار احد الاعضاء ويدزله عالخاص لتبليغه حتى يشاركنا بقصتين وايضا علينا ان نحزر وهكذا

ونبدي مع



مع  


=

=

=


اول


=


=


المشاركين


=

=

=

العضوة


=


=


الحلوة  

( مـــريــــومــــــة )

ونتمنالكم اوقات سعيدة مع اختنا مريومة    

[مـ ـريـ ـومـ ـة]

موضوع ناايس لبي واستضافة رائعة يسلموووو عالاستضافة الاولى اليه

واني راح ابدي بالقصص ..


اول وحدة

يوم من الايام جان عمري 5 سنين واهلي كالولي امشي نوديج لدكتور حتى يشلع سنج طبعا اني اخاف من الابرا ومقبلت اروح الاااا ورا الدكتور اروح ناكل موطا ونروح مدينه العاب  وبالكوة رحنا ومن رحت اني شفت الاوبرا وبعدين دااشوف بلايس طبعا  رحت بيها من الخوف فاني اشسويت كومي مريم وانهزمي من العيادة  وبعدين بالشوارع ديركضون ورايا والا شويه جان انسحك الدكتور بالسيارة وبعدين ... جابوني وجابوني وشلعوا سني وبطلعان الروح  بس بالاخير رحت للمدينه الالعاب ونسوني الشغلة

..........................
وثاني وحدة


وهم يوم من الايام جان عدنا درس فراغ المهم جانا دنلعب اسم حيوان جماد واجا الدرس الثاني وجان عدنا درس علوم واحنا جنا 4 مشاغبات واحنا طبعا نضوج من العلوم ومن المعلمة اصلن وقبل متدخل المعلمة احنا شسوينا فلتنا من الصف ورحنا اكلنا موطا وركل وحدة رجعت لبيتها والمشكله شنو اني نسيت انو امي راح راح تروح عالمدرسة تسال عليا اشو وريا شويه تجي ماما وتاخذني للمدرسة واني داابجيي وبالاخير اني اكلتها لان فكرة فكرتي جانت حتى نهرب وبالاخير اني اكلتها ورجعت للدرس مال علوم


ها يلى حزرا خل نشوف همتكم هع

[ابو خالد]

ههههه موضوع رائع وفكره جميله منج يااختي ساندي وهذا الموضوع يذكرني ببرنامج كان يطلع بالتلفزيون و كنت اتمتع بمشاهدته وكنت من خلال تعابير الوجه والقاء القصه اعرف من هيه القصه الحقيقيه من القصه الكاذبه ولكن الان الموضوع محير ويرادله ذكاء اكثر وفطنه لان ...الان مريومه لانراها حتى نستطيع ان نرى تقاسيم وجهها ونطلع كذبتها ولكن قدر المستطاع نحاول

انا اقول ان قصة الكتور مال الاسنان كاذبه والقصه الثانيه حقيقيه
هههههه
وتحياتي الى صاحبة الموضوع ساندي والمشاركه الرائع المختفيه مريومه

[فنار]

فعلا موضوع رائع ساندي

اني اكول القصة الاولى حقيقية والثانية  مو حقيقية   

تحياتي      الحزين      هولندا

[sandy 88]

 
هههههه هاي شنو لبي مريومة ممقصرة القصتين تحير بصراحة عاشت ايدج 

[وردة حب]

فعلا موضوع رائع عاشت الايادي

[sandy 88]

هههههه انت الاروع اخي ابو خالد ايباه ذكرتني بلعبة بدون كلام هي نفسها اللي دتحجي عليها شكد جنا نتونس من جنا نلعبها ايام حلوة جانت ايام الطفولة والدراسة ياريتها ترجع  ............

ونجي على مريومة صدكني اني هم مثلك احتاريت واختاريت القصة الثانية ونشوف الجواب من عدها وحضرلك انت هم قصتين يا ابو خالد لان اكيد راح نستمتع بيهم 


                    ----------------------------------------

اهلا وسهلا فنار وشكرا لمشاركتك الحلوة


                   ----------------------------------------

شكرا عزيزتي وردة حب عاشت ايدج انتي على هالطلة الحلوة

[ابو خالد]

انشالله يااختي ساندي راح اشارك بعدين بقصص لان هذا الموضوع حيل عجبني ..
وراح اجيبلكم قصتين وماراح تعرفون الصدك من الجذب 
بس خلي نخلص من اختنا مريومه لانها طلعت داهيه هههههه وراح تدوخنا بالقصتين مالتها وماراح نعرف منو القصه الحقيقيه

[كيتاريست فلامنكو]

تحية طيبة الى صاحبة الموضوع
الادارية المحترمة ساندي موضوعك جميل يجعل اكتشاف الاخر
ومدى وسع خياله ..اعجبني  الموضوع لان ايضآ فيه شئ يدل على
قدرة الشخص القاص على الاقناع ..جميل جدآ ما رأيت من فكرة
اما بشأن الصديقة مريومة القصتين جميلتين مريومة
واكيد حاولت جاهدتآ ان تضيفي على القصة الغير حقيقية شئ من
المصداقية ..ولكن انا هنا استخدم المنطق الذي دومآ لا اؤمن به
ليكون مساعدآ لي في حكمي ..او اقول لك لاستخدم العقل في
الحكم فهو ايضآ يستطيع ان يحدد ايهما من القصتين حقيقي

اقول ان القصة التي فيها طبيب  اسنان وفيها مدينه الالعاب شئ
متناقض لا يستطيع قبوله العقل اذ بعد قلع السن اكيد لا يستطيع احد الذهاب
الى مدينة الالعاب ..لان اكيد ان في الابوين وعي كافي يمنعهم
من ان يذهبون الى هناك بعد قلع سن وهدر كمية من الدم
ويكون من المزعج اكيد لمريومة اللعب وهي بهذه الحالة
اما قصة المدرسة اجدها اكثر منطقية وواقعية ..
اذآ قصة المدرسة اجدها هي الصحيحة ..وتحيتي الى مريومة والى الادارية ساندي الف تحية [/color]

[مـ ـريـ ـومـ ـة]

تحيه لاحلى اعضاء  منتدى نادي تعارف وترحيب


واول شي اشكر ابو خالد وفنار وكيتاريست على جوابكم الحلوو


وثاني شي اني بعد اريد احيركم علمود اكو بعد محتارين هههههههههه


وانتضروا بعد حتى تعرفون حقيقه ههع

[sandy 88]

 
هههههههه صدكي مريومة مطلعتي سهلة دوختينا وياج 
واني اكول القصة الاولى هي الصحيحة والله اعلم ونشوف بقية الاعضاء شيكولون 

[(niron)]

موضوع روعه شكرا لك اخت ساندي والاجمل قصص مريومه ؟
اختي مريومه انتي الاثنين مخليه بيهن انه شلون ما شايف دكتور يفتر بالسيارة وره المريضه والقصه الثانية انتي طلعت قبل الدرس الثاني وحتى لو تمشيتي واكلتوا موطا وبالعافيه وبعدين رجعتي للبيت وماما راحت للمدرسه وما لكتك واجت للبيت واخذتك ودخلتي درس العلوم هيه قصه حلوه هوايه وخياليه بنفس الوقت بس ترتيب الزمن هو الي خلاني اشك مو حقيقيه كول هذا سويتيه خلال نص ساعه مال الدرس فاعتقد الثانية مو حقيقيه واتمتى ما افشل بردي
بس لا دوخينا اكثر من هذا  وعهد الااخليكم سنة كاملة ما تعرفون القصص الي راح اشارك بيها وشكرا للاخت ساندي على الموضوع

[مـ ـريـ ـومـ ـة]

هــاي كايــز شلونكمم كيف الصحة انشاء الله تمام



.......... ونتبدي باللعبة ..........


اعزائي المشاهين اليوم نعلن النتيجة الصحيحة للقصتين


والقصة الصحيحة هــي ....


...



...


...

...

...


...


...

يلى راح تعلن والي اختاروا الصحيحة خل يفرحون هع

.


.


.


.



.


.


.


.



القصة الصحيحة والي صارت بيا هــي


القصة الاولى

يوم من الايام جان عمري 5 سنين واهلي كالولي امشي نوديج لدكتور حتى يشلع سنج طبعا اني اخاف من الابرا ومقبلت اروح الاااا ورا الدكتور اروح ناكل موطا ونروح مدينه العاب  وبالكوة رحنا ومن رحت اني شفت الاوبرا وبعدين دااشوف بلايس طبعا  رحت بيها من الخوف فاني اشسويت كومي مريم وانهزمي من العيادة  وبعدين بالشوارع ديركضون ورايا والا شويه جان انسحك الدكتور بالسيارة وبعدين ... جابوني وجابوني وشلعوا سني وبطلعان الروح  بس بالاخير رحت للمدينه الالعاب ونسوني الشغلة





واعزائي المشاهدين اني حاليا خلص دوري و اتمنى لكم اوقات ممتعة مع العضو الجديد الي هو قصدي هــي


,؟





..



؟




...



؟




...

العضوة هايكووو



يلى هايكو دوخليهم مثل ما دوختهم هع



بــــايوو  كايز

[haigo]

من كنت 11 سنه كنت صف خامس واثناء ذهابي للمدرسه صار حاث سير يعني اني انسحكت وكسرت رجلي طلعت المديره والمعلمات وطلا ب:oوخابروا اهلي للبيت ودوني للمشفى طبعا الحادث كان قريب من مدرستي وضاعت عليا السنه وعدتها بعدين

سوا عمليه لرجلي لان الكسر كان مضاعف

اما قصه ثانيه اني ما احب نساتل من كان يشترون كنت اضمها ورا كوميدين فد يوم عمتي تريد طلع غراض مدت ايدها شافت شي طري عبالها فار ميت بزون تريد تركض من الخوف عصت ايدها ورا كوميدين وكع الكوميدين من حركتها والتمت عليها البيت كلا بعدين شافوا كلها نساتل وبلاوي مايعات صايرات مثل المي اكلت كتله مال اخ اخوا هههههههههههه هاي قصصي ارجو ان يعجبكم وهسا
اختار العضوه فانيسيا

[فانيسيا]

اشكر الاخت والاداريه الاكثر من رائعه ساندي على هذه الفكرة المبدعه منج وانشالله الكل يشارك ويمتعنا بقصصهم الحلوة


واحب اشكر هايكويتا اشكرج حبيبتي  انتي للاختياري من بعدج


وبالنسبه للقصص المذورة فبصراحه حرت اي وحده ممكن انو تكون القصه الصحيحه !!! ؟


بس راح اختار القصه الثانيه  الي اعتقد هيه الصحيحه وانشالله يطلع شكي بمحله 

وراجعتلكم اني بعدين 

تحياتي لجميع الموجودين


اختكم فانيسيا

[angie-dawood]

مشكورة حبي ساندى على الموضوع الاكثر من رائع

اما بالنسبة للقصة الحقيقية هي الاولى ده اقتراحي بالقضية يعني 

[sandy 88]

استمتعنا جدا بالحضور الراقي للعضوة المميزة مريومة وابدعتي في سرد القصص ولو لم نحزر جيدا    
لككنا تعرفنا على جانب لطيف من مغامرتك مع طبيب الاسنان وكلنا كنا هكذا في طفولتنا نرعب من كلمة طبيب


  لكي منا ارق المنى


وشكر للاخوان كيتاريست و نيرون وابو خالد عالمشاركات الحلوة نورتونا

[sandy 88]

 واااااااوووووو من معنا هنا في هذه الصفحة ( هايكو + فاني ) نورتونا عزيزاتي وعودتونا دوما ان تتركوا بصمة جميلة اينما تواجدتم سعدنا بتواجدكم معنا واهلا وسلاها في بيتكم نادي التعارف وفي صفحتكم هذه  



ههههههه  عزيزتي هايكو فعلا قصص حلوة ومشوقة بنفس الوقت مممممممم سأختار القصة الثانية   لانها اعجبتني جدا وبالحقيقة انا كذلك احب النساتل ،،،


فانيسا
انجي
شكرا عزيزاتي لاختياراتكم الجميلة وانا ايضا اخترت   



وفي انتظار تخمين اخواتنا واخوانا الحلوين   لنرى في النهاية من سيحزر  

[فانيسيا]

هااااااااي حبايب قلبي شلونكم انشالله تكونون بالف صحه وخير يا رب

اعتذر من الجميع للتاخر عنكم واليوم جيت وجبت وياي قصصي وانشالله تحزرون اي واحده من القصتين حقيقيه

يلا نبدي

القصه الاولى

كان يا مكان في قديم الزمان    لمن جان عمري 5 سنوات سافرنا انا وعائلتي الخارج العراق وجان عندي دبدوبي المميز الي وجنت احبه كلش
واحنا بالطريق نعست ونمت بالطريق ومن كمت ثاني يوم الصبح مشفت نفسي الا واحنا بل الحدود بين منطقه التفتيش  طبعا اني مدرت بال ودبدوبي جان واكع من ايدي فدورت عليه بالسيارة مالكيته وظليت ادور  عليه واكول وين دبدوبي وين دبدوبي وبعدين ماعرف شلون دااشوف جان الكى دبدوبي مشكوك كله و ذابينه يم الزباله واني من شفت هلشي انصدمت وضليت ابجي بالسيارة  وكلت للامي منو شكه وليش هيجي سووا بيه كالت امي عبالهم اكو شي مخبينه بنصه فاخذوه وشكوه بالتفتيش
فاني كلت لل امي ليش خليتيهم يشكونه وعيوني متروسه دموع واني مقهورة كلش وعيوني صايرات حمر من البجي  وكلت لل امي يعني ليش الا دبدوبي هيجي يسوون بيه  امي زعلت عليه وكالت من نوصل اشتريلج واحد جديد كلت الها لا ماريد غيرة  وكلت لل امي روحي جيبيه وخيطيه كله الي  اني ماريد غيره جانت تكولي امي ميتخيط لان كله مشكوك ميتخيط  واني  متت من البجي والقهر   واني كللللل الطريق كاضيتها بجي واصياحات  رجعوني اريد دبدوبي رجعوني اريد دبدوبي
وعيشا وعيشا وسعيده  

القصه الثانيه


كان يا مكان في قديم الزمان     كان عمري 11 سنه جان عيد ميلادي وعازمين كرايبنا كلهم وصديقاتي هم فسويت عيد وطفيت الشموع كلها و كل الي جانواحاضرين بعيد ميلادي جابولي هدايا ما عدا ابن خالي  مجابني شي   واني ضجت كلش  فمن اجت امي تكص وتوزع الكيك كلت الها كدام الكل  كلت للامي متنطين اله كيك  كالت امي ليش كلت الها مجابني شي ليش تنطينه كيك
فامي كالت بنتي عيب شنو هلحجي كلت الها خلص اذا انطيتيه  كيكايه اني  راح اذب الكيك كله ومحد ياكل
  فكام خالي كلي لتزعلين  وانطاني فلووس امكانها  وكال هايه هديتج بسسس طبعا اني مرضيت على هلشي ورة ما اكلنا كيك وسحبنا صور  رحنا دنلعب كلنا برة البيت ويا اولاد خالي وعمامي وخالاتي وصديقاتي واني استغليت الفرصه بما انو احنا برة  فدنلعب ركيضان  فاني اخذت بيدي كلاص مي بدون محد يشوفني و طشيته عليه  وركضت  
وعيشا وعيشا وسعيده

وهسه يا حزركم يا وحده حقيقيه و يا وحده خياليه

واختار من بعدي فنار  

[sandy 88]

 اهلين فاني منورة وشنو هالقصص الحلوة  بعدين ارجع واحزر لان متنحزر بسرعة  ،،،،،،،،،،ونشوف العزيزة هايكو يا قصة كانت صحيحة 

ههههه طبعا بنات المنتدى عفية عليكم مقصرتوا بالقصص خليتونا ندوخ وياكم وابدعتوا كلكم ( مريومة وهايكو وفاني ) 


خلي نشوف الشباب شلون راح يكونون  والحلوة وين خطية وكعت براس فنار 

[فنار]

هههه  ليش براسي يعني لان مسكين وفقير بس بسيطة هههه

اسمعو عيني

يوم من الايام دا اروح للمدرسة  وكانت سنة 98   المهم دامشي  من جهة اليمين اكو مزارع  ومن جهة اليسار اكو شارع عام     دامشي على غفلة طلعلي جلب و ركض ورايا ويريد يعضني   واني كلت لازم اعبر الشارع حتى بلكي يروح الجلب من ورايا وبهاي الثواني القليلة فكرت كلت الناس من يجون يزوروني شكلهم  ىعضني جلب؟؟  لو اكول دعمتني سياره   والله اختاريت ثاني شي ونزلت للشارع   وجان تجي سياره قديمة بيك اب   وطب  ضربتني  ومستشفيات واشعات واربعين يوم غايب عن المدرسة   بعدين ورا مكمت امشي من جديد رجت لنفس المكان وسألت صاحب الجلب كال هذا الجلب مشدود بس حبلة شوية طويل يعني مكان راح يعضني هههههههههه


القصة الثانية    

طبعا من كنت صغير كنت كلش عاقل      كنت اخذ البايسكل مالتي واصعد بسياره بيت جيرانة وهم كانت بيك اب ههه (  شنو كاعدين باليوسفية اشو كلها بيكبات ) المهم  اصعد لي ورا والباب مفتوح  والبيكب تمشي واني اجيت من البيكب بالبايسكل وشنو كانو اصدقاءي يباوعون علية يعني مثل البطل الا ان فد يوم ردت اجيت ليش ما انجبح    كلمة حلوه مو  ( انجبح)  المهم مستشفيات و اشعات بس المشكلة مغبت عن المدرسة لان كانت عطلة هههههههههههه  
يلة شوفوني شطارتكم بالتخمين

وتحياتي للجميع  و بسيطة فانيسيا هههههه

[فانيسيا]

ههههههههههه فنار شلونها المفاجئه ؟؟؟ 

وشنو هلقصص مالتك صدك قصص تعجيزيه ومدا اعرف الحقيقيه من الخياليه ؟؟؟؟؟

بسسس اني مراح انطي رائي لان انته مكلت يا قصه من القصص مالتي حقيقيه 

اني بعدين افكررررررر زين واحزر يا وحده بيهم 

[sandy 88]

   هههههه يسلمو فنار عالقصص الحلوة منور الموضوع 
  وخلي ننطي فرصة للاخرين بالتفكير بقصص فاني وراجعيلك 
واهلا وسهلا بالجميع

[فنار]

احلى فانيسيا  واحلى مفاجئة شكرا الج لان تذكرتيني وخليتيني اشارك وياكم

بالنسبة للقصص مالتج   هاي افلام مو قصص هههههه

اني اشوف القصة الاولى مو حقيقية والثانية اشوفها شوية حقيقية هههههههه

تحياتي الج يا ورده

الحزين      هولندا

[sandy 88]

  اني هم اختار القصة الثانية لانها اكثر واقعية .. وان شاء الله تطلع هي القصة الحقيقة من مغامرات فاني 

[فانيسيا]

هااااي كايز اشلونكم يا احلى ورود بالمنتدى

ههههههههههه فنار شنو فلام  اني ماعرف اسوي افلام بس اعرف اكتب قصص 


واشكرك للمشاركه بتخمين يا قصه من القصص مالتي صحيحه


وهم احب اشكر الاخت الغاليه والي مثل العسل عالقلب ساندي

اشكرج للمشاركه بقصصي و فعلا هايه مغامرة

بس هسه وقت اعلان النتيجه

والقصصه الحقيقيه هيه

...

...

...

...

...

...

...

...

...

...

...

...

...

...

...

...

...

...

...
...

القصه الاولى  والثانيه خياليه لان واني صغيروني مجان عندي هيجي سوالف لان جنت كلششششششششش خجوله 

[فانيسيا]

وبالنسبه لقصص فنار فمدا اعرف بصراحه

بس الي اعرفه انو الشباب علطول مشاغبين ويسوون شغلات توكف العقل
و مغامرات ومجازفات غير قانونيه  هههههههه 

فلذلك اعتقد القصه الثانيه حقيقيه وانشالله يطلع تخميني صحيح

وبانتظار اعلان النتيجه


تحياتي اختكم فانيسيا

[sandy 88]

  شكرا فاني الحلوة وانتي العسل يا عسل  ،،،،،،
 هههههههههه تدرين صارت حسرة بقلبي احزر ولو لمرة
وشكرا مرة اخرى على القصص الحلوة نورتينا 

[sandy 88]

اسمعو عيني

يوم من الايام دا اروح للمدرسة  وكانت سنة 98   المهم دامشي  من جهة اليمين اكو مزارع  ومن جهة اليسار اكو شارع عام     دامشي على غفلة طلعلي جلب و ركض ورايا ويريد يعضني   واني كلت لازم اعبر الشارع حتى بلكي يروح الجلب من ورايا وبهاي الثواني القليلة فكرت كلت الناس من يجون يزوروني شكلهم  ىعضني جلب؟؟  لو اكول دعمتني سياره   والله اختاريت ثاني شي ونزلت للشارع   وجان تجي سياره قديمة بيك اب   وطب  ضربتني  ومستشفيات واشعات واربعين يوم غايب عن المدرسة   بعدين ورا مكمت امشي من جديد رجت لنفس المكان وسألت صاحب الجلب كال هذا الجلب مشدود بس حبلة شوية طويل يعني مكان راح يعضني هههههههههه


القصة الثانية   

طبعا من كنت صغير كنت كلش عاقل      كنت اخذ البايسكل مالتي واصعد بسياره بيت جيرانة وهم كانت بيك اب ههه (  شنو كاعدين باليوسفية اشو كلها بيكبات ) المهم  اصعد لي ورا والباب مفتوح  والبيكب تمشي واني اجيت من البيكب بالبايسكل وشنو كانو اصدقاءي يباوعون علية يعني مثل البطل الا ان فد يوم ردت اجيت ليش ما انجبح    كلمة حلوه مو  ( انجبح)  المهم مستشفيات و اشعات بس المشكلة مغبت عن المدرسة لان كانت عطلة هههههههههههه   
يلة شوفوني شطارتكم بالتخمين

ممممم بالنسبة لقصص فنار حلوة وبيها مغامرات الاولاد  بس دا اشوف القصة الثانية اكثر واقعية
والعلم عند الله وفنار 

[فنار]

احلى قصص من احلى فانيسيا   وفعلا محزرت هل المره اني توقعت اول قصة حقيقة لان اني هم مسافر واني صغير هواية بس محد كان يفتشني لان صغير لذلك كلت القصة الثانية مالتج صحيحة  على العموم  قصص تخبل مثلج واني اجيبلج احلى دبدوب هههههه


بالنسبة للقصص مالتي يلة اريد بعد تخمين  وينكم

تحياتي للجميع      الحزين      هولندا

[روزماري]

بصراحة موضوع جداً شيق وأني احب الحزورات عاشت أيدج ساندي ’’’  فالي حبيبتي قصتج روعة وكلش حلوة

وفنار أتوقع القصة الثانية هيا الصح لانو بيها مشاغبة ,,,,,

[فانيسيا]

شكرا حبيبي ساندي على كلامج الحلوو واكيد النور نوركم انتوا

وانشالله تصيبيها المرة الجايه ويطلع تخمينج ابمكانه لبي 


ومرسي الج لبي روزماري


هههههه فنار ميرسي الك عل الدبدوب مقدما 
وفعلا هوة الصغار و اللعبابات بل العاده ميفتشوهم بل الحدود بس ماعرف ليش ويانا بالذات احذوه مني و فتشوه
علعموم هايه من ذكرياتي الطفوله 


فنار شوف كلنا علقصه الثانيه نتوقع الصحيحه    اذا مو هيه غششنا شويه علمود نحزرها  هههههههه

منتظرين النتيجه لا تطول علينا

[فنار]

اوكي فانيسيا راح اعلن النتيجة


القصة الحقيقة  هي


.......




.................




..............................










القصة الاولى هي الحقيقية




مع العلم  مسوي شغلات تخوف وبيها خباثات وبطولات   اكثر من القصة الثانية  هههههههههههه

شكرا الكم جميعا  وماكو ولا واحد نجح بالامتحان مالتي ههههه

تحياتي الكم يا ورود

الحزين      هولندا

[روزماري]

والله برافو فنار  ضللتنا بقصصك ومعرفنا نحزر راحت عليننا يلا على الجايات 

هسة أجا دوري ممكن أ]ه ممكن هههههه

القصة الأولى : وأني صغيرونة يعني بعمر الخباثة هههههه جنت احب هوايا القطط من كثرهم كانوا مجموعة كبيرة وكلهم أصدقاءي فرد يوم أجا على بالي العب وأتحارش ويا بزون تعرفون شسويت ههههههه جبت عود كبريت ( شخاطة) وحركه شواربه خخخخخخخ وبعدها هل بزون مرجع ولا عدت شفته ( مو المثل يكول من حبك لاشاك ههههههههه)


القصة الثانية

زعلت من ماما وذبيت روحي زرك من السطح لسطح الجيران مثل ساسكوكي هههههههه


يلا ياشطورين ياحلووووين ياقصة هيا الحقيقية صدقة وأثنينهم محد يسوويها


تحياتي مع مغامرات روزي

[njmat_alba7r]

هاااي ساندي موضوع كلش روعة مثلكي ياااحلى وردة
 
 اني فعلا عجبني الموضوع وجديد على الساحة لولــ

[njmat_alba7r]

هاااي ساسوكي اقصد روز  شونكي انشالله زينة

القصة الاولى هية اكثر واقعية لوولــ

تحيتي

[sandy 88]

 هاي شنو دا اشتم ريحة ورد تخبل من هالمكان      اي دكولو  هيجي احلى ورود دا اشوفهم هنا
يا هلا ب روز الوردة مبدعة لبي ،، هههههههه ومع مغامرات تخبل عاشت ايدج  


اهلا وسهلا بنجومة الوردة الحلوة منورتنا عزيزتي واني هم من رأيج  اكول القصة الاولى للاخت روز اقصد ساسوكي   هي الصحيحة


ترى شوفو اني لحد الان ولا مرة ضبطت وياية   وكلما احزر يطلع الاختيار غلط ما ادري ليش  
بس يلا اني حزرت هالمرة واختاريت القصة الاولى ،،،، روز اذا طلعت الثانية صحيحة راح هم اصير مثل ساسوكي شتكولين  


يلا وينهم اصدقائنا الباقين    يلا تعالوا وشاركونا مغامراتنا 

[njmat_alba7r]

ههه ساندي اكيد هل المرة راح تضبط وياكي 

يعني معقولة روز اتصير ساسكوكي    وتشمر نفسها  ;Dمن سطحهم لسطح الجيران

[sandy 88]

 ههههه   

شكرا لبي على صورة اليسا ومنورة

[فنار]

هههه    حلوه القصص 


القصة الاولى اكثر واقعية  

القصة الثانية   من جيتي من السطح جامبو الجبار لزمج  لو لا؟؟؟   ههههه

تحياتي     الحزين       هولندا

[روزماري]

ههههههههههههه ختية ختية حبايبي أنتو شنو عبالكم بس أنتو شقاوة جنتو الله يخليه زينة ونحول وبشار وعدنان ولينا وساسوكي هما علموني الخباثات  باجر أنطيكم الجواب بعد حزروااا بعد   شكراُ حبيبتي نجمومة وساندي وفنار أي أني ساسوكي زماني ولحد الأن 

[/font]

[njmat_alba7r]

لووولــ ننتظركي باجر يااحلى  روز 

[sandy 88]

ههههههههههههه ختية ختية حبايبي أنتو شنو عبالكم بس أنتو شقاوة جنتو الله يخليه زينة ونحول وبشار وعدنان ولينا وساسوكي هما علموني الخباثات  باجر أنطيكم الجواب بعد حزروااا بعد   شكراُ حبيبتي نجمومة وساندي وفنار أي أني ساسوكي زماني ولحد الأن  

[/font]

هههههههه وشوفو مو كلت اني من البداية مدتضبط وياية الظاهر حتى ويا روز 
يلا روز هم نقول بلكد اكو امل ننتظركي على احر من الجمر واذا طلعت الاجابة الاولى صحيحة
راح اسوي حفلة هنا 

[روزماري]

ههههههههه طبعاً ماكو راح أموت من الضحك وساندي ونجومة راح نقلب الموضوع مغامرات وسوالف صدك حسستوني اني ساسوكي وجامبو الجبار واكف ويايا بصراحة الصراحة يعني هيا راحة ولاتزعلون مني بليسس بليسسس ,,,,,, سامحوني هل مرة وهاي أحلى بوسة مني ,,, 

القصة ددددددددددد
,
,
,
,
,
,
,
,
,
,
,

 القصتين حقيقيات ,,,,,,,, أراكم قريباً مع مغامرات الفتاه الخارقة ههههههههه

 

[فنار]

ههههه  حلوه روز  بس صدق ساسوكي انت بس لو مجيتة من صدق كان صدكناج اكثر ههه 

مع العلم اني فد يوم واكع من السطح للكاع ومكان قصدي بس وكعت صدكوني كان عمري 10 سنوات ههههه

تحياتي     الحزين     هولندا

[sandy 88]

  هههههه عاشت الايادي منورين كلكم واني فرحانة اكيد تعرفون ليش ؟؟ همزين روز جانت القصتين صحيحة 

[njmat_alba7r]

ههه روز  اشو صايرة ساسوكي واني ماعرف هه 
 اني كلت انتي فراشة حلوة متسوين هاي الشغلات خخ الله يساعد مامتكي عليكي خخ بس طلعتي اوكي ههه يلا تعالي  كولينا بعد شمسوية مغامرات ^_^

هاي شنو فنار مجيت من السطح ومصارلكي شي  لازم سطح مالتكم مو عالي لوولــ   يلا الحمد الله على سلامتكــ خخ ولو متاخرة كلش كلش ههه


اي ساندي شفتي ايما الي تكوني اختاريتي كانت راح ططلع صح هه طبعا روز طلعت ذكية وكتبت اثنياتهم صح علمود ايما الططلع نفرح ههههه   

[فنار]

ههههههه  الله يسلمج نجمة  بس صدكيني السطح عالي يمكن 8 امتار بس الله سترني  وانجرحت براسي يمكن 5 جروح هههههههه   

تحياتي الكم


الحزين     هولندا

[njmat_alba7r]

ههه  اي الحمد الله الله ستركـ اكيد

[sandy 88]

  هاي كايز كيف الحال ؟؟

انتظروني قريبا مع مغامراتي ،،،،،،،،،،،، مع ؟؟؟؟؟؟؟؟؟؟؟؟؟؟؟؟؟؟؟؟؟؟ دراجتي الهوائية  

[فنار]

يلة ساندي لشوكت ننتضر مو تعبنا

تحياتي    الحزين     هولندا

[sandy 88]

  يلا ميخالف اليوم اجه الفرج
شسوي ياعيني مو اخذتلي جولة بالدراجة ورجعتلكم 

[sandy 88]

 القصة الاولى

بدأت مغامراتي مع الدراجة الهوائية  عندما كنت اترقب بكل شغف اولاد جيراننا يلعبون مع اخي سوية والكل رايح وجاي ويسوق الدراجة ( البايسكل ) واني قتلني الفضول والمشكلة كنت الفتاة الوحيدة بينهم   والمشاغبة   المهم طلبت من ابي يشتريلي واحدة قال لي تعلمي تسوقيها وبعدين كتله مو مشكلة وكنت من اخلي شي ابالي اسويه اسويه وكنت كل يوم اخذ بايسكل اخوية الظهريات واسوق بيه ويمكن فد 100 مرة اتعثرت المهم اجه اليوم اللي اسوق بيه بس المصيبة وين هههههههههههههههه   اسوق بس كبل وممتعودة على الالتفاف يمين ويسار   والحلوة وين فد يوم ردت افاجا اولاد جيرانا وفرحانة كلش لاول مرة دا اسوق بالمنطقة واللي يصفق يصفق   واللي يصيح باسمي المهم ليش ما يطلع احد ابناء جيرانه وديشاقة وياية واجه كبالي ديسوق وصرنا واحد مقابيل الثاني وواحد عكس الثاني ديسوق كتله ابتعد عني يمعودة ترى راح نندعم   هو ديضحك جان بس ديقصد اخافتي وعباله عند اقرب مسافة راح ابتعد عنه والتاف غير جهة خطية ميدري بس اسوق كبل     وكبل كل واحد متلكوه الا وديبجي   ( كله صوجه مسمع كلام    )


القصة الثانية
 
هي نفس القصة الاولى بس هالمرة جنت كلش فرحانة بتجربتي الاولى وجنت مغرورة ودا اتباهى بالبايسكل وماشاء الله علية كتلكم بس كبل اسوق    ودا اسوق واسوق  وليش ما احس على نفسي يجي كدامي تقاطع وكبل باقرب رصيف ووكعت   بس همزين هالمرة محد شافني  نزلت عدلت البايسكل ورجعت 

[فنار]

قصص ومغامرات رائعة عاشت ايدج

اني اقول القصة الثانية هي الصحيحه 


تحياتي       الحزين       هولندا

[njmat_alba7r]

هاااي ساندي

اعتقد القصتين اثنيناتهم حقيقية
 بس الثانية اكيد اضبط مو ^_^

[sandy 88]

منورين فنار و نجمة باحلى طلة واحلى تخمين
هههههه لا لبي نجومة وحدة من القصتين صحيحة والثانية لا 

[روزماري]

أني أكول الاولى صدك شطورة مثل ساندي ومو مثل ساسوكي المشاغب وردة

[sandy 88]

 ههههههه حبيبتي روز انتي الوردة ومنورة باحلى طلة علينا

[njmat_alba7r]

هههه يلا ساندي اني اكولــ القصة الاولى هههه

 

[sandy 88]

برافو يا حلوين  طلعتوا شطورين واختياركم كان صحيح 


ورحلة جديدة راح تكون مع مغامرات

=


=



=



الاخت نجمة 

[njmat_alba7r]

هاااي ياحلوين

 شون الصحة انشالله تمام 
 انتضروني مع مغامراتي ^_^

[sandy 88]

 منورة يا حلوة    ^_^

[njmat_alba7r]

هااي عدنـــا  من جديد

يلا تعالو لتعرفو اي من القصتين هية الحقيقية
ولنبدي بالقصة الاولى التي هية من ايام الدراسة __ الله يرحم ايام الدراسة __

في احد الايام وكان الجو مطر وهواء بارد وكنا داخلين بالصف والصف كان صف الثالث متوسط تحديدا شعبة أ   ^_^ هاي علمود تجي القصة مضبوطة خخ

فدخلــ علينا مدرس الاجتماعيات اوف شقد كان مملــ بالشرح وطبعا مع احترامي الو كان مرات من يشرح يقلب على سورث لان اتعرفون منطقة مسيحية ومدرسيين مسيحين فعادي قضيناها كلها سورث المهم فاحنا كنا  اربعة طلاب و كاعدين اخر رحلتين بالصف  فالاستاذ ديشرح وبشرح وجايبلنا فد  تلاث اربع خرايط وناصبهم يم الصبورة وهو يشرح وياشر على الخرايط  فاحنا فد مرة ضجنا فكتلهم ياجماعة  ليش منسوي فد حركة بالصف قبل  منتنعس كالو شنسوي كلت انخلي مساحة ممحاة يعني  على مسطرة ونطيرها على الاستاذ  كالو خوش فكرة  ونفذناها راسا بدون اي حجي  وطبعا المساحة اجت سنتر بنص راس الاستاذ خطية انقهرت علي ههه وكال منو سوة هالشي ها كلنا منعرف استاذ وضل يسالــ هذا السوالـ من يوم الحادثة الى اخر  يوم بالدراسة  خطية الاستاذ ضلت حصرة بقلبو ومعرف منو سوة هل الشي خخ
وهنا تنتهي قصتي الاولى

القصة الثانية تحكي انو في يوم من الايام
 وانا كنت صغيرة يعني مو صغيرة كلش كنت بصف اول ابتدائي
وطبعا اني مثل متعرفون يمكن متعرفون كلش شاطرة بتنصيب والغاء البرامج وفرمتتا الحاسبات يعني ومن هل الشغلات  وهاي ميرادلها اثنين يحكون بيها واجا فجاءة طلب من المدير شخصيا يريد استداعيي على الادارة واني كلت ياساتر شيريد المدير من عندي وطبعا الدوام  صارلة يومين بس فرحت دكيت على الباب كالي المدير اتفضلي بنتي واني اتفضلت بكل احترام هو راسا كال للفراشة جيبي بيبسي لنجومة الحلوة وهيا ركض راحت جابت بيبسي واني داشرب كالي المدير يابنتي اريد من عدكي انو اتفرمتين الحاسبة مالتي كتلا للمدير اوكي استاذ ولا يهمك اعتبرها  صارت وطبعا فرمتت حاسبة المدير   قبل ميخلص الدوام وشكرني المدير وطلعت للبيت
 وتوتة توتة خلصت الحتوتة وياحزركم اي هية اضبط حتوتة ^_^

[sandy 88]

ههههه نجومة هاي شنو تدرين طلعنا احنا البنات نعرف اكثر من ساسوكي وهسه انتي هم انضميتي لفريقنا اني وروز 
مغامرة حلوة كلش واني اكوووووووووووووووووووووووووووول القصة الاولى 

[njmat_alba7r]

هههه ساندي  اذا مانسوي هاكذ  شون تنقضي السنة
خوما نقضيها دراسة خخخ

[sandy 88]

 

[sandy 88]

مرحبا احبتي

راح يكون الموضوع لمدة 3 ايام مفتوح لاي عضو يرغب يشاركنا

وبعد 3 ايام في حال عدم مشاركة اي عضو راح نختار بدورنا عضو يشاركنا بقصتين ونقضي اوقات حلوة معاه 

[njmat_alba7r]

لوولــ ساندي احسن شي اتسوي

[njmat_alba7r]

 

[sandy 88]

 ووووووووووووواااااااااااااااااووووووووو   

شكرا شكرا حبيبي نجمة اختي الغالية على التواقيع كلش حلوات وعجبوني وهدية كلش كلش حلوة فرحت بيها 
 بس انتظروني هاليومين عندي امتحانات وراجعة مع مفاجات حلوة ان شاء الله 

 

[njmat_alba7r]

لووولـــ ساندي ادللي علينا   

انشالله موفقة بالامتحانات وربي يوفقكي وتكونين من الاوائل

[sandy 88]

 ثانكس قوباني


ممممممممم راح اختار TRUE LOVE    في انتظارك اخي العزيز