المحرر موضوع: معلومات عن التأمين الصحي و شلون تحصل عليه  (زيارة 5379 مرات)

0 الأعضاء و 2 ضيوف يشاهدون هذا الموضوع.

غير متصل pati

  • عضو فعال جدا
  • ***
  • مشاركة: 375
    • مشاهدة الملف الشخصي

اخواني الاعزاء حبيت افيدكم بمعلومه بسيطه و هي من اهم مايحتاجه الفرد في امريكا

بالنسبه للاجئ اول ميوصل لامريكا رح يحصل على تامين صحي او بما يسمى medicaid و هذا يغطي نفقات كبيره من زيارة للمسشفى لا سامح الله او زيارة طبيب و في بعض الاحيان يغطي تكاليف النقل من المنزل الى المستشفى و العكس من المستشفى الى المنزل ... لا يغطي تكاليف طبيب الاسنان للكبار و انما فقط للطفال اصغر من عمر 18 سنه ...
من الممكن ان يستمر هذا التامين الصحي للطفل حتى يبلغ سن ال18 .. طبعا اذا استمر دخل العائله محدود . و حسب معلوماتي اذا الوالدين بدأوا بالعمل و كان دخل الاسره كبير و عمل الوالدين ممكن يمنحخم تامين صحي خاص ( يعني تامين صحي ممكن تمنحه الشركه الي يشتغل بيهه الاب او الام ) و دخل الاسره كبير ممكن الmedicaid او التامين الصحي الحكومي ينقطع عن العائله ..

و ياريت الاخوه الي عدهم خبره اكثر بالموضوع يصححون هذه المعلموات اذا كان بيهه خطأ ...

بالنسبه للعازب حسب خبرتي انه يستمر ال medicaid لمدة 6 او 8 اشهر حسب الولايه و اكيد اذا العازوب اشتغل و دخله حيكون عادي و الشركه الي يشتغل بيهه تمنحه تامين صحي خاص فانه رح ينقطع عليه المديكيد ....



نجي على بعض الطرق الي ممكن تحصلون بيهه على تامين صحي مؤقت او على تخفيضات ...:

( ملاحظة كل مايلي يعتمد على دخل العائله ) ...

1- دخل العائله محدود + امرأة حامل = من الممكن ان تقدم المرأة على temprery medicaid و ذلك يغطي زيارتها للطبيب و المرتجعات المستمره حتى موعد الولاده ( ممكن ان يغطي حتى الاسنان في فترة الحمل ) ... يتم تجديده شهريا .. ينقطع بعد ولادة الطفل مباشرة.

2- دخل العائلة محدود + مولود جديد = من الممكن في هذه الحاله ان يتم تقديم بمى يسمى presemtive medecaid تامين صحي لمدة خمس ايام و من الممكن ان يستمر هذا التامين الصحي لمدة اطول .. يحث للطفل التقديم عليه لمره واحده في السنه . و يجدد كل سنه . اذا كان هناك اكثر من طفل في العائله الواحده . فانه اذا قدم طفل واحد على هذا التأمين الصحي فانه يشمل جميع الاطفال في العائله و يسري عليهم لمدة سنه واحده .  و هكذا ..

3- دخل محدود + لا يوجد تامين صحي = من الممكن الذهاب الى بعض المراكز الصحيه او المستوصفات التي تقدم الخدمات الطبيه لذوي الدخل المحدود و يتم في هذه الحال تقديم بعض المستمسكات لاثبات دخل الاسره السنوي مثل :

- عدد افراد الاسره
-اثبات عنوان السكن
- شهادات الميلاد او رقم الضمان الاجتماعي للاطفال
-هويات _ او بمى يسمى ID للاشخاص البالغين فوق ال18
- اثبات الدخل ( جيكات استلام الراتب )

طبعا يتم حساب دخل الاسره السنوي و عدد الاشخاص في المنزل الواحد و يتم وضعك انت و عائلتك حسب برنامج خاص ممكن يعطيك خصم من 25% - 50% - 75% او 100% ....


اي استفسار اني حاضر اخواني هذا مااستطعت ان اجمعه من معلومات حسب خبرتي و اي شي غلط اتمنى من الاخوه انه يصححوه


تحياتي لكم


غير متصل ابو الحسن

  • مبدع قسم الهجرة
  • عضو مميز
  • *
  • مشاركة: 1117
  • الجنس: ذكر
    • مشاهدة الملف الشخصي
الله يوفقك عمي وخير الناس من نفع الناس
بارك الله بيك
ابو الحسن
ولايتي لامير النحل تكفيني
عند الممات وتغسيلي وتكفيني
وطينتي عجنت من قبل تكويني
بحب حــيــدر كيف النار تكويني؟

غير متصل pati

  • عضو فعال جدا
  • ***
  • مشاركة: 375
    • مشاهدة الملف الشخصي
تحياتى الك تدلل و ان شاء الله منبخل عليكم باى شي نعرفه

غير متصل ألن في بلاد العجائب

  • مبدع قسم الهجرة
  • عضو مميز متقدم
  • *
  • مشاركة: 5048
  • Lives in North Pole
    • مشاهدة الملف الشخصي
شكرا اخي العزيز على هاي المعلومات
ممكن سؤال؟
اذا الشخص عنده مرض مزمن و هذا المرض لازم ياخذ بيه ادويه بشكل يومي شنو حيكون الوضع ؟
الن


انا اقدم المعلومه الصحيحه لكل الاشخاص بعيدا عن التمييز الديني و العرقي و اللون و الطائفي .......

غير متصل ســـرى

  • نجم منتدى الهجرة و اللاجئين
  • عضو مميز متقدم
  • *
  • مشاركة: 7941
  • الجنس: أنثى
    • مشاهدة الملف الشخصي
معلومات قيمة اخي الكريم

غير متصل repentant

  • عضو فعال جدا
  • ***
  • مشاركة: 752
    • مشاهدة الملف الشخصي
اخي العزيز
اني بولايتي المدكيد 8 اشهر ولحد هسة صار شهر وما واصل مع ملاحظة انه التقيت بشخص لاجئ عراقي سووله عملية قلب وما اعرف شنو ايكول كلفته كلش كلش غالية وصارت علي ابلاش لان ضمن المدكيد
بس اصور اكو عيادات اتروح الها يمكن ب5 دولارات واذا ما عندك عادي هاي من يخلص المدكيد بس صدقوني ياخوان الي ما عنده عمل من تخلص ال8 اشهر اشوة صعبة بس ان شاء الله بيها مجال

غير متصل pati

  • عضو فعال جدا
  • ***
  • مشاركة: 375
    • مشاهدة الملف الشخصي
شكرا اخي العزيز على هاي المعلومات
ممكن سؤال؟
اذا الشخص عنده مرض مزمن و هذا المرض لازم ياخذ بيه ادويه بشكل يومي شنو حيكون الوضع ؟
الن

اخي الكريم ... اذا انت جنت لاجئ و ماعندك شغل فاكيد لازم ينطوك المديكيد اول متجي و اذا عندك اطفال بعد احسن المدكيد مرح ينقطع عنك الى ان يصير عمر الطفل 18 و خاصه اذا انت متشتغل لاسباب صحيه .
بس انت اذا جنت بحاله صحيه تمنعك عن العمل فانت ممكن تفدم على تقاعد ( اذا جنت جاى لامريكا كلاجئ اكرر كلاجئ ) و احتمال يطلعلك التقاعد بعد ميطلعون على تقاريرك الطبيه و يتاكدون انه مرضك يمنعك من العمل رح يوافقولك . ينطوك مرتب شهري + تامين صحي مدكيد,  و مو شرط تكون بسن التقاعد الي هو حسب علمي (62 او 65 ) ممتاكد بالضبط

اما اذا كنت في سن التقاعد و بسن كبير فانت تحصل على المدكيد بكل سهوله .
اتمنى اكون فدتك بمعلوماتي البسيطه

غير متصل pati

  • عضو فعال جدا
  • ***
  • مشاركة: 375
    • مشاهدة الملف الشخصي
معلومات قيمة اخي الكريم


شكرا جزيلا و ان شاء الله منقصر

غير متصل pati

  • عضو فعال جدا
  • ***
  • مشاركة: 375
    • مشاهدة الملف الشخصي
اخي العزيز
اني بولايتي المدكيد 8 اشهر ولحد هسة صار شهر وما واصل مع ملاحظة انه التقيت بشخص لاجئ عراقي سووله عملية قلب وما اعرف شنو ايكول كلفته كلش كلش غالية وصارت علي ابلاش لان ضمن المدكيد
بس اصور اكو عيادات اتروح الها يمكن ب5 دولارات واذا ما عندك عادي هاي من يخلص المدكيد بس صدقوني ياخوان الي ما عنده عمل من تخلص ال8 اشهر اشوة صعبة بس ان شاء الله بيها مجال


ممكن افهم شنو قصدك مواصل ( الكارت مواصلك لو شنو )؟؟؟
انت اذا تروح لاي مستشفى او طبيب تنطي اسمك و السوشيل و مواليدك و هو رح يجيك بالسستم عاللانترنيت المدكيد مالتك شغال لو لا .
او ممكن تروح للمكان نفسه الي قدمت بي على المدكيد وتكلهم انطوني رقم المدكيد مالتي او ال DCN نمبر
و هم ينطوك هالمعلومات

انت اذا لاجئ لازم يكون عندك مدكيد و اسال عن رقمك لانه حرامات يضيع الوقت
و احتمال المدكيد لسه مطالعلك لانه يجوز من قدمت عليه عندك نقص بمعلوماتك ...


المدكيد تحصل عليه من اول يوم دخولك لامريكا و شي من حقك

تحياتي

angie-dawood

  • زائر
عاشت الايادي   pati 
 معلومات مفيدة بس من رخصتك اخي جواب للاخ repentant  انه  انت من  ساعة تقديمك والموافقة  على شمولك بالتامين الصحي  تكدر تراجع اي طيب او لا سامح الله دخولك مستشفى راح يكون التامين شامل كل المصاريف حتى لو بعدك بدون كارت لانه مثل ما كلت من لحظة تقديمك انت تعتبر مشمول

غير متصل فضل الله

  • عضو فعال
  • **
  • مشاركة: 46
    • مشاهدة الملف الشخصي
شكرا جزيلا والله يوفقك على هذه المعلومات وان شاء الله تستمر بهذا العطاء



فضل الله