صح اليغيب هواي يتسمه مفقود *** بس انت مهما تغيب بلكلب موجود
منك يبعد الروح مدري شلفاني *** اشرب نفط ضليت حسبالي راني
واكف على بابك أنتظر بوسه *** خايف كلشي يصير وتنكلب هوسه
شماتي مو شمات شماتي سبعة *** والثامن صغيرون ياشر بااصبعة*
شماتي مو شمات شماتي اجرام *** حتى الكلب بلليل مايرضى ينام
الخوش موش هدوم تعتك واذبهه\ *** الخوه مثل الماي واجب شربهه
انت وتريد تصير بوصلك شحيح *** يل جنت نص الليل توكفلي وتصيح
الجنت مسعد بيه ذاكه الوكت فات *** طحت بزمان البيه سهلاته كلفات
الدنيا للتهوا تركصله جوبي *** واني الفكر يا ناس شكالي ثوبي
لو مو مية عمري يصير كون بعمر نوح *** صدكني ماانساك يالساكن الروح
مجنون كلمن ما يحب والماتحب مجنونة *** والدنية بلية عشك تصبح جثة بكبر مدفونة
الخوه موش افلوس الخوه خوه *** لو تطلب العينين تا خذه كوه
اجمل صباح اليوم وبعمري بس هاي *** شلت الغطه وفزيت لن عني بهواي
موقصدي اني انساك ولاقصدي اغيضك *** تتهمني انته اشلون حاسب ضميرك
ماهمني حجي الناس ماهمني الحجار *** بس وردة المحبوب بيه اشعلت نار
كلش كرهة الروح كمت احسد المات *** اتورجوا عالحال اهواي شمات
افرض ولو مليت من عشرتي وياك *** دور صديق يطيح مثلي عالبلواك
لاجرح لاجرحين لاهنه ميه *** شما اضمد اللجمات تبقه الاذيه
طحت وصرت بجفاك مابين الثنين *** ونت كلب محتام ومكاطر العين
ونه اعله ونه اعليك كضيته عمري *** عنك يظل لاوين مبعدني دهري
خلصت عمري وياك ها باجر يعود *** تالها جف الغير يلعب بالجععود
تحجيلي عالشمات شماتي كومه *** نصهم كلاهه الجوع نصهم حكومه
مو صدفه كل الصار لا.. مسرحيه *** مثلوا علينه هواي واحنه الضحيه
ظل كلبي شعرة عليك ومعرضة لريح *** لوما تمرنة اليوم يكطعهة ويطيح
كل فركة صعبة تصير ونساهة وتهون *** بس فركتك تيزاب صارت بالعيون
حسن وجمال وطيب ربج جمع بيج *** ولو مو كفر با الدين قران اسميج
بيه وكلت بالريش سهمك فلاهم *** لاجن شكل للناس لو شافو الدم
الحمزه هذا عليج واحنه بمسيه *** كلبج يرف للغير لو بس اليه
ميت والمغسلات موش امهاته *** يتنادسن بسكوت يبجن شماته
حلوه وحلكها صغير وما تعرف تبوس *** بين الرمش والعين خلتني محبوس
ما مش بعد خوان كف الحجي وكوم *** يوم الطحت عريان شحوا بالهدوم
كلبك بعد بي بت عمي انت احوال *** انة كطعها شلع ومردلي الطحال
ال بلنفاها اركاب ضحوا اليه *** بضيجي وي عداي هدوا عليه
وكت النفاها هواي ربعي من اعدهم *** يصبح بوكت الضيج ثعلب اسدهم
كلش بسيطه وحيل سهله السياسه *** لليخمط اللغاف الفاقد احساسه
لا والله مو تعلوم الخوه نوماس *** هنياله ابوالسجاد بخوة العباس
حبيبي من اموت ما اريدك تسوي شيء *** بس لو تقرة الفاتحة ترد روحي تمشي
لو تدري بيه إشصار يابن الحموله *** كل لحظه أفكر بيك صارتلي سوله
بس اني حظي وياي جزاني الحدود *** بالدين اوفي الدين واداين اردود
اشرب حليب سباع بس ماكو جارة *** لو بيرة بنعناع ويا الجكارة ... بقلمي
شماتي موشمات شماتي شمات *** بالكبر ويصيحون دل بعده لو مات
تدري انت مثل الماي بالنسبة الية *** تكتلني لو لحظات تكطع علية
كالو تشوف احباب من ترف عينك *** رفت عليك الروح بس انت وينك
الخوة مو تعلوم الخوة نوماس *** والغيرة ما تنباع مزروعة بالراس
كلبي يدك بساع وبيدك لزمتة *** خايب دعصرة حيل خلي يشوف علتة
صاير طبع بالناس تنسة اليبعدون *** بس انة ما انساك لوتعمة العيون
الحل بسيط هوآي بيدي انه خطه *** اشنقهم آنه بيوم لو عندي سلطـه
تسلم يخويه وكون دايم شبابك *** وريت الفرح خطآر متعني بابك
مو سهلة انسى الصار مو سهلة انساك *** عندي البشر انواع وانت اغلى الانواع
تكدر تعد خطوات مشاية الحسين *** هيج انة اموت اعليك واضربهة باثنين
أهلا وسهلا بيك واكثر بالوياك *** الكَلب قبل العين فز وتلكَاك
الدنيا للتهواه تركَص إمفرعة *** وآنه تجيني بموس وتكَلي إبلعه
شماتي مو شمات شماتي ورطه *** نصهم أمن وإجرام والباقي شرطه د
شماتي مو شمات شماتي سبعه *** والثامن صغيرون يأشر بصبعه
مو هينة انسة الراح اتجاوز الصار *** ليهسة كلبي يذوب متلهبة بي نار
لو ترش مو تيزاب لو تزرع الغام *** اللحم خله ايروح اوصلك عظام
للخوة ما خليت بس انت عنوان *** تدريني اخاوي صكور ما خاوي غربان
حسبالي صعبه هواي محتاجه لدروس *** ثاري السياسه يبوگ ويضم بالفلوس
زين انتي عندج عين وتناطر احباب *** فگدت نضره العين من لحظه الغاب
يوم اليمر بجفاك ينعد بالف يـــــوم *** لو طلقه احط بالراس هم احد يلوم
لو نمتحن بالشوگ ومواصل الخل *** چا گلبي بالتسعين طلـــــــــع معدل
زين انته عندك روح ثاري انته بطران *** جثه آنه ثق بجفاك ما صحلي دفان
احبك حيل كلش حيل خلي الما سمع يسمع *** ايكولون القناعه اكنوز ليش ابحبي ما تقنع
الدنيه شوف اشلون تفتر يهالناس *** ابتعد عني الجان ابين الانفاس
تدري شوكت انساك واكطع الخوه *** لو شفت يوم العين حاجبهه جوه
سهم الهجر جتال يالفاركتني *** شكلك ضميرك يوم ميت عفتني
بس جلمه عندي وياج يادار الاحباب *** مني السبب لو بيج يو حبه جذاب
الله يدار هواي محلاها هالدار *** يوم العليه مريت كلبي اشتعل نار
فر فرت العصفور عمري من اديه *** ولا جنهن اتلاثين مرن عليه
شمات مو شمات شماتي اشرار *** فوك الكبر ويصيح ياربي
يسئلني يلبطران ليش راسك اكرع *** مايدري علمحبوب كلبي تشلع
كل ساعه مو كل يوم منتظرك اني *** والشوفتك يهواي احسب ثواني
راح انا ارد عليج مريومه عيني *** شايب ورد اصغير لمن تجيني
يسالني البطران اعربلي كان *** حسبالة مثل العام عقلي بمكانة
كل يوم اكول اليوم هلبت يجيني *** ياناس اريد هواي مشتاكه عيني
حايط صرت ياحيف انصيص اني *** مني السبب جي دوم امسلم اذاني
جر سمجة من الماي وباوع عليها *** هيجي اني روحي اتصير من ماتجيها
هاك إخذ كلبي بساع يابن الحموله *** ولو رايد خذها الروح لجلك عموله
دار الزمن بالروح وانتركت الاااااه *** رد بسهم جتال بكليبي خلااااااااااه
تحياتي الكم
