منتدى الهجرة واللجوء > اجتماعيات (ترحيب، تهاني و تعازي منتدى الهجرة)

ادعولي امانة الله عليكم

(1/5) > >>

احمد الوائلي:
  بسم الله الرحمن الرحيم
 
 
بعد وصلي الي مدينة اوهايو يوم 24  شهر  الثامن  احجي اول قصة  اول يوم الحنين الي الاهل وخصوصا  الوالدة الي  ممفركهه  ثانية وحدة  بحياتي  اول عشرة  ايام  بجي ودموع وقهر وحزن شديد بعدين  كالوا  اهلي  احنا منريدك  دير بالك ترجع  ترا نشمر  غراضك بالشارع بس تجي واحنا اهلك  حته الجنسيه حركناها مالتك  وكدامي بالكامرة حركو الجنسية وكالو منريدك انتي كبل كلت اهلي  شبيهم سالمين خو ماكو شي طلعت الشغلة ردة فعل من اهلي  علمود لافكر ارجع 
2 ودوني طلعت السوشل  سكيورتي وطلع وراها دزو فود ستامب  بي مئيتين دولار  وراها دزوا الكاش هم ميتين دولار  بعدين رحت امتحنت مال  السياقة تامبيري اخذت الرخصة الموقته بعدين قدمت علي اكثر من 10  شغلات مختلفة ها كلها اونلاين  طبعا بعد محد مامخابر من الشغلات العسرة وانشاء  الله  بشاير الخير توصل اسبوع الخ واشتريت سيارة  ب28 ورقة  بعدين كلت غالي بعتها واشتري  وحدة  بست ورقات وتعلمت  شوية   سياقة بس متت من الخوف من طلعت بالشارع   والله كريم  وانشاء الله بحق محمد وال محمد  يتفرج همكم كلكم واتسافرون   يالـــــلة   ياللة       ياللة

sparky:


الله ييسر امورك ويفرجها عليك وعلينا وعلى كل العراقيين ....اللهم اميـــــــــــن بالدنيا والاخره
واسال الله سبحانه وتعالى ان يقسم لكم ولنا وللعراقيين جميعـــــــــــــــــــــا كل الخير والامن والامان وان يستر على اهلك ويحفظلك والديك ويطول بعمر العايش منهم ويدخل الجنه من وافاه الاجل باذن الواحد الاحد

امير البغدادي:
تحيه طيبه اخوي العزيز والله يفتحه ابوجهك بجاه النبي محمد وبالتوفيق يارب

اسمر زيونة:
  اول ايام قد تكون صعبه اخوية ..وشوية شوية راح اتكون عراب اوهايو انشاءلله
 بس احجينا تفاصيل ونوع السيارات واسعارها وباقي التفاصيل الي أخوتك القراء المتلهفين لسماعها
 وثانياً...هاي شلون سيارة ب6ورقات ؟؟؟؟؟
 تقبل تمنياتي لك بالنجاح

ابن الكاظمية:
انشاء الله كل التوفيق الك بحق محمد واله محمد

اتشوف كل الخير

تصفح

[0] فهرس الرسائل

[#] الصفحة التالية

الذهاب الى النسخة الكاملة