بعد وصولي الى فيرجينيا

[drlexa]

مرحبا اخواني الاعزاء
اعذروني عن الغيبه الطويله....
حبيت اليوم احجيلكم عن سفرتي والحياة باول شهر هنا...مثل ما تعرفون اني سافرت يوم 17-12-2009
السفره كانت من عمان-باريس-نيوجيرسي الى فيرجنيا
السفره متعبه متعبه متعبه...فنصيحه لكل الي حيسافرون باذن الله....لبسو ملابس مريحه حاولو ماتشيلون هاند باكس ثقيله لانه تتعبون...
اول يومين وصلت صارت عاصفه شديده هنا ما شايفين مثلهه صار سنين بحيث انسدت الطرق وانحبسنه بلبيت....بعد يومين كان عندي موعد مع المنظمه الي هي اللوثريه...نطونه مثل محاضره سريعه عن الخدمات الي حيقدموهه....والي هي مو هوايه...وطبعا بنفسي رحت قدمت على الفوود ستامبس والمديكيد والسوشيل نمبر...بس اني لان شافوني احجي انكليزي وويايه اختي فماساعدو هوايه بس اكيد الي ماعنده احد همه رح يساعدوه بكل شي
المهم....السوشيل نمبر طلعلي الحمدلله وحصلت الفوود ستامبس الي هي 200 دولار بلشهر بس المديكيد بعد ماطلع....الفوود ستامبس المفروض تبقى لمدة 8 اشهر قابله للتجديد على ان لايزيد المدخول مالتي عن 1147 $ شهريا
والتامين الصحي (المديكيد) 8 اشهر غير قابله للتجديد باستثناء النساء الحوامل
المنظمه حطتني على برنامج اسمه match grant program الي هو مساعدات ماليه المفروض ينطوني 200 دولار كل شهر لمدة 3 اشهر وبوكت مني 375 دولار بس لحد الان كلشي ماكو بس نطوني صك ب 50$

هاي بلنسبه للمساعدات....اما بلنسبه للحياة بصوره عامه....فيعني حلو عبالك عايشه ابفلم اجنبي..البيوت الشوارع النظام البشر...يعني اخواني البلد يسوووووه الواحد يتعب علموده...وشكد ما راح احجي هم مراح تكدرون تتخيلون الى ان توصلون هنا وتشوفون بنفسكم

وبلنسبه للشغل هسه بديت اقدم على اشغال ودنشوف الله كريم

اعذروني عن التقصير واني مستعدة للاجابه عن اي استفسار بلي اكدر عليه

اختكم من فيرجينيا drlexa

[عكعك التطوى]

الف حمدالله على السلامه اختي العزيزه وان شاء الله الامور تمام وتستمر نحو الافضل اتمنالك كل الخير والتوفيق والنجاح وشكرا على المعلومات

تحياتي وبالتوفييييييييييييييييييييييييييييييييييييييييييييييييييييق

[angie-dawood]

الف حمداللة على سلامة الوصول بالسلامة انشاءللة تكون ولاية الخير عليكم ربي يوفقكم بيها وتشوفون كل الخير بالتوفيق

[*R*A*I*N*]

هله بيج اختي و الف الحمدلله على السلاامة ..ان شالله تكونين مرتاحة  ...انتي جيتج صارت ويه الثلج هناااا ...وين انتي بفرجينيا ؟؟؟..حتى اذا قريبة نرحب بيج هناااا
و ان شالله تحصلين شغل و شايفة كل الخير ..

[الله...محبة]

الف الحمد لله على السلامة خيتنا العزيزة
اتمنالج الاستقرار والله يسعدكم

بس ما ذكرتي شي عن الايجار (للفائدة العامة)
تحياتي

الله محبة

[ابو ياسين]

الحمد الله على السلامه وان شاء الله تتوفقون في حياتكم الجديده يارب

[عراقي وافتخر 4]

الف حمداللة على سلامة الوصول بالسلامة انشاءللة تكون ولاية الخير عليكم ربي يوفقكم بيها وتشوفون كل الخير بالتوفيق

[القرش]

                                   السلام عليكم

الف الف الحمد لله على السلامه وان شاء الله تشوفون كل الخير بحياتكم الجديده .

ابو انس
شيكاغو

[drlexa]

الف شكر للجميع على مروركم وعلى امنياتكم الحلوه....

الاخ العزيز rain اني بمنطقه fairfax
الاخ المحترم الله محبه....بلنسبه للايجار...اني عايشه ويه اختي فاتصور ماراح ينطوني اي شي بس همينه اريد استفسر عن الموضوع لانه بوقتهه المسؤله كانت رايحه اب (فيكيشن) عل عيد ...بس راح استفسر عن الموضوع واذا صار شي راح اخبركم.

احب اضيف شغله اخوان....انه حاولو تقوون نفسكم بللغه حتى تختصرون الوقت احسن ما تجون هنا تاخذون دورات وخبصه.....يعني مثلا تتفرجون افلام اجنبيه او قراءه قصص انكليزيه او اي شي ممكن يساعدكم....يعني اني الانكليزيه مالتي قويه الحمدلله بس همينه اول كم يوم شويه مو سهل الموضوع كان لازم اركز يله افتهم شديكولون...

وحاضرة اني لاي استفسار اخر....

اختكم من فيرجينيا drlexa

[روزماري]

ألف الحمدلله على سلامتك أخت drlexa وستيب باي ستيب كلشي يهون مع الوقت وبالتوفيق أنشالله بحياتك الجديدة

تحياتي .

[abomagid]

السلام عليكم

الحمد لله على سلامة الوصول..... وانشاء الله تلكون عمل باقرب وقت ممكن

بس اذا ممكن تواريخ التقديم مالتج ؟؟؟؟؟

ابو ماجد

[ســـرى]

اهلا بيج اختنا والحمد لله عالسلامة بلكي نصير جيران احنا راح نوصل يمكن بنهاية هذا الشهر واحنا عاجبتنا فيرفاكس وبلكي من ناخذ السوشيال سيكيوريتي نمبر نأجر بهاي المنطقة

بس ما كلتينا انتي SIV لو IOM؟

تقبلي مروري

[حمودي ابن زيونه]

بالتوفيق

[ابو محمود]

ابنتي العزيزة drlexa

الحمد لله على سلامة وصولكم وبأذن الله تشوفون كل الخير في هذه الولاية ....
تمنياتي لكم بالموفقية والاستقرار ....

[ريم عبد]

حبيبتي drlexa
اول شي حمدلله على سلامتج وكلش مشتاقيلج ومشتاقين لمواضيعج والج وحشه
موضوعج كلش حلو وتقرير مفصل اواضح
ورفعتي من روحنا المعنويه
زين هاي مال المساعدات تتاخر المفروض واحد يتحضر وياخذ وياه فلوس اتمشي للفتره الاولى
لو هاي الحالات اتصير بس من واحد عنده كفيل
والمنظمه تعرف عنده احد ايساعده فمتهتم اذا اتاخرت مساعداته؟؟؟
حبيبتي تسلمين
وياربي ايوفقج بحياتج القادمه واتكملين دراستج ان شاء الله
وننتضر منج المزيد
وبالتوفيق يارب

[violin]

الف الف الحمدلله على سلامة . وانشاءالله الاستقرار والموفقية.

[y.a.r.a]

اختي العزيزه drlexa
حمدلله على وصولك بالسلامه وشكرا على كل الي قدمتي من رحلتك هاي
والمعلومات الحلوه
تسلميييييييين يا وردتنااااااااا
ولتغيبين عنا
وبالتوفيق يارب يوم ان شاء الله تفتحين احسن عيادة اسنان
حتى نجي انراجع يمج

[abo abo]

الف مبروك انشالله راحه بال ورزق وتوفيق وتحقيق الاماني



اخوكم ابو علي عمان

[راهب الحب]

إختنا العزيزة الف الحمدلله على سلامتج ويا رب تتوفقين بحياتك الجديدة ودُمتِ بألف الف خيــر ... †




                   أخــوكــُم / وسـام بهنـام داؤد الخابــوري

[جورجيا]

الف حمد الله على سلامه الوصول موفقه انشاء الله

تقبلي مروري
اختك جورجيا

[الخالدي الاصيل]

الف الحمد لله على السلامه وان شاء الله بالتوفيق وبس لا الكيس منجر مالكم اسمه ايرون لان هذا شيبنا وتعبنا . الله يسهل امركم واي شي تحتاجي بفيرجينيا اني بالخدمه
دعائي للجميع بالموفقيه
اخوكم ابو عادل الخالدي

[نهاد احمد]

الف حمد الله على سلامه الوصول والموفقه انشاء الله


نهاد ابو علي

[drlexa]

الف الف شكر اخواني الاحباء على مروركم ومشاركاتكم و دعواتكم التخبل مثلكم

الاخ العزيز ابو ماجد....اني جنت من جماعة المخضرمين...وهاي التواريخ مال تقديمي وتدلل
اول تسجيل بليو ان 1-2007
اول مقابلة توطين 7-2008
محلفين 10-2008
اعادة محفلين 10-2009
السفر كان يوم 17-12-2009
واني قدمت عن طريق ال يو ان-عمان

szsz العزيز ...توصلون بلسلامه ميت اهلا وسهلا وتشرفون الولايه والمنطقه....واي شي تحتاجون اني برسم الخدمه

حبيبتي الغااليه ريم....اتصور اني لان شافوني عندي احد كلك خلي نذبهه عل شحن...واني هم بصراحه مدا الح عليهم بعدنه العراقيين نستحي ....واكيد لازم الواحد يجيب ويه فد مبلغ ولو بسيط يمشي اموره بيه في حال تاخرت المساعدات بس بلنسبه للفوود ستامبس فيطلع بسرعه بخلال اسبوعين اني ماخذته ومتسوكه بيه

حياتي يارا تسلمين يا ورده والله البلد حلو حلو ...اتمناكم ويايه.....ان شاء الله ربي ما تطول عليكم


الاخ العزيز الاصيل....اييييييي هو هذا الكيس منجر مالتي ايرون.....هو شكله كلش مطفي ولا ابالي الله يستر وتسلم يا ورده ما تقصر


الف شكر مره ثانيه على مروركم وربي يفتحهه بوجه الواصلين هنا و يفرجهه علي دينتظرون

اي استفسار اني حاضره

اختكم من فيرجينيا drlexa

[drlexa]

اخواني احب اضيف شغله بلنسبه للفلوس عند السفر
محدددددددددددددددددد سالني باي مطار من المطارات شكد شايله فلوس ويايه ابد ابد
بس بعدين لمن سوولي مقابله علمود الفوود ستامب سالوني شكد جبتي فلوس وياج كتلهم 300$ وصرفتهه كلهه  ولا احد دقق ولا احد سأل
بس هاي احتمال صدفة صارت وما سألو بلمطار فلا تاخذوهه قاعده بس حبيت احجيلكم الي صار ويايه

[عراقي1995]

الف الحمدلله على السلامة
وعندي سؤال اختdrlexa
شنو التأمين الصحي(المديكيد) غير قابل للتجديد؟
يعني اذا خلص الواحد شلون راح يتعالج؟ على حسابه الشخصي؟
طيب ممكن هو وره ال8اشهر ما لاكي شغل؟
شلون هاي؟
ممكن توضيح
تحياتي لك

[eng.a7med]

حمدا لله على السلامة و بالتوفيق

تحياتي

[drlexa]

شكرا جزيلا على مروركم اخواني الاعزاء

وبلنسبه لسؤالك اخي العزيز (عراقي) الي كالتلي ياه المسؤله الي كانت تسوي مقابله ويايه قالت لي انه التامين 8 اشهر غير قابله للتجديد الا للنساء الحوامل...فلهذا ينصحون الواحد يلكي شغل يوفر تامين صحي لانه العلاج غالي كثير عدهم...والي ما ملكي شغل اله الله.
بس كول يا الله وان شاء الله ب 8 اشهر تكون لاكي احسن شغله.

اختكم من فيرجينيا drlexa

[هنوة]

الحمد لله على السلامة مع تمنياتي لك بالموفقية والاستقرار وراحة البال
تحياتي

[ســـرى]

اختي ليكسا اني اختج szsz ومكتوب بالجعبية (اختكم سرى) شلون بية يمكن راح افتح حساب جديد واكتب بيه female member وبعدين اكتب الاسم!!!!!

[drlexa]

كلش صغيره مكتوبه ما شفتهه....حوبة العمر و العتب عل نظر بعد عمتج.....

اتشاقه وياج حبيبتي وتعذريني ما انتبهت عليهه

تسلمين هنوه يا ورده عل امنيات الحلوه...

[بغداد بقلبي]

مرحبا drlexa مليون مبروك بالموفقيه الله يحميكي  ويحفظك ديري بالك على نفسك والله العظيم ما تصورين اشكد فرحت الك تذكرين لمن طلبوا منك اعاده محلفين عبالك البارحه عندي الف الف مبروك وتستاهلين  كل الخير يارب اخوكي بغداد بقلبي

[eboo]

ربي يوفقك ان شاء الله يكون خير عليج هذا البلد

[مريمانه]

الف مبروك حبيبتي وشايفه كل الخير والحمدلله على سلامتجي وبالتوفيق نشالله ياربي..واني هم وصلت 11\12 لويست فرجينيا..واخذنا الفودستام والكاش موني وهسه دزولنا مال التامين الصحي بس مو كارد ..هيج مثل الورقه نراجع بيها لحين ميوصل الكارد..



مريمانه ..ويست فرجينيا

[drlexa]

ألاخ العزيز (بغداد بقلبي) الف شكرا على كلامك الحلو ومشاعرك الصادقه....ماضاقت الا فرجت....الله يفرجهه عل جميع يا رب

تسلم اخي العزيز ايبو ربي يوفقك ويفتحهه بوجهك

مريامنه حبيبتي الف حمدلله على سلامتكم....زين احنه جوارين لعد...اني لحد الان ماكو كاش وداخابر عليهه الست هانم المسؤله واعوفلهه مسجات وماكو ... شكلي راح اتعارك قريبا 

[h.a.m.o]

حمد لله على السلامه  drlexa  والموفقيه للجميع  تحياتي  اي شي تحتاجون اني حاضر
لكل الي عايشين بفرجينيا