اعزائي الكرام
اولاً الاحجاية هي مو حنان او قسوة على اللاجئيين, هذولا لاجئيين غير مشروعيين, يعني رفضت طلبات لجوئهم او دخلو بريطانيا بالقجغ, وحسب علمي اكو اكثر من خمسة الاف من العراقيين قاعدين بالاسود يعني ماعدهم اقامات ولا اجازات عمل.
ثانيا هذا اتفاق بين الحكومة العراقية والبريطانية لاجل ارجاع اللاجئيين العراقيين , او الحكومة او وزير الهجرة العراقي لازم يقوم بمساعدة هذولا المساكيين في بريطانية لانه من واجباته, او اخر مرة صرح انه من الافضل اللاجئيين العراقيين يبقون في سجون البريطانية افضل من يعيش في سورية لانه سجون بريطانية مريحة.
فأتصورو اذا وزير عراقي ما عنده حنية على ابناء وطنه اللي هما منتخبي اشلون بعد غريب يكون عنده حنية.
ثالثا قانون اللجوء في جميع انحاء العالم ينص, اذا طالب اللجوء اقترف مخالفة قانونية لمدة 80 يوم, يسقط حقة بالبقاء في بلد الاستيطان, يعني يرديون لاجئيين ماعدهم سوابق او جرائم.
لذا ينصح بأن اللي يريد يقدم لجوء يتخذ الطرق القانونية الصحيحة لاجل ان يكون ملفه نظيف او يستطيع ان يعيش في وطنه الثاني بسلام.
رابعاً بالوقت الحاضر يوجد اكثر من 5 الالف لاجيئ عراقي عايشين بالاسود في بريطانيا , بالرغم من هذا انه بدئت الحكومة البريطانية احالة قضياهم الى المحاكم المحلية لاجل ان يقرر مصيرهم والذي تتوفر فيه شروط البقاء سوف يبقى والمفرفوضين سوف يطلب منهم ترك بريطانيا واذا لم يتركو لمدة معينة, سوف يسفرو قسرأ الى العراق ولا يحق لهم ان يقدمو لجوء في بلد اوربي ثاني, مع تحياتي
جوسي البغدادي استشاري اللاجئيين والمهجرين المانيا