ينصر دينك يا بطل - قصيده للشاعر المصري أحمد فؤاد نجم

[Masehi Iraqi]

أحمد فؤاد نجم ينعى شهداء الكنيسة: ‎ينصر دينك يا بطل

قصيدة للشاعر المصري المعارض، أحمد فؤاد نجم، الذي عرف لعقود من خلال الثنائي الذي شكله مع المغني اليساري، الشيخ إمام، تناول فيها نجم الهجوم الذي تعرضت له كنيسة القديسين في الإسكندرية، والتوتر الذي أعقبها بين المسلمين والأقباط.

وتتوجه القصيدة بسخرية إلى منفذ الهجوم بالقول:

ينصر دينك يا بطل
قتلت ناس عُزًّل كتير
ستات، شيوخ وكمان عيال
ازحت عنا خطر كبير
 
دي ناس بتقول الله محبه
والمحبه دي شئ خطير
إقتل بطرس وإقتل مينا
اللي إخواتهم ماتوا في سينا
واللي ولادهم رقصوا فـي فرحك
واللي فـ ميّتم بيعزّينا

إقتل ماري وطنط تريزا
دول ناس مافيهومشي ولا ميزه
دايمًا كده يبتسموا في وشك
ويقولوا اهلاً خطوه عزيزه

وإقتل برضه عمّك حنا
في اي خناقه بيحوش عنّا
غاوي يصّلح بين الناس
ولا يمكن يوّرد على جنّه

وإقتل سامي ناجي نجيب
اصل الإسم صراحه مريب
يمكن يطلع واحد منهم
او داقق على إيده صليب

ولا اقولّك...إضرب شبرا
والكيت كات وميدان الاوبرا
فجّر واحده في كل مكان
خلّي جيرانهم يصبحوا عبرا

لينا رب إسمه الكريم
ها يجي يوم تعرض عليه
تقف امامه و يسأل الشخص ده عملك إيه؟
بأي ذنب تقتله
وفين ومين وإزاي وليه؟
إبقى قول لي يا بطل
ها ترد يومها..
وتقول إيه؟.

احمد فؤاد نجم

[ابو الامجاد]

عاشت  يداك   وقلمك  معا   فعلا  قصيدة  جميلة  والاحساس  فيها  شيى  رائع  جدا  ولكن  لمن   تخاطب  يا  شاعرنا  العزيز  فقد  اصبحت  بيننا  فجوة  دينية   افالقلم  لايكفي  لسد  هذة  الفجوة   وقد  اصبحت  عقول  الكثير  من  المسلمين  مريضة  وهذا  مايجعل  الفجوة  تزداد  عمقا

[حسين العارضي]

شكرا الك على القصيدة واصبحت الطائفية وتر يلعب عليه الكل وذلك لقلة الوعي الديني قبل الثقافي

[habanya_612]

       احمد فؤاد نجمم  . . . إ

          قلم رائع وكلمات رصاصات في وجه الارهاب .

         طالبوا اءعدام  فوري للجناة في ساحات عامة .