..((اصدقائي الغالين ))..

[كيتاريست فلامنكو]

يلة حبايبي الغالين هسة احجي بالعامي
شتگولون ..
باجر اني طالع الى بغداد .. ياغالين اي شئ تحتاجون من اهناك خبروني
اليوم اكون اكيد بخدمتكم على اي شئ توصوني .. حتى لو على
دبابة صاروخ مثلآ كيمياوي .. كل شئ موجود بالعراق ..
بابا لتستحون اي شئ تردون اكيد يكون موجود ..  
لا صدوگ اي شئ تحتاجون اليه انا بخدمتكم بنات شباب
سيدات اسياد .. طبعآ دائمآ لمن ادخل بغداد اول يومين يجننآ
فرحان مكيف بوطني سريع كول اكلي بالمطاعم كص وكباب ..
ثالث يوم تبدي الطراگیع ..
تجي من كول مكان اقل ما بيها الفقرة الي يستعطون من الاخرين
ياربي شلون لزگة .. واول مرة رحت لبغداد بعد دخول الامريكان للعراق ..
ما ادري شنو القصة .. كلما اطلع يلتم عليه بنات ونسوان ورياجيل من الفقرة
تگول بس اني بالكرادة دا امشي .. المهم ياهو الي يطلب مني فلوس
ما ارجعه ابد بين الالف والخمسمية دينار ..
ومرة انقهرت علة فد فقيرة يعني دمرتني شلت خمس دنانير وانطيته
ياربي غير اتجلب وتگولی لا ما اریدهه انطيني عشرة  
مر شهر شهرين ياربي خلصت فلوسي ..  
ونصها على الفقرة موزعهن ..  
المهم بعدها افتهمت بابا ما كو فايدة الي يريد ينطي لكل فقير يمر بيه
يعني يموت من الجوع هو ..
ومرة الحلو صارت عندي شغله وين بالكاظمية .. ياربي شلون شوديني
شلون التقي بهذا الشخص .. لازم اروحله لهناك .. المهم رحت الشارع الرئيسي
الي يودي للمنطقة القريبة على المركز في كالظمية مزدود .. لازم امشي
ياربي نزلت براس الشارع .. وبدون اي تكبير للموضوع ولمن دخلته حسيت
اني دخلت بشارع الي بيه مخلوقات عجيبة كأنهو فلم رعب وربكم ..
هذا الي واگع على صفحه رجليه مگطومة وماد ايده يستعطي ..
وهاي العجوز الي تمشي مثل زومبي على البطئ وهم تستعطي من الناس
وهذولة على حافة الشارع الي يبعون الاشياء ..
ياربي بين يصرخون بين ما راضين على اكبر واحد
كول واحد بيهم ما ادري ليش مگلوبة خلقهم المساكين جان وياية ابن عمتي
گولتله وسام .. شنو هاي شبيهم شنو مضروبين كيمياوي الجماعة ..
المهم ما ادوخكم اهل العراق مو مثل ما جانوا ابدآ ابدآ ابدآ ..
الي يروح اول يومين فرحان وبعدها يگول ساعت السودة علة جيتي  
هسة تروحون وتشوفون وتعرفون اكيد انو العراق ميرجع بعد عشرين سنة ..
هسة ادري ناس العراق الأصليين اهل بغداد وين صاروا ما ادري ..
هذا غير اللهجة الفسگانة .. يعني الاغلب يحجون بلهجة القرية والي يكول لعد
يحسبوه جايهم من فرنسا ..  
بس ياعيني العراقيين الي هناك والله مظلومين ظلم ما صاير .. بس ادري
ليش صاروا وصخين .. يعني ندري فگر زين ماكو حمام عجيب هذا عن الاغلب ..
اني اذكر فد وكت .. الي يريد يشتري من المحل الي بصف بيته يستحي يطلع بالبجامة ..
هسة يسافرون لامريكا بالدشداشة ..
وتشوفون يفترون بالشوارع من منطقة الى منطقة يعني بالكرادة بوسط السوق
كرادة داخل يفترون بالبجامة ولا كأنهو .. واكو فد جملة وين ما اروح اسمعهه .. وين ما اركب تكسي
اول شئ يسألوني الي انت منين ..  اگوله عراقي يگولي لا منين ..
هسة اني مزنجر واسمر .. وعيوني شرح  
هاي لويش ومنين يعرفون اني ماعايش بالعراق ما ادري ..
المهم ما اطولها عليكم حبايبي اي شئ تحتاجوه من العراق العظيم اني بخدمتكم
اصدقائي ياربي شگد حجيت اني  
بس بقت هاي يمكن اغيب عنكم فد شكم يوم او اسبوع اعذروني لعدم تواجدي
تحیاتي الکم یاغالین ااصدقائي المحترمین ...
 

[غجرية]

اهلا وسهل بيك
 ياعيني لتحجي على الفقرة والله هم خطية
ههههههههه
زادو مو , ذكرتني بموقف
مرة رجعت للبيت بدون كروة
وضليت بالسيارة محتارة ماادري شسوي منين اجيب الفلوس وادفع الكروة
من ورة الفقير انطيت للفقير واني ضليت
ومرة خطية رجال  فقير بس جان يبيع ملابس ولتشوف المنضر والله يبجي واني هلكد ما انقهرت عليه
ضليت اباوع عليه وامشي لمن صعدت السيارة وتندمت متاشتريت من لحد الان مانساه هذاالمنضر
وغيره وغيره على كواتك.
واله انتضر احجي وياك حتة اعرف شوكت تجي ونشوفك
ياهلة وكل الهله  احنا بانتضارك
 لتخاف بغداد آمنه لعد اني شلون اروح واجي للاكاديمية
جان متت من زمان
  [/size]

[haigo]

صديقي العزيز اني طلبي تسلم على اهل بغداد اي كان مهم عراقي ورحية هلي


 كولهم اكو وحده مشتاقه لاهل بغداد وشوارع بغداد وازقة بغداد ان كان صغير ام كبير ولا اطلب الا ان ترجع سالم النا وتنور المنتدى


 لا تنسى صديقي ان تسلم على حبيبتك هشام اهتم بها كثيرا وحاول ان تسعدها ربي يديم الفرح بينكم والسعاده امانه هشام لا تزعلها فلتكن

معها كما كالظل رافقها بحبها وحزنها وفرحها


لكم اجمل تحايا مني كونوا بخير


  

[كيتاريست فلامنكو]

الرائعين الذين تواجدتم هنا
بكل حب واحترام اقف اليكم اشكركم على تواجدكم
وروعة انسانيتكم وطيبكم .. ممتن حقآ لكم جميعآ اسف
الان اصبح الفجر عندي اعتذر ان لم اكتب لكل منكم
رد خاص به اشكره جزيل الشكر على محبتكم وروعة طيبتكم ..
اتقدم اليك بكل تواضع ولي الشرف ان اقول ..

السيدة الموناليزا الانسانة الطيبة .. كلك لطف علي دومآ
كلماتك الرائعة معي دومآ ممتن لك عليها لانها واضحه بصدقها سيدتي المحترمة
لا اعرف بماذا اجازيك على افضالك علي انت الصديقة الطيبة الحنون ..

اللآنسة غجريه المترمة كلك ذوق لكني لا اعتقد سوف يكون لقاء للاسف
لاني سوف اذهب ربما اولآ الى الكرادة ثم الى بيت عمتي ام وردة ..
لست مصمم على شئ اين سيكون مقري لهذه الفترة ..
ممتن لك على كل شئ وكرم اخلاقك علي ..
خالص شكري لك صديقتي المحترمة

هايگو الانسانة الرقيقة الرائعة ممتن لك على تواجدك وعلة كل شئ وضعتيه
اكيد حبيبتي يصلها سلامك واكيد لن اجعلها تحزن (( غير اموت نفسي ))
سوف اسلم لك على بغداد عند اول دخلي لها اكيد وعلى كل اهلها سلامآ من بعيد
ممتن لك صديقتي على كل شئ وشاكر

لاتنسوا ايها الغالين المنتدى هو مكاننا المقدس الذي نلتقي فيه ويجمعنا بمجبة ...
كل يوم كونوا فيه ازرعوا ورودكم واجعلوا منه جنة دائمة ..
يتمنى اي شخص يمر بكم ان يكون معكم
اليكم احر تحيتي وخالص احترمي وكل تقديري

[sandy 88]

 هلو هشام شلونك جنشوفك فرحان اليوم نتمنالك زيارة جميلة وايام حلوة ان شاء الله تقضيها في بغداد وهالمرة تكون شوية مختلفة عن باقي المرات وان شاء الله ترجعلنا بالسلامة ونشوفك من جديد.

[sarroba garabet]

الصديق الرائع هشام الغالي
شكرا لانك تفتقد اصدقاءك ليس لنا اي طلب خاص سوى طريق السلامه وتعود بالف سلامة وتكون موفقا في رحلتك كلنا في انتظارك وانتظار جديدك ليحفضك رب المجد