المحرر موضوع: سوريا و مستقبل شبابنا  (زيارة 1947 مرات)

0 الأعضاء و 1 ضيف يشاهدون هذا الموضوع.

غير متصل Senalko

  • عضو فعال جدا
  • ***
  • مشاركة: 179
    • مشاهدة الملف الشخصي
    • البريد الالكتروني
سوريا و مستقبل شبابنا
« في: 17:00 29/08/2006 »

اعزائي الشباب، موضوعي اليوم يطرح حالة اجتماعية يمر بها شبابنا العراقي في ظل الظروف التي يمر بها الوطن و  شبابنا المسيحيين المغتربيين.

لقد لاحظت منذ سنة او اكثر حالة جعلتني افكر في اهمية و خطورة هذه الظاهرة. انتم تعرفون ان الاوضاع السيئة في العراق جعلت من اهلنا الهجرة الى بلاد المهجر. سوريا اصبحت بلد الاغاثة لاهلنا المتشردين و الان هناك ما لا يقل عن الالوف و مئات الالوف، الجميع يعيشون حالة يئس بسبب الصعوبات من الحصول على الفيزا او الهجرة في دول متقدمة كامريكا و اوربا.

من هنا اصبحت سوريا بلد شهر العسل لشبابنا، قصة بعد قصة اسمعها عن فلان و فلان ذهب الى سوريا و تزوج في اسبوع او اسبوعين،و ذهب الكثير من الشباب و رجعو قائلين بان الزواج في سوريا صاير مثل الزلاطة، يعني لو تريد ملكة جمال ستجدها, و مهما كانت ثقافتك او وضعك المادي, اذا كان عندك ايقامة في الخارج فانت متزوج من اول يوم...

سؤالي لكم يا اخواني، هل مريت بهذه الظاهرة؟ و ما رائيك بها؟


اذا كنت شاب على وشك الزواج و طلب الاهل منك الذهاب هناك للبحث عن شريكت حياتك، فهل تذهب او ترفض الفكرة ؟

  Me with my   cousin


غير متصل Loleeee

  • اداري
  • عضو مميز متقدم
  • ***
  • مشاركة: 9129
  • الجنس: أنثى
    • مشاهدة الملف الشخصي
رد: سوريا و مستقبل شبابنا
« رد #1 في: 17:21 29/08/2006 »
موضوع جميل اخوية سينالكو
بصراحة اني هم سمعت بهالشي و هواية من شبابنا راحو لسوريا وتزوجو اهناك بالاخص اللي يجون من الخارج اقصد الدول الاوربية و البنت اكيد توافق 100% لان هذا الشاب راح يكون معين الها حتى يطلعها و يعيشها بغير بلد و بغير بيت يعني راخ يوفر الها كل شي يعني توافق احسن من ما تبقى بسوريا كاعدة بس ما اعرف شنو هي مخاطر هذا الشي اخوية انتظر اجابات اللي مارين بهالشي ..

وشكرا على الموضوع 

غير متصل البغدادية المهاجرة

  • عضو فعال جدا
  • ***
  • مشاركة: 102
    • مشاهدة الملف الشخصي
رد: سوريا و مستقبل شبابنا
« رد #2 في: 20:40 29/08/2006 »
مساء الخير يا اخ سينالكو وشكرا على هذا الموضوع الحلو

اني من سوريا بس عراقية  وهذه الظاهرة  هواااااااااااااية منتشرة  وازيد على معلوماتك انه يجي الشاب من

الخارج خلال 3 ايام يشوفلة بنية ويزوج  وهاي الخالة صايرة  واني شايفتها متكرر كذا مرة  يعني صاير الزواج ا

 اهنا  تجارة او الحصول على فيزا  وحتى لا الولد يعرف البنية ولا هي تعرفة بس مجرد احد الطرفين جاي من الخارج

ومع الاسف على هذا الحال الي دنمر بيه  احنة العراقيين خلانة نتغرب ونفوت بهيجي وضع

بس انكول الله كريم وانشاء الله ينفرج هذا الهم عن بلدنا

ومرة ثاني شكرا الك

مع تحياتي البغدادية المهاجرة

غير متصل RoOoVi

  • أداري دردشة
  • عضو مميز جدا
  • *
  • مشاركة: 3343
  • الجنس: ذكر
  • اتمى لو لم تخلق الحياة لكي لا اعيش فيها دون حبيبتي
    • MSN مسنجر - rovan_85@hotmail.com
    • مشاهدة الملف الشخصي
    • البريد الالكتروني
رد: سوريا و مستقبل شبابنا
« رد #3 في: 00:09 30/08/2006 »
شكري الى صاحب الموضوع
فعلا موضوع مهم و حساس


فعلا ظاهرة غريبة سامعين فيها اهنا بالسويد
اكو هوايه شباب دايروحون من بلد اوروبي الى سوريا لهذا الغرض
بس اني دائما افكر شلون يكدرون يعيشون ويه بعض ؟؟؟
وشلون ديعيشون وهم مايعرفون بعض ... لان حسب علمنا ان الزواج هو تفاهم وثم تعايش بحياة امينة وسعيدة 

بالنسبة اللي هذا الشي غلط
واتمنى من اللي يتزوج يفكر شويه ... لان الزواج مو بس فت يوم او يومين .. الزواج هو بناء مستقبل جميل
[/color]



قبل ان تثور في وجه احد بسبب اخطائه ، تمهل وقتا تعد فيه عشرة من اخطائك

babylon_11_1

  • زائر
رد: سوريا و مستقبل شبابنا
« رد #4 في: 01:33 30/08/2006 »
بصرحه الموضوع صحيح واني شفت بعني واني جنت بل حفله مل شاب اكبر دايح من سويد اتزوج بنت معلمه وهيا متعرف عنو شي بس علمود الخارج طبعن هيا عشره مرات اروح لسوريا خلال هل الفتره وكل مره اروح معزوم بعرس واحد من الخارج   بس مع الاسف لو بس تشوفون الشباب الي يجون كبار بل عمر ويردون بنات 17 سنه او 18 وهما اما راضين  مع الاسف  شكرا على الموضوع

غير متصل USA29

  • عضو
  • *
  • مشاركة: 11
    • مشاهدة الملف الشخصي
    • البريد الالكتروني
رد: سوريا و مستقبل شبابنا
« رد #5 في: 03:56 02/09/2006 »
الف شكر اخي على طرح هذا الموضوع الذي يخص الاف من شبابنا
بخصوصو هذا النوع من الزواج هو من انواع المصلحة ليس كله بل 90% من حالاته . وصدقني هذا الزواج مصيره الفشل بعد فترة وجيزة لان التفاهم هو اساس الزواج الناجح وليس الحصول على الفيزا الى امريكا او اوروبا او كندا هو الاساس . وانا هنا اعيش في امريكا شاهدت العشرات من حالات الطلاق بين رجل كان مقيم هنا و زوجته التي جلبها من سوريا اوالاردن ومع الاسف الشديد .. بالمختصر المفيد زواج تجاري يعني سلعة تباع وتشترى واصبحت بناتنا مثل اي جهاز موجود في السوق  له سعر وله قيمة مادية واستغلال لضروف البنت وشرائها بثمن بخس . فماذا تتوقع من البنت عندما تصل الى امريكا او كندا وتحصل على الاقامة ؟  اول ما سوف تقوم به هو الطلاق وخاصة ان القانون في هذه الدول يحمي المراة بصورة لا تصدق
يعني تنتقم من الذي استغلها في الماضي القريب

مع شديد وشديد الاسف يا بلاد الرافدين

غير متصل لانس كونوي

  • عضو فعال جدا
  • ***
  • مشاركة: 828
  • الجنس: ذكر
    • مشاهدة الملف الشخصي
رد: سوريا و مستقبل شبابنا
« رد #6 في: 05:20 17/06/2007 »
مشكور أخي الكريم عالموضوع القيم

غير متصل gardinya_ad

  • عضو
  • *
  • مشاركة: 16
    • مشاهدة الملف الشخصي
رد: سوريا و مستقبل شبابنا
« رد #7 في: 07:50 17/06/2007 »
عاشت ايدك موضوع كلش حساس ومفيد

وهية هاي المشكلة الاكبر من هيج انتو دتشوفون حالات الطلاق  بسنوات الاخيرة بين المسيحين خاصا انتوا قارنوا  حالات الطلاق هسة وقبل اصلا قبل لو 1%مجان اكو  وهسة مشالله بلا سبب ديطلقون  وماعدا المشاكل بين الزوجين... بس منو السبب هل هية البنية وحدها الملامة اكيد لا الاهل عدهم دور كلش مهم هنا بس همة هم شيسون يعني الهم حق يفكرون بمستقبل اولادهم لين همة مصيرهم شنو بسوريا وميكدرون اكيد يرجعون لعراق لين يوم بعد يوم الاوضاع دتصير اخرب ........الله يساعدهم ويساعدنا

واني ضد الفكرة اكيييييييد وابد ما اشجع الشباب على هيج زواج لين الزواج مو يوم او يومين هية الحياة بكاملها وتخيل انت حياتك مع وحدة مدا تتفاهم وياها ولا انت تغير طبيعتك ولا هية ....

غير متصل nuhra

  • الاداري الذهبي
  • عضو مميز متقدم
  • *******
  • مشاركة: 33582
  • الجنس: أنثى
  • الرب راعي فلا يعوزني شي
    • مشاهدة الملف الشخصي
رد: سوريا و مستقبل شبابنا
« رد #8 في: 11:34 17/06/2007 »
شكرا سينالكو على الموضوع المهم
وفعلا هذي حالة واضحة جدا انه يجون شباب من دول معينة ويختارون البنات العراقيات المغتربات في سوريا وغيرها واعتقد يستغلون انه هذي البنية تريد تستقر والاهل يريدون يخلصون من مسؤوليتها بين ما يتنقلون من مكان لاخر
واكيد هذي العوامل راح تاثر على قرار البنت بحيث توافق على الشاب اللي يجي من الخارج ويغريها بالاستقرار والعيش الرغيد
وهذا هو زواج المصلحة اللي راح يؤدي الى التفكك الاسري

غير متصل FreeManEyes

  • عضو مميز جدا
  • *****
  • مشاركة: 4663
  • الجنس: ذكر
  • أحبوا بعضكم بعضــاً ... كما أنــا أحببتكم
    • مشاهدة الملف الشخصي
رد: سوريا و مستقبل شبابنا
« رد #9 في: 13:06 17/06/2007 »
يسلموووووو يا ورده على طرح الموضوع والحاله .

للاسف هواااااااااااااااااااااااااايه د تصير لحد الان مو بس بسوريا لكن في كل الدول الي ألتجىء الها ابناء شعبنا و المشكله هذا الزواج هو بس للخروج من الحاله و مو مهم منو او شنو هو العريس أو منو و شنو هي العروسه . للاسف د يرمون انفسهم في نار من غير تفكير فقط للخروج من وضعه الي مو بس همه يعانون منه لكن هناك الكثيرين مثلهم بس ما يسوون هذا الشيء