المحرر موضوع: الى اعضاء عنكاو المحترمين  (زيارة 839 مرات)

0 الأعضاء و 1 ضيف يشاهدون هذا الموضوع.

غير متصل ahmed aio

  • عضو فعال
  • **
  • مشاركة: 57
    • مشاهدة الملف الشخصي
بسم الله الرحمن الرحيم
اللهم صلي وسلم وبارك على افضل الخلق محمد صلى الله عليه وسلم واله الطيبين الطاهرين

كل اعضاء عنكاوا تعرفنون انو اغلب الي سافرو خلصت مهمتهم ويه هذا المنتدى الرائع
يارب كل الي وصلو امريكا تفتحتلهم ابواب الرحمه والرزق
الي شفته من بعض الاعضاء اختفو ليش محد يعرف لا تكولون اختلفت حياته او ضروف شلون ما تكون الضروف مستحيل ميكدر يكعد 5دقايق على الانت طبعا اني دا احجي على بعض الاعضاء الي همه اخوتي او ناسي اني اعتب عليهم لان احنه محتاجين نسئل او نعرف على كولشي مثل ما تعرفون امريكا بلد كبير جدا او كل عضو راح لولايه فا من المستحيل باقي الاعضاء يكدر يعرف شكو ماكو باقي الولايات حتى ما اطول عليكم اريد منكم خدمه طبعا هاي للكل مثل ما تعرفون اي شخص سافر يجي رمز ويه كل ايميل اني اريد من الي سافر او وصل امريكا او ياربي حياه سعيده بحق محمد وال محمد مثلا قبل جدوله السفر شنو جان الرمز من وصله الجدول شنو جان الرمز يعني اريد منكم رموز من قبل الجدوله بئيمل الى ان خلص سافر او وصل بسلامه
اني مقدم اي او ام من بغداد 2009 استلمت الموافقه او جان مشرين على المربع الاول  مخلص كلوشي من .....الى الدوره التثقيفيه اخر ايميل اجاني  الي يسموها امنيه ما قبل السفر بس كفيلي راح على المنظمه قبل شهر تقريبا سئل على اسمي او كيس نمبر كلوله اسمه داخل عدنه بس ينتظر التجيك الامني  شنو هاي ما اعرف ليحد الان لم يتصلو بلكفيل  لا تنسون اخواني الي سافرو او الي مستلمين جدول السفر اذا جان ايميل او اتصال اكيد قبل ميتصلون بيكم جان اكو رمز بلمناسبه اكو كثير اعضاء يكولون هاي الرموز لا تقدم ولا تاخر يا اخي احنه مخسرانين شي خلي نوصل الى نتيجه هي اذا ما بيه معنى كان اختصروهاا بارقام ليش حروف او ليش مره كيس نمبر ابديت او مره status    اخر رمز وصلني هو snk
اسف على الاطاله تحياتي لكل اعضاء عنكاوا او شكر خاص الى اداره المنتدى تقبلو مني كل الاحترام
اخوكم الطير الحر
اخوكم الطير الحر



غير متصل شنايزر

  • مبدع قسم الهجرة
  • عضو مميز جدا
  • *
  • مشاركة: 3413
    • مشاهدة الملف الشخصي
    • البريد الالكتروني
رد: الى اعضاء عنكاو المحترمين
« رد #1 في: 21:19 10/09/2011 »
الله يفرجها عنك اخي

اصبر ..... الله سبحانه وتعالى موجود

والسفر يجي بلحظة انشاء الله

غير متصل شموسه123

  • مبدع قسم الهجرة
  • عضو مميز جدا
  • *
  • مشاركة: 4307
    • مشاهدة الملف الشخصي
رد: الى اعضاء عنكاو المحترمين
« رد #2 في: 21:25 10/09/2011 »
الطير الحر ربي يوفقك حتى اني من 2009 يارب تفرج عليك ويسهل امرك وامرنه
وارجوا من الاخوان مساعده اخونه

غير متصل malak.ali

  • مبدع قسم الهجرة
  • عضو مميز جدا
  • *
  • مشاركة: 2657
  • الجنس: أنثى
  • سبحان الله والحمد لله
    • مشاهدة الملف الشخصي
رد: الى اعضاء عنكاو المحترمين
« رد #3 في: 21:56 10/09/2011 »
يارب تفرج علينا كلنا امين ربي

ونرجع لبلدنا شايلين الجواز الاميركي ونتعيقل بي هههههههههههه


اللهــــم صـــلٍ عـلى محمــــــــــد وآل محمـــــــــد ....


يا آل بيــت رسـول الله حبكـم *** فرض من الله في القرآن أنزله
يكفيكم من عظيم الفخر أنكـم *** من لم يصـــل عليكم لا صلاة له

**************

إن كان رفضــاً حب آل محمـــدٍ .... فليــشهد الثقلان أني رافضـــــــــــــــــــ

غير متصل ابو هنودة

  • عضو فعال جدا
  • ***
  • مشاركة: 666
    • مشاهدة الملف الشخصي
رد: الى اعضاء عنكاو المحترمين
« رد #4 في: 14:21 11/09/2011 »
الاخ احمد السلام عليكم
يمكن اختلف وياك من ناحية وجهة نظرك حول الذين سافروا وخلصت مهمتهم او الذين اختفوا من على الساحة، لا استطيع ان اقول جميعهم بل اغلبهم ما زال متواجدا ً بيننا ويدخل على المنتدى يوميا ً ويطلع على ما يكتب وينشر ولكن لا يشارك والسبب هو ان هناك اعضاء موجودين بالمنتدى مهمتهم اثارة المشاكل والتجاوز على الاعضاء ، احد الاخوة نشر مقالا عن مشاهداته في سانديكو / كاليفورنيا فتم التهجم عليه واتهم بالكذب والتضليل مستندين على اقوال عضو اخر نشر ردا من ميشكن وهم لا يعلمون ان في نفس الولاية منظمتين لا يتشابهان في المساعدات فما بالك في ولايتين وكل ولاية لها قوانينها ، كثير من اعضاء منتدانا حاربوا الاخوة ابو قمر وغسان الاشقر على سبيل المثال لأنهم كتبوا موضوعات تنير الطريق للاخوة العراقيين عند وصولهم هناك ، مواضيع لا علاقة لها بالدين ولا بالطائفية او العنصرية ، كيف تشتري سيارة كيف تحصل على اجازة سوق كيف تحافظ على سمعتك المصرفية في تسديد فواتيرك كيف تتعلم اللغة كيف تدرس كيف تدخل الجامعة كيف تعمل ما الفائدة من تسديد الضرائب على مدخولاتك وغيرها الكثير ما المضرة في ذلك لكي يتم تكذيبهم والتجاوز عليهم والغاء مقالاتهم نتيجة للمشاكل التي خلقها اعضاء لا يستحق ان يكونوا من صنف البشر .
على سبيل المثال وليس الحصر اين اخونا علي امون مراسلنا في مطار عمان ولمذا اختفى هل سأل احدنا نفسه هذا السؤال ؟ الجواب لأنه سمع ردودا ً غير لائقة على صفحات المنتدى وكذلك اخونا ابو ايمن في مطار بغداد دخل احد الاعضاء وكال ابو ايمن ما يعرف كلشي وما ألة اي علاقة بالمطار والسفر يومية وكل يوم 20 - 25 مسفر يعني بالشهر 750 بس من بغداد والاعضاء تصيح ماكو سفر وهسة صار سفر وتبين ان الملكية الاردنية تشتغل بس على اللاجئين واحنا ما ندري وطلع واحد من صفحة ثانية كال راح للمطار وتعرف على صاحب عبود وهذا اختصاصة لاجئين عراقيين من بغداد يومية يسفر يمكن بس 40 ما ادري 50 وعبود ما ادري كم واحد يسفر ومن تجي تحسب يطلع عمان وبغداد تسفر اكثر من 2000 بالشهر وفوك القهر يتهجمون عى الذين يذكرون الحقيقة والاخوة لأنهم اولاد اصل ومتربين وما عندهم استعداد ان ينزلوا الى مستواهم يطبقوا المثل القائل ( الباب اللي تجيك منه الريح سدة واستريح وأتفرج من ورة جام الشباك ).
اعتقد صار واضح ليش كثير من الاخوة اختفوا من الساحة لا مسألة الظروف ولا مسألة الوقت المسألة مسألة كرامة وأخلاق.

غير متصل Abdullah2006

  • مبدع قسم الهجرة
  • عضو مميز
  • *
  • مشاركة: 1986
  • الجنس: ذكر
  • تعبنا من انتظار العيد
    • مشاهدة الملف الشخصي
رد: الى اعضاء عنكاو المحترمين
« رد #5 في: 16:52 11/09/2011 »
يارب تفرج علينا كلنا امين ربي

ونرجع لبلدنا شايلين الجواز الاميركي ونتعيقل بي هههههههههههه
هههههههههههههههه ومضه مال نتعيقل بيه
دخلي نسافر اول




Send the data and get IZ-128 at may2011
First interview 6 June 2012
Medical test 29 Jul 2012
Second interview 13 Aug 2012
Sponsor contact 1 Oct 2012
Deferral Letter 17 Oct 2012
Security Check Completed 10 July 2013
Arrive to US at 24 Jul 2013