يمه عسى مازعجتك اليوم يمه
احس في صدري عذااب وحريقه
يضمني حزني وانا حييل اضمه
كنه ضناي وشوفته شوف ضيقه
يمه وانا بنتك وإذا قلت يمه
شوفي لهمي والمواجع طريقه
ضميني لصدرك ثماانين ضمه
ضمة عشيق مفارقن عن عشيقه
وكأنك سألتي خاطري ويش همه
بعلمك وأبي جواب الحقيقه
ليه؟؟؟الزمان اليوم ماافيه ذمه
وليه؟؟أطعون أبظهري عميقه
وليه؟؟؟الولد يبووق في بنت عمه
وليه؟؟الرفيق يخون عشرة رفيقه
وليه؟؟؟انّخدع في ناس كاانت مهمه
ويوم أكتشفها وهمّ مااله حقيقه
وليه؟؟؟الذي وقت الرخا كاان قمه
ووقت الشداايد مالقينا طريقه
وليه؟؟؟ الحسدّ يمي من عيون عمه
وليه؟؟الخطااالوقلت كلمه رقيقه
اازيد يمه وإلأ كااافي مغمه
اشوف عينك من هماها غريقه
يمه دخيييلك آسفه آآآآآآه يمه
كني جرحتك وانتِ أغلي صديقه
يا يمه جيت ابسأل ليه انا حظي مجافيني
اشوف الناس ملتمه وانا ما بين حسراتي
اشوف افراح من حولي اسلم ما تحييني
اناديها وانا خجلان الزم في تحياتي
احاكيها يافرحه وين؟ حلفت انك تزوريني
اشد بحكي ثم ارخي اداعبها بهمساتي
ولا به فايده يمه برغبتها تمشيني
تواعد ثم تخلفني او انها تنسى اوقاتي؟
انا اذكْردعوتك لله ... طلبك انه يخليني
طلبك انه بيرزقني و يوفقني في بداياتي
تعلمت الدعاء منك وصارت عادةٍ فيني
اذا نامت عيون الخلق اوجه لربي دعواتي
رجيت بصوت كله خوف متأمل بيعطيني
لاجل ما افرّحك يمه رجيت وزدت رجواتي
هقيت ان دنيتي تصدق بدعواتي وتوفيني
صبرت بحروة امالي وحروة كل هقواتي
وجت للخلق ذا كله ولكن ازرت تجيني
وقلت اكيد هي خيره حمدت الله لحالاتي
كتمت الاه لا تطلع ولا ودي تشوفيني
ما ودي يتعبك نوحي ولا تشقيك شهقاتي
تجرعت الالم يمه شربته بأول سنيني
وجيتك ما بغيت انك تحسي مر لوعاتي
اضّحك هم دمعاتي واطمن خوف يحويني
واجر بصوتي العالي لاجل عينيك ضحكاتي
واذا صديت عن وجهك اسلم امري لعيني
تجيني مثل جلادٍ يروق ان شاف دمعاتي
اجملها بذكر الله واقول الله بيجزيني
اهدّي نفسي اطلبها تجملها ببسماتي
ولكن لو نجي للجد ترى كذبي مأذيني
ما عاد استحمل العيشه بتزيفي لفرحاتي
انا هلكان يا يمه انا تعبان ضميني
انا كل ليله اتوفى وارد احيا لصرعاتي
ذبحني البرد يايمه بغيتك لو تدفيني
طلبتك انزعي بردٍ سكن واستوطن بذاتي
ضلوعي تزاحمت يمه بصدرٍ ما يكفيني
من الضيقه من همومي من الامي واهاتي
يلاعب فكري جنون و تلاعبني شياطيني
توريني ضعف حالي ... تذّكرني بمعاناتي
تشككني بحبك لي واقول انك تحبيني
تعاند حبك بقلبي تكذب لي حكاياتي
ترى ما هزني خوفي وحبك لي بيحميني
ترى ما عمري اشكك والومك في نهاياتي
انا بس باسالك يمه حقيقه ليه ولدتيني؟؟؟
بنفس اللحظه يا يمه ولدتي ليه وناتي ؟؟؟
ارد ادعي انا ربي من العله يشافيني
وكل خوفي على قلبك اذا مروك برفاتي
انا خايف من احلامٍ نهايتها بتشقيني
ومن قسوة مشاويري ومن اخر مسافاتي
وخايف والله من قبري ومن تربه تغطيني
وسيره تنقطع بعدي ما يبقى غير كلماتي
ابيكي ترضي بالقسمه ورضوانك بيرضيني
تراني لاجلك اتمنى يحقق ربي رغباتي
يا يمه لا اشوف الهم بوجهك لا تبّكيني
ترى مكتوبه قبل اولد متى ولوين خطواتي
واذا ما جت على كيفي ابيكي منها تعفيني
ابي ترحمني دموعك وتشفع عندك ابياتي
يمه لا تذكرين للناس طاري عـن بكـايـا
ولا تـشتكين للنـاس صـمتـي ولـياليـه
يـمه لـو تعرفـين اللي بقلـبي وشقـايـا
كان عذرتـي القلـب والـحزن طـاويـه
يمه تعبت والسـبب اللي سمـيته هـوايـا
صـد وباح صـوتي "يا عمـري" اناديـه
شفتيه يمه صد عنـي واتجـاهل رجـايـا
مشى وانا اللي انـاظر بحسـرة خـطاويه
شفتيه يمه راح عـني واتـجاهل نـدايـا
وانا اللي مـن صـميم القلـب هـاويـه
رويتـه بحبي ومـا بخــلـت بـعـطايــا
حتى روحي اللي طلــبها جــت تلـبيــه
يمه كنت اسميه "روحي.. حياتي وغلايـا"
كان لو يطلبني للعذاب اخاويه.. اخاويـه
يمه حفرت اسمه بقلبي وحرفه بالخلايـا
كان اذا يحزن اضمه لصـدري واداويـه
اذكر اسمه بحلمي بس ما يسـمع نـدايا
يمه الصمت عذاب وما تهـمني بـلاويه
ما يهمني غير شخص سمـاني "منايـا"
تهت بعده في عـالم الـحزن وأراضـيه
واطلبه كان يسمعني ويسـمـع رجايـا
ارجع ياللي "عشقه" بقلبي محد يساويـه
ارجع لقلب يحبك ويناديك يا "هـنايـا"
قلب بعدك قلّت ضحكـتـه وحكاويـه
يمه يا يمه اسمعيني..
.ودي احكيلك همومي..
بس لو مره افهميني.
.يمه من غيرك بيفهم.
.حزني الساكن بعيني.
.بس قبله اوعديني
..يمه انك تعذريني
..يمه ودي احضنـك وابكــي سنيني..
وانسى جرح خافي بصدري دفيني..
اجرحينــي عاتبينــي..بس لحظــة..اسمعيني..
يمه من غيرك بيفهم حزني الساكن بعيني..
يمه ليه هم اظلموني..
في هوايه ما انصفوني..كم انا اعطيت لكن..
لا وفوا ولا قدروني.
.يمه ليه هم عشموني..وفي النهايه يتركوني..
طيبتي مع حسن ظني..هم سبب همي وظنوني..
يمه جرح اليوم يكبر..يوم هم حيل اظلموني..
اجرحيني..عاتبيني..بس لحظه..افهميني.
.يمه ليه..!!
ليه...
ليه ...
ليه ...
يمه ليــه انتــي زرعتــي طيبــة العالــم بعينــي؟!!
