لحكولي حدث مالم يكن في الحسباااااااااااااااااااااااااااااان

[steven_siv]

اخوان وشون ماتعرفون اجتلي الفيزة وجبتها ودزيتها لل iom علمود يمشولي شغلة السفر يعني من حجوزات و................. الخ المهم قبل سنة واكثر من سنة كان كفيلي من شيكاغو خلص عقدة من العراق سافر والمهم ورة فترة شهور اتصل بي يبلغني انه حصل على عقد للشغل في لبنان وكالي اخاف انت تجي ومتلكاني وتنلاص عليك حاول تلكالك كفيل غيري هاي الحجي جانت بوكتها الفيزة ماتتاخر بصراحة اني خفت وغيرتة يوم المقابلة بواحد غيرة بكالبفورنيا وكالولي اوكي سوينا تحديث بخصوص الكفيل ومن استلمت الفيزة هم كاتبيلي ورقة بيها معلومات من ضمنها معلومات الكفيل ومالتي عنوان الكفيل اللي بكاليفورنيا بس زوجتي معلومات الكفيل القديم اللي بشيكاغو هاي اول شي ؟
2 شي والاغرب اجالي ايميل من الاي او ام الاردن يبلغني باجراءات السفر ويسال كم سؤال مثل من وين تريد تسافر ؟ اي تاريخ الك مناسب ؟ المهم الغريب هوة كاتبيلي انه وجهتك  النهائية هي اوريغون . بورتلاند يمعودين احد ماعندي هناك شسوي
وخابرت كفيلي اللي بكاليفورنيا كلت اخاف انت متريد اجي وتكفلني كال لا جايلي منهم لاتلفون ولا ايميل واكد انه ادزلهم ايميل بالتاكيد على ان لامشكلة له بان يكون كفيلي
شسوي

[فارس العراق 90]

تكدر اخويه العزيز من توصل اي وحده من الولايات بعدك بلمطار اتغير بس الطيران على احسابك او تنزل بوحده منهن وتستلم الكرين كارت وهم اطير على احسابك لاي ولايه اتريده بس اهم نقطه اطلع من العراق ولا تغير شي
الله ايسهلك انشاء الله

[مترجم سابقا]

اخويه العزيز قبل كلشي اسال الله الك التوفيق  وثانيا دز الهم ايميل ووضح الهم بانه انته  كفيلك بولاية كليفورنيا وماعندك كفيل بولاية اوريغون  واطلب منهم انه انته تريد  تروح يم كفيلك في كليفورنيا وارسل الرساله باسرع وقت اخي العزيز هذا المقترح انه اكوله الك عن اجتهاد شخصي لا عن تجربه عسى ان رب العالمين يفرج عليك  واتمنه الاخوان الي عدهم تجربه شخصيه او معلومات عن الموضوع يجون يساعدوك ومن الله التوفيق

[SIV NASSA]

بلغهم بايميل والله كريم

[ابو بنين]

الاخوان في امريكا واصحاب الخبرة في هذه المسائل رجاء لا تعوفون اخوكم ستيفن يا ريت تساعدوه

[espero]

يابه دزلهم ايميل قبل متسافر ...على الاقل حتى تتاكد ان المنظمة مرتبيلك كلشي

[abo shams]

والله اخي بورتلاند اكو بيع عراقيين مو هواي و ايضا منضماته كلش زينه حسب ما سمعت ... يجوز ربك رايدلك الاحسن قبل ما تبعثلهم اي شي استفسر احسن و اعرف اخبار هذه الولاية ... اعتقد متخسر شي

[Aiham_]

والله اخي بورتلاند اكو بيع عراقيين مو هواي و ايضا منضماته كلش زينه حسب ما سمعت ... يجوز ربك رايدلك الاحسن قبل ما تبعثلهم اي شي استفسر احسن و اعرف اخبار هذه الولاية ... اعتقد متخسر شي

كأنك في قلبي 

[الطيار العراقي]

حبيبي اقتنص الفرصة وروح سافر لا تدز ولا تسوي ............ واريغون افضل من كالفورنيا بكل المقاييس

[مغترب بلا وطن]

الخيرة فيما اختاره الله

[علشحن]

حبيبي ستيفن اني البارحه لكيت كفيل ببورتلاند ومثل ماكالو الاخوان تعتبر من الاماكن المرغوبه والهادئه والجميله ---والاجمل والاروع هو ان عدد العراقيين قليل جدا اضافة الى انها تفتقر بالكامل الى الزنوج ---- وانت براحتك

[husam2009]

الخيرة فيما اختاره الله ....توكل حبيبي والله يسهله عليك ان شاء الله ..رأي الشخصي كلشي لاتغير واذا وصلت هناك وماعجبتك تكدر تغير بكيفك مناك احسن ما تبقى بالعراق وما كو شي مضمون هنا بالعراق فاخوية توكل على الله وان شاء الله تنفتح كل ابواب الخير بوجهك

[Tulip]

أخي ستيفن بالخير عليك الفيزا اولا
ثانيا هواية من اللي ديجون اس اي في دتصير وياهم هاي الحالة ديغيرولهم الولاية ومن الملاحظ بالشغلة انو هي دتصير ويا العزابية يعني انت مو اول واحد يعني السبب مو منك ابدا بس مدنعرف شنو السبب، أخي اتوكل على الله وأطلع وتريد الصدك ترة اوريغون احسن من كاليفورنيا. لاتفكر بهاي الشغلات بس انت اطلع وربك يدبرها.

[salam83a]

اخوية اوريكون احسن ولاية واني انشاء الله متوجهلهة واذا تريد احد يساعدك اكو ابو غادة مشترك بالموقع وهوة صارلة 6 سنوات هناك ويساعد العراقيين ابلاش
http://www.ankawa.com/forum/index.php/topic,568909.0.html

[alzandawi]

مبروك الفيزة وان شاء اللله توصل بخير وسلامه واني عندي اصدقاء بس كانو iomغيرو الولاية قبل ميطلعون باسبوع اتصلو بلكفيل بامريكا والكفيل راح للمنظمه ووقع الاوراق وسارفرو اله مباشر لانه كان سفرهم على لويزيانيا وبدلو لاريزونا والله يسهل امرك

[المسافر الحائر]

عزيزي صاحب الموضوع اتوكل على الله  بس اهمشي اطلع وخلي السفر ايصير حقيقي  شنو هاي السوالف (حصل مالم يكن بالحسبان )ووماعندي بيه كفيل  والحكولي  بس اريد اسالك هو اكو واحد امحصل سفر  زين اذا انته منهسة  دتسوي    مالم يكن بالحسبان      لعد بعدين اشلون  لازم تتوكل على الله وويكون عندك طموح وتواجه كل الضروف  ترة امريكة بلد رائع  للليترك  الحياة الفنطازية     اني مااعرف الجو بالعراق شلونة لاكن  اضاهر البارحة مامتغطي زين     مومشكلة  عزيزي



لاتزعل مني  اتمنالك السفر القريب  والموفقية

[engineermech]

الله كريم اخي حاول تتاكد من الولاية وكدامك الحلول هواية منه ترسل راسلة الهم بس خاف سفرك يتاخر

[steven_siv]

اشكركم اخوان على التوضيحات والتوصيات وعلى مشاعركم  ممنون منكم هواي

[ABO GADA]

اخي العزيز لتدوخ ولا ابد ولا اصل وياك اخوك ابو  غادة من ولاية اوريغن مدينة بيفلاتون قريبه 15 دقيقه من بورتلاند هائ  عنواني وتلفوني وايميلي وان  شاء الله ما اقصر  هذا ايملي   راسلني علييه وان ئاء  الله كل  خير اتشوف


thevykinge@yahoo.com         

دز لي ايميل راح اجاوبك بعنواني وتلفوني  وكل شي  عله هذا الايميل     




                                                                                                                                                                                             

[فارس العراق 90]

اخي العزيز لتدوخ ولا ابد ولا اصل وياك اخوك ابو  غادة من ولاية اوريغن مدينة بيفلاتون قريبه 15 دقيقه من بورتلاند هائ  عنواني وتلفوني وايميلي وان  شاء الله ما اقصر  هذا ايملي   راسلني علييه وان ئاء  الله كل  خير اتشوف


thevykinge@yahoo.com         

دز لي ايميل راح اجاوبك بعنواني وتلفوني  وكل شي  عله هذا الايميل     




                                                                                                                                                                                             

بارك الله بيك اخويه  لمساعده اخوانه والله اينور طريقك دوم

[ريم عبد]

اخي العزيز ستيفن
اولا الف مبروك على الفيزه وان شاء الله يوم السفر وبالتوفيق
ثانيا اذا ردت تروح يم كفيلك بكاليفورنيا  اتدزلهم تاكيد انه انت ناطي اسم الكفيل وعنوانه وانت مراح اتسافر الا لكاليفورنيا لان عندك بيها كفيل
وراح يغيرولك الولايه قبل ميحجزولك بطاقة السفر
وهذا صار عند هوايه من الاصدقاء وخصوصا مع ولاية كاليفورنيا دتصير هاي الحاله

ثالثا وهوه الحل الافضل انه اتروح على اوريغون بورتلاند لان هيه احسن من كاليفورنيا من ناحية انه المنظمه الي بيها تعتني بالاجئ اكثر
بالوقت الي بكاليفورنيا المنظمه مالها علاقه بالاجئ ولازم الكفيل يستلمه من الالف للياء وهمه بس ينطون الفلوس ويديرون وجهم
فاذا انت كفيلك مقتنع بي انه يكدر يقوم بيك بكاليفورنيا فدز ايميل للمنظمه
اما اذا اتشوف المنظمه احسنلك فاتوكل على الله وسافر على اوريغون
اعرف هسه انت قلق بسبب هذا التغيير لان اتغير تخطيطك باخر لحظه
وهوه بله شي السفر وحده يجيب القلق بس ان شاء الله يوجهك للطريق الصحيح

[yasir fakhri]

الاخ العزيز ستيفن مرة ثانية الف مبروك لاستلامك الفيزا وراي تتوكل على الله ومتسوي اي تحديث على قضيتك وصدكني من جميع النواحي المنظمة تهتم بيك اكثر من الكفيل لانه راح يكونون الريفرنس مالتك بالشغل وكفيلك باي شئ تحتاج كفالته ومراح يتعاجزون من مشاويرك ومراجعاتك واشوف صعبة تلكه كفيل عنده امكانيات وكادر المنظمات وارجو ان لاتضيع فرصة اوريغن لانه اورغن احسن بهواي من كاليفورنيا بل حتى احسن من شيكاغو
توكل بالله والخير فيما اختاره الله وخلينه نسمع اخبارك توصل بالسلامة انشاءالله ومن توصل خلينه نسمع اخبارك
وخلي في بالك اي تحديث على المعلومات راح يأخر سفرك
اخوك ياسر

[الشكريتي]

اخوان وشون ماتعرفون اجتلي الفيزة وجبتها ودزيتها لل iom علمود يمشولي شغلة السفر يعني من حجوزات و................. الخ المهم قبل سنة واكثر من سنة كان كفيلي من شيكاغو خلص عقدة من العراق سافر والمهم ورة فترة شهور اتصل بي يبلغني انه حصل على عقد للشغل في لبنان وكالي اخاف انت تجي ومتلكاني وتنلاص عليك حاول تلكالك كفيل غيري هاي الحجي جانت بوكتها الفيزة ماتتاخر بصراحة اني خفت وغيرتة يوم المقابلة بواحد غيرة بكالبفورنيا وكالولي اوكي سوينا تحديث بخصوص الكفيل ومن استلمت الفيزة هم كاتبيلي ورقة بيها معلومات من ضمنها معلومات الكفيل ومالتي عنوان الكفيل اللي بكاليفورنيا بس زوجتي معلومات الكفيل القديم اللي بشيكاغو هاي اول شي ؟
2 شي والاغرب اجالي ايميل من الاي او ام الاردن يبلغني باجراءات السفر ويسال كم سؤال مثل من وين تريد تسافر ؟ اي تاريخ الك مناسب ؟ المهم الغريب هوة كاتبيلي انه وجهتك  النهائية هي اوريغون . بورتلاند يمعودين احد ماعندي هناك شسوي
وخابرت كفيلي اللي بكاليفورنيا كلت اخاف انت متريد اجي وتكفلني كال لا جايلي منهم لاتلفون ولا ايميل واكد انه ادزلهم ايميل بالتاكيد على ان لامشكلة له بان يكون كفيلي
شسوي

  السلام عليكم
 اولاً  احب اهنيك على الفيزا   واريد اوضح  فد شيء  مهم    انه العنوان اللي تنطيه  بيوم المقابله  هو مو شرط  يكون عنوان الكفيل    لكن هو العنوان اللي راح  يدزن عليه الــ  Grren Card !!  هذا الشيء اللي  فهمته من موظفة السفاره
 زين انت قبل  ما دزيت عنوان الكفيل للــ IOM ؟  لا مساله  الكفيل  هي كلها  يم الــ Iom ؟

مع وافر  حبي  وتمنياتي  بالتوفيق الدئم

[abuyousor]

اخي العزيز اذا انت مصر على التغيير الى كالفورنيا فتبعث ايميل للمنظمة وبنفس الوقت تطلب من كفيلك في كاليفورنيا يروح على اي منظمة خيرية ويطلب انترست فورم ويعبي بيها تفاصيل الكيس مالتك يعني رقم الملف وعدد الاشخاص واسمائهم
هذا احسن شي تسويه اذا تريد تغيير وهي ما تاخر هواية يمكن اسبوع او 10 ايام واني سويتها قبل اسبوع

بس الاخوة يكلون انه اويغون احسن فالقرار يعود الك وحسب ماعرف اويغون يعيبها فقط كثر الامطار 10 اشهر بالسنة يعني راح تتنكع

[kunda]

اخي العزيز ستيفن
اولا الف مبروك على الفيزه وان شاء الله يوم السفر وبالتوفيق
ثانيا اذا ردت تروح يم كفيلك بكاليفورنيا  اتدزلهم تاكيد انه انت ناطي اسم الكفيل وعنوانه وانت مراح اتسافر الا لكاليفورنيا لان عندك بيها كفيل
وراح يغيرولك الولايه قبل ميحجزولك بطاقة السفر
وهذا صار عند هوايه من الاصدقاء وخصوصا مع ولاية كاليفورنيا دتصير هاي الحاله

ثالثا وهوه الحل الافضل انه اتروح على اوريغون بورتلاند لان هيه احسن من كاليفورنيا من ناحية انه المنظمه الي بيها تعتني بالاجئ اكثر
بالوقت الي بكاليفورنيا المنظمه مالها علاقه بالاجئ ولازم الكفيل يستلمه من الالف للياء وهمه بس ينطون الفلوس ويديرون وجهم
فاذا انت كفيلك مقتنع بي انه يكدر يقوم بيك بكاليفورنيا فدز ايميل للمنظمه
اما اذا اتشوف المنظمه احسنلك فاتوكل على الله وسافر على اوريغون
اعرف هسه انت قلق بسبب هذا التغيير لان اتغير تخطيطك باخر لحظه
وهوه بله شي السفر وحده يجيب القلق بس ان شاء الله يوجهك للطريق الصحيح

ريم عبد صح الصح ... فعلا المنظمات بكاليفورنيا مالها علاقة بشي ,,وخلي ابالك انه اغلب اليشتغلون في هذه المنظمات في كاليفورنيا هم من العراقيين والعرب وبعض الافارقة ((وللأسف الاغلبية منهم من النوع اللي راح تندم انك تعاملت معه)) .اني ورا رأي اختنا ريم

[ABO GADA]

عمي  نصيحه  لله  لاتسوي  اي  ابديت المعاملتك  خليهه  تمشي  هيج  وان  شاء الله من تجي  يمنه  اني  راح  تلكاني  بالمطار مال  بورتلند  واكفلك انتظرك   عشرين  عائبلة  وصلتهم من المطار ولايتنه  حلوة اتخبل  او بيهه مساعدات هواية بس  بيهه  مطر  هواية لا اكثر

   هله  بيك بمدينة بورتلند

[steven_siv]

الله كريم

[مدام كوري]

اشلونك اخويه

اني اكول اتكل على الله وخليهه هسه بلكي رب العامين كاتبلك الاحسن .............وشوف الوضع هناك شلونه ......يعني ابقى بيهه فد 6 اشهر اقل شي

واذا مرتاحيت تكدر تسويلك سيرج على الولايات وانت هنا وتشوف ياهو الاحسن الك وتنتقل الهه

اني اشوف ما طول انت بالعراق سافر وتوكل والله كريم .........اخاف تغيرهه ويصير تاجيل لا سامح الله

روح بفالك والله يفتحهه بوجهك وين متروح........ويرزقك من اوسع ابوابه

مع التحيه  والموفقيه للجميع

[steven_siv]

ممنون مدام كوري اشوف شراح يكون رد المنظمة لان دزيتلهم رسالة وهي تصفى

[lord.baghdad]

اخوية ستيفن ترة بالاضافة للي كالو الاخوان على اوريكون من جمال وطبيعة ونظافة واهتمام بالبيئة وجوها المعتدل ومابيها زنوج والى اخرة ترة اريكون مابيها ضريبة على المشترياااااااااااااااااااات يعني من تشتري حاجة تاخذها بسعرها بدون اي اضافات وهي كلش خوش ولاية وكلش تعجبني وناسها جدا راقين ومثل ما كال احد الاخوان انته اهم شي تطلع من العراق وتوصل امريكا وبعدين اختار المكان الي يعجبك اهم شي لاتخربط عليك سفرتك وتاجل السفر


تحياتي

[steven_siv]

ممنون لورد بغداد ع النصيحة الحلوة طبعا راح اتوكل والله كريم واتمنى تكون خير بس الشغلة هي انه اهل زوجتي يعيشون بكاليفورنيا فهاي الشغلة اللي ردت اوضحها كل ماردناه ان نكون قريبين وع الاقل يمشون امورنا لحد ماافتهم الشغلة اهناك والمهم راح اشوف شون اتصير وراح اوافيكم بالمستجدات لان لحد هسة مجاوبوني من الاردن لان دزيتلهم رسالة