المحرر موضوع: نفسى اكون امين  (زيارة 972 مرات)

0 الأعضاء و 1 ضيف يشاهدون هذا الموضوع.

غير متصل فيفى وحيد بشير

  • عضو
  • *
  • مشاركة: 10
    • مشاهدة الملف الشخصي
نفسى اكون امين
« في: 15:11 04/11/2010 »
نفسى اكون ليك امين .نفسى ارجعلك يا ابويا

قوللى بس ادور عليك فين

بعدت عن حضنك سنين

زاد فى قلبى الشوق ليك والحنين

بارفع قلبى ولسانى التقيل واناديك

عارف انك مشتاق لى اكتر من اشتياقى ليك

وحشتنى نظرة عينيك

وحشتنى ياربى كل حاجة فيك

رقتك فى عز قسوتى

اشتياقك ليا فى عز بعدى عنك وغربتى

رغم جحودى ماهنتش فى يوم عليك

متغرب عنك وهارب منك وزادت قسوتى

 

 

 

 

 

 

قوللى يابويا اكون امين ازاى ممكن تفهمنى

واجى تحت رجليك وتعلمنى

عارف انك حنين قوى

ومن قبل ما اسالك بتسمعنى

 

امممممممممممممممم

 

ابتسامتك حلوة يارب لكن

لكن اسمح لى مش عارف سببها ايه

ممكن تعرفنى وتقوللى عليه

 

انا فرحان  فرحان بيك لانك لذاتك نسيت

ومش عايز عليها تعتمد

وجيتلى وصرخت وعليا ناديت

 

 

 

 

 

 

 

طيب........طيب يعنى.....................

هو انا سمعت انك يارب انك جد قوووووى

ومالكش حتى فى الابتسام

اديك قلت سمعت مش شفت وعشت

مش اختبرت ودقت

 

سمعت من مين .من حد قريب منى من ابنى ولا خادمنى

انا اللى عايز يعرفنى..........

لازم بجد يصاحبنى مش مجرد كلام

قولى بقى انت شايف ايه

لما جيت لى وقعدنا واخدنا وادينا

مع بعض فى الكلام

 

 

شايفك بشوش

وشك مليان ابتسام

كله رقة وبساطة

وعينيك  عينيك بتدوب قلبى من كتر الحنان

 

 

 

 

 

"تعالى بس انت اطلب وقول

مش عايزك تشيل الهم وتعول

بس يارب لسانى تقيل

وقلبى مجروح وعليل

وف مشاعرى ليك بخيل

وانت اهو بتكيل لى كيل

مايهمكش انا عارف ضعفك

شايف اشواق قلبك ودموعك اللى بتسيل سيل

 

اصل............اصل.................

احيانا باحس انك عنى تخليت

وانا بصراحة من التدين الظاهر تعبت ومليت

ماتخافش.ماتخافش.................

ماتخافش من خطاياك وشرورك

ماتخافش من بعدك وفتورك

ومهما سبتنى ومشيت

انا ابدا فتيلة مدخنة ما طفيت

 

 

 

 

 

بس..........بس...........ياربى............

ايه قول من غير ماتخبى

انا عارف لكن عايز اسمع صوتك

دى شهوة قلبى

 

احيانا باحس انك انك ياربى.............

سايبنى لوحدى

وانى ماشى فى سكة ضلمة

وانك عنى متخلى

ازاى تسمح بده كله

اهون عليك

صعبان عليا قوى منك ياربى

انا مش ممكن اتخلى عنك

انا ناقشك على كفى

انا باختبر امانتك

وجايز اكون باهدم علشان ابنى

باسمح بجروح علشان اشفى

دا انت غالى دا انت ابنى

وكفاية تعرف كفاية تعرف...........

انك اغلى ما عندى

 

 

 

 

 

مش عايز يارب تزعل منى

انا باتكلم بصراحة وبافضفض اكمنى...........

اكمنى شايفك اقرب ليا منى

ونفسى اصاحبك وتصاحبنى

ولما اجرى عليك بسرعة تجاوبنى

 

يارب.يارب جبر كسورى اللى فيا

ضمد جروحى دية

نفسى نفسى الحزن غلبها

نفسى الوجع دوبها

حاسس  انى انى داير فى ساقية

 

ياحبيبى انا مش زعلان

وف اى وقت نادى انت بس عليا

انا صاحبك قول كل اللى عندك

باحب صراحتك.............

والعتاب ده دليل على حبك ليا

 

 

 

طيب ممكن سؤال

وظلم الناس وغدر الصحاب كمان

وايه اعمل مع اللى خان

هاتنصفنى امتى.ما انشى الاوان؟

 

انسى الاساءة انسى الاساءة

وصلى واطلب ليهم الغفران

ولو مش قادر انسى

لانهم جرحونى كتير دلوقتى وزمان

 

افتكر خطاياك.وانى غفرت

ورميتها فى بحر من النسيان

كن امين.كن امين فى حبك

حب من غير شرط

من غير لو وعشان

هاديك واعوضك2واداوى الجروح

وهاتلاقى كل شئ صعب هان

 

 

 

 

انت قلت اللى تزرعه .قدامك

تلاقيه ولو بعد زمان

ليه طيب كل ما ازرع الخير

الشر يسبقنى

وقلوب الناس بقت حجر صوان

 

مين اللى قال.كله خير ليك

اللى شايفه شر...........

اخره سعادة بتناديك

افتكر كدة افتكر اللى كان

كتير كنت فاكره انه شر

لكن لقيته خير مستنيك

ايوه يارب صح.......كتير

انا اختبرت وواثق فيك

 

 

 

 

خلاص يارب..................

هاسلم كل حياتى ليك

هاكون امين ليك وبيك

شكلنى من جديد

زى ما يحسن فى عينيك

 

 

 

 

بس لسة بعد ده كله عليا باقى

طيب لو جيتلك

ايه فيا هاتلاقى

مفيش فيا اى حسن ولا جمال

راحت امانتى

بردت فى قلبى اشواقى.

ماتياسشى انا معرفش المستحيل

دى حربى وسباقى

هاعمل منك شئ حسب قلبى

خليك واثق وخلى عليا الباقى

 

 

 

 

يارب مش احنا بقينا خلاص صحاب

عايز بقى منك هدية

مكافأة للصراحة والعتاب

هاديك قلم2 تكتب بيه  فى اى مكان

للكبار للصغار للشباب

عارف انك مستعجل

وعايز تعرف الاسباب

هاقولك.القلم بيه تكتب عن الحب

الحب اللى يدوب القلب

الحجر الصوان

الحب اللى مايعرف شرط

ولا زمان ومكان

تكتب بيه عن كلمة سر   الله محبة

وانى انى اغلى ماعندى

هوالانسان

واللى عايزه هو كمان يحب

من غير مايستنى مقابل ولا احسان

 

 

 

 

 

حاضر يارب هاخبر بيك وانادى

بصمتى قبل كلامى

هاخلى الناس تشوف فيا صورتك

 

ويا سلامى

بس انت قوى ايمانى

وفك عقدة لسانى

 

عايز اسبحك2 وارفع صوتى

 

وكتب عنك وليك اجمل اغانى

 

واقول للكل يسوع علمنى ازاى اكون امين

 

وداوى جروحى وغنانى

 

وعلمنى احب علمنى احب

وامشى للميل التانى

 

ودى رسالته حملهانى

باقولها لكل ودن سامعانى

تعالى تعالى مش هاتندم

 

 

ده الحب ده عشانك وعشانى

 

 

 

 

 

 

 

 

 

20|8|2010

 

 

فيفى وحيد بشير


غير متصل نادر البغـــدادي

  • عضو مميز متقدم
  • *******
  • مشاركة: 12144
    • مشاهدة الملف الشخصي
    • البريد الالكتروني
رد: نفسى اكون امين
« رد #1 في: 15:19 04/11/2010 »
             

              خاطــــرة جميلـــــة ! تستحقّ الشـــــكر !

                       خالص تقديرنـــــا ...

غير متصل فيفى وحيد بشير

  • عضو
  • *
  • مشاركة: 10
    • مشاهدة الملف الشخصي
رد: نفسى اكون امين
« رد #2 في: 19:29 04/11/2010 »
             

              خاطــــرة جميلـــــة ! تستحقّ الشـــــكر !

                       خالص تقديرنـــــا ...



اشكركم جزيلا

غير متصل nasir yako

  • اداري
  • عضو مميز متقدم
  • ***
  • مشاركة: 15895
  • الجنس: ذكر
  • حبيبي شلون حالتكم بعدنا..
    • مشاهدة الملف الشخصي
رد: نفسى اكون امين
« رد #3 في: 12:40 05/11/2010 »
عاشت ايدك  عالكلمات الحلوه ...المنقوله النا...

غير متصل hananamir

  • عضو مميز متقدم
  • *******
  • مشاركة: 11735
  • الجنس: أنثى
  • I Miss You
    • مشاهدة الملف الشخصي
رد: نفسى اكون امين
« رد #4 في: 16:28 09/11/2010 »
كلمات رائعة
تسلم الأيادي اخت فيفي

غير متصل alashoty10

  • اداري منتديات
  • عضو مميز متقدم
  • *
  • مشاركة: 13200
  • الجنس: ذكر
  • ليس كل مايلمع ذهب
    • مشاهدة الملف الشخصي
رد: نفسى اكون امين
« رد #5 في: 19:49 11/11/2010 »
عاشت الانامل على النقل الاجميل

والاختيــــــــــار الاروع


على خدود المرايا تمشط الحلوات
وعلى خدودك شعرها تمشط المرايا