الـــــــدارميــــــــــــــــات
بعيني هاي وهاي وبكلبي اخليك <> واكتب خطر ممنوع محد يمر بيك
موبيدي من أشتاك لازم أشوفك <> تدري انتة كلش زين صعبة من اعوفك
كلمااكول انساك ارجع وحبك <> مثل الزرع والماي كلبي ويه كلبك
وشلون اگلک زين وکاتلني فرگاک <> عگبک الحال البي مايعجب عداک
ال ما تريده الروح قشمرته بلوه <> مثل ال يزيح الماي گوه اعلى علوه
حبله وتريد تجيب دنيانه شتجيب <> لو نذل لو بذات لو ناكر الطيب
لو ردت عني تروح خليلي صبرين <> واحد يصبر الروح والثاني للعين
محتاجه عيني تشوف شخصك يمرها <> تسئالني هيه عليك حاير شگلها
كــون التريدة الروح كل لحظة يمك <> لو تنگلب دنياك ما ظن يهمك
آنه الك موش اعليك اول وتالي <> ومايرخص شما صار الغالي غالي
ابني انه فوك الطين واتحدى ماطيح <> مو من رمل ويطيح ساسي انه تسليح
نبته وغصن مكسور وبشحة الماي <> هذا انه حالي وياك من تكطع وياي
حبتك هاي الروح ماتحب غيرك <> اتمنه يمي اتصير واشتم عبيرك
قسمه وقدر مكتوب انه هويتك <> بعت العمر بتراب لمن شريتك
اتباها من اتفوت واصرخ بأسمك <> مايمشي فوك الكاع عالكلب جدمك
ردتك حقيقه اتصير ماتمر ذكره <> ومن حسنك الفتان تستحي العذره
مشيتك مشية ريم بيك انه هايم <> تهده يبعد الروح وارحم الوادم
صحبتنا ماتفترك مثل الجرف والماي <> وبطبعك انت اصبحت مد وجزر وياي
ماابيعك انا برخص ولصحبتك شراي <> هم انت مره سمعت بالجرف عاف الماي
كلمن يكول انساك ينهجم بيتة <> ويضحك عليك الكال اسمك نسيتة
لاتظن غيرك يوم واحد عشكته <> ولو يوم أحب أثنين هم انته وانته
لاتضن حي ونساك ونسه الليالي <> أتصافح ويل موت ونته علبالي
كمت انه أقنع الروح وتصدج أبساع <> اتسودنت بجفاك من يوم?الوداع
صارت غشيمه الروح موش اعله هدكم <> تحسب قهر وجروح كامت بعدكم
خوتنه انه وياك كلش طويله <> وادري الحمل لو طاح انته التشيله
تكدر عساك اتشيل احمول ألأثكال <> وذراعك انه وصيح تلكاني خيال
الصبر مر اتكول يمدلل اشلون <> شوفك كحل للعين وصبي للعيون
لا تظن يوم انساك وانسه الجرالي <> جثه انه بل التابوت وانته اعله بالي
ندهتني تالي الليل نتحاسب الروح <> تاليها ما عديت مية امن الجروح
ما صدكت ياحيف روحي ابهذني <> كالتلي جم اصواب ظميته عني
اصبر وشد الجروح وأنزف فلا اطيح <> حتى الوطن ليضيع وي عاصف الريح
ارد اكعد انه وياك ونصفي الحساب <> لو هيه فركة موت لو نرجع احباب
كلمااريد انساك تاخذني سكته <> ميهمني حجي الناس المهم انته
البصرة و بلياك ماتسو كلشي <> تضوي بسواد الليل من بيه تمشي
ياخوية شنهي الصار شنهي القضية <> كلما ادك عليك مترد علية
ليلي يمر سهران أتمنه ملگاك <> ومعارك ويه الروح ما ترضه تنساك
تستاهل اتعناك لهلك واحييك <> يالبيك اشيل الراس دوم افتخر بيك
ناوي السفر يفلان تاركني المن <> وعيوني من فركاك صدكني يعمن
هذا الوكت دولاب يفتر ولا يدوم <> گضيت العمر وياك بس احسب هموم
حاولت ادز الروح شو روحي بيدك <> ودمي تركني وراح يمشي بوريدك
حبك يبعد الروح سور أبطن سور <> هم قفل هم كيلون هم حارس يدور
يلشعرك طويل هواي نازل علمتون <> يوميه امرن بيك يمته تمرون
ضاگت علينه شلون دنيانه ضاگت <> ضيم وقهر وهموم والروح شابت
انهجم بيت الوكت هاطوله بجفاك <> شو يمر مثل الطيف من اگعد وياك
صح انته عني بعيد من تحسب امتار <> بس انته وسط الروح مبنيه الك دار
اتمني اصير اعيون وابجي على خدك <> تدريني اموت اعليك كلشي ولابعدك?
من كثر مامشتاك ذكرك على البال <> بنص كلبي الك ياصاح راح ابني تمثال?
أهلا وسهلا بيك اهلا وسهلا <> وگبل السلام اعليك دمعاتي هلا
لابيك جيه اوتجي اولابيه انه انساك <> ضليت بس بلحلم نتلاگه انه اوياك?
اهلا وسهلا بيك انته وسلامك <> وتسوه اثنعش مليون نكلت اجدامك?
مجنون بيك اعترف وبروحي?ضميتك <> ومن دون كل البشر بس انته?حبيتك
?يل بالكلب طبيت حيل اسحك اسحك <> اردح على السباح والله انته?ابو الحك
ردتك تجيني اليوم وبعيني اشوفك <> وشلون اصبر الروح من كتلي?اعوفك
صح من انام اليل واتغمض العيون <> بس الكلب والروح بيكم يفكرون
لــ تمشي ــو امشي وياك لــ تبقـى ــو وياي <> الزرع شلــــون يعيش لــ فارك ـو الماي
رحت انه للدكتور شاورني بسكوت <> لو ولفك يداويك لو باجر اتموت
بالكلب شبت نار طفيها يهواي <> بالوصل تطفه بساع ماتطفه بالماي
يل عاينت بهداي كطعت البتوت <> سنح دليلي وطاح ترمش تموت
بلدمع غركانات ابقن يلعيون <> الفارك الخلان يتبسم اشلون
هاك اخذ گلبي وياك يلماشي لهواي <> گله انزرف بجفاك وابوصلك ادواي
هاك الكلب يفلان اخذه برساله <> مكعدني نص الليل يشكيلي حاله
صدكني ماانساك صدكني احبك <> دورني شوف البيك تلكاني كلبك
ابروحي ماهميت وبشخصك?اهتم <> انته الكلب والروح ومحرك الدم
بعيوني دمعه اتصير من يجبل اهواي <> والدمع دم يصير بخدودي موماي
بالسنه اعياد اثنين اسمع يكولون <> وكل ضحكه منك عيد ياحلو العيون
لاتضن عيني اتنام ماطولك ابعيد <> بس الك هزني الشوك غيرك فلا اريد
يلي نويت الهجر هلكد صلب ثاريك <> ماكلت المن يظل كلبي التولع بيك
رايدني اشد الحيل من صارالوداع <> جاغير اشيل الكاع والزكها بالكاع
عت وآنه أعت بالروح بلجي الله وتهيد <> ذبحتني من فركاك ما غيرك اتريد
جزعته مني وداخ دكتور الكلوب <> ونطاني وصفه اتكول من العشك توب
يامن كلت وفاي دوم آنه للدين <> منك صرت مطلوب يلتحجي وجهين
ناس اشكثر بالضيج وكفولي عسكر <> ولمن لفاني الضيم ماي وتبخر
راس انا اظل مرفوع ومعاند البين <> اتعنه للطيبات ما نكرب الشين
هاك اخذ هاي الروح وازرعها سكته <> لو خضرت فد يوم اتخضر انته
لو للكلب السان طك وحجالك <> وسمك على الشريان دكه وجالك
اغفه واريدانساك احلم وذكرك <> حتى بحلات النوم حيرني أمرك
افترك انه وياك بس بالهياكل <> صدگني روحي وياك تشرب وتاكل
حبك يبعد الروح علمني العناد¤ <> حاولت انه انساك صدگني مافاد
دم ألقلب بجفاك فاض من ألعيون <> موحب طبيعي أهواك بيك أني?مجنون
فدوة انه اروح هواي لعيونك السود <> الكمر صح إيغيب بس انته موجود
معذورة روحي تموت ماتحمل فراك <> اشتاك الك كل يوم هم مثلي تشتاك
نكبر ويغزي الشيب لحيتنه والراس <> والعله مو بالفوق العله بالساس
يل ملتهي بدنياك لاتنسه روحك <> غير الجفن ياصاح منها اشيلوحك
انت احلى كل الناس ياهو الاحلى منك <> حتى الجمال اليوم يسألني عنك
عمي انعم الله عليك..جنك عفتني <> مو هاي الك ايام ماخابرتني
من الصبح كل يوم يندهني طرواك <> واتمنى يمي اتصير واتريك وياك
صعبه آنه اشوفك يوم تمشي ويه غيري <> بعد المعزه ايصير هذا مصيري
يمكن نسيت الشوك يمكن عفتني <> موانت عالهجران ماعودتني
شفتك اجيت اليوم والدمعه طاحت <> ومن رحت عني ابعيد جن روحي راحت
تحرك ونار وياك طعم الشفايف <> حاير بعد شيصير بوس الشفايف
ناديت الك بالصوت يل انت شاعر <> شعرك اريده ورود فوك الدفاتر
كلش اغار عليك وبلايه ملحه <> وماي التشربه اشفاك لوبيدي اذبحه
حبك عشك مجنون بعثر كياني <> كد ما أفكر بيك صرت انته آني
حاير واصافح بيك ماصافحتني <> نعم الله جفك لاح من شيعتني
يالماتجيني بطيف ردتك تجيني <> موكمت افز بالليل ماألكه عيني
يالرايد اتعناك والله انت مجنون <> اصمد واصبر الروح لوتعمه العيون
ناعم وأبد مابيك شعرة خيانه <> نتعارك ويه هواك انا ويه انه
بلحلم شفتك طيف جذبت العيون <> نايم وافكر بيك من اكعد شلون
هاك الكلب والعين تبقالي بس عين <> لو هم بعدتعتازأقسمهه نصين
اشكثر شايف ناس وشكثر خاويت <> طر والله بالدلال بس انته?خليت
هم دهري هم دنياي هم الليالي <> نوبه ابجي عالاحباب نوبه اعله حالي
روحك تضوك الموت ماتبقى حي دوم <> بالكبر لو طبيت ميفيدك اللوم
الدنيا بس وياي ممشاها مكلوب <> وصبر الصبرته عليك زاد اعله ايوب
من تبعد اشبع ضيم من تقرب ارتاح <> دنياتي عكبك ليل مابيهه مصباح
شحجي وتريد الناس من عندي أحجي <> دمعتي إبطرف العين بس أحجي أبجي
همــك وهم الناس وهم هم الأيـام <> وفوكــاها هم العين ماتقبل إتنــــــــــــام
متعجب بدنياك بي كًلبك زروف <> شو كًلبي منخل صار بي العمة يشوف
شمالج ييمة وليش جبتيني للضيم <> شو بس علي دنياي تمطر بلا غيم
شما تدوس عليك خلهة الليالي <> موش اول المركاض الفخر تالي
بالك تحس بالموت دوس الثنية <> هم شفت واحد مات كًبل المنية
لو ماكًولن اه تستر علية <> جا شفت تطلع نار حتة مندية
استنضر الله ونام ياكًلبي هووود <> رب اعرش موجود بلكت يعود
اليون تالي الليل كودن على اسباب <> لو دهر موجر بي لو مفارق احباب
وحدي ابنص الليل بس حيرتي أوياي <> أبجي أعلى وقت الراح واتنطر الجاي
بس للصبح متنام خي عونك بهاي <> ليل ونهار هموم متوالفة وياي
خي عونك بدنياك بفراشك تبات <> عندك عكًل لليل واتعدة ساعات
ضلمة وتدور عليك روحي شجاهة <> متولعة بيك سنين خلهة بهواة
خيو وحك عيناك ما غمض جفني <> اسال انجوم الليل كلة تعرفني
جربت كل الناس بالعكًل تجريب <> ياهو التشوفة انسان يطلع طبع ذيب
ارد انشد الدكتور واليعرف بهاي<> ليش ابتوالي الليل اشهك انا هواي
وينه اليصل لهواي يشكيله حالي <> أوجرن حيل وياي ذنـٌي الليـــالي
<><><><><><><><><><><><><>
خابرني باللحظات ..سويلي مسكول <> حتى آنه اعرفك زين بس بيه?مشغول
اشرلي بس مسكول تكفي الاشاره <> خلص رصيدي وياك سويلي جاره
من احجي آنه وياك انسى رصيدي <> ومن كثر ماحاجيك توجعني ايدي
خابرني اترجاك مو روحي ملت <> خلص رصيدي وياك ماظلي بس سنت
نقاله ان سبعين والرنه نجوى <> ومخلي فوك الضيم صورته الحلوه
ليش منريد انساك رأسن تخابر <> لو انت لوتي اهواي له انا شاطر
خطك اثير اتكول ميحصل اشبي <> من الارضي كلماريد آني اتصل بي
خابرت مارديت ليش انت زعلان <> فهمني كلي اشبيك يا أجمل انسان
كارت اشتريلي ابيوم ادريها كلفه <> احسبها بالمنصور تشريلي لفه
طابوكه عندي اليوم وغلافه تعبان <> ونقالك بكل يوم يتغير الوان?
مستعمل النقال وشريته بالدين <> فاتح عيونك ليش قابل دمعتين
لاتندم على الراح بالك تهم بيه <> جرح الكلب بسكوت بيدك تداويه
داوي الجروح البيك من ضحكت اشفاك <> ولاتنقهر عالراح والكدر ينساك
