المحرر موضوع: أي سؤال او إستفسار عن مدينة بورتلاند أو بيفرتون في ولاية أوريغون .. حاضر و ممنون  (زيارة 26450 مرات)

0 الأعضاء و 1 ضيف يشاهدون هذا الموضوع.

غير متصل avalon

  • عضو فعال
  • **
  • مشاركة: 41
    • مشاهدة الملف الشخصي
أي سؤال او إستفسار عن مدينة بورتلاند أو بيفرتون في ولاية أوريغون .. حاضر و ممنون



غير متصل الحائره

  • عضو فعال
  • **
  • مشاركة: 59
    • مشاهدة الملف الشخصي
شونك اخ افالون اشكرك على رغبتك الصداقه بمساعدة اخوانك وخواتك

بالنسبه الي انشاء بقت الخطوات الاخيره على سفري ووجهتي رح تكون مدينه بورتلاند اوريجون وعندي عدة استفسارات ..

توفر العمل ونوعيته ؟؟

امكانية عمل مشروع تجاري خاص ؟؟ وكم تكلفته مثلا مطعم بسيط

مقدار المساعدات؟؟ ومدة استمرارها ؟؟

جزيل الشكر والامتنان




غير متصل مهاجرين بلا حدود

  • مبدع قسم الهجرة
  • عضو مميز جدا
  • *
  • مشاركة: 2261
  • الجنس: ذكر
    • مشاهدة الملف الشخصي
الشكر الجزيل لاخونا افالون على المبادرة الاصيلة وحب المساعدة لاخوانه العراقيين

الله يوفقك وينور طريقك

غير متصل الحائره

  • عضو فعال
  • **
  • مشاركة: 59
    • مشاهدة الملف الشخصي

غير متصل Optix

  • عضو فعال جدا
  • ***
  • مشاركة: 122
  • الجنس: ذكر
    • مشاهدة الملف الشخصي
شكرا اخويه افالون...
والله اني هم دا ارتب اموري على مدينة  ..(بيفرتون)
واحب استفسر عن توفر العمل وماهيه العمل ؟
بالاضافة الى السكن وترتيباته؟ مثلا كم غرفة والمساحه والايجار ؟
فترة المساعدات تختلف حسب المنظمة الخ ؟ وشكد الراتب لكل فرد واذا كان اكو طفل بالموضوع  شلون ؟
بالنسبة لعنصرية اللون متوجدة بهذه المدينة لو لا ... يعني بصورة ادق اكو زنوج بيها
زين اكو عرب وبيها مطاعم عربية لو لا ؟

واسف اذا طولت عليك الاسئلة بس اعتقد هاي حتكون شاملة المعلومات لكل واحد يدخل بعدي يحب يستفسر عن هاي المدينة بالذات

وتحياتي الك اخويه العزيز
[/font] [/color]

غير متصل National

  • مبدع قسم الهجرة
  • عضو فعال جدا
  • *
  • مشاركة: 372
    • مشاهدة الملف الشخصي
اعيوني أفالون أحنه بأنتظارك ومشكور على المبادره الحلوه
لـِنكُنْ آروَاحْ رَاقِـيَـة
نَتسـامْى عَنْ سَفـاسِفَ الأمُـورْ وَعـَنْ كُـلْ مَـايَخِدشُ نـَقائِنـا
نًحترِمْ ذآتنـَا وَنـَحتـِرمْ الغَـيْر .. عِنـدَمـْا نتـَحدثْ نتحَـدثْ بِعُمـْق
نـَطلبْ بـأدبْ .. وَنشُكر بـِذوَقْ .. وَنـَعتذِرْ بِـصدقْ
نتـَرفـْع عَـن التفَاهـَاتـْ والقِيـلَ والقـَالْ

غير متصل avalon

  • عضو فعال
  • **
  • مشاركة: 41
    • مشاهدة الملف الشخصي
الاعزاء : الحائره ومهاجرين بلا حدود Optix و National.
أولا: أعتذر لتأخري بالرد ولكن كانت عندي مشكلة في الكومبيوتر والحمد لله اليوم حليناهه.
ثانيا اشكر لكم ثقتكم وانا حاضر لأي استفسار.

بالنسبة لسؤال الحائرة:
بالموفقية وان شاء الله توصلون بالسلامة.
بخصوص بورتلاند.
بورتلاند فهي مدينه جميلة آمنه جدا. وهناك نسبة عرب ومسلمين يمكن ملاحظتها واهلها يقدرون ويهتمون بهذا الموضوع. يسميها بعضهم بانها مدينة المتقاعدين لهدوئها وكثرة المتقاعدين الذين يأتون لها وخاصة الذين يحبون الجو البارد والماطر. وتسمى بورتلاند بمدينة الورد.
بورتلاند هي اهم وأكبر المدن في ولاية أوريغون.

بورتلاند عبارة عن 3 مقاطعات هي:
1- مقاطعة واشنطون.
2- مقاطعة ملتينوما.
3- مقاطعة كلاكماس.

بالنسبة لي : أنا عيش في مقاطعة واشنطون في مدينة بيفرتون وهي في الجزء الغربي والاصح الجنوبي الغربي بالقرب من مقر شركة نايك المشهورة للتجهيزات الرياضية.

يعيش في بروتلاند وضواحيها ومقاطعاتها حوالي 2.2 مليون نسمة حوالي 95 الف في مدينة بيفرتون.

توفر العمل ونوعيته ؟
كما تعرفون الوضع الحالي للاقتصاد العالمي بصورة عامة والامريكي بصورة خاصة.
يعني اهل الشهادات كلش صعب موضوع الشغل.
اما الاعمال الاخرى واقصد الغير حرفية فموجودة وحسب سعي اصحابها. عامة العمل الغير حرفي او عمل غير الكفاءات متوفر الى حد ما. وطبعا قبل كل شي يعتمد على نوع العمل الذي تبحثون عنه؟


إمكانية عمل مشروع تجاري خاص ؟؟ وكم تكلفته مثلا مطعم بسيط.
يمكن شوية معلوماتي مو كلش دقيقة ولكن حسب ما اسمع انه ممكن عمل مشروع تجاري خاص واعتقد تبدأ الكلف لهكذا مشاريع من 70 الف دولار وتعرفين حسب مكان المطعم وامكانياته وديكوراته ودرجة المطعم يعني بقية التفاصيل.


مقدار المساعدات؟؟ ومدة استمرارها ؟؟
يعتمد على عدد أفراد الاسرة وكما تعرفين كلما كانت الاسرة اكبر فمقدار المساعدات اكبر.
مثلا أسرة من اربعة : زوجين وطفلين : فود ستامب : تقريبا 550. وكاش : تقريبا 600.

وتستمر المساعدات 8 أشهر من تاريخ الوصول وفي حالة العمل بمبلغ اكثر من 600 دولار شهريا يقطع الكاش وتزاد حوالي 50 دولار أو نسبة قليلة على الفود ستامب. طبعا الاطفال تستمر لهم المساعدات.

لوجود الاطفال فيعني تبقى انت وعائلتك على المساعدات لحين ان تقرر Dept. of Human Servies غير ذلك.
ويجب عليك البحث عن عمل طيلة هذه الفترة لانهم يفضلون العمل وقد يطلبون منكم الدوام عندهم في الدائرة للبحث عن عمل بدل الجلوس في البيت بدون عمل مقابل مبلغ الكاش.

بالنسبة لسؤال Optix :
على الخير ان شاء الله وبالموفقية.
كما قلت انا اسكن في بيفرتون.

احب استفسر عن توفر العمل وماهيه العمل ؟
سبق ان قلت ان موضوع العمل يحتاج شوية صبر ويعتمد علة نوع العمل وامكانية الشخص يعني مرة اخرى اصحاب الشهادات مو سهل وخاصة في نفس الاختصاص.
أغلب انواع العمل : هي الاعمال البسيطة التي لا تحتاج حرفة او شهادة.


السكن وترتيباته؟ مثلا كم غرفة والمساحه والايجار ؟
بالنسبة للسكن فاعتقد ان بيفرتون أغلى نسبيا من بورتلاند من ناحية السكن.
بيفرتون أهدأ ويفضلها الكثيرون على بورتلاند.
وايضا لوجود مقرات شركات كبيرة (تيكترونيكس, نايك, زيروكس وغيرها) وأيضا قربها من هيلزبورو حيث مقر شركة أنتل فالسكن شوية اغلى من غيرها. ولكن ليس بفارق كبير.

مثال : شقة غرفتين نوم وصالة وحمام ومطبخ (مجهز بثلاجة وطباخ). بسعر 550-750 دولار شهريا وحسب الموقع وحداثة بالبناء ونوعها. ونفس الشقة مع توفر غسالة ملابس ونشافة وغسالة صحون. يزداد مبلغ 50-75 دولار شهريا .


فترة المساعدات تختلف حسب المنظمة الخ ؟ وشكد الراتب لكل فرد واذا كان اكو طفل بالموضوع  شلون ؟
جميع المنظمات هنا تخضع لقوانين الولاية وهي نفس الفترة يعني فترة المساعدات كما قلت للاخت الحائرة هي 8 اشهر. اما لوجود طفل فيعني تبقى انت وعائلتك على المساعدات لحين ان تقرر Dept. of Human Servies غير ذلك. ويجب عليك البحث عن عمل طيلة هذه الفترة لانهم يفضلون العمل باي شكل على البقاء على مساعدات الحكومة ويكون العمل لديهم احيانا مقابل مبلغ الكاش.

لوجود الاطفال فيعني تبقى انت وعائلتك على المساعدات لحين ان تقرر Dept. of Human Servies غير ذلك.


بالنسبة لعنصرية اللون متوجدة بهذه المدينة لو لا ... يعني بصورة ادق اكو زنوج بيها ؟
لا بالعكس تعتبر نسبة السود (الزنوج) فيها قليلة نسبة لغيرها من الولايات.
وتعتبر بورتلاند ومقاطعاتها نموذجا ممتاز للتنوع العرقي وتعدد الجنسيات فلا توجد اي جنسية تعرفها ولا تعرفها الا وتراها في بورتلاند ومقاطعاتها. وللمعلومة يتمركز السود (الزنوج) في الجزء الشمالي والجنوبي الشرقي من بورتلاند.
اما في بيفروتون والمناطق الغربية فعددهم قليل جدا جدا.

زين اكو عرب وبيها مطاعم عربية لو لا ؟
نعم العرب موجودين هنا بنسبة كبيرة وهناك نسبة كبيرة من العراقيين واغلب العرب من الطلاب الذين يدرسون في الجامعات.
هناك مطاعم عربية وهناك محلات عربية يسمونها هنا محلات الحلال يعني تبيع لحم مذبوح على الطريقة الاسلامية.
وهذا الموضوع لا تدوخ نفسك بيه نهائيا.

اعذروني مرة ثانية ... أتمنى ان تكون الاجابات وافية لانها المرة الاولى التي اكتب بها للمنتدى او بصورة سؤال وجواب.
تحياتي وسلامي واذا اي احد لديه اي سؤال او توضيح الرجاء الكتابة مباشرة.

غير متصل Optix

  • عضو فعال جدا
  • ***
  • مشاركة: 122
  • الجنس: ذكر
    • مشاهدة الملف الشخصي
الاخ أفالون العزيز
جزيل الشكر على ردك الوافي والشافي وسعه صدرك والله بخليك يارب
وردت اضيف شكم سؤال بعد اذا ما بيها زحمه عليك
يعني اني اختصاصي I.T  يعني information Tech. شنو الي راح يناسبني كا عمل او مقارب لا إختصاصي لو ما الها علاقة يعني اني سمعت واحد يشتغل بس يعبر هذول العميان او المعاقين او العجزة بالاشارات المرورية وينطو 3000 دولار بالشهر ؟؟!!! اكو هيجي شي لو تهويل ومبالغة بالموضوع ؟
وشكد ساعات العمل او المتعارف عليها .... ؟
اللابتوب او الموبايل او كاميرا دجتل سواءا فوتو او فديو  اسعارهم مقارنه بالعراق ارخص واحسن لو نفس الشي لو العراق أرخص ؟
وبالنسبة للشراشف والبطانيات وهايه الامور ينطوك جديدة او ل متوصل لو مستعملة وشتنصح انت؟ المستعمل او الجديد ويقطعون سعر الجديد من الراتب مالتك ؟
واسف اذا طولتها عليك واكرر شكري مره ثانية لدقه جوابك

اخوك أبو لمار

غير متصل avalon

  • عضو فعال
  • **
  • مشاركة: 41
    • مشاهدة الملف الشخصي
الاخ Optix  المحترم.
لا بالعكس انا حاضر وأتمنى أن يكون الجواب مفيد.
أولا أرجو أن تعتبر ردي غير محبط ولا يقلل من معنوياتك.

اختصاصي I.T  يعني information Tech. شنو الي راح يناسبني كا عمل او مقارب لا إختصاصي لو ما الها علاقة
موضوع العمل يعتمد الحظ والإمكانية والصدفة وغيرها وقبل كل شي توفيق رب العالمين.

بالنسبة لإختصاصك هو جيد ولكن أنت تعرف كلمة IT بالعراق كلشي وكلاشي.
هنا خاصة في أميركا تعني 1000 إختصاص بداية من قواعد البيانات الى أمن المعلومات الى البرمجة الى مواضيع أخرى متقدمة.

ما نعرفه نحن العراقيين عن إختصاص IT غير موجود في أميركا لانهم هنا يريدون ناس متخصصين وجاهزين مثلا إختصاص سيرفرات أو شبكات أو فني فايبر أو تنظيم راوترات سيسكو أو متخصص في تنظيم شبكات الشركات والبنوك وغيرها يعني موضوع جدا واسع.

بدون زعل ولا تضوج : أنت هنا مراح تكدر تقول أنا IT لان ميعرفون شنو IT يعروفون شخص يعرف مثلا:
 Multitasking Wireless Routing أو متخصص في RedLine MW أو RedHut Servers أو UNIX.

بالمناسبة هنا وخاصة في بيفرتون توجد مقرات شركات عملاقة في مجال تكنولوجيا المعلومات :
 Intel   و Thomson Reuters و Garmin و Tiktronics و Xerox وApple ..... وغيرها.
وان شاء الله راح تشوفها.

أما إمكانية العمل معها فأعتقد مو سهلة أو صعبة حقيقة.

طبعا كما تعرف اذا حصلت شغل في مجال تكنولوجيا المعلومات يعني الراتب راح يكون ممتاز أكيد أكثر من 4000 دولار شهريا يعني حسب نوع العمل وإختصاصك ولكن مرة اخرى المشكلة شلون تحصل هذا المكان.

يعني اني سمعت واحد يشتغل بس يعبر هذول العميان او المعاقين او العجزة بالاشارات المرورية وينطو 3000 دولار بالشهر ؟؟!!! اكو هيجي شي لو تهويل ومبالغة بالموضوع ؟

أعتذر مسامع بموضوع المعاقين او العجزة ولكن أعتقد الراتب مبالغ به. لان معدل رواتب غير الحرفيين لا تتجاوز 12.5 دولار في الساعة يعني شهريا حوالي 2000 قبل الضرائب. يصفى حوالي 1500 - 1800  دولار بالشهر حسب الحالة وعدد افراد العائلة .

وشكد ساعات العمل او المتعارف عليها .... ؟
عدد ساعات العمل الرسمية هي 8 ساعات يوميا.
والراتب يعتمد سعر الساعة.
أدني سعر رسمي للساعة في ولاية أرويغون 8.4 دولار للساعة ولا يجوز العمل بأقل منه إلا بدون علم الولاية يعني جوه العباية (بالمعني العراقي).
العمل 5 ايام في الإسبوع العطلة هي السبت والأحد.
4 أسابيع في الشهر.
يكون عدد الساعات الكلي شهريا : 8x5x4 = 160 ساعة.
وهناك بعض الشركات تعطي ساعات إضافية وتعمل أيام العطل عندها يكون سعر الساعة الإضافية = 1.5 x سعر الساعة الإعتيادية.

اللابتوب او الموبايل او كاميرا دجتل سواءا فوتو او فديو  اسعارهم مقارنه بالعراق ارخص واحسن لو نفس الشي لو العراق أرخص ؟
آسف لا اعرف الاسعار حاليا في العراق ولا استطيع المقارنة مع ما موجود هنا.
ولكن الاسعار بصورة عامة أرخض من بقية الولايات لانه لا توجد ضريبة مبيعات في أوريغون.
ولكن تعرف أن كل الكيبوردات في أميركا إنكليزي فقط.

بالنسبة للموبايل:
شركات الموبايل المعروفة في أوريغون هي :
- T Mobile :
الموبايل مع سيم كارد. نظام الشبكة : GSM

Verison  :
الموبايل بدون سيم كارد وتشترية من الشركة.نظام الشبكة : CDMA

Cricket :
الموبايل بدون سيم كارد وتشترية من الشركة.نظام الشبكة : CDMA

وهناك شركات مثل AT&T وSPrint وغيرها ولكن بعدد مستخدمين أقل في أوريغون وأغلب الناس لا تفضلها.

ملخص مفيد : اذا موبايلك وياك من العراق لازم تشترك ويه شركة T Mobile لانها الوحيد بنظام GSM.

وبالنسبة للشراشف والبطانيات وهايه الامور ينطوك جديدة او ل متوصل لو مستعملة وشتنصح انت؟ المستعمل او الجديد ويقطعون سعر الجديد من الراتب مالتك ؟

بالنسبة للبطانيات والشراشف.
تعتمد على الكيس مانجر والأغلب يشترون جديد للقادمين.
أنا أنصح اذا كان وصولك لغاية شهر 5 انصحك بان تجيب وياك بطانية لان الجو شوية بارد ولضمان موضوع النظافة.
بالنسبة للشراشف. اعتقد المفروض تجيب وياك على الأقل للأيام الأولى وبعدين تشتري إذا يعجبك.
إنت تعرف الجديد على الأقل تضمن موضوع النظافة.
وكل شي مبلغ يصرف يقطع من مخصصاتك أو المنحة.

نعم كل شيء يقطع من مخصصاتك أو المنحة.
ولكن هل لديك عائلة معك لو أنت وحدك ؟


إذا تحب أي مساعدة هنا في بيفرتون أنا حاضر فقط أرسل لي إيميلك واي شي تحتاج أنا ممنون.

أتمنى أن تكون إجابات شافية وغير محبطة.

غير متصل Optix

  • عضو فعال جدا
  • ***
  • مشاركة: 122
  • الجنس: ذكر
    • مشاهدة الملف الشخصي
الف شكر عزيزي avalon على ردك الواضح والمفصل
بالعكس ماكو أي احباط اني استفاد من هذي المعلومات الدقيقة ومثل مكلت صعب واحد يحصل هيجي شي واكيد اكو اختلاف بين العراق وبين امريكا بدون نقاش

واني ويايه زوجتي وبنوته  قبل 3 ايام شرفت لهاي الدنيا  حتكون ويايه اذا الله سهل سفرنا بالقريب العاجل والسبونسر مالتي هو خال زوجتي بولاية أريغون/مدينه بيفرتون / الكترك ستريت
ماعرف اذا انت بنفس المكان او لا
وتسلم حبيبي على موقفك ومساعدتك وان شاء الله اذا احتاجيت شي منك راح اتراسل وياك بالخاص بس تكمل اموري وماريد ازعجك حاليا
تحياتي الك ياطيب

غير متصل avalon

  • عضو فعال
  • **
  • مشاركة: 41
    • مشاهدة الملف الشخصي
أول شي ألف مبروك على العروسة الأمورة إن شاء الله يكون مقدمها خير عليكم وتفرحون بيهه.
نعم أنا اسكن منطقة قريبة وأعرف قسم من الاخوان العراقيين الساكنين بمجمعات سكنية في أليكترك ستريت في بيفرتون.
المكان جميل وقريب عليك هواي محلات . مسافة 300- 500 متر.
بالتوفيق مقدما وتوصلون بالف سلامة.

غير متصل hodhod13

  • عضو فعال جدا
  • ***
  • مشاركة: 93
    • مشاهدة الملف الشخصي
    • البريد الالكتروني
السلام عليكم اخوية افلون انشالله تكون في صحة جيدة وتمنياتي لك بالموفقية
سؤالي هو عن الجو هل حقيقة ان الجو 24 ساعة غائم وممطر وهل طول فترة السنة شتاء فقط الصيف شهر واحد واذا لم يكن لدي كفيل يمكنني القدوم الى هذه المنطقة قط اطلب من IMO ترسلني الى هذه المنطقة لو الا كفيل واذا ماعندي كفيل ما هو العمل؟
العمل متوفر بحيث يمكن اني يغطي الايجار والاعمال حسب ما اعتقد يكون عامل في المصانع التي تتعامل معها المنظمة التي تستقبلك فما هي هذه المعمل. اظرب للك مثل كنتاكي المنظمة متعاملة مع معمل دجاج بس الشغل اهناك حسب مي قولون تشتغل عمالة ولو هو الشغل مو عيب بس تعرف الي بعد الاربعين في العراق يعتبر شايب ومباقي بيه شي ؟
واني جدا ممنون من اخلاقك النبيلة والتربيةالعالية الي تربية عليه في مساعدة الناس والله يوفققك


غير متصل ABO GADA

  • عضو فعال جدا
  • ***
  • مشاركة: 91
    • مشاهدة الملف الشخصي
    • البريد الالكتروني
السلام عليكم اخ  افالون  بس  حبيت اسلك صارلك  شكد  بمدينة بيفرتون  وياك  مختار مدينة  بيفرتون  ابو غادة  شلونك  شلون  احوالك
ممكن اتكلي وين  ابيفرتون اته ....سالمين

غير متصل ABO GADA

  • عضو فعال جدا
  • ***
  • مشاركة: 91
    • مشاهدة الملف الشخصي
    • البريد الالكتروني
اخ  الون  ابو  عبد  الله  والله عرفتك سلملي  على الاخوان وجايك  قريب  ان  شاء الله

   مع  تحيات  ابو غادة

غير متصل yasir fakhri

  • نجم منتدى الهجرة و اللاجئين
  • عضو مميز جدا
  • *
  • مشاركة: 3236
  • الجنس: ذكر
  • تجني المرؤات على أهلها أضعاف ماتجني الجنايات
    • مشاهدة الملف الشخصي
بارك الله بك اخي افالون وكثر من امثالك بدون مجاملة اجد فيك الانسان الذي يحب الخير وارى فيك الاستعداد لتقديم المساعدة لاخوتك واخواتك من اعضاء المنتدى واكيد هذا الشئ هو جزء من حياتك العادية
شكرا لجهودك الطيبة واسال الله ان يوفقك لفعل الخير
اخوك ياسر
بسم الله الرحمن الرحيم ((وَمَنْ خَفَّتْ مَوَازِينُهُ فَأُولَٰئِكَ الَّذِينَ خَسِرُوا أَنْفُسَهُمْ فِي جَهَنَّمَ خَالِدُونَ)) صدق الله العلي العظيم
 المؤمنون103

غير متصل mohammed73

  • عضو جديد
  • *
  • مشاركة: 3
    • مشاهدة الملف الشخصي
اخي العزيز افالون اني عراقي وصلت الى امريكا ولايةوشغان مدينة لانسنك قبل 3اشهر انا وامي الكبيرة في السن الوضع هنا في لانسنك مزري للغاية والمدينة صغيرة وترفع نسبة الاكتاب مليون بالمية ولاتوجد اي عناية او اهتمام للاجئين العراقيين مدمريهم دمر اريد احول وانتقل الى ولاية اورغون لانه الجو فيها مناسب افضل من هنا ارجو منك المساعدة لانه اني وامي كاعدين بالشقة ومكتابين وهذا اميلي ارجو منك المساعدة اخوك محمد dabdoobd93@yahoo.com

غير متصل Sewarn

  • عضو جديد
  • *
  • مشاركة: 3
    • مشاهدة الملف الشخصي
    • البريد الالكتروني
السلام عليكم اخي ارجو منك الاتصال بي على هذا الرقم ارجوك 9087640549

غير متصل satar_jabbar

  • عضو
  • *
  • مشاركة: 7
  • منتديات عنكاوا
    • مشاهدة الملف الشخصي
اخي العزيز افالون ا ذا ممكن بمايخص الايجارات سمعت من احد الاصدقاء انو الايجارات غاليه يعني غرفتين 1200في بورتلاند..وبالنسبه للدراسه شلون واحد يكدر يكمل دراسه؟ واذا احد عنده بكلوريوس عربي من العراق شلون يكدر يكمل دراسه؟ وهل يوجد عمل بهذا الاختصاص. ؟؟

غير متصل satar_jabbar

  • عضو
  • *
  • مشاركة: 7
  • منتديات عنكاوا
    • مشاهدة الملف الشخصي
اني اريد اجي على مدينه قريبه من بورتلان اسمه هيرزبولو لان كفيله بيه هيه تابعه لبورتلاند وياريت معلومات عنه..وعن الدراسه اذا احد يريد كمل دراسه...وبالنسبه للي اختصاصه عربي من العراق يكدر يكمل دراسه عليه او يجد عمل بهذا الاختصاص..؟ وكذلك الايجارات سمعت غاليه في بورتلاند يعني 1200 للشقه غرفتين وبعد ماعرف..رجاءا جواب اذا امكن وممنون منكم اخواني الاعزاء

غير متصل satar_jabbar

  • عضو
  • *
  • مشاركة: 7
  • منتديات عنكاوا
    • مشاهدة الملف الشخصي
اخي العزيز افالون اذا امكن تجاوبني على اسئلتي السابقه واكون ممنون منك عزيزي..وبالاخص على مدينة هيلز بورو هي تقع في اطراف بورتلاند يعني بس هيه تابعه لبورتلاند يعني في الشمالي الغربي NW ..وممنون منك اخي العزيز

غير متصل satar_jabbar

  • عضو
  • *
  • مشاركة: 7
  • منتديات عنكاوا
    • مشاهدة الملف الشخصي
ونسيت اسئلك على بيوت الحكومه للعوائل الي يقدمون عليه موجوده في بورتلان ومحيطه وخاصه في مدينة هيلزبورو...واسف للاطاله اخ افالون