سوال يخص معاملة سحب الزوجة الله يبارك بيكم

[حبزبوز1]

السلام عليكم اخواني جميعا ارجو مساعدتي ممن يملكون معلومات عن الفورم i 130 والخاص بطلب سحب الزوجة اذا ارسلته بالبريد في البداية ارسل الفورم وحدة مع الصك الخاص بالتكلفة لو ادز  وياه اوراق اخرى كعقد الزواج وصور الجنسية وغيرها ممن تثبت العلاقة لان البعض اخبرني انهو ادز الفورم وحده في البداية وهم يراسلوني ويطالبوني بالمستمسكات ارجو من ذوي الخبرة او ممن مر بالتجربة ان يساعدوني بالمعلومات وللعلم انا مقيم داخل الولايات المتحدة ( نيويورك ) وبارك الله بكم جميعا

[ABO GADA]

اخي  العزيز  اته منقدمت عله الهجرة لامريكة كتلهم اني  متزوج  لو  لا   لان  كل  حاله  بيه نموذج  خاص 
فاذا  جنت  كيللهم  اني متزوج  هايه كلش  سهلة لانك  راح تسوي  نموذج  I-730  لم  شمل اللاجئين او  هاي  كلش  سريعه  الفيزة  تروح للبلد اللي بيه  زوجتك


اما  اذا  اته هسه  دتسوي  معاملة زواج فهاي  شوية اتطول اكثر ماشي  عيني  بس  بالنهاية  هم فيزة تروح  للبلد اللي  بيه  زوجتك تكمل  اجراءات الفيزة فحص ومقابلة وتختم  وتجيك

[مــودي]

اخ حبزبوز للاستفادة من رأي ابو غادة

[حبزبوز1]

اخوية ابو غادة تسلم لسرعة الرد والله يبارك بيك اني طلعت من العراق قبل 3 سنوات تقريبا عادي على برنامج الاي او ام وقبل فترة قصيرة زرت الاهل بالعراق وصارت قسمة وتزوجت واني اعرف ان الفورم الي ذكرته هو الخاص الي بمثل حالتي طبعا هاي ما اخبروني به دائرة الهجرة بولايتي بس انته تعرف حبيت ان اجمع معلومات اكثر من الي عدهم تجربة او معلومة تخص الموضوع واهل الخير والطيبين امثالك وشكرا لك مرة اخرى ارجو ان تفصيلي انطاك صورة اوضح

[حبزبوز1]

الف شكر الك مودي يا وردة

[رماد الحب الضائع]

up

[ABO GADA]

من عيني اخ حبزبوز  بس  انطيني  ساعه   لان  هسه العصر  وصار  وكت المشي  اروح امشي  واجيك  اكتبلك  مفصل  ها  بس  لتضوج تحياتي

[حبزبوز1]

الف شكر عمي ابو غادة ما قصرت والله ..... اخوان سوالي هو اذا دزيت الفورم i 130 ادزه وحده وهمه بعدين يطالبوني بالمستمسكات الثبوتية لو شنو الفلم ... بلكي من اهل الخير المشتغل على هذا الفورم يسعفنا


اخوكم حبزبوز

[ABO GADA]

اخي  العزيز يجب ان ترفق كافة المستمسكات مع الابلكيشن  حنما مع التقدير

[بغدادي في عمان]

أخي
أرفق مع الفورمه واللي هيه I 130 عله ماأذكر ورسومهه 420  دولار موني اوردر معنون لل uscis  واللي الافضل ان يمليهه الك مختص بالمنظمه حتى لاترجع علمود جم فلس يصير نقص بمعاملتك وتتاخر
ارفق ابضا نسخه مترجمه للانكليزي من عقد الزواج مع نسخه عربيه
ايضا ارفق هويات الاحوال الشخصيه الجديده بعد الزواج
وايضا اذا عندك صور او سي دي لحفلة الزواج مع صور شخصيه للزوجه
امنياتي بالتوفيق
اخوك
من اوستن تكساس

[حبزبوز1]

شكرا للاخوان الي ساهموا بردودهم ومرة اخرى ما قصرت ابو غادة

والف شكر الك بغدادي في عمان .... كلامك صحيح واضيف اله هو لازم ترفق فورم اخر مع i 130 اذا كنت من حملة الجنسية او مقيم دائم ( كرين كارد ) هاي المعلومات عرفتها بعد ما عثرت على موظف ذكي بالهجرة يفهم بصورة صحيحة ......  وبالنسبة للصور الي تخص الزواج انشالله ارفقها بس سيديات هاي صعبة السيدي كله جوبي وكل ساع واحد مفرغ شاجور ... بس يشوفوا جماعة الفود ستامب دزنا وره الشمس 

اخوكم حبزبوز

[مايكل اندريه85]

up

[sacramento]

اخي العزيز ....بعد التحية
قانون الهجرة ينص على (يحق للاجيء استقدام زوجتة واطفاله الذين لا يتجاوز عمرهم ال18 سنه في فترة لا تتجاوز السنتين من تاريخ دخوله للولايات المتحدة على ان يكون اللاجيء متزوج قبل قدموه الى الولايات المتحدة وليس بعدها)وذلك من خلال مليء الفورم I-730 مدعم بصور الزواج او حفلة الزواج .
اذا كانت الفترة قد تجاوزت السنتين او ان عقد الزواج حدث بعد دخوله الولايات المتحدة فيتم مليء الفورم I-130ولكن للاسف ستبقى معاملته تحت اليد في دائرة الهجرة لحين حصوله على الجنسية الامريكية وعندئذ يتم النظر في الطلب والموافقة على الاستقدام.

وتستطيع ان تتاكد من ذلك عن طريق اي محام مختص بامور الهجرة .

واذا تحتاج اي ايضاح انا مستعد للمساعدة