وين ابن الحلال اللي يطول خلك وياية و يساعدني SIV

[I wish]

سلام عليكم شباب

اني مقدم SIV و اخذت الكوم

هسة جاني ايميل من NVC و ما احجيلكم الهوسة

و اجاني ايميل من IOM علمود البنفتس

بس شو افتر راسي مدا اعرف منين ابدي

زين اكو فورمة اونلاين DS260

و اكو فورمة DS157 زين اني هاي مو مليتهة بالبداية شكو دا امليهة مرة لخ؟

و بعدين اكو فورمة لخ DS234 هاي دزوهة IOM و كلولي دزنياهة...زين و NVC يكلولي دزهة النة...زين هسة مدا افتهم المن ادزهة.

و بالنسبة للاوراق المطلوبة اني تقريبا فاهمهة...يعني صورة قيد مال العائلة كلهة و نسخ مترجمة من الجناسي الخ


بس اريد واحد وياية شوية يفهمني الله يخليكم

[freedom4ever]

اني متاسف لان اجابتي حتكون مختصرة لان اني  بسبب الاخبار الــ

زين اكو فورمة اونلاين DS260

هذي اشتغل بيها بعد ما تملي الفورم DS-230 لان تقريبا نفس المعلومات وخلي نسخة عندك من 230 لان احتمال يطلبوها (هذا الي اعرفه عن الفورم 260 لان اني ممطلوبة مني)

و اكو فورمة DS157 زين اني هاي مو مليتهة بالبداية شكو دا امليهة مرة لخ؟

ميحتاج تمليها من جديد اخذ وياك القديم

و بعدين اكو فورمة لخ DS234 هاي دزوهة IOM و كلولي دزنياهة...زين و NVC يكلولي دزهة النة...زين هسة مدا افتهم المن ادزهة.

اي هذا الفورم مال المساعدات (اذا اتريدها) حيطلبوها منك جماعة SIV

و بالنسبة للاوراق المطلوبة اني تقريبا فاهمهة...يعني صورة قيد مال العائلة كلهة و نسخ مترجمة من الجناسي الخ

بالضبط

واخيرا نصيحتي ان تقرى الايميل مالتهم بتأني وكذلك بالنسبة للفورم واتسوي المطلوب منك بالضبط وخصوصا اذا وصلك منهم  Check list لان بيه كل التفاصيل هذا بالنسبة الى SIV

اتمنالك التوفيق

[Adam Cruise]

اخويه ابدي بال ds260 اونلاين وسويلهه  submit   هيه اهم شي واذا يردون منك ds157  سويهه نسخه من القديمه ودزهه لا تتعاجز والاوراق مال البنفت لا تدوخ  بيهه على راحتك حتى لو وره المقابله بكم يوم هم مو مشكله

[Black Angel]

السلام عليكم ورحمة الله

اخي العزيز ان شاء الله لا هوسة ولا شي

1- بالنسبة للفورم 260 والي هو اون لاين فبل متبدي تشتغل بيه حضر الاتي :

1.1- هويات الاحوال المدنية او نسخ منهن لكل الاشخاص المقدمين معاملة الهجرة
1.2- جوازات السفر او نسخ منهن لكل افراد العائلة الي مقدمين معاملة الهجرة
1.3- نسخة من الفورم 157
1.4 املي الفورم 230 والي يعتبر الشكل الاصلي وغير المطور للفورم 260

بعد ان تحضر هذي الامور ابدي بفتح الداتا بيس والي هو اون لاين وتحتاج كيس نمبر وبنفشري نمبر لكل شخص من افراد العائلة وتبدي تكتب اسم صاحب الكيس ورقم الكيس ورقم البنفشري وتدخل المعلومات لكل فرد من افراد العائلة ولاتنسى تدخل المعلومات مثل ماموجودة اعتمادا على الفورمات القديمة 157-230 حتى لايصير اختلاف
هذا الدتا بيس اون لاين يعني بيه وقت معين للادخال بعدها يطلع برة السستم لذلك تحتا المعلومات تكون كدامك وانت مجرد تطبعهة وتحتاج انترنيت ذو سرعة معقولة والاهم مستقر حاول كلما تخلص صفحة تخزن المعلومات الي بيهة وراهة راح توصل للخلاصة اقراهة زين واطبعها وراها راح تسوي سبمت للمعاملة ويجيك كونفرميشن اطبعها حتى تاخذه وياك للمقابلة لاتنسى تحتفظ بالفورم 230 لان راح يطلبوه منك  بالسفارة

2- بالنسبة للفورم 234 فهو ينملي لكل فرد من افرداد العائلة وترسله لل NVC وال Siv@wrapsnet.org وهو خاص للبنفت

اي شي ثاني تحتاج احنا برسم الخدمة

تحياتي

[ابو نعنوع]

والله ياخويي اني جاي اساعدك بس  شفت الردود من الشباب تكفي وتوفي توكل على الله وبلش باجراءت واهم شيء هوDS260
توكل على الله وحاول ان تدزهه بسرعه
مع تمنياتي بالموفقيه والقبول والسفر باسرع وقت ممكن

هاه نسيت فد شيء جداً مهم ويجي بلوزاري كل سنه
UP
UP
UP
للرفع والتسريع بمعاملته وتسهيل امرهه
 

عمكم ابو نعنوع الورده

[I wish]

ممنون منكم يا طيبين الله يوفقكم


اخوية بلاك انجل

بالنسبة للفورم DS234
تحنة عائلة 4 اشخاص
اني مليت وحدة فقط اللي هية مالتي و اكو ورقة لخ كتبت بيهة نعم انا اريد استلام البنفتس و دزيتهن
يعني ما مليت فورم لكل شخص بالعائلة...شتكول اعيدهة لو شسوي..
المشكلة دزيتهة

لو ادري منظر شوية و شايف الردود قبل ما ادز بس شسوي ما ادري شبية...

على اي حال و بالنسبة للفورم DS230 اني دا اقرة الايميل مذاكرين بي هاي الفورم

زين اذا اسويلهة داوون لود و امليهة هم ادزهة الهم؟

ولو طولت عليكم بس اني والله ممنون منكم جميعا

[Black Angel]

اهلا وسهلا بيك اخوية

الفورم 234 يمثل المعلومات لكل فرد من العائلة امليهة لكل شخص بالاضافة الى الفروم الاخر الي وافقت بيها على المساعدات ونسخة من كل جواز وراجع دزهة لل NVC وال الايميل الاخر بردي اعلاه لاتنسى تخلي اسمك ورقم الكيس مالتك بالسبجكت
وماكو اشكال دز مرة 2 مسالة عادية


نعم باعتبارك مطلوب منك ال 260 فانت المفروض متحتاج ال 230 ولكن مراح تكدر تملي الفوركم ال 260 دون الرجوع الى ال 230 لان راح يختصرلك هواية وقت وبالمقابلة راح يطلبون منك ال 230 رغم همة مطالبيه مثل مصار وياي واذا مجايبه وياك راح يخلوك تمليه بالسفارة

اي شي اخر تحتاج اسال ولاتتردد وان شاء الله رب العالمين يمكنا من مساعدتك

[سرى1]

الاخوة ما قصروا

واخي لا تنس ال157 لكل فرد بالعائلة همين اضافة للي تفضلوا بيه الاخوة

[storm2000]

زين الفورم 157 مو ايصير اكسباير بعد سنة لو اني متوهم ؟ لاني سويت جديد ودزيته لنبراسكا

[Black Angel]

storm2000

استخدم اخي نفس الفورم القديم حتى يصير عندك نفس المعلومات ومتتخربط
لان اذا على الاكسباير كل الفورمات اكسباير ورة سنة لان همة يجددون بيهة ويعدلون
اخي العزيز ملاحظة بسيطة اذا بالمستقبل شكيت باي خطوة حاول تسال قبل متسويهة
حتى بلكي الله يقدرنا ونساعدك بالي نكدر عليه وتتجنب اي التباس ممكن يصير بقضيتك
اي شي تحتاج برسم الخدمة

تحياتي