اخوان اني ليش محضور من استخدام المنتدى ؟؟؟؟

[ROCK]

الاخوان الاداريين ..

ارجو ايضاح سبب حضر حسابي داخل المنتدى ؟؟ علما انه لم يبدر مني ما يسئ لاي من الاعضاء او اي رد خارج عن نطاق الادب او محاولة نشر اي موقع غير مرغوب بيه ؟؟؟


ارجو الايضاح .. وللمعلومات اني شغلتي بناء انظمة شبكات ومن الممكن تجاوز هذا الحضر وبسهولة - مثل ما دا اكتب حاليا علما اني محضور - لكن لا ارغب باستخدام وسائل ملتوية للحصول حق مسلوب ؟؟

تحياتي للجميع

[برنسيسة]

اخي اني هم نفس الحالة صارت بيه اليوم
اول مافتت للمنتدى لكيت عبارة انت محظور من ارسال الرسائل وكتابة المواضيع
حاولت ان اسجل بغير اسم حتى اطلب من الادارة ان يلغون الحظر مالتي وما صار التسجيل ما اعرف شنو الخلل
علما اني هم مثلك ماسويت شي ولا حجيت اي شي غلط
لكن وراها بساعات رجع حسابي يشتغل بدون مشكلة

احتمال انه خلل؟؟

[gheed ... جـهــيـــــــد]

لا تخافون اخوان هاي اكو جماعات منشقه و ديلاحقوهم وان شاء الله يوكعون بقبضه الاداره
جماعه رايدين يسوون ثوره ضد الاداره ماادري شلون ,,,
فاكو انذار -ج- بالاداره

لاتخافون ماكو شي


 

[Deltaforce]

تحية طيبة للجميع في هذا المنتدى الرائع



لاحظت البعض يشكو من مشكلة حظرة من المنتدى و أنة لا يستطيع المشاركة و أرسال الرسائل و أحب أكول أن هذة المشكلة قد واجهتني من قبل و لم يكن الحظر سببها و أنما خطأ يحدث في الحاسبة

أذا واجهتك هذة المشكلة رجاءا جرب أن تعيد تشغيل الجهاز و حاول مرة أخرى الدخول الى المنتدى سترى أن المشكلة أختفت و أحب اكرر أن لا يوجد حظر بدون سبب و انما هذه المشكلة تحدث أحيانا و طريقة حلها كما ذكرت سابقا

و أحب أحيي الاداريين في هذا المنتدى على تعاونهم الكبير و أسلوبهم اللطيف معنا كأعضاء و رجاءا تقبلوا أسفي على أني طرحت هذا الموضوع اللي ما الة علاقة بالهجرة و الاجئين بس حبيت أفيد الاعضاء هنا

فرجاءا قبل أن تكول أنحظرت بلا سبب حاول هاي الطريقة .


أرجو حذف هذا الموضوع بعد أطلاع الاعضاء علية أن أمكن و تقبلوا أعتذاري مرة ثانية
ولكم مني الاحترام و التقدير

أخوكم
دلتا.

[Deltaforce]

هذا الحل للمشكلة

http://www.ankawa.com/forum/index.php/topic,538868.0.html

[أبوعبدآلله]

أخ كبير أنت يا Deltaforce وشكرا على التوضيح للأخوان 

[amaar18]

  والله آني هم نفس الشي وتكررت هذي الحاله معي خمسة مرات في كل مره يستمر الحظر لعدة دقائق عدا آخر مرة استمر لساعات انشاء الله يكون خطا غير مقصود

تحياتي لجميع اعظاء المنتدى

  ام عمار

[ROCK]

شكرا اخ دلتا ..

الظاهر المشكلة تقنية .. بس من تحدث معاك اول مرة .. وتقره انه انته محضور من استخدام المنتدى .. ينتابك احساس بالغبن ..


تحياتي ..

[nuhra]

اخوتي الاعزاء

المشكلة انه في العراق يشترك المئات من الاشخاص بنفس منظومة الانترنت وعندما نقوم بطرد المسيئين عن طريق الاي بي  يتاثر عدد من الاعضاء الغير متجاوزين ايضا لانهم مشتركين بنفس الاي بي من خلال المنظومات

و نعتذر عن ذلك ولو السبب خارج عن ارادتنا

[Deltaforce]

شكرا اخ دلتا ..

الظاهر المشكلة تقنية .. بس من تحدث معاك اول مرة .. وتقره انه انته محضور من استخدام المنتدى .. ينتابك احساس بالغبن ..


تحياتي ..

العفو أخي أني مسويت شي يذكر

تحياتي للجميع

و ماكو أي غبن بهالمنتدى الرائع