المحرر موضوع: سؤال مهم جدا و ارجو ممن عنده معلومات الاجابة : كيفيه حساب ضرائب الدخل  (زيارة 45399 مرات)

0 الأعضاء و 1 ضيف يشاهدون هذا الموضوع.

غير متصل مازولا

  • عضو فعال جدا
  • ***
  • مشاركة: 222
    • مشاهدة الملف الشخصي
السلام عليكم اخواني ... عندي سؤال اليوم ... السؤال عن ضريبة الدخل .... اني اللي اعرفه انو كل امريكي يشتغل لازم يدفع ضرائب ... و هاي توصل الى تقريبا 40% من الدخل ... و الدخل هو أي وارد يدخل للشخص مثل الراتب او دخل المحل او الشغله الحرة اللي يشتغلها الشخص ... و اذا الامريكي يشتغل خارج امريكا لمده 12 شهر ما يرجع بيهه لاميركا ما ياخذون منه ضريبة ... هاي تنطبق على الامريكان ... زين هاي تنطبق علينه لو لا ... يمكن السؤال شويه صعب بس اعتقد اكو من اللي بالمنتدى ممكن ان يعرف بالموضوع و اعتقد ان الاخت انجي ممكن تجاوب او أي واحد عنده معلومات ... الشغله كلش مهمه بالنسبة الي و بالنسبه النه كلنه ... اخوكم مازولا



رائد واشنطن

  • زائر
nyljclnp
« رد #1 في: 04:19 07/09/2009 »

غير متصل مازولا

  • عضو فعال جدا
  • ***
  • مشاركة: 222
    • مشاهدة الملف الشخصي
اخ رائد جزيل الشكر على تجاوبك معي و ردك الجميل ... زين احنه كلاجئين او مهاجرين علينه نفس الواجبات لو بيهه فرق ... هذا هم سؤال يطرح نفسه ... مع الشكر ... مازولا

angie-dawood

  • زائر
نعم اخي ما دام تعمل لازم تسوي ضرائب وما دام لم تعمل هم تسوي ضرئب  اي بيمنت تدفعه لازم من تسوي ضرائب تضيفة مثلا اهل التقاعد الي يسكنون بالشقق عندهم الكهرباء والهيت والايجار هما يدفعون من راتب التقاعد من يعملون الضرئب كل سنة يرجع الهم تقريبا 200 دولار بس وانما العائلة الي تاخذ مساعدات من الحكومة هي تاخذ اكثر من الي يعمل لانه شكد ما تشتغل اكثر انت تدفع للحكومة وشكد ما مشتغل الحكومة هي تدفع الك فلوس مرات يوصل الجك 4 الالف دولار ومرات 3 او 2 او اكثر لو اقل لانه كل حاجة تشتريها هنا وتدفع عليها ضريبة اكون ناس يضيفوها من يعملون الضرائب احنا نسميها هنا تكسات وهاي يسوها بشهر الاول الى غاية شهر نهاية الرابع واي شي ما افتهمت عليه كول واني ارجع اوضحة الك  تحياتي

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر
    • مشاهدة الملف الشخصي
القوانين الضريبية تطبق نفسها على الجميع سواء كانو مواطنين او مقيمين في الولايات المتحدة تحت اي بند كان.

بالنسبة الى كيفية احتساب ضرائب الدخل فسأعطيك فكرة مبسطة عنها وعلى قدر المستطاع للاستفادة منها :

  + الدخل الكلي (=مجموع كل المبالغ التي تحصل عليها وتدخل الى جيبك وبأي طريقة كانت)
  - مصاريف مشمولة وتعديلات (مصاريف معينة يمكن طرحها وبشروط)
  = الدخل المعدل
  - {استقطاعات ضريبية وهي احد اختيارين (اما أ او ب) وعادة ما يتم اختيار اكبرهما:
        < أ > استقطاعات ثابتة (=5700$ للعازب ،11400 للزوجين كليهما....الخ) أو
        <ب> استقطاعات مفصلة (وتشمل مصاريف وخسائر معينة مشمولة...)}
  - سماحيات ضريبية(3650 لكل شخص تعيله انت بالاضافة اليك وبشروط)
  = الدخل الضريبي (الدخل الخاضع للضريبة)
  * النسبة الضريبية (كما في الجدول ادناه)
  = قيمة الضريبة (حاصل ضرب)
  - تخفيض ضريبي (كردت)  (وهو تخفيض للضريبة ممكن ان تشمل به وبشروط ايضاً)
  = الضريبة النهائية المحسوبة (المطلوب منك دفعها)
  - تخفيض ضريبي مسترجع (كردت) (وهو تخفيض ضريبي معين قد يؤدي الى حصولك على مبالغ اكثر من التي دفعتها وبشروط ايضاً)
  - مجموع الضرائب التي استقطعت منك سلفاً للفترات السابقة خلال السنة المالية المنتهية (من قبل الشركة او رب العمل)
  = رقم نهائي اما سالب او موجب:
    فاذا كان المبلغ بالسالب فهذا يعني ان رب العمل مستقطع منك كل شهرمبالغ مجموعها اكثر من الضريبة النهائية المحسوبة فسيتم خصم الضريبة النهائية المطلوبة من هذا المبلغ وارجاع المتبقي لك
    أما اذا كان المبلغ موجباً فهذا يعني ان هناك مبلغ متبقي مستحق عليك يجب عليك دفعه.


ارجو ان اكون كونت فكرة بسيطة عن الموضوع. (وما لصتها عليكم    ;D)
تقبلو تحياتي

ملاحظة:
1. الاستقطاعات الضريبية تتغير كل سنة وحسب معدل التضخم وفاكترز اخرى.
2. رب العمل مجبر باستقطاع ضرائب مقدماً عن كل صك يعطيك اياه محتسبة بطرق تقديرية معينة (تعتمد عادة على عدد الافراد المعيلين من قبلك) اما في حال كونك تعمل لحسابك او ان راتبك لا يدفع خلال اوقات محددة فعليك انت شخصياً ان تستقطع ضريبة تقديرية مقدماً من دخلك خلال هذه المدة وتدفعها كل ثلاثة اشهر على الاكثر لدائرة الضرائب للتتجنب الغرامات. أما الكشف الضريبي الواجب عليك عمله نهاية السنة المالية فهو لاحتساب الضريبة النهائية المستحقة عليك (أو لك) بالضبط بعد الاخذ بالاعتباركل العوامل والمتغيرات المشمولة.
3. الاستثناءات الضريبية للعاملين خارج الولايات المتحدة لسنة 2009 هي 87600$ على ان تكون خارج الولايات المتحدة لمدة لا يقل مجموعها عن 330 يوم. وتحستب ضريبة على الفرق (ان وجد) وحسب ما ذكرنا اعلاه.
4. كل ما كتب اعلاه هو لضريبة دخل الحكومة الاتحادية فقط وهناك ضرائب دخل اخرى تشبهها الى حد ما تفرض من قبل حكومات الولايات وطريقة احتسابها تختلف من ولاية الى اخرى وهي واجبة الدفع ايضاً.
5. للمزيد من التفاصيل حول الضرائب راجع الموقع دائرة الضريبة ادناه او موقع الدائرة المالية في ولايتك.
6. مرفق ادناه فايل يحوي على النسبة الضريبة لسنة 2009 محسوبة على اساس الدخل الضريبي.


مصدر:
 http://www.irs.gov/pub/irs-pdf/f1040.pdf
www.irs.gov


angie-dawood

  • زائر
اخي مازولا
اشرحلك شنو معنى الضرائب وليش الناس يسووها
اي حاجة هنا من تشتريها تدفع عليها ضرائب بس الطعام ماكو علية ضريبة مثلا الملابس اذا اشتريت بدلة مال حفلات وكان سعرها 100 دولار راح تدفع انت 1006 مئة وست دولارات هاي الست دولارات هي الضريبة يعني التكسات لانه كل 100 دولار ب 6 % يعني تشتري تلفزيزن ب مثلا 200 دولار تدفع 200 و 12 دولار
اي شي ملابس اثاث هدوم كهربائيات سيارة ماطور اي حاجة عدى الطعام بس بالمطاعم  -   ياخذون فلوس الضريبة الضريبة هي اذا انت مشتغل طول السنة مثلا نكول 50 الف او اكثر  هاي الحالة انت تدفع نهاية السنة للحكومة واذا انت ما مشتغل طول السنة بس مثلا 30 الف لو 25 او اقل بهاي الحالة الحكومة هي تدفع الك نهاية السنة مرات اكو ناس يطلعلهم تقريبا خمس الالف دولار لانه يكونون عائلة من خمس او ست نفرات
وقسم اقل حسب الشخص الي يسويها الك نهاية كل سنة يسموه هنا( كيبر ) هاي هي شغلت الضرائب

غير متصل marwan.aqrawi

  • عضو فعال جدا
  • ***
  • مشاركة: 206
  • الجنس: ذكر
  • †† كل الاشاء تعمل معا † لخير † المؤمنين بالله ††
    • MSN مسنجر - marwan.aqrawi@hotmal.com
    • ياهو مسنجر - marwan.aqrawi@yahoo.com
    • مشاهدة الملف الشخصي
    • http://groups.google.com/group/jesus_mhaba
    • البريد الالكتروني
موضوع حلوا ومم وعاشت ايدك Mark_usa على الشرح المفصل
~¤¢§{(¯†´°•.Marwan is the best.•°` †¯)}§¢¤~

غير متصل مازولا

  • عضو فعال جدا
  • ***
  • مشاركة: 222
    • مشاهدة الملف الشخصي
شكرا ... شكرا للاخوان رائد و مارك و الاخت انجي على ردودهم المفيدة ... هسه خلى الخص اللي افتهمته ...
اولا - يعني الواحد يدفع ضريبة على كلشي يشتريه تقريبا ... و في نهايه العام اروح احاسب ... اذا كان مجموع ما دفعته خلال عمليات الشراء اقل من التقدير الضريبي لازم ادفع الفرق و اذا كان اكثر من التقدير الحكومة ترجع لي الفرق ... صحيح لو لا ... زين هيجي لازم احتفظ بكل وصل و اقدمه بنهايه السنه للضريبة و اذا يضيع من عندي وصل تروح علي قيمه الضريبة اللي بالوصل ... هم صحيح لو اكو غير طريقة للحساب بدون الوصولات.....
ثُانيا - بس للتاكيد ... ادفع الضريبة كل 3 اشهر و بعدين احاسب بنهايه السنه ...
ثالثا - اني اسف مصار عندي وقت افتح الرابط ... لكن التخفيضات الضريبية اللي تكلم عنها الاخ مارك و كال موجوده بشروط ... هيه موجوده في الرابط لو لا
مع الشكر الجزيل ... اخوكم مازولا

غير متصل Mark_usa

  • نجم منتدى الهجرة و اللاجئين
  • عضو فعال جدا
  • *
  • مشاركة: 160
  • الجنس: ذكر
    • مشاهدة الملف الشخصي
اخي مازولا،
الضرائب تقسم على ثلاث انواع عموماً:
1. ضريبة الدخل (تفرض على مجموع ما تحصله خلال السنة) وتقسم الى:
   ( أ ) ضريبة الدخل الفيديرالية (تدفع الى الحكومة المركزية في واشنطن دي سي) وهي الاعلى.
   (ب)ضريبة دخل الولاية (تدفع للولاية كل ولاية الها قانونها الخاص) وهي اقل من الاولى.
   (ج)ضريبة دخل المدينة (بعض المدن تفرض ضريبة ايضاً على الدخل لكن بنسبة اقل)

2. ضريبة المشتريات: وهي ضريبة للولاية تفرض على كل ما تشتريه (باستثناء الطعام غير المطبوخ) وتختلف من ولاية الى اخرى تدفع حال شرائك للحاجة باضافة نسبة معينة الى السعر(هي تقريبا 6%+/-)

3. ضريبة الممتلكات: وهي ضريبة تفرض سنوياً على الممتلكات (المنزل) تدفع للمدينة وتستخدم لتمويل المدارس العمومية بشكل خاص وخدمات ومصاريف البلدية ، قيمتها تعتمد على سعر البيت ومصاريف المدينة (المدن الراقية عموماً تفرض ضرائب اكثر)

موضوعك كان عن ضرائب الدخل الفيديرالية (النقطة الاولى ( أ) فقط) وهذا ما ناقشناه هنا، من المفيد ان تحتفظ بوصولات مشترياتك لكن هذا الامر غير مطلوب، لان ضرائب المشتريات ليس لها علاقة بالضرورة بضريبة الدخل.

بالنسبة الى سؤالك عن دفع الضريبة فاذا كنت تعمل عند شركة تدفع لك رواتب بطريقة منتظمة فالشركة نفسها ملزمة باستقطاع ضريبة من الراتب وارساله الى دائرة الضريبة (عند كل وقت تستلم فيه راتب)، اما اذا كنت تعمل لحسابك الخاص او عندك محل او شغلة حرة فيجب عليك انت ان تستقطع جزء من دخلك وترسله الى دائرة الضريبة اربع مرات بالسنة على الاقل وهناك جداول يحدد فيها قيمة الاستقطاع. وفي كلا الحالتين ستتحاسب مع دائرة الضريبة في نهاية السنة المالية بكل المبالغ التي دفعتها لهم خلال السنة ناقصاً اي تخفيضات او استقطاعات ممكن ان تشمل بها وبموجب ذلك ستخصم ما تريده منك دائرة الضريبة و ترجع لك اي مبلغ متبقى عليها لك أو العكس (وهذا قليل الحدوث) قد تطالبك بدفع مبلغ اضافي.

هذا مصدر أخر مفيد للموضوع وفيها الاستقطاعات والتخفيضات بشكل اكثر تفصيلاً:
http://www.irs.gov/pub/irs-pdf/p17.pdf

تحياتي

غير متصل hussein5582

  • عضو فعال جدا
  • ***
  • مشاركة: 484
  • الجنس: ذكر
  • بعد عشر سنين هسه البطاقه التموينيه متعجب,, عجبي!!
    • مشاهدة الملف الشخصي
    • البريد الالكتروني
هل صحيح ان اللاجئين اول سنه معفين من الظريبه
لا تأسفن على غدر الزمان لطالما ..رقصت على جثث الأسود كلاب
لا تحسبنّ برقصـها تعلـو على أسيادها فالاسدُ أسدٌ والكلابُ كلابُ

رائد واشنطن

  • زائر
اول سنة لو اول شيعة؟ ههههة هاي بس للتحشيش

اللاجئين والمهاجرين والامريكان كلهم سواسية كأسنان المشط في دفع الضرائب وتستحق الضريبة من اول يوم عمل الى ان الله ياخذ امانتة او امانة الوضيفة

مع تحياتي للجميع
رائد

غير متصل مازولا

  • عضو فعال جدا
  • ***
  • مشاركة: 222
    • مشاهدة الملف الشخصي
السلام عليكم اخواني و اخواتي الاعزاء ... عوده لموضوع قديم ... اليوم كنت اتحدث مع شخص عراقي متجنس امريكي منذ 1968 ... الرجال اموره زينه و يشتغل بخوش شركه ... سالته عن الضرائب ... كاللي الضرايب و ما ادراك ما الضرائب ... انطاني جدول لحساب الضرائب لسنه 2009 ... (ارفقت نسخه منه) ... و يكول كل سنه تتغير تغيير خفيف ... الحساب يكون على اساس المدخول الصافي ... يعني الدخل الكلي مطروح منه كل السماحات من زوجه و اطفال و فائده فرض البيت و يمكن اشياء اخرى ما اعرفهه ... الشغله المهمه اللي نبهني الهه هيه ... انو الحاصل على الكرين كارد حتى لو يشتغل خارج امريكا لمده سنه ... غير مشمول بالسماحات الضريبية ... يعني ياخذون منه ضرايب حتى لو اشتغل على القمر ... الصدك غير ... اني اخذته على كد عقله و كلت هذا رجال جبير بالعمر و يجوز معلوماته قديمه ... بس دورت و دورت الى ان لكيت موقع رسمي للسفارة الامريكيه في اريتريا ... هذا الموقع يكول نفس الحجي ... و هذا الرابط و هذا الكلام مالتهم ... بس حبيت اشارك الموجودين بهاي المعلومه لان اعتقد الكل عدهه اعتقاد خاطئ انو ابو الكرين كارد اذا يسافر خارج امريكا راح يسووله سماحات ضريبيه لحد 80 او 90 الف دولار ... بس طلع ماكو هيجي شي ... و هذا بوري من هذا الزين راح يخليني اعيد حساباتي كلهه ... مع تحياتي ... اخوكم مازولا


http://eritrea.usembassy.gov/tax_guide.html
PUBLIC SERVICES
Basic Tax Guide for Green Card Holders:
Understanding Your U.S. Tax Obligations
October 2006
If you have a U.S. green card, you are a lawful permanent resident of the U.S. even if you live abroad.  This means you are treated as a U.S. resident for U.S. income tax purposes and you are subject to U.S. tax on your worldwide income from whatever source derived. Accordingly, you must file a U.S. tax return unless (a) there has been a final administrative or judicial determination that your lawful permanent resident status has been revoked or abandoned, (b) your gross income from worldwide sources is less than the amounts that require a tax return to be filed, or (c) your U.S. residence status is affected by an income tax treaty.  


غير متصل مهاجر ابدي

  • عضو فعال جدا
  • ***
  • مشاركة: 156
    • مشاهدة الملف الشخصي
الاخ مازولا
ارجو منك قراءة الفقرة b
المعنى: اذا كان دخلك السنوي من مصدر غير امريكي وكان اقل من المبلغ المحدد من قبل دائرة الضريبة فأنه لا يستقطع منك
تحياتي

غير متصل Baguncero

  • عضو مميز
  • ****
  • مشاركة: 1429
  • IOM Since 2008
    • مشاهدة الملف الشخصي
السلام عليكم أخوتي
شكرآ للجميع على هذه المعلومات القيمة والمجهود الرائع
سؤالي لكم جميعآ
أنا أعمل في شركة بحرية في دبي وأتقاضى راتب 7 أشهر بالسنة تقريبآ يعني على الفترة التي اعمل بها على البواخر استلم راتب شهري ... عند نزولي في الأجازة يتوقف الراتب .... والأجازة بكيفي 3 أشهر أو 4 وقت ما أظوج ألتحق
انا في الأردن حاليآ ... وقريبآ سأكون في تكساس ان شاء الله عن طريق ال iom .. وسألتحق من تكساس بعد 4 أشهر من وصولنا وأستقررنا وحصولي على الرقم الوطني و وثيقة السفر الأمريكية التي تسبق الكرين كارد
السؤال ... أدفع ظريبة؟؟ وكم أدفع؟ وهل سيسألوني عن الراتب الذي اتقاضاه؟ واذا لم يسالني احد ... أنا أذهب طوعيآ  وأدفع بدون ن يطلب مني أحد؟؟ وأن لم أذهب هل سيؤثر على موقفي هذا ؟؟ علمآ أن رواتبي ستتحول من الشركة لأهلي شهريآ طيلة فترة وجودي على الباخرة طبعآ سأحولها لحسابي في بنك أوف أميريكا ان شاء الله...
شكرآ لأجوبتكم مقدمآ

أخوكم

Baguncero

غير متصل مازولا

  • عضو فعال جدا
  • ***
  • مشاركة: 222
    • مشاهدة الملف الشخصي
اخواني الاعزاء ... بعد التحية و السلام ... الاخ العزيز المهاجر الابدي ... انا اعتقد انو النص واضح جدا ... النص يقول
 
If you have a U.S. green card, you are a lawful permanent resident of the U.S. even if you live abroad.  This means you are treated as a U.S. resident for U.S. income tax purposes and you are subject to U.S. tax on your worldwide income from whatever source derived. Accordingly, you must file a U.S. tax return unless (a) there has been a final administrative or judicial determination that your lawful permanent resident status has been revoked or abandoned, (b) your gross income from worldwide sources is less than the amounts that require a tax return to be filed, or (c) your U.S. residence status is affected by an income tax treaty

و الترجمه له هي كما ياتي ... اذا كنت حامل للكرين كارد , (فارزة) انت مقيم شرعي دائمي في الولايات المتحدة حتى لو كنت في الخارج. (نقطة) هذا يعني انت تعامل كمقيم امريكي لغرض ضريبه الدخل و انت معرض للضريبه الامريكيه على دخلك الخارجي من اي مصدر تم تحصيله. (نقطه)

اما بالنسبه الى الفقرة (B ) من الاستثناءات فتقول ما يلي : عليك تقديم طلب الى الضريبة الامريكيه الا اذا ... و هنا تبدا الفقرة (B) ... مدخولك الكامل (احنه بالعراق نسميه الخابط يعني مو الصافي) من التحصيلات الخارجيه هو اقل من المبلغ الذي يتطلب تقديم اقرار ضريبي ...
يعني اذا دخلك الخابط قليل او انت عندك سماحات كبيره نتيجتهه ان يكون دخلك الصافي اقل من صفر فبهاي الحاله ما تقدم اقرار
و ياريت يا اخ مهاجر تروح للموقع مال السفارة اللي خليته حتى تقرا المقاله كلهه و يا ريت اكون اني غلطان

اخواني ... الحقيقه انا مو مترجم لكن اعتقد انو ترجمتي للفقرة صحيحه ... و اذا كان احد من الاخوان المترجمين عنده رائ ثاني فياريت يطرحه ... مع تحياتي ... اخوكم مازولا

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
يعني من رخصتك اخوووووووووويه مازولا العزيز

مارك الف رحمه على والديك وعااااااااااااااااااااااشت ايدك عالشرح


وشكرا
ابو عبد الله التكساسي


مازولا كلامك ترجمتك صحيحه
مع الاسف ورانا ورانا وماكو استثناءات (( مره اخرى الترجمه صحيحه))

غير متصل راهب الحب

  • عضو مميز
  • ****
  • مشاركة: 1546
  • الجنس: ذكر
  • †من لا يحِب لم يعرف اللــه .. لأن اللــه محبّــة †
    • مشاهدة الملف الشخصي
إخواني الأعزاء مارك وإنجي المحترمين ::
آني سمعت بإنه من ضمن قوانين ولاية نيفادا بإنه تدفع ضريبة وحدة فقط وهي للحكومة الفيدرالية فقـــــط ...
ومو مثل غير ولايات تدفع اكثر من ضريبة  فهل هذا صحيح فعلاً ....




                                 أخــوكــُم / وسـام بهنـام داؤد الخابــوري
† إذا كـُنت لا تحـِب أخـاك الـذي تـراهُ ؟؟ فكيـف َتحـِب اللـه الـذي لا تراهُ !! ... †

غير متصل ابو عبد الله التكساسي

  • نجم منتدى الهجرة و اللاجئين
  • عضو مميز جدا
  • *
  • مشاركة: 2462
  • الجنس: ذكر
  • من اكتب افتهمني شدا اكول. او مشكلتك اذا ما تفتم
    • مشاهدة الملف الشخصي
    • البريد الالكتروني
اخوان معلومه حبيت اضيفهه للاخوان
ولايه تكساس بيهه ضريبه وحده وهي على ما اعتقد الفيدراليه ونسبه الضريبه على المشتريات اكثر من باقي الولايات للسبباعلاه وهي 8 الى 12% وحسب نوعيه المشتريات وتستقطع مقدما

غير متصل Dr.Ameen

  • نجم منتدى الهجرة و اللاجئين
  • عضو فعال جدا
  • *
  • مشاركة: 233
    • مشاهدة الملف الشخصي
السلام عليكم
هل هناك مكاتب يلجئ اليها العراقي او غيرة لضبط امور الاسترجاع الضريبي ام يقوم بها بنفسه؟
لان الصراحة ما دا استوعب كيف يتم استرجاع الضريبة؟ ومتى؟
اخواني الي يعرف خلي يفيدنة والله يسهل امورة ان شاء الله
يتأسس الحكم ذو النظام الاستبدادي على الجهل لان خضوع الافراد يستلزم جهلهم ومن ثم فالتعليم خطر بالنسبة لاستمرارية هذا الشكل من اشكال الحكم ,فطاعة الشعب وخضوعه لا تتحقق الا بشيوع الجهل

غير متصل maitham70

  • عضو فعال جدا
  • ***
  • مشاركة: 436
  • الجنس: ذكر
  • Maitham from Dallas
    • ياهو مسنجر - maitham.alkifaey
    • مشاهدة الملف الشخصي
    • البريد الالكتروني
السلام عليكم اخواني قبل يومين استلمت فورم W2 من الشركة الي اني اشتغل بيه وحاسبيلي مال شهرين 11 و 12 لانني اشتغلت في بداية الشهر 11 ومسوي تقريبا 2500 دولار
المهم اخذة الفورم والسوشلات سكيورتي لي وزوجتي وبنتي الي تبلغ 10 سنوات رحت الى اشهر مكتب تاكس في دالاص هوا جاكسون وضلوا يحسبون ويطرحون وتالي يابه انته الاسترجاع مالتك تره الف 1065 دولار كتله لايابه لعد وين الي يكولون آلاف مؤلفه المهم كتله عود بعدين ارجعلك ورحت لغير مكتب هم انطاني نفس المبلغ
على العموم رحت الى افريقي يشتغل بالابيض والاسود ويطلع تاكس شلون ماجان كتله يابه هاي سالفتي كالي انته زوجتك شنو تشتغل كتله بيبي ست بالبيت لاطفال الجوارين الي عدهم دوام يخلون اطفالهم عدنا
كال اوكي جيبلي ورقه من واحد يكتب بيه يابه اني جنت ادفع الى هاي العائله مبلغ فد 10000 لو 9000 دولار اجر بقاء اطفالي عندهم ولمدة ست اشهر ويكتب اسمه ورقم تلفونه ورقم السوشل سكيورتي ويوقع وجيب الورقه اني راح اطلعلك تقريبا من 7000 الى 8000 دولار وماادري هسه حاير هاي شغله عادية لو شغله بيه تلاعب على القانون
هوا يكول هاي قانونية لان انتم تستلمون كاش وكثير من الناس تستلم كاش وكثير من الناس تخسر على اطفالهم الاف على مو يحصلون بيبي ست زينه ومااعرف اريد رايكم بهاي الشغله هل اظرب ظربتي لو اضل على الاف طبعا الاف مايضل الف لان راح يجرجوني 300 دولار يعني يبقى صافي 750 دولار

غير متصل Hashman

  • عضو فعال جدا
  • ***
  • مشاركة: 235
    • مشاهدة الملف الشخصي
السلام عليكم
هل هناك مكاتب يلجئ اليها العراقي او غيرة لضبط امور الاسترجاع الضريبي ام يقوم بها بنفسه؟
لان الصراحة ما دا استوعب كيف يتم استرجاع الضريبة؟ ومتى؟
اخواني الي يعرف خلي يفيدنة والله يسهل امورة ان شاء الله


اخوية الموضوع التالي يفيدك لان الاخوان ناقشو سؤالك بيه

http://www.ankawa.com/forum/index.php/topic,470336.0.html

تحياتي

هاش مان


غير متصل blanco

  • عضو فعال
  • **
  • مشاركة: 30
    • مشاهدة الملف الشخصي
    • البريد الالكتروني
اخوتي الكرام
اليوم صارت وياية شغلة ما متوقعها ابدا رحت لمكتب H&R block
والي هو مكتب للمحاسبة الضريبية معروف جدا وبعد نقاش طويل وية الموظف هناك انه اني مقيم لو مو مقيم لكوني دخلت الولايات المتحدة نهاية السابع وشنو نوع الفيزا وطبعا همه عدهم قائمة بانواع الفيزا الي ممكن يدخل بيها اي شخص للولايات المتحدة الحلو انه ماكو عدهم اي شي يذكر نوع الفيزا بالنسبة للاجئين  وبعدين انتقلنا الى بلد الاصل والمكتب ما مذكور بالقائمة الرئيسية مالته اكو بلد اسمه العراق وبعد جر وعر صدمتني الموظفة وكلتلي انه انت تطلب الولاية 183 دولار طبعا اخوكم متوقع اكثر كلتلها اكو خطا بالموضوع كالت لا لانك مصارلبك بالولايات المتحدة من تاريخ دخولك لتاريخ نهاية السنة ستة اشهر
فاخواني اكو واحد اخذ استرجاع ضريبي وهو داخل تقريبا بنفس الفترة لانه اريد اتاكد هل كلامهم صحيح ام غلط وللفائدة العامة علمود الي اجوي بنفس الوقت لايتاملون انه اكو تاكس ريترن

غير متصل maitham70

  • عضو فعال جدا
  • ***
  • مشاركة: 436
  • الجنس: ذكر
  • Maitham from Dallas
    • ياهو مسنجر - maitham.alkifaey
    • مشاهدة الملف الشخصي
    • البريد الالكتروني
جاوبتك اخي بموضوعك السابق
اني لاجئ وصارلي 6 اشهر من جيت امريكا وشتغلت بالشهر 11 وحسبولي ضريبه مال شهرين وراح استلم 1100 دولار

غير متصل ام الهنا

  • مبدع قسم الهجرة
  • عضو مميز جدا
  • *
  • مشاركة: 2306
    • مشاهدة الملف الشخصي

يرفع للاطلاع والمتابعة

ام الهنا
( كَلَّا إِنَّ مَعِيَ رَبِّي سَيَهْدِينِ )

غير متصل القيثاره

  • عضو
  • *
  • مشاركة: 22
    • مشاهدة الملف الشخصي
اخوية كل مااسوي فلوس اكثر يعني راح تستلم اكثر يعني من الف الى خمسة الاف ماراح يطلعلك بس الفين دولار يحتاج مسوي من عشرة الاف الى 15 الف هنا راح يطلعلك المبلغ تمام طبعا يحتاج انه انته عندك اطفال ومزوج   والعازب اللي  دفعه راح يرجع اله نفسة  اكثر ماكو وبصراحة لاتتلاعب ابموضوع التاكس لان مابيها شقة ولعب  ويه اهل الضرائب  ومتفوتهم  اي فوتة  وعندي صديق السنة اللي راحت سوه  التاكس بانه اشتغل ابمبلغ  عشرة الاف   واستلم عليه تاكس محترم ورة شهرين دزوه عليه الضرائب وتغرم غرامة معدلة  لانه يستلم ولفير   وانلاصت عليه  .